الهويدي
28/08/2009, 08:36 AM
مرير الحيبل والفكسار
راكب اللي لا مشى الخط الطويل
___ لو مشى يومين ما جاب الملل
اسمحولي باصفه وصف قليل
___عقب وصفي يا عسى دربه سهل
اقصد الفكس آر ما غيره بديل
____ لعنبو من صـممه لـين أكتمل
امدحه وان ما مدحت آخر موديل
___ ويش ابمدح موترن غيره اجل
وآرد اليابان ماجـالة مثـيـل
____ آقطمن فالسوق مامثله نزل
ابيض لونه مثل زبدة صميل
____ وارثمن خشمة مثل خشم الفحل
لون زيكه لمعت السيف الصقيل
____ لمع برقا َفي خيال منهمل
والعلامه لا سرى مثناة ليل
___ في جبينه كنها كوكب زحل
والإشارة لونها جمرن كليل
___ يتـلالى مثل منتــوج النحل
والخطوط بشاشته صفة بصيل
____ تزهر أرقامه مثل ورد النفل
والأزره داخل الكشن الجميل
_____ دايرن يا حجمها كبر الهلل
ويتهزى مثل نقاض الجديل
____ ومنوته مثناة خطاً لا انسحل
ويتنهض لابرمه بالقاع ويل
___ وان بغيته يعتلي راس الجبل
كن تشيله عن عزاز الأرض شيل
____ وفيه من قدام دفرنش الدبل
اسودً كـنه حصـاة من حقيـل
____ للـنفود مصمـمينه والوحـل
ماورد مثله مواتر مستحيل
___ أن رضى راعي السفاري وان زعل
الجيوب آوصافها بالراس خيل
___ من خويه جيــب ماجاه الزمل
افترد عبد اللطيف لهن وكيـل
___ وعامل اليابان وانصح بالعمل
فوقه اللي لامشى الغدرى دليل
___ ويتحمل للشقى مثل الجمـل
في نزولي عن طريقه مايميل
___ ولا نخيته ماتمشى بالمهل
حوله مع حافة الضلع المهيل
___ لين عنها طويق قدام انعزل
ما سمحله يا عسى جاله يسيل
___ لو سمحله قيد سواقه وصل
ولاتساوى مره مراتاَ يعيل
___ ولا تعدا من ورا شقرا أنعدل
ثم تنهض ما بقى لو كان ميل
___ داخل الطبلون والخط النحـل
وشد حيله ما بقى في الحال حيل
___ لين ضاق الكون جاء كبر الدحل
والهواء عن رفرفه جاله شخير
___ راسي ومرسي عرض العجل
المراكز ماتعرض له سبيل
___ خابرينه عن هدفهم مستقل
تم تنصل للأصيل ابن الاصيل
___ لا وصـلته بصفطه قدم المحـل
تاجد اللي داخل المجلس ثقيل
____ ولا تكلـم ما تلـفـظ بالزلـل
الكرم تلقى اولـه بن وهـيل
____ والسوالف والحجاج المسفهل
والشبب ومعزبك ذباح حـيل
____ تفعلـه يمناه لا جـاه الشلـل
قل لأبونيان كساب الجمـيل
___ وش رايك ندرج اسمك بالسجل
غنوا الشعار ومريـر الحبيل
___ تـيحة الفرصه لرجــالً يحـل
واستلم ماقيل واجني بالحصيل
___ واركب المبروك وارجع لي عجل
ـــــــــــــــــــــــــــــــــ
وسلامتكم
راكب اللي لا مشى الخط الطويل
___ لو مشى يومين ما جاب الملل
اسمحولي باصفه وصف قليل
___عقب وصفي يا عسى دربه سهل
اقصد الفكس آر ما غيره بديل
____ لعنبو من صـممه لـين أكتمل
امدحه وان ما مدحت آخر موديل
___ ويش ابمدح موترن غيره اجل
وآرد اليابان ماجـالة مثـيـل
____ آقطمن فالسوق مامثله نزل
ابيض لونه مثل زبدة صميل
____ وارثمن خشمة مثل خشم الفحل
لون زيكه لمعت السيف الصقيل
____ لمع برقا َفي خيال منهمل
والعلامه لا سرى مثناة ليل
___ في جبينه كنها كوكب زحل
والإشارة لونها جمرن كليل
___ يتـلالى مثل منتــوج النحل
والخطوط بشاشته صفة بصيل
____ تزهر أرقامه مثل ورد النفل
والأزره داخل الكشن الجميل
_____ دايرن يا حجمها كبر الهلل
ويتهزى مثل نقاض الجديل
____ ومنوته مثناة خطاً لا انسحل
ويتنهض لابرمه بالقاع ويل
___ وان بغيته يعتلي راس الجبل
كن تشيله عن عزاز الأرض شيل
____ وفيه من قدام دفرنش الدبل
اسودً كـنه حصـاة من حقيـل
____ للـنفود مصمـمينه والوحـل
ماورد مثله مواتر مستحيل
___ أن رضى راعي السفاري وان زعل
الجيوب آوصافها بالراس خيل
___ من خويه جيــب ماجاه الزمل
افترد عبد اللطيف لهن وكيـل
___ وعامل اليابان وانصح بالعمل
فوقه اللي لامشى الغدرى دليل
___ ويتحمل للشقى مثل الجمـل
في نزولي عن طريقه مايميل
___ ولا نخيته ماتمشى بالمهل
حوله مع حافة الضلع المهيل
___ لين عنها طويق قدام انعزل
ما سمحله يا عسى جاله يسيل
___ لو سمحله قيد سواقه وصل
ولاتساوى مره مراتاَ يعيل
___ ولا تعدا من ورا شقرا أنعدل
ثم تنهض ما بقى لو كان ميل
___ داخل الطبلون والخط النحـل
وشد حيله ما بقى في الحال حيل
___ لين ضاق الكون جاء كبر الدحل
والهواء عن رفرفه جاله شخير
___ راسي ومرسي عرض العجل
المراكز ماتعرض له سبيل
___ خابرينه عن هدفهم مستقل
تم تنصل للأصيل ابن الاصيل
___ لا وصـلته بصفطه قدم المحـل
تاجد اللي داخل المجلس ثقيل
____ ولا تكلـم ما تلـفـظ بالزلـل
الكرم تلقى اولـه بن وهـيل
____ والسوالف والحجاج المسفهل
والشبب ومعزبك ذباح حـيل
____ تفعلـه يمناه لا جـاه الشلـل
قل لأبونيان كساب الجمـيل
___ وش رايك ندرج اسمك بالسجل
غنوا الشعار ومريـر الحبيل
___ تـيحة الفرصه لرجــالً يحـل
واستلم ماقيل واجني بالحصيل
___ واركب المبروك وارجع لي عجل
ـــــــــــــــــــــــــــــــــ
وسلامتكم