وأحب هد الطيروالطرش منداع

[ميراج]

السلام عليكم ورحمة الله وبركاته

الأخوه مشرفين وأعظاء مكشات أعجبتنى هذه القصيده وحبيت انكم تقرؤنها عسى ان تنال اعجابكم

القصيده للشاعر زيد بن غيام من الجبلان من قبيلة مطير قالها عند ما بداء البدو النزوح للقرى والمدن

وكان من ظمنهم الشاعر زيد بن غيام حيث فكر فى الأستقرار فى هجرة الأرطاويه سنة 1335 هجري

فتذكر حيات الباديه التى اعتاد عليها البدو فقال هذه الأبيات :



يا مل قلب عذبه كثر الانواع=يبا الطمع مير الطمع يخلف الطوع
والله يالولا زرفلة شقح الاقطاع=وأقول ابا أخذلى مع البدو قرطوع
لاصير فى قصر ما أروع ولا ارتاع=لاهالكٍ ضامى ولا ميتٍ جوع
مير البلا وان طاح بالصلب رماع=وشدو له ( الجبلان ) مع بينة الشوع
تلقالهم من عند ( أبا القد )مرماع=ما عبرو فى عرفج الشق مقطوع
حزمٍ غدا لقليقلانه تمرياع=والرمث ينبت فى مذاريه طالوع
فى مربعٍ ون جاه راع الغنم ضاع=تلقا الجوازى خنسٍ فيه ورتوع
وأحب هد الطير والطرش منداع=شرقٍ من المجذم شمالٍ عن الكوع
فإليا حصل صفق الحبارى مع القاع=والله ما اغبط اللى يصوع الذهب صوع

[صقر]

السلام عليكم

مشكور يا مشرفنا ميراج على هذه القصيدة

وصح السانك .. ولسان الشاعر ..

قصيدة تنم عن حب حياة البادية بما فيها من الخشونة والجفاف ..

وبارك الله فيك.

[ريف النشاما]

يالله حيه

أسفرت وأنورت

أقول وش بالخيمه منوره أثآريك لافي علينا


يامرحبا ويامسهلا

فيك وفي السمينه ألي لفيت بها

قصيده رائعه ومعاني مصقوله بمداد من أثر الصحراء

شاكر ومقدر لك

تحيتي لك يالغالي

[صاروخ]

اختيار موفق
وشكراً

[ابو عايد]

وأحب هد الطير والطرش منداع=شرقٍ من المجذم شمالٍ عن الكوع
فإليا حصل صفق الحبارى مع القاع=والله ما اغبط اللى يصوع الذهب صوع

أحسنت يابوطارق

صح لسانك ميراج والله قصيده جميله . قمه في الروعه

وانشاء الله يجي منك زود ؛ وتسلم يمناك يا ذيب

وتقبل تحياتي // العاشق الولهان

[ميراج]

السلام عليكم ورحمة الله وبركاته

مشكورين على مروركم ولا هنتو جميع
-------------------------------------------------------------------------------------------
الأخ صقر وعليكم السلام وصح بدنك العفو ما سوينا شىء

-------------------------------------------------------------------------------------------

الأخ ريف النشاما من قال يحيا المهلى ما يولى

الزين فى المشاركه انها نالت رضاك ابو عبدالعزيز سعدنا بمرورك ولا منت

----------------------------------------------------------------------------------------------

الأخ صاروخ مشكور على مرورك الميمون

--------------------------------------------------------------------------------------------------

اخوى ابو عايد صح بدنك نورة المشاركه بمرورك الكريم

تحياتى للجميع

[السمح]

ميراج عسى الله يخليك لعين ترجيك

عز الله إنها قصيدة ومن زمان وأنا أحفظ البيتين :


وأحب هد الطيـر والطـرش منـداع=شرقٍ من المجذم شمالٍ عـن الكـوع
فإليا حصل صفق الحبارى مع القـاع=والله ما اغبط اللى يصوع الذهب صوع

وكنت أبحث عن بقية القصيدة وما لقيت من يجيب العلم ، الوكاد إنك جبتها وهذي عاداتك يابا العوايد .

ترى حتى الاختيار يدل على علو الذوق ومعرفة الحسن من غيره .

أحلى تحية

[المري]

تسلم اخي ميراج على هذه المشاركة الرائعة...

وانا مثل السمح اسمع هالبيتين من سنين بس ماعرف باقي القصيدة...


تسلم وماقصرت

اخوك / المري

[ميراج]

مشرفنا الغالى ابو تركى مشكور مشكور مرورك اسعدنا

الحمد لله المشاركه حققت الهدف وسدت الزوم :D

----------------------------------------------------------------------------------------------

مشرفنا الغالى المرى لاهنت اخوى

ومن قال سالم

[حفرلوجيا]

صح لسان الشاعر واللي اختار
الحقيقة يابو طارق لو مايجي من القصيدة إلا روعة البيت

فى مربعٍ ون جاه راع الغنم ضاع ******* تلقا الجوازى خنسٍ فيه ورتوع

وكلٍ يغتي على ليلاه ..

[ميراج]

هلا والله ابو سليمان اسفرة وانورة

أجل كلٍ يغنى على ليلاه :D :D :D

ملغومه ذا الكلمه

مشكور ولاهنت