وش مقياس السبق ( للنقاش)

[GX2007]

السلام عليكم ورحمته الله وبركاته
الغرض من الموضوع الـنـقـــــــاش فقط لا غير


ياخوان وانا اتصفح بقسم البيع والشراء اغلب الطيور المعروضه للبيع فيها (سبق فارط)

وياخي اغلب الطيور اللي فيها سبق فارط او يلحق الخضاري او السوادي سلم هذا ماينزل قيمته عن 40 الف وقابل لزياده بغض النظر عن عن مقاس الطير او لونه

بعض الطيور فيها صمله وانه صامل على ان يطرد صيدته لو تبي 10 كيلو او اكثر

واتوقع ان بعض الصقاقير انه لاشاف الطير صامل على صيدته اطلق على طيره انه سبوق او فارط بالسبق وهذا الشي غير صحيح



نبي نعرف مقياس السبق بنظر بعض الصقاقير ؟؟

ومتى يطلق على الطير انه سبوق ؟؟

للفايده فقط

[NAWAFQ8]

السلام عليكم ورحمة الله وبركاته
بنظري انا الطير السبوق
الي يسمونه فارط بالسبق
الي يطرد فوق 10 كيلو ومايروح عليه شي
ولاتحسبون 10 كيلو مقياس للسبق
لان الطيور تقطع بالالف :)

[روزفلت]

مقياس السبق تشوف الطير وتشوف رفة جناحه وهو مجرووود
اما اللي يجك بالربطه ويقول سبق فارط خله على جنب
لو هو سبوق كان مايخلونه ربع راعي الطير لو بغى يبيع ويعطونه حقه
لكن اللي يعرض بالمنتدى وبصراحه شف القطوع وسم عليها وخل قولة سبوق وفارط

[GX2007]

روزفلت
قلت هالعباره ياشيخ تسلم يمينك
(لو هو سبوق كان مايخلونه ربعه راعين الطيور لو بغى يبيع راح يعطونه حقه)

[روووح]

الطير السبوق الفارط
هو اللي يمر الخرب العاصي كانه واقف

والطير اللي يطرد 10 كيلو هذا هذا يسمى صامل بس ماش سبق

[ربع خالي]

الطير السبوق من وجهة نظري,,,
1- ان هديت على حبارى من مسافة كيلو مثلا يلحق قبل ماتكمل الكيلو الثاني ,,
2- ان جاها في الارض وطارن سوا ماتكون في مسافه بين الحباري والطير ولايخليها تاخذ سرعتها الكامله ,,
3-الطير السبوق مايخطي الحباره في الجو اكثر من مرتين او ثلاث على اعلى حد,, وهذا بسبب السرعه الزايده في الطير ومايعطيها مجال للمراوغه,,,
*****************************************
اذكر مره سألنا صقار ومعروف وكان عنده طير , وقلنا له يفلان طيرك سبوق والا عادي طياره؟؟؟؟؟ وكان رده ::: والله ما ادري هو سبوق والا لا ولكني من اهده على الحبارى ما انتبه الا والريش طاير منهى .....
تقبل مروري
تحياتي

[مشبر البران]

الأخوان ما يقصرون
ولا يهنون الباقين

[شواااش]

السلام عليكم
الله يعطيكم العافيه على كل ما قلتوه وكل من اعطا نظرته



انا بنظري ان الطير اللي ينقاله سبوق سبق فارط هو الطير اللي اذا طارت صيدته يوصلها ياخذ منها ريش او يعلق فيها وهي ماراحت كثر ما طارت



اما الطير اللي يطرد صيدته مسافه طويله يعني 10 كيلو مثل ما قالو الاخوان هذا ينقاله تلاب

[GX2007]

وانا من وجه نظري

*(السبوق او فارط بالسبق ): تقال لطير اللي ياصل صيده او ياخذ منه ريش باقل وقت ممكن يعني على قولتهم مايمديها تمغط ظهره الا وهو معلقها او ينشها


*(التلاب او الصامل): تقال لطير اللي يبتل يطرد صيدته وهو ماهو حولها بس لا يزال يطرد في وجهتها

[أبو رداد]

موضوع طيب ....... وننتظر باقي الاخوان

[GX2007]

احب اشكر الجميع على التفاعل الطيب مع الموضوع

ونتظر باقي الاخوان كل واحد يدلو بدلوه عشان بالنهايه نستفيد كلنا

عشان الواحد يعرف يقيم طيره او اي طير يشوفه بانه سبوق ولا لا

وعشان الواحد لا يطلق على الطير انه سبوق الا وهو انه متاكد انه سبوق او انه فارط بالسبق

وانه ماخذ قياس السبق من اكثر من صقار

لانه يختلف من شخص لاخر ويرجع الامر هذا من عدد الطيور اللي شاف مطيرهن

وانشاء الله وصلت الفكره يا اخوان

[@قرناص@]

الصقاقير ماقصرو جابو العلم ،،

وفرق بين الطير السبوق والطير التلاب ،،

والاخوان وضحو هاالشيئ ،،

ولآهنت على الموضوع

[GX2007]

الف شكر لك مشرفنا الغالي ابو رداد على مرورك وتثبيتك للموضوع

[حريب الياس]

انا في نظري يطلق على الطير السبوق اللي يطلع على الحبارى و هي طيار بمسافه كيلو و يعلقها

و كل شخص له تفسيره الخاص او وجهة نظره لكن يظل السبوق هو اللي يقلص المسافه الطويله بينه و بين طريدته في زمن قياسي جداً

[طمران]

يعطيك العافيه على الموضوع وانا مع الاخ ربع خالي مقياس السبق هي الحباري وبس اما مطيار الحمام ماهو مقياس للسبق في الطير ولو لاحظتوا طرد الحمام يختلف جدا عن الحباري خصوصا ان كانت مهاجره قبل المره او مر عليها طيور هنا تعرف سبق الطير .

تحياتي

[GX2007]

نواف
روزفلت
ربع خالي
روووح
شواش
مشبر البران
قرناص
حريب الياس
طمران

الف شكر على مروركم

[جـرح الشمـال]

الطير السبوق من وجهة نظري اللي يلحق الحباري الشاردة تلقى طيور تباع يقول الطير صايد الحبارى اول الوقت بس الحبارى الشاردة اخر الوقت راحن عليه
والطير اللي يلحق 10 كيلو هذي اما صملة بالطير او ان الطير سبار (( تلاب))

[ذراع الذيب]

السلام عليكم ورحة الله وبركاته
مسيتم بالخير يأعضاء مكشات وبارك الله في خوينا على موضوعه الطيب,,
الطير السبوق في نظري لانقلته وقنصتبه وحصلت جول حبارى نقدر نقول خمس او ست حباره,,
تهد وتعزل طيرك وتكمل وتهد الى ان تصيدها كلها هذا ينقاله طير سبوق بشرط ان يكون الطير مجرود,,
والصامل يصمل على صيدته مايفكها لو بعد عشره كيلو وان حصلت جول حباره وطيرك مابه الاالصمله,,
وماقول غير,,
اذا طيرك به صمله وعينت من الحباره جول ,,,هده وبعدها الله يعينك على الحبارى ومدوارها
واذا صار بالك دايم على برقا الجناح مشغول,,,عليك بشيهانه لاشافها الخرب ينشل من مطيارها

[محمد403]

عز الله انك صادز انا ملاحظ اغلب عروض البيع كاتبين سبق فارط

ومثل ماقال بعض الاخوان لو هو سبقه فارض كان ماخلوه اخوياه شروه منه وعطوه حقه

وماقصرو الاخوان

[هماش]

السلام عليكم
مشكور ياطارح الموضوع
ولا ازيد على كلام ربع خالي
ولايهونون اخواني المكشاتيه

[garah]

اول شي مشكور اخوي على طرح الموضوع
ونظرتك للأمر في محلها وكلن شاف بعينه
من ذكر الطير فارط للسبق
وكل الأخوان الي شاركو واعطو رايهم الله يجزاهم بالخير وماقصرو
.................................................. ........
الطير الفارط بالسبق وينقال عنه سبووق\\
وجهة نضري الآولى
انه الطير الي لا طارت الحبارى من الروض وهديته مايخليها تاخذ مجال انها تروح عن الروض الي فيها او ترتفع للغيم ي من سرعة الطير وهذى يخلي الحبارى تختل بتوازن عندها وتخربط طيارها وهي من كيلو الى كيلوين الا وهو لاحقها ويقوم يطقطق عليها بالجو ويرددها على السيارات وصدق من قال ((ان الحبارى تعرف طيرها ))
وجهة نضري الثانيه
ان الطير الي تلحقبه من بعد طير او طيرين وهم يقولون الحبارى مخفينها بالغيم!!!!!! يلحقها لك ويرددها لك ويطق فيها مره ومرتين وثلاث وياخذ من ريشها حتى لو ماصادها بس كثر الله خيره على الهدد والحق الطيب<<لأن الحبارى لاتقولووون تعبت غلط لانها هي جايه مهاجرة الآف الكيلوات
................................
اما الطير الي يتبل او يبني بالجو ويقول وين ماتروحين انا اشوفك روحي هذى مو سبوق ابد ابد ابد ابد ابد حتى لو طرد 10 كيلووو
............................
وبالأخيرررر
ترى الطير من ينطلق من كف صقاره
دورة الجناح تبين لك اذا الطير سبوق ولا لا
........................
وهذى ماعندي وفيه من يأيدني وفيه من يخالفني
ولكن اقول
يبقى الحوار السبب الرئيسي
لمعرفة كل الامور
...............................
وتقبلوو مروري
ولكم خالص تحياتي
آآخــووكم
جــراح

[GX2007]

البرفسور
ذراع الذيب
محمد 403
هماش

الف شكر على تعليقكم على الموضوع

[GX2007]

يعطيك الف عافيه يا اخوي ياجراح
والف شكر على ردك المميز
وعز الله وفيت وكفيت ولا يهونون الاخوان الباقين

[صياد ليبيا]

السلام عليكم ورحمة الله وبركاته
بالنسبة اليي تقييم الطير وامتي انقول عليه سبوق في ليبيا
ما نهد الطير علي حمام ممكن اهل الجيرات والتفريخ
يسوونها لكن الكثير عندهم القناعة ان الحر يستخف صيده
وما يصير اهده علي حمامة وثاني يوم علي خرب شارد
لذلك يكون دائما تقييمه بالحباري والطير تعرف سبوقه
العين الخبيرة امتي يسعي للعلو امتي يشرب الريح او يجي عكسها
امتي يكون اعلي منها ويسقط عليها بالنسبة لي الطير اللي يطلع
من السيارة فاتح علي التوربو ومطاره ما يتغير الي ان يعلقها
سلم عليه واشهد ان هذا هوا الطير السبوق
تقبل مشاركتي وفائق الاحترام


اخوك (صياد ليبيا)..

[Turki1]

بارك الله فيك على طرحك الموضوع ولااخفيك انني متضايق من كثرة مارأيت في الفترة الاخيرة من استخدام كلمه(سبق فارط).
العام صجنا واحد من الربع ان هناك رجال بيبيع شيهانه خارج الرياض وان سبقها فارط،تعنيننا له والطيب يتعنى له والنتيجه انه عند الاختبار طلعت كل شيهايننا اسبق منها.
السبق نسبي،ومثل ماقيل(كلٍ يحكي عرفه) أو كل يتكلم بتجربته ومايراة ،ومايراة شخص من انه سبق فارط يكون عند شخص آخر سبق جيد ولكن ليس فارط.
كذلك الطيور تختلف في محبتها للطريدة، فلدي طير يذبح نفسه وفيه سبق غريب اذا شاف الحبارى ولكنه لايهتم بالحمام، والعكس صحيح تجد طير يطلع كل سبقه على الحمام ولايحرص على الحبارى.
بالعاميه الطير اللي ترى المسافه بينه وبين طريدته تتنافص بشكل كبير وفي وقت قليل ولايخلي طريدته ترتفع او يحولها بسرعه اذا هي فوق وبعض الصقاقير الجدد يستخدمون كلمه(يشفطها شفط) قد يعتبر سبق فارط.
علميا: لايمكن الحكم على سرعه الطير الا باستخدام اجهزة تحديد السرعه وبعدها لامجال للنقاش بين صقار وآخر اي طيورهم اسبق(الظاهر بنستخدم رادار السرعه قريبا لتحديد ذلك).
الشىء الذي يجب ان يتأكد منه كل صقار( انه فوق كل طير طير)،يعني بيجي طير أو حبارى اسبق من طيرك فلا تغتر بسرعه طيرك وحاول ان تستمع بالهدد والبر وصحبه الاخيار امثالكم.

[أبو يزيد 11]

اول شي مشكور اخوي على طرح الموضوع
ونظرتك للأمر في محلها وكلن شاف بعينه
من ذكر الطير فارط للسبق
وكل الأخوان الي شاركو واعطو رايهم الله يجزاهم بالخير وماقصرو
.................................................. ........
الطير الفارط بالسبق وينقال عنه سبووق\\
وجهة نضري الآولى
انه الطير الي لا طارت الحبارى من الروض وهديته مايخليها تاخذ مجال انها تروح عن الروض الي فيها او ترتفع للغيم ي من سرعة الطير وهذى يخلي الحبارى تختل بتوازن عندها وتخربط طيارها وهي من كيلو الى كيلوين الا وهو لاحقها ويقوم يطقطق عليها بالجو ويرددها على السيارات وصدق من قال ((ان الحبارى تعرف طيرها ))
وجهة نضري الثانيه
ان الطير الي تلحقبه من بعد طير او طيرين وهم يقولون الحبارى مخفينها بالغيم!!!!!! يلحقها لك ويرددها لك ويطق فيها مره ومرتين وثلاث وياخذ من ريشها حتى لو ماصادها بس كثر الله خيره على الهدد والحق الطيب<<لأن الحبارى لاتقولووون تعبت غلط لانها هي جايه مهاجرة الآف الكيلوات
................................
اما الطير الي يتبل او يبني بالجو ويقول وين ماتروحين انا اشوفك روحي هذى مو سبوق ابد ابد ابد ابد ابد حتى لو طرد 10 كيلووو
............................
وبالأخيرررر
ترى الطير من ينطلق من كف صقاره
دورة الجناح تبين لك اذا الطير سبوق ولا لا
........................
وهذى ماعندي وفيه من يأيدني وفيه من يخالفني
ولكن اقول
يبقى الحوار السبب الرئيسي
لمعرفة كل الامور
...............................
وتقبلوو مروري
ولكم خالص تحياتي
آآخــووكم
جــراح




:good: :good: :good: :good:
انا من رأيك اخوى جرااااااح

[راع الطيب]

بارك الله فيك على طرحك الموضوع ولااخفيك انني متضايق من كثرة مارأيت في الفترة الاخيرة من استخدام كلمه(سبق فارط).
العام صجنا واحد من الربع ان هناك رجال بيبيع شيهانه خارج الرياض وان سبقها فارط،تعنيننا له والطيب يتعنى له والنتيجه انه عند الاختبار طلعت كل شيهايننا اسبق منها.
السبق نسبي،ومثل ماقيل(كلٍ يحكي عرفه) أو كل يتكلم بتجربته ومايراة ،ومايراة شخص من انه سبق فارط يكون عند شخص آخر سبق جيد ولكن ليس فارط.
كذلك الطيور تختلف في محبتها للطريدة، فلدي طير يذبح نفسه وفيه سبق غريب اذا شاف الحبارى ولكنه لايهتم بالحمام، والعكس صحيح تجد طير يطلع كل سبقه على الحمام ولايحرص على الحبارى.
بالعاميه الطير اللي ترى المسافه بينه وبين طريدته تتنافص بشكل كبير وفي وقت قليل ولايخلي طريدته ترتفع او يحولها بسرعه اذا هي فوق وبعض الصقاقير الجدد يستخدمون كلمه(يشفطها شفط) قد يعتبر سبق فارط.
علميا: لايمكن الحكم على سرعه الطير الا باستخدام اجهزة تحديد السرعه وبعدها لامجال للنقاش بين صقار وآخر اي طيورهم اسبق(الظاهر بنستخدم رادار السرعه قريبا لتحديد ذلك).
الشىء الذي يجب ان يتأكد منه كل صقار( انه فوق كل طير طير)،يعني بيجي طير أو حبارى اسبق من طيرك فلا تغتر بسرعه طيرك وحاول ان تستمع بالهدد والبر وصحبه الاخيار امثالكم.

انا من راي اخوووووي Turki1

[راع الطيب]

مقياس السبق تشوف الطير وتشوف رفة جناحه وهو مجرووود
اما اللي يجك بالربطه ويقول سبق فارط خله على جنب
لو هو سبوق كان مايخلونه ربع راعي الطير لو بغى يبيع ويعطونه حقه
لكن اللي يعرض بالمنتدى وبصراحه شف القطوع وسم عليها وخل قولة سبوق وفارط

اخوي انا احترم وجهت نظرك
لاكن من وجهت نظري انا اخالف الكلام اللي حددته بالاحمر
لان احيان يكونون ربع راع الطير مايعطونك السعر اللي ببالك
والعرض بالمنتدى هو لسبب الاجتماع من كل مكان وكل ديره وبلد
ومنها ترتاح بالبحث لان اجتماع اغلب اخوننا الصقاقير موجودين بمنتدانا الغالي
لاكن لاتحكم ان كل مايعرض بالمنتدى او بالسوق انه مافيه خير
لا بالعكس فيه رجال عندهم امانه وذمه راح يقولك كل مابالطير وانت سواء بالمنتدى او غيره
لاتشتري الا على نظرك

[كامل الدسم]

السبوق هو اللحوق الي يلحق على صيدته بدري قبل غيره

[فتكاوي 2009]

الله يعطيك العافيه علي الموضوع الطيب لكن الي يعرض طيره ويقول سبق فارط الصراحه قبل لا يعرضه هني عارضه علي ربعه واذا الطير فيه خير كان شروه ربعه
ولاهنتم

[قرناس حائل]

صراحة موضوع طيب تشكر عليه ياراعي الموضوع

فعلا مثل ما قالوا الاخوان لو هو فارط كان ماباعه

والاخوان جابوا العلم الوكاد لكن طرت علي سالفه تضحك شوي

وهي أن طير واحد من الزملاء سبوق بمعنى أن صيدته يحمسه عندك مايخيلها ترتفع سواء حبارى او غيرها

جانا علم بالديره يقولون طير فلان ( اللي هو رفيقي ) أنه مايرتفع وكل صيداته بالارض

طيب كثر خير الطير أنه مايخلي الصيده ترتفع ولا تروح عنك حتى أنه ماشاء الله عليه كل هداته قدام عيوننا

تقبلوا تحياتي

[ماهد الشياهين]

اسعد الله اوقاتكم بكل خير

اسمحولي اشاركم بالموضوع الرائع

اولاً اعجبني رد احد الاخوان يوم قال راع الطير السبوق مايخلونه ربعه يبيعه

وهذا الحاصل عند اكثر اهل الطيور الطيبه


اما السبق في الطير اسمحولي اني اوصف لكم وصف فقط وابي اترك الطرد للحباري او الحمام

اذا هديت الطير ومرك ماتشوف الا جثله فقط ومعنقه وجناحه ماتشوفه اعرف انه الطير المرهي السبوق

وهذا وهو اللي ربع راعيه مايخلون يبيعه

[شبراق]

مساكم الله بالخير

بالنسبه لي الطير السبوق الفارط الي اذا هديته اوصل صيدته طف الموتر وتفرج مايطلع من الروض

[أبو أمين]

مقياس السبق الملواح

هده من مسافه معينه وشوف كم الوقت الي يجيبه وقارنه مع الطيور الاخرى او باريه بالموتر وشف كم السرعه

اما مسالت الطير يقلب الصيده حول المواتر او ما يخليها ترتفع هذا كل ابوها شطاره في الطير والله يابعض الطيور ان جناحه عادي جدا جدا لكن من يوم يظهر من الشباك الا هو ضارب اللجه ومرتفع على الصيده ومورد عليها والناس قايمين وقاعدين فيه سبوق سبوق

هذا ما حبيت اضيفه

[كاتم الصوت]

السلام عليكم ورحمة الله وبركاته
واسعد الله مساكم بكل خير ومسرات .
ومبارك عليكم الشهر وفرصه سعيد اهنيكم بحلوول هالشهر الكريم جعلنا الله واياكم من صوامينه وقومينه واعاده الله على الامتين العربيه والاسلاميه باليمن والبركاته .
اشكر صاحب الموضوع اولا .
خبرتي قليله ولاكن من واقع خبره اتحدث .
الطير السبوق له مواري بمناكبه مرتفعه .
جربت الحر القصير اللي مقاسه 16 ونص ب 16 ونص اذا صنعته وبعد جوع وصار صامل على صيته يلحق وبه سبق ويعجبك طرده.
والريشه لها حقها الجرودي له ثلاث ردات يردها بالجو اذا علقها واذا ماعلقها سها ونزل .
الطير السبوع من مواريه بالطرد يلعب وهو يطردها ويبعدعن اللي يطرد ويخليها ويرفها ويرفعها ويبعد عنها بكسرها بحوالي كم من متر بعد ما تقول تركها ثم راج لها وبلمحة برق ولا هو معلقها .
ان صارت صدته بالارض ياخذ مدى اكثر ويروج عليها وينجم لها تنجيم يعني بين نزوله لها ورتفاعه ياخذ وقت . ويحيب يلعب وتمتع بصيده .
وعذرني قلت لكم خبرتي قليله ومن واقع تجربه فقط .
تقبلو مروري اخوكم كاتم الصوت

[طرح الشبك]

الموضوع مهم للغايه ومشكور عليه ياصاحب الموضوع
الطير السبوق /// هوالي يلحق الصيده لحوق طيب ولو طول معها شوي مافيه اي مشكله
الطير السبوق الفارط /// هو الي لا يمتعك بالنظر بالصيده بمعنى فكله دحل وحش وحش وحش أول ما يرتفع الا والطير مخالطه وصايده هذا الي ينساق فيه الدراهم سوق

[سبع الصحراء]

السبوق الفارط : هذا طال عمرك لا روحت الحبارا ولا عاد احد يشوفها هم قالوا لحق يا فلان وقف وحط طيره على يدة وطلعه مع الدريشه هم فرعبه .... وشوي إلا الطير يغز يغز هم تل سبقه وعطاه راعية سبوقه ..... وجوله عقب مسافه إلا وهو ذابحها .
وعلى قولة الشاعر ياسر التويجري في وصف طير اعجبه وسأل عن علومة ورد اللي معه الطير وقال :


أبـك هـذا مــا نـهــدة لـيـن تـأتـيـنا أشـارة ...... بأنهم هـدوا ثـلاث اطـيور والرابـع غـبي
غزها حتى تغـطة عـن درابيـل الـســبارة ...... وفـوق هـذا فرعوا بطيور عيـت تـطلـبي
ثــم مــشيـنا بـــوجـهـة الـخـرب وفــرارة ..... وأنتـــزعـنـا بـرقـع اللـي لا نقـلة أمــأدبي
دار مره فوق كفي ثم وقف وأصدر قرارة ..... وتـل سـبـقه ثم نخيـته والحـسـاب محسبي
راح يرقـــا كـن رقـيه يـوم يرقـا بإنحدارة ..... ويتــلاوا كـن جــمـر بــالجـنــاح مـشبـبي
مـاخذ عذروب واحد فيه بس زود الغيارة ..... وفـدقيـقة ليــن خالــط بالسـحابة المـختبـي
مـا خذينا شوي حتى لاح برق من دغارة ..... وأثر مردي النصيب الخرب بسرعه يقربي
حط في راسه هواه وشب فالمخلاب نارة ..... واشربه شرب النفود لسيل صيف يســربي
وشعطه بــاخر ظهـر لين فصل من فقارة ..... كــنـه تريحـيب يبطـش مــع سيف الحثربي
وأنتثر ريشه علينا وبتداء وقـت احتضارة ..... وأنتهاء الخرب المخظرم قبل دمه يشربـي


هذا السبوق الفارط .... ما تعدا صيدته الجوا اللي هي فيها إلا وهو واصلها ويرددها
اما الطير اللي يلحق صيدته عشره كيلوا هذا تلاب وفيه سد ونفس طويل ولا يسمى سبوق

[الشقاوي22]

اول شي مشكور اخوي على طرح الموضوع

ونظرتك للأمر في محلها وكلن شاف بعينه
من ذكر الطير فارط للسبق
وكل الأخوان الي شاركو واعطو رايهم الله يجزاهم بالخير وماقصرو
.................................................. ........
الطير الفارط بالسبق وينقال عنه سبووق\\
وجهة نضري الآولى
انه الطير الي لا طارت الحبارى من الروض وهديته مايخليها تاخذ مجال انها تروح عن الروض الي فيها او ترتفع للغيم ي من سرعة الطير وهذى يخلي الحبارى تختل بتوازن عندها وتخربط طيارها وهي من كيلو الى كيلوين الا وهو لاحقها ويقوم يطقطق عليها بالجو ويرددها على السيارات وصدق من قال ((ان الحبارى تعرف طيرها ))
وجهة نضري الثانيه
ان الطير الي تلحقبه من بعد طير او طيرين وهم يقولون الحبارى مخفينها بالغيم!!!!!! يلحقها لك ويرددها لك ويطق فيها مره ومرتين وثلاث وياخذ من ريشها حتى لو ماصادها بس كثر الله خيره على الهدد والحق الطيب<<لأن الحبارى لاتقولووون تعبت غلط لانها هي جايه مهاجرة الآف الكيلوات
................................
اما الطير الي يتبل او يبني بالجو ويقول وين ماتروحين انا اشوفك روحي هذى مو سبوق ابد ابد ابد ابد ابد حتى لو طرد 10 كيلووو
............................
وبالأخيرررر
ترى الطير من ينطلق من كف صقاره
دورة الجناح تبين لك اذا الطير سبوق ولا لا
........................
وهذى ماعندي وفيه من يأيدني وفيه من يخالفني
ولكن اقول
يبقى الحوار السبب الرئيسي
لمعرفة كل الامور
...............................
وتقبلوو مروري
ولكم خالص تحياتي
آآخــووكم
جــراح





انا اتفق مع اخووووووووووووو جراح بس لي اضافه بسيطه والله لايهينكم على التفاعل الطيب ومنكم نستفيد
واريد انا اضع الطيوووووووووووووور على حسب الدرجة لان بعض الاخوان خلط بين السبوووق واللحاااااق وياخوان مسموووووووووووح التعليق والاضافه حتى نكسب خبره ومعرفه لاشك انا فيه منهم اعلم مني ولهم الخبره الطويله في الصقاره
1- الطير اللحااااااااااااااااااااق يعني يلحق صيدته اي (ن)كانت سوى رايحة بعد اطيوور ولا مختفية وايضاً يلحقها في اقل من الثلاثه الا اثنين كيلووا على حسب الحبارى ومرة على حبارى اخر الوقت يعني في العشار والجو يميل الا الحراره اشوي الساعة 2.30 حبارى بعد طير يعني نجمة في السماء والسماء كلها حووم لحق عليها عطها مردين والثالث علقها الله يستر عليه مشاء الله عليه في اقل من كيلوين تماما
2- الطير السبووووووووق هو الطير الذي قليل من الحباري اللي تروح عنه مثلا ولوقلنا في العشر واحده او ثنتين
3- الطير الاوسط هو المونس راعيه يعني جناح طيب وصمله طيبه ويجهد مع الصيده ولا يتركها وهوو باقي معه نفس
4- الطير التلاب هو اللي يتلب الصيده لين تنتحر قبل مايصلها هو اللي مافيه امل يطرح هذا يحصل وكد حصل مع احد الزملاء هو منقط والحبارى تفرق القشع واخر شي اسبقووووووووه بالسياره وهدو على الحبارى وهو ماوصل تشفوه بالجو تقووول هذا كارب على عمره بس السبق مافيه
5- الطير اللي سبر صيدته لين توقع ثم ينزل عليهاااااااااااااااااااااااااااااا هذا مافيه طب
6-الطير اللي صفر على الشمال يعلك وجيب لك الظغط

تقبلوووووووووووووووووا تحياتي لو طولت عليكم .

[عزيز2100]

الطير السبوق من وجهة نظري,,,
1- ان هديت على حبارى من مسافة كيلو مثلا يلحق قبل ماتكمل الكيلو الثاني ,,
2- ان جاها في الارض وطارن سوا ماتكون في مسافه بين الحباري والطير ولايخليها تاخذ سرعتها الكامله ,,
3-الطير السبوق مايخطي الحباره في الجو اكثر من مرتين او ثلاث على اعلى حد,, وهذا بسبب السرعه الزايده في الطير ومايعطيها مجال للمراوغه,,,
*****************************************


كلام في الصميم

[كلما نسنس]

موضوع طيب
انا مع كلام اخوي شبراق 100%
اخوي راع الطيب <ياقلهم> لدرجة الأنقراض
اخوي ابو أمين والله ضرب اللجه تنفع باالكروان بس مع الحباري يبطي عظم ابولجه ميردد حول السيارات وغالباً تروح وتخليه الحباري خاصه لصارة بوعر..
السبووووق الطير الي اذا وصل الحباري وماعلقهااا خلاص طف الموتر وتفرج.....
وبيض الله وجهك ياراعي الموضوع

[نواف وبران]

بارك الله في الأخوان

وضحو الفرق بين التلاب والسبوق

بس يالربع لا تنسون ان في حباري مخروشه ماهي صاحية بعضهم تلقاها اسبق من الطيررر

واغلبهن لا جتك حباره ينقاله السماقية تصاغرهاا بالحجم تجي مصرقعه او الصول الزرق

[الولهههههها ن]

السلام عليكم يالربع انطلقت وكريه يوم الاثنين الموافق 10\9\1430ه في حي كيلو 14 في مدينه جده ويوجد بها سبوق والفدخه وعلي من يلقها الاتصال على الرقم الموجود في الفدخه ولكم جيل الشكر

[شَعَّـاااال]

السلام عليكم يالربع انطلقت وكريه يوم الاثنين الموافق 10\9\1430ه في حي كيلو 14 في مدينه جده ويوجد بها سبوق والفدخه وعلي من يلقها الاتصال على الرقم الموجود في الفدخه ولكم جيل الشكر

الله يعقلهاا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ



اشكرك اخوي GX2007 على طرح هذا الموضوع

استمتعت باراء الاخوان واغلبهم افادوا

وبرايي ان السبوق اللي يردها عليك لو هي عازم يطردها ويصيدها

وراعيه ما طرد ( حولك وحواليك ) ما لها نيه .

تحيآتي

[راعي الشلفاء]

السلام عليكم

مقياس السبق يا بعدي (الي اليمنك هديته دعو اوحبارى ثم دق زوره الارض هاذا السبوق)

[شنوان]

السبق الفارط بالنسبه لي
مثل طير بن ختروش الي الي تعدا الحباري
ولحق القطا في باكستان لين علق وحده من الثلاث

[الولهههههها ن]

السلام عليكم ابشركم ياالربع طرح وكري فرخ وحش اليوم 12\9\1430ه عند ابو هاشم الشريف و الله يكرمه بالي احسن وازين منه باالحر النادر