رحلة قنص

[الهويدي]

يـاالله يالـلـي للسحـايـب تنـشّـي
محيي هشيم ٍ 00 مات وعروقه اعطاش
يامـن لعبـده فـي حيـاتـه يمـشّـي
لولاك 00 ماكاين ترعـرع ولا عـاش
عن من يحشّ العرض 00 بالهرج حشّي
تعيضني 00 سجّة قفر تبـرد الجـاش
رحلة قنص 00 ماهي برحلـة تمشّـي
ينسي تعبهـا كـل مسـرى ومغبـاش
اللي كسلهـا فـي العـروق امتفشّـي
تلوم عشاق البراري 00 علـى مـاش
عن شوف تلفـازي وموجـات دشّـي
يكفي النظر فوق الصحاري والاحراش
لـوازم المقنـاص هـي كـل قـشّـي
وبكر الحرار اللي ينومس الـى شـاش
يلحق ولـو هـو يـوم هـد امتعشّـي
ويفري ملاويـن الدواغـر الـى نـاش
ويـدق متـن اللـي لراسـه يخـشّـي
الى غدى ريشـه علـى متنـه خيـاش
وللي 00 بكفه 00 لا عزلتـه يطشّـي
مافيـه لا صيحـه ولاهـو ابـكـوّاش
كن عاتقه 00 عاتق حنيش ٍ00 يهشّـي
يهاوزه راعي العصا 00 عقب ماهـاش
ابـش بـه 00 وهـو لشوفـي يبشّـي
ودآر 00 يامـال ٍ بمثلـه دفـع كـاش
اقنص معه (وظنـون )فكـري توشّـي
وافز 00 واثم الظـن يبلشنـي ابـلاش
رشيت جال القلب00 ما فـاد رشّـي!!
ابغيه يركد غير لامن هـدى 00طـاش
وغشيت هوجاسـي 00ولافـاد غشّـي
يوم انتحى بي للظبي ذاك 00 منـداش
اللـي لسمـر مجدلاتـه 00 ينـشّـي
ظبي ٍ جفول ٍ لا نصانـي ولا انحـاش
ياظبية ٍ 00 لو عرّضـت قلـت وشّـي
على اسمها لامر ما اسلّط 00 افـلاش
مالوم مصفـوف الشعـر لـو يكشّـي
الطايـره طاحـت بطلقـات منـقـاش
عظمي هشاش 00 ومنطق العذب هشّي
باجي على طور الهدف وابسط فـراش


ـــــــــــــــــــــــــــــــــــــ