دكتور البطاريات وين موقعه لاعدمتكم [الأرشيف]

هويدي

29/08/2009, 03:58 AM

السلام عليكم ورحمه الله وبركاته

صبحكم الله بالخير جميعاً

قبل كم يوم نسيت اللمبه الداخليه تشتغل وفضت البطاريه وشغلتها بنتعه :D

ولكن صار فيه ضعف بالبطاريه وودي اصلحها قبل تخرب

وسمعت ان فيه محل متخصص بأصلاح البطاريات باصناعيه الدائري ( الصناعيه الجديده )

مخرج 18 فاللي يعرف مكانه وجرب شغله يوصفله لنا مشكورا وله دعوه بظهر الغيب بهالشهر الفضيل

هذاوتقبل الله منا ومنكم صالح الاعمال والدعاء

sayaf07

29/08/2009, 05:18 AM

الي اعرف انه نوع من انواع البتري لتجديد البطاريه اسمها دكتور / بتاري
تابعه لمجموعة العرفج التجاريه السعوديه
ماهوب بمحل على مااظن
والله يدلك

المارونـــي

29/08/2009, 05:21 AM

اخوي مايحتاج لا دكتور ولاشي لاهنت يعني تطلع لك مشوار ساعه ولاتطفي السياره فيها
وان شاء الله بيكون كل شي على مايسرك
وشيك على ماء البطاريه يمكن يكون قاصر

ضلع الرقيبه

29/08/2009, 05:26 AM

تروح لأقرب بنشر تحصل عنده ماكينة شحن للبطاريه يشبك بطارية سيارتك لمدة ساعه او اقل

وتضبط امورك

اه وفيه واحد للبطاريات اشوفه في الصناعيه على الدايري الجنوبي عند مصنع الأسمنت لكن ما ادري عن شغلهم ولا طريقتهم
اتمنى اكون افدتك

فتك ابوفهد

29/08/2009, 05:29 AM

الوصف ياطويل العمر
اذا كنت جاي من الدايري الجنوبي وطلعت على الدايري الشرقي ديور مع اول مخرج اتوقع ( 17)
وخلك على الخدمه لين تجيك صناعية الدايري على يمينك خلك على الخدمه لاتدخل للصناعيه
المحل يفتح ( جنوب ) على الدايري جنب محلات تأجير السيارات

اتمنى انك فهمت الوصف
واي سؤال أنا حاظر

سوبر VTC

29/08/2009, 06:21 AM

و عليكم السلام و رحمة الله

فرغ الماء من البطارية الجديده

و رح لم اي محل بطاريات خله يحط ماء
مقطر + اسيد
و خله يشحنه لك :good:
نص يوم تقريبا

احد الربع عنده بطاريه اضافيه بالخلف مركبه له 9شهور
و خربت عليه
وداه لمحل البطاريات و حط جهاز فحص الماء
حصل ان الماء تعبان جدا بسبب قل الاستعمال
تقريبا 8فولت :no:

فرغ الماء و حط ماء جديد و اشحنه :good:

بعضهم يغسل البطاريه بالماء الحار 5مرات
يخضه تقل لبن و يكب الماء
عشان تطلع الترسبات
اللي هي كبريتات الرصاص

اخبر شخص عنده 12بطارية حقت مكاين مزرعه
طبعا موسم الزراعه 4شهور الى 5شهور تقريبا
قمح
اذا انتهى الموسم
فرغ الماء من جميع البطاريات
السنة القادمه يعبيهن ماء و اسيد و يشحنهن
اللي خرب منهن بعد هذه المده
4 بطاريات من اصل 12

الستانس

29/08/2009, 06:26 AM

فتك ابوفهد

29/08/2009, 06:26 AM

الاخ سوبر فتك
محل دكتور البطاريات يقولون عنه يصلح البطارات الميته اللي ماعاد منها فايده فهمت قصدي
وش رايك قد سمعت به

سوبر VTC

29/08/2009, 06:32 AM

الاخ سوبر فتك
محل دكتور البطاريات يقولون عنه يصلح البطارات الميته اللي ماعاد منها فايده فهمت قصدي
وش رايك قد سمعت به

اذا كان المحل بالورش اللي بالدائري الجنوبي
فسبق ان احد الاخوان نزل عنه موضوع
و يقول ان كل انبير بريال
بمعنى
اذا كانت البطارية 80امبير ياخذ منك 80ريال
البطارية الميته راجع ردي السابق
احد الاخوان عنده بطارية اضافيه 120امبير
اشحنه عند محل بطاريات + تفريغ الماء
ب10ريال :good: خلاه يوم كامل

من وجهة نظري اذا كان عندك بطارية اضافيه
ما يمنع انك تعيد شحن البطارية الاساسيه اذا كانت ضعيفه مثلا
لكن
اذا كان ما عندك بطارية اضافيه بالكبوت او بالخلف
فانا راح اشري سلامتي :good:
و ازود 120ريال و اشري بطاريه ب220ريال
خصوصا اذا كان الموتر قير تماتيك

موفق

سوبر VTC

29/08/2009, 06:37 AM

ادخل هذا الرابط
طبعا شرط الشحن الا تكون الكترونيه
للاخ العزيز المترو

لاتشتري بطارية جديده لسيارتك بعد اليوم ! فقط 70 ريال وتعود اليها الحياة! (http://www.mekshat.com/vb/showthread.php?t=153780) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=153780) 2 (http://www.mekshat.com/vb/showthread.php?t=153780&page=2))

فتك ابوفهد

29/08/2009, 06:38 AM

اذا كان المحل بالورش اللي بالدائري الجنوبي

فسبق ان احد الاخوان نزل عنه موضوع
و يقول ان كل انبير بريال
اذا كانت البطارية 80امبير ياخذ منك 80ريال
البطارية الميته راجع ردي السابق
احد الاخوان عنده بطارية اضافيه 120امبير
اشحنه عند محل بطاريات + تفريغ الماء
ب10ريال :good: خلاه يوم كامل

من وجهة نظري اذا كان عندك بطارية اضافيه
ما يمنع انك تعيد شحن البطارية الاساسيه اذا كانت ضعيفه مثلا
لكن
اذا كان ما عندك بطارية اضافيه بالكبوت او اخلف
فانا راح اشري سلامتي :good:
و ازود 120ريال و اشري بطاريه ب220ريال
خصوصا اذا كان الموتر قير تماتيك

موفق

انا معك اذا كانت ضعيفه بس اما اذا ماتت خلاص ما ينفع الشحن

اما من ناحية تغييرها اذا كانت سيارتك تماتيك كلامك سليم :good:

الستانس

29/08/2009, 06:44 AM

اذا كان المحل بالورش اللي بالدائري الجنوبي
فسبق ان احد الاخوان نزل عنه موضوع
و يقول ان كل انبير بريال
بمعنى

صحيح كلامك واذكر الموضوع انا

وبعد ما قريت عنه رحت للمحل لحب لإستطلاع
وسالت عن الطريقه في الحساب ما قالي عن طريقة الأنبيرات
قال لي ناخذ عليك مبلغ كذا.... لا اذكره بالظبط

ولاكن زي ما قلت قريب من 60 ريال

فتك ابوفهد

29/08/2009, 06:47 AM

صحيح كلامك واذكر الموضوع انا

وبعد ما قريت عنه رحت للمحل لحب لإستطلاع
وسالت عن الطريقه في الحساب ما قالي عن طريقة الأنبيرات
قال لي ناخذ عليك مبلغ كذا.... لا اذكره بالظبط

ولاكن زي ما قلت قريب من 60 ريال

طيب ماقالك عليه ضمان وكم ؟

انا والله ماقد جيته بس اقرا لوحته

غالي

29/08/2009, 07:23 AM

شباب ارفقوا علينا

ماعرفنا ميته من غيرها

انا عندي بطاريه تويوتا لها قرابة 3 سنوات بالمخزن

وهي حقت لاندكروزر شد بلد تتعبىء مويه

وماغيرتها الا اكيد طفت علي طبعا

يعني قالوا لازم تغيرها

هل اقدر اوديها للمصنع الي تقولون ويصلحونها لي؟؟؟؟؟؟؟؟؟؟

هنا السؤال نبي نستفيد

اذا كان الجواب نعم

رحت صلحتها وركبتها للجمس بطاريه اضافيه

اذا لا

خليتها بالمخزن ماسكه كرسي البر لايطيح :p

إفيدونا جزيتم خيراً :good:

فتك ابوفهد

29/08/2009, 07:27 AM

وحنا وش قاعدين نقول
ودها لهم ويجددونها لك
بس مدري عندهم ضمان ولا لا

سوبر VTC

29/08/2009, 07:27 AM

شباب ارفقوا علينا
ماعرفنا ميته من غيرها
إفيدونا جزيتم خيراً :good:

طيب عندي لك حل
طبق نفس كلامي السابق بخصوص التفريغ و التعبئة و الغسل
و انت منتب خاسر شي
خله تكلفك 70ريال
الشيئ على التجربه و هذا افضل
جرب :good:

سوبر VTC

29/08/2009, 07:28 AM

وحنا وش قاعدين نقول

هههههههههههههههههههههههههههههههههههههه
هههههههههههههههههههههههههههههههه
ههههههههههههههههههههههه
هههههههههههههه
ههههههههه
ههههه:D:p:D

غالي

29/08/2009, 07:33 AM

ابشوف هاليومين اوديها لهم لاتعصب طيب :D

وانا عارف انه بيطلع اشبث منها بس مايخالف

قديمه ياخوي ومشوار البانزين قيمة تصليحها 60 ريال :p

بيتي حول جامعة الملك سعود

نبي نتأكد قبل لانروح اخاف يرحموني جايبلهم وحدتن قديمه ويشترون لي على حسابهم وحدتن ثانيه

:D :D :D :D :D :D :D :D :D :D :D :D :D

تحيتي لكم جميعا

سوبر VTC

29/08/2009, 07:36 AM

وانا عارف انه بيطلع اشبث منها بس مايخالف

ههههههه
يبيطلع منها عقارب و ضبان :D:p

فتك ابوفهد

29/08/2009, 07:36 AM

عسى دوووم هالضحكه << يصرف هههههههههههههههه :d

سوبر VTC

29/08/2009, 07:39 AM

ليش تضحك عشان ( حنا ) كلمة بدو هذا كلامنا وكلام جدانا

اسمحلي انك تفهم غلط و تلف قبل العاير :D
انا ضحكت لانك انت عصبت و قلت و حنا وش قاعدين نقول
تاكدي لكلامي شف ردد اخوي غالي
قال==> لا تعصب
الله يهديك بس قل امين :)

فتك ابوفهد

29/08/2009, 07:42 AM

ويهدي الجميع
انا ماعصبت بس شفت ردك ودورت شي يضحك مالقيت قلت يمكن هذا قصدك
العذر والسموحه

سوبر VTC

29/08/2009, 07:45 AM

ويهدي الجميع
انا ماعصبت بس شفت ردك ودورت شي يضحك مالقيت قلت يمكن هذا قصدك
العذر والسموحه

جزاك الله خير
تخيل شرح كافي و واضح لا يحتمل المزيد
عن الموضوع من قبل الاخوان و انت ايضا
و همن يجي شخص و يقول
افيدونا :)
اكيد انت لو حولك بيالة صبخته بالجدار :D
يعني شرح و تعب و اخرته افيدونا :p
عموما ترى المسالة مزح اخوي غالي
لاهنت و الجميع

فتك ابوفهد

29/08/2009, 07:47 AM

الله يبارك فيك
ولا يوفوتك ردي اللي فوق خخخخخخخخخ

سوبر VTC

29/08/2009, 07:49 AM

عسى دوووم هالضحكه << يصرف هههههههههههههههه :d

ههههههههههه
دور غيرها ما يمديك :D:p :j

غالي

29/08/2009, 07:51 AM

الا عقوبتن جتك يااخ سوبر فتك هههههههههههههههههههههههههههههههههه

تضحك علي وبلاك ربي :p

امزح ترا ومصار الا الخير كلنا اخوان ونمزح تحيتي لكم ;)

بس ياليتكم تفيدونا عاد يشحنون الاشبث والا لا :D

امزح :D :D :D

سلام :)

فتك ابوفهد

29/08/2009, 07:56 AM

ابشوف هاليومين اوديها لهم لاتعصب طيب :D

نبي نتأكد قبل لانروح اخاف يرحموني جايبلهم وحدتن قديمه ويشترون لي على حسابهم وحدتن ثانيه

تحيتي لكم جميعا

ههههههههههههههههه
:D :D :D :D :D :D :D :D :D :D

ماعليك هذي شغلتهم
واذا قالو شي صرفها قل جاي ادور مثل هذي البطاريه عندكم
خخخخخخخخخخخخخخخخخخخخخخخخخ
:D :D :D :D :D

فتك ابوفهد

29/08/2009, 07:58 AM

:D :D :D

الا عقوبتن جتك يااخ سوبر فتك هههههههههههههههههههههههههههههههههه

تضحك علي وبلاك ربي :p

امزح ترا ومصار الا الخير كلنا اخوان ونمزح تحيتي لكم ;)

بس ياليتكم تفيدونا عاد يشحنون الاشبث والا لا :D

امزح :D :D :D

سلام :)
:D :D :D :D
هههههههههههههههههههههههههههههههههههههههههههههههههه هههههههههههههههههه
ههههههههههههههههههههههه
تمزع بطني من الضحك
:D :D :D

هويدي

29/08/2009, 11:09 AM

جزاكم الله الجنه ووالديكم على ماقدمتم من معلومات جميعاً

تكفي المبادره والمحاوله

واخص بالشكر اخواني الاشاوس سوبر فتك و فتك ابوفهد على الوصف الوافي والكافي

وان شاء الله ابحاول اغزي المحل الليله :p واسدحلكم التجربه مع الاسعار :good:

سوبر VTC

29/08/2009, 04:38 PM

وان شاء الله ابحاول اغزي المحل الليله :p واسدحلكم التجربه مع الاسعار :good:

ايها الفتى :p
لا تنسى ان تتزود من الماء من اجل هذه الرحله الطويله :D
و قم بكتابه وصيتك :p

هويدي

29/08/2009, 06:51 PM

ايها الفتى :p

ويحك ياسوبر فتك انني ذاهبون للغزو تقول فتى !!

كان حريون بك ان تقول ايها الفارس الشقردي :D

لاعليك ازهلهو سوف اتزود بالماء وحافظتون من الفطائر والسمبوسة:good:

كريموف

30/08/2009, 04:23 PM

لاتكب البيالة

30/08/2009, 05:04 PM

السلام عليكم
لقيت هذا الإعلان على المبوبه
متخصصون في تجديد البطاريات ونشتري البطاريات القديمه
وأرقامهم بعد إذا المشرفين طبعاً
014455288
014912812
0546242907
وعندهم فرعين في حي الروضه والثاني في صناعية الدائري
وعندهم جهاز أسمه F-16 Plus King
يوفر في البنزين من 5-25%
يجدد البطارية ويطيل عمرها
يحسن الأداء الكهربائي في السيارة
أنا ناوي أركبه إن شاء الله
وأعلمكم عقب
السلام عليكم
الجهاز اللي ذكرته صراحة قريت عنه قبل فتره وبحث بالنت ولقيت ان منتشر بشكل واسع عند الغرب تشوف يمدحونه بمنتدياتهم المخصصه للسيارات

ليت اذا جربته تعلمنا عنه وكم سعره
وانا افكر اركبه وباتصل بالارقام اشوف

هويدي

31/08/2009, 12:30 AM

اشكر مروركم وافادتكم اخواني كريموف ولا تكب البياله

ابشركم مريت المحل امس وحطيت عنده البطاريات وكنت مواعدهم اليوم بس انشغلت

ابحاول امرهم بكرا واعلمكم بالنتايج

والجهاز اللي ذكرتو اسمه F16 قيمته عند المحل بـ 265 ريال

وبحثت عنه بالنت بالجمله يطلع سعره 60 دولار ميه حبه

ميتين حبه يطلع سعره 35 دولار

لاتكب البيالة

31/08/2009, 12:55 AM

السلام عليكم مثل ما قال الاخ هويدي الجهاز ب 265 عرض رمضان
وشكلي ابجزم واركبه وش رايكم

سوبر VTC

31/08/2009, 06:37 AM

السلام عليكم مثل ما قال الاخ هويدي الجهاز ب 265 عرض رمضان
وشكلي ابجزم واركبه وش رايكم

و عليكم السلام و رحمة الله

هذي صورة الجهاز و الموقع

الصفحة العربية

http://www.f16-pulseking.com/f16-pulseking/ar/index.htm

لاتكب البيالة

31/08/2009, 05:06 PM

و عليكم السلام و رحمة الله

هذي صورة الجهاز و الموقع

الصفحة العربية

http://www.f16-pulseking.com/f16-pulseking/ar/index.htm

هلا
الرابط ذا مهوب للوكيل بالسعودية والله العالم
الوكيل عندنا هو شركة ليان اللي حط ارقامهم الاخ اللي فوق كريموف
وهم لهم موقع بس عجزت اطلعه ابلنق ليان وشلون يكتب؟

هويدي

01/09/2009, 03:52 AM

للأسف ماصلحو البطاريات وعرضو علي شرائهن بسعرن بخس فأبيت البيع

رحت الغرابي شريت جديده وبعت القديمه

ونش

01/09/2009, 04:12 AM

http://http://www.3mints.info/upload/upload.phpنصيحه البطاريه لا نسيت اللمبه خلاص انتهت ولو عبيتها باي طريقه رايح تفضي وتورطك نصيحه غيره احسن لك

غالي

01/09/2009, 05:51 AM

للأسف ماصلحو البطاريات وعرضو علي شرائهن بسعرن بخس فأبيت البيع

رحت الغرابي شريت جديده وبعت القديمه

افا ياذا العلم :confused:

قايلكم ارجوا الافاده ولا تسمعون مني

عز الله بيطيح وجهي قدام الشباب

جايهم اقول بطارياتكم تتجدد ولا تشترون من بعد اليوم :(

عسى محد يجيني يقول يالله مشينا لهم :mad:

المحترف800

01/09/2009, 10:26 PM

يعطيك ضمان على البطاريه اللي تشتريها منه 3 شهور فقط ....

Magellan

02/09/2009, 12:12 AM

للأسف ماصلحو البطاريات وعرضو علي شرائهن بسعرن بخس فأبيت البيع

رحت الغرابي شريت جديده وبعت القديمه

والله إني داري عنهم مو مصلحينها لك
لكن بغيت أرد ونسيت ثم راح موضوعك لهل المنتدى الجديد
بالنسبة لي صار لي معهم سابقه وجبت لهم بطاريتين وقال لي وحده اتوماتيكية مانقدر نصلحها مع إنه أخذها وقال إن شاء الله نصلحها ،وحتى إنها 78 امبير والعامل قال لي إنها 62 امبير ،دليل ماعندك احد
ودخلت لداخل ورشتهم ولقيت أغلبها بطاريات شاحنات 24 فولت
والظاهر إن سبب فتح المحل لهم هي إن راعين البناشر يودون لهم البطاريات بكميات ويعيدونها ويبيعونها مرة ثانية،يعني شغل جملة بالإضافة لأصحاب التريلات والدنات

هويدي

02/09/2009, 08:42 PM

هلا اخوي غالي وسع صدرك الدنيا تجارب انا طاحت رجليني ـ تكرمون ـ من الكلتش بسبب زحمه الدائري وعادي اسم اننا جربنا وفدنا واستفدنا ان شاء الله

يعطيك ضمان على البطاريه اللي تشتريها منه 3 شهور فقط ....

صادق اخوي المحترف هذا اللي صار معي عرض علي انه يشتري البطاريات يوم رفضت عرض علي شراء مستعمله منه :mad: سام بطارياتي عدد 2 40 ريال ههههههههههه رحت بعتها بالغرابي بـ 70 ريال

والله إني داري عنهم مو مصلحينها لك

انا حاس انهم موب مصلحينها من عرضو علي الشراء من اول شي بس اهم شي الوناسه واننا عرفناهم على حقيقتهم ووفرنا المشوار على اخواننا

واشكر الجميع على المشاركات والافاده ودمتم بحفظ الله

فتك ابوفهد

02/09/2009, 09:12 PM

يارجال
زين ماسويت انك اخذت جديده وانا زي ماقلت لك انا ادل محلهم بس ماقد جيتهم

وانا صار قبل يومين نفس اللي صارلك بدت تضعف البطاريه عندي وشيكت عليها لقيت السبب الاصبع حق البطاريه مرتخي
وفكيت الاصابع ونظفتها وحطيت عليا شحم وشديت عليها والحمد لله مشا الحال

تحياتي لك اخوي هويدي

هويدي

03/09/2009, 04:05 AM

هلا والله بالغالي ابوفهد

مايلحقك لوم ياخلفهم بالعكس رايتك بيضا

والحمدلله على سلامة بطارية سموكم :)

غالي

03/09/2009, 05:39 AM

سوبر VTC

03/09/2009, 05:27 PM

أخواني
اليوم شفت بطارية اليوكون
طبعا هي كهربائيه ماتتعباء مويه
نصيحتكم الله يرضالي عليكم
جايه ان شاء الله طلعات بالشتاء ماابي ادخل بر بعيد واتوهق :(
وأفضل بطاريه لليوكون بالسوق وشهي؟؟
الي عندي سي ديلكو
تحيتي لكم

نصيحتي طلع البطارية اللي بالمستودع
حقت الشبث و العقرب :D:p
ترى البطاريات الاندونسيه و الكوريه اللي يعبن ماء
افضل من الالكترونيه و تعيش فتره اطول
تغلقه ماء كل3 شهور او حتى كل 6شهور
على حسب استخدامك له من حيث اللمبات و المحول
لكن تبقى مشكلة توليف اصابع البطارية

فتك ابوفهد

03/09/2009, 06:40 PM

أخواني

اليوم شفت بطارية اليوكون
طبعا هي كهربائيه ماتتعباء مويه

ولقيت المؤشر حقها اسود

طبعا :

أخضر / ممتازه

أسود / اشحن البطاريه

أبيض /غيرها

وش رايكم اروح اشحنها عند بنشري والا اغيرها؟؟؟؟؟

نصيحتكم الله يرضالي عليكم

جايه ان شاء الله طلعات بالشتاء ماابي ادخل بر بعيد واتوهق :(

وأفضل بطاريه لليوكون بالسوق وشهي؟؟

الي عندي سي ديلكو

تحيتي لكم

هلا والله بغالي
نصيحه اذا بطارية سيارتك لها اكثر من سنه غيرها
لأن حسب استخدامي للـ آي سي ديلكو عمرها سنه وحده فقط
ثم تبدا تنتفخ << يجيها قولون عصبي :D <سامج:D
وطبعا تخرب < لا ياشيخ قل والله :D

واذا غيرتها ركب اي نوع غير اي سي ديلكو
في نوع انا مجربه بس مدري في منه انواع للأمريكي ولا لا
وهو نوع اسمه هانكوك هو كوري بس اثبت جودته مع الأستخدام
مع اني ماركبت بطاريه اضافيه يعني الحمل كله عليها كنود + لمبات الكبوت + ماطور هوا
ولها الحين ماشاء الله فوق سنه ونص

واذا جيت تغير حاول تاخذ بطاريه اكثر انبير من القديمه
يعني افرض بطارتك مثلا : 60 انمبير
ركب 80 انمبير افضل ولاتضر سيارتك ابد

اتمنى اني افدتك
ولا تنسى البطاريه اللي في المستودع لازم تصلحها :D :D
وخلها اشبث احتياطيه _ اقصد بطاريه احتياطيه :D :)

هويدي

03/09/2009, 06:46 PM

فتك ابوفهد

03/09/2009, 07:13 PM

هلا والله بجماعه الربع :)

غالي زي ما تفضلو الاخوان صلح القديمه وخلها اسبير عندك

بس قرطسه يقولون الشبث يشبك عليه لاب توب <= ياشين تميلح اللي توه مفطر

ونا شريت بطاريه كوريه 90 امبير قبل ثلاث ايام ضمان سنه بـ 230 بعد المكاسر 220

ههههههههههههههههههههههههههههههههههه :D

مساك الله بالخير اخوي هويدي
ماشاء الله عليك من وين شاري البطاريه والله سعرها منتاز :)
ووش نوعها ألكترونيه ولاعاديه ؟
هل هي هانكوك ؟

غالي

04/09/2009, 12:06 AM

أخوي سوبر فتك شاكر لك على ((الافاده)) :D الله يجزاك بالجنه ووالديك

فتك ابو فهد الله يجزاك بالجنه ووالديك شاكر لك على النصيحه والمعلومات

أخوي هويدي الله يجزاك بالجنه ووالديك وشاكر لك النصيحه والمعلومات

لكن يبقى يااخوان اصابع اليوكون قلق جايه على جنب :confused:

والاصابع مو مثل السيارات مسمارها اصغر

ولو غيرتها ببطارية اصابع علويه راح اضطر اطول الاسلاك وانا صراحه ماابي العب بالكهرباء

خصوصا اني ابروح واحد ماادري عن شغله

على كل

السياره لاني باجازه ولا استخدمها كثير لان عندي سياره غيرها

واتوقع والله اعلم من الوقوف وعدم الاستخدام الا قليل ضعفت البطاريه

لكن ابحاول هاليومين اشوف بطاريه اصابعها على جنب غير سي ديلكو

وتحملوني راح اشاوركم هنا بالماركه

تحيتي لكم بيض الله وجيهكم :good:

غالي

04/09/2009, 03:00 AM

ياجماعه

تم الاتصال على راعي بطاريات في صناعية العروبه لكي اسأله عن البطاريات

وقد افادني ان من يوم السبت القادم سوف ترتفع قيمة البطاريات 10% حسبي الله ونعم الوكيل عليهم

والسي ديلكو عنده ب350 ريال :confused:

وفيه كوريه نسيت اسمها اصابعها على الجنب تنفع لليوكون سعرها 260 تقريبا
هذا ما افادني به والله على مااقول شهيد سبحانه

استنى رايكم اليوم لاني بكره ابروح اركب

السي ديلكو والا الكوريه؟

وكلهم اكترونيه لاتتعبأ مويه

بإنتظاركم:good:

هويدي

04/09/2009, 03:49 AM

السي ديلكو سمعت انها اسرائيليه وان عمرها الافتراضي محدد

انصحك بالكوريه زي اللي ركبت على موتري

الكترونيه الكتابه بأحمر اسمها على خط ابويمن بالفاتوره ساموراين بـ 230 ريال

شارع الريل ـ قبل فندق القاصمه 0546891148

ان زود السعر ولا شي قله انا خوي راعي الجيب

اللي اكل سمبوسه عندكم قبل ثلاث ايام ههههههههه

فتك ابوفهد

04/09/2009, 03:58 AM

اخوي غالي انصحك بالكوريه

ترى في انواع كثيره للأمريكي خذلك لفه على البناشر القريبه من عندك
وبتحصل اللي في بالك ان شاء الله
واذا كنت فاضي مر على الغرابي راح تحصل محلات خاصه بالبطاريات
بتحصل انواع كثيره وارخص من السوق بعد

او رح لبو يمن خوي هويدي
وانتبه لازم تقول كلمة السر ( السمبوسه )
هههههههههههههههههههههههه

غالي

04/09/2009, 04:22 AM

أخوي هويدي بيض الله وجهك <------ من كثر مايقول بيض الله وجهكم بتنقلبون زبادي الظاهر ههههههه

مالي الا الله ثم الغرابي بكره ان شاء الله

وتو معي واحد من الشباب بالماسنجر قلت له ان كنت محتاج بطاريه غيرها قبل لاترتفع
قال بالعكس رخصت !!!!!!!!

قلت كيف؟؟ مكلم تو بنشري مااروح الا له ابو هنود

قال من اسبوع يوم امرك في محطه عند حي النخيل وقفت اسأل عن بطارية سي ديلكو للكابريس حقي

قال قيمتها 230 ريال !!!!!!!!!!!!!!!

قال رح بكره له جنبك وسأله :(

انا ابروح اتأكد بكره وان طلع ابو هنود يكذب علي

عز الله ابدق عليه ابقول متعطل في بنبان تعال واعطيك حق الليموزين

وهذا وجهي ان خليته ((ناوي يلعب علي ان كانها تبي ترخص :())

وان كانت والله ب350 وخويي ماعنده سالفه مالي الا الله ثم شارع الريل واشوف الساموراين الي تقول اخوي هويدي

فتك ابوفهد الله يجزاك خير وبيض الله وجهك

ابشوف هالي جنبي ان مافيه نتيحه مالي الا الغرابي وشارع الريل

وبكره بعون الله تجيكم الاخبار الله يحيينا امين

تسلمون

الوانيت1

05/10/2009, 10:30 AM

للرفع والأستفاده ............ /////.

سعيدان11

08/12/2010, 09:01 AM

ياخي انا اقصدكم انتم والله حالتكم حاله
الى درجة اني ودي اشتريلكم بطاريات على حسابي
بس فيه شركة اسمها شركة جهد السعودية الكورية وهي في صناعية الموسى
يشحنون كل انواع البطاريات ولايضيفون عليها شي مثل دكتور باتري مره جبتلهم بطارية
وجبت معي واحد ثاني عشان اشيلها
بس هذي الشركه لا ماحطو عليها ولاحاجه
ولهم موقع في النت اكتب بس في قوقل شركة جهد السعوديه تجيك
معلوماتهم
ولي يقول حاط البطارية على بيت الشعر عطنيها ياخي بحطها للوايت
خخخخخخخخخخخ