لو سمحتو اريد طريقة لصيد سمك السلس وياليت لو يكون فيها صور ان وجد

[ابومكاري]

مساكم الله بالخير جميع
ياريت لو تعلموني كيف اعرف اذا كان السلس موجود في اي منطقه اروحها وكيف اقدر اجمع السلس من المكان الي انا فيه واخيرا اريد معرفة وطريقة صيد سمك السلس عشان استخدمه طعم للكنعد وجزاكم الله خير وتقبل الله منكم صيام شهر رمضان

وهذا ايميلي واذا كان حد من الامارات هذا تلفوني unf_uae@yahoo.com
0506133626

[A B D U L L A H]

ماشاء الله عليك ... ( آفضل طعم للكنعد - السلس ) وما ادراك ما السلس ههههههـ :D


//


شوف اخوي ... العده المطلوبه :


* قصبه ( صغيره )
* خيطها يكون نحيف جدآ وشفاف
* طفاحه آو ( عوامه ) - يجي لونها آحمر ومخروقه من النص
* ثقل من النوع الطويل ... ( ماهو ثقل الدمعه ولا الثقل الدائري المتحرك ) يجي نحيف ومخروق من نالص
* ميدار ... آصغر مقاس آو الآكبر منه على طول
* وآهم شئ [ عجينه متماسكه وقاسية + كيس خبز ( عيش ) آو - صامولي
//


الطريقه :


* جيب الطفاحه ودخل الثقل بداخلها بحيث تكون غير متحركه ( بإمكانك إدخال الخيط فيها )
وممكن تستعمل مدور بمقاس فتحة ( الطفاحه ) بالضبط بحيث مايتحرك عند الرمي


* آربط طرف الخيط الموصول بالسنارة في ( آحد آطراف المدور بالطفاحه )


* آقطع خيط نحيف جدآ ... ( من نص متر إلى متر ) على حسب العمق لديك
وآربط بآحد آطرافه ( الميدآر ) الصغير ... ثم آربط الطرف الآخر بالطرف الآخر من الطفاحة


بحيث يجي الشكل هكذآ :


.......( الخيط الموصول بالسنارة )............(||||)...........( خيط الميدار )...........,


^^^


اللي في النص يكون [ الطفآحه ]


* خذ كم حبه من الخبز آو الصامولي ... ولف عليها خيط آكثر من مره وآعقدها بحيث ماتنفك بالمويه
ثم خذ خيط طويل ( على طول العمق لديك ) وآربطه بالخبز ...
و الطرف الآخر المعاكس للخبز آربط فيه ( حجر ) بحيث لاتتحرك من الآمواج وتكون ثآبته وقت آطول
وآرميها قدامك بالبحر ( مكان تواجد السلس ) علشان يتجمع ويصير قريب من الشآطئ

وإنتبه من ( المجوه ) ترآه بيخرب عليك :D


* والطعم يكون العجين ... ( وآنصحك تستخدم للعجين - الطحين الكويتي ) مادري عندكم آو لآ
لآنه يجي قوي ومتماسك ...


وإذا عندك حبآر ... قطعه قطع صغآآآآر جدآ على مقاس الميدار ... ينفع معاك بعد ( علشان ريحته تجذب )


//


وآرمي وتوكل على الله قبل كل شي ...


وخل عينك عـ الطفاحه ... على طول ... إذا آهتزت بقوه ... آو غطس نصفها


( تــل ) إسحب - السنارة بسرعه ... علشان يعلق الميدار بفم السلس


وهكذآ ...


//


إذا مافهمت ... قولي آوصف لك بشكل آخر ... لآن آحس اني ماوضحت زين

[shaheen70]

الله يبارك فيك أخوي
الخيط لازم صغير أو شبك ناعم جداً
shaheen70

[A B D U L L A H]

نسيت آذكر الطريقة الثانية

وهي بالـ ( السآلية ) بس لازم يكون متواجد وتشوفه بعينك آو يكون سرب مآشي

[hhh3h]

مشكور على الشرح الوافي جزاك الله الف خير...بيس بخصوص الساليه عن تجربيتي بساليه 6 قدم انه حطيت اليه كيس عجين يجمع عليه عدد كبير من السلوس بيس اذا باقط الساليه ينحاش ما صيده او صيد اليه 2 من سرب مجمع على الطحين مع العلم اني احاو اتباعد قدر الامكان واحذف من بعيد بيس هم مافي نتيجة ..ظاهر السالية العادين ما ينغعو معاه ماينفع معاه الا الساليات ابو 3 كيلو تحوشه وكبيرة وتنزل بسرعه.

[غوااص رابغ]

السلام عليكم في مخادج تلاقيها ب 60 ريال و اقل تنفع وهي تستخدم لصيد السلس او القمبروه

[A B D U L L A H]

مشكور على الشرح الوافي جزاك الله الف خير...بيس بخصوص الساليه عن تجربيتي بساليه 6 قدم انه حطيت اليه كيس عجين يجمع عليه عدد كبير من السلوس بيس اذا باقط الساليه ينحاش ما صيده او صيد اليه 2 من سرب مجمع على الطحين مع العلم اني احاو اتباعد قدر الامكان واحذف من بعيد بيس هم مافي نتيجة ..ظاهر السالية العادين ما ينغعو معاه ماينفع معاه الا الساليات ابو 3 كيلو تحوشه وكبيرة وتنزل بسرعه.


آخوي ... آشتري لك ( كم كيلو زيآده )

وركبها بالحبل الدائري بالسآلية ( المخدجه )

وآرمي ... وجرب

وبالمره تمرن بدل ماتروح نادي ( حديد ) :D

[ابومكاري]

يعطيك العافيه كفيت ووفيت ولكن يتمي عند الانسان امراض نفسيه ياليت لو فيه صوره ان وجد لتركيب الطواشه والميدار وشكرا للجميع على المرور
ملاحضه انا قريت في احدى النتديات ان بدل الخبز او الصمون تاخذ علبة تونه وتفتح فيها فتحات صغير وترميها بحيث تتطلع الريحه والزيت عشان يجمع السلس شورايك فيها

متى يبدا موسم السلس وهل هو متواجد في هذه الايام

[A B D U L L A H]

اي نعم اخوي ... متواجد الآن

قبل شهرين تقريبآ انا كنت متواجد بالجبيل ... ومليآآآن

وبدون مانقط خبز ولا تونه ... بس ميدار وعجين ... ويجي معانا

وناخذ اللي يكفينا ( طعم ) من 5 إلى 10 حبآت ... ونروح مكان نحدق فيه

//

بالنسبه لحركة ( علبة التونه ) ممتازه ...

آي شي له ريحه وياكله السمك ... حطه

وتقدر تستخدم الحبار وتقطعه وتحطه بكيس آو خيشه

//

وبالنسبه للصور ... للآسف ... لايوجد لدي عده كامله للصيد

من زمان ماصدت بالسنارات ... آصيد بالمسدس وعلى خفيف

[ابومكاري]

سوال اخير واسف على الازعاج
اذا اشتريت سلس من السوق يعني ميت هل ينفع لصيد الكنعد او لا بد ان ايكون السلس حي واذا كان ميت هل طريقه معينه عشان تحافض او توهم الكنعد بان السلس حي وشكرا واسف على الازعاج مره اخرى

[A B D U L L A H]

مافي إزعاج ولاشي ... كلنا هنا نستفيد من بعض ... :)


//


اكيد ينفع الطعم الميت ... سواء سلس آو ميد آو غيره


آهم شي تعرف انه طازج السلس وحق صيد اليوم ... :good:


لآنه إذا قديم ... راح يتقطع مع الرمي ... لآن السلس معروف انه خفيف ... فما بالك إذا قديم


//


وطريقة الإيهام بآنه ( حي ) ... مو شرط ... :)


في عندك طريقتين ...


الطريقة الآولى :


إذا عندك طفاحه كبيرة شوي بحجم كف اليد ... حطها بالخيط ... وخلي الطعم والميدار بعيد عن الطفاحه
بمسافه كافية ... من متر إلى مترين ... زي ماتحب وتحس إنك رآح ترميها آبعد


والسبب ( الكنعد ) دائما يجي آسرآب مهاجره وتمر من الخليج مرور الكرام ...
وهو دائما ... يكون قريب من سطح الماء ... وإن شاء الله تضبط الطريقه معاك :good:
بس حاول ترميها إذا انت بالشاطئ آبعد مكان ...


شرح الرموز بالآسفل :


[ اللون الآحمر ( خيط السنارة ) - اللون الوردي ( الطفاحه ) - اللون الرصاصي ( السيم - الواير الحديد ) ]


-------------(|||||)---------------,


الطريقة الثانية :


نفس طريقة الصيد بال( وآير الحديد - المصفر )
بس بدال ماتحط من المدور إلى الميدار ( كله واير حديد ) ... لا


بس تضيف ( ركه )


خذلك خيط مقاس آكبر 70 آو آكبر بقليل ... طوله متر آو نص متر


خذلك ( سيم - وآير حديد ) يكفي الطعم وآطول من حجم السلس ... يعني 15 آو 20 سم


وصل الخيط بالسيم ... والسيم يكون فيه الميدار طبعآ ...


بحيث يكون كـ الشكل التالي :


[ اللون الآحمر ( الخيط الموصول بالمدور ) - اللون الرصاصي ( السيم والميدار بالطعم )


----------------------------------,


وسبب وصل السيم بالخيط الطويل ( الركه )

علشان يكون الطعم متحرك مع الموج

لآن إذا كان كله سيم ... رآح يكون ثقيل وماراح يتحرك

//



وآتصحك ... تستخدم الميدار الثلاثي ... علشان مايفلت الكنعد ويحط رجله :D


وخذلك آبره ( مشك ) ... وشك السلس من تحت الرآس من آحد الجوانب


وطلعه من الذيل ... وحاول تكون الآبره بنص السلس بالضبط علشان لايتقطع


وحط الميدار الثلاثي ... آسفل الخياشيم بشوي ... دخل ( ميدار من الثلاثه ) وآترك إثنين بالخآرج


//


وماشاء الله ... شكل الكنعد وصل عندكم بالإمارات ...


سمعت في ناس بالجبيل طلعوآ كناعد ... ؟؟

[A B D U L L A H]

وجرب ... اللفاحات ... تراها طيبه للكنعد ( تجيبه على خشمه ) :D

خصوصا الملونه و الفسفورية ... والثقيله منها ( علشان تروح آبعد مكان مع الرمي )

[am2006m]

تفضل اخي
http://www.mekshat.com/vb/showthread.php?t=100235

[صياد عماني]

اخوى لصيد السلس استخدم بيب سنتوب او عصير واستخدم ميادير او شص رقم 19 اخر شى صغير جدا اعمل فتح صغيرة فى بيب السنتوب واعمل تقريبا 5شص فى البيب الواحد على طول البيب ادخل الخيط ويكون خفيف واستخدم خيط الطائرات الورقية التى يستخدمها الاطفال للعب ادخل الخيط داخل البيب وعند كل فتحة اخرجه منها واربطه مع الشص واستخدم طعم مصران السردين اصغر قطعة وشوف كيف بتصيد السلس وبكثره ولك منى تحياتى واذا ما فهمت شى من الرد انا جاهز لتفسيره لك اخوى ولك الصور تفضل:http://www.up4mb.com/up/get-8-2009-yqm5g72e.jpg (http://www.up4mb.com/up)http://www.up4mb.com/up/get-8-2009-z2k2ouhj.jpg (http://www.up4mb.com/up)http://www.up4mb.com/up/get-8-2009-l9w5sky7.jpg (http://www.up4mb.com/up)

[بونكس]

عزيزي انا بعطيك شي مختصر جدا طبعا تعرف اكرمك الله عصى المكنسه قص مايقارب اربع اصابع من الخشبه من الاخر وبردها عدل بعدين جب مسمار اللي ربط يعني قلاويز وراسه على شكل حلقه اللي يثبت فيه اللوح حقت الجدار قديما اربط مسمارين من كل جانب حتى الاخر وربط طرف بخيط الماكينه والطرف الثاني اربط فيه ميدار اصغر حجم يعنيييييييي صار ت الخشبه طفاح وحط الطعم عجين او قطع صغيره من قوانص الدجاج وسئل مجرب ونا اخووووووك مع تحياتي - بونكس:butt3:

[ابومكاري]

ماقصرتو كثر الله خيركم وفيتو وكفيتو ويعطيعم العافيه جميع

وعن طريفة الطواشه ( العوامه ) الي تحط فيها السلس الميت
المشكله ان المكان الي اصيد فيه نادرا ما يكون الماي ثابت دائما يكون التيار شغال وبسرعه عاليه لانه خور يعني ترمي العوامه بعد دقيقتين تحصلها رايحه يمين او شمال
وجزاكم الله خير

[A B D U L L A H]

خلآص آجل إستعمل الطريقة الثانية

( ركه موصوله بسيم آو وآير حديد ) ويكون قبل المدور ثقال متحرك ( دائري )

آفضل لك ... :)