المساعد الشخصي الرقمي

مشاهدة النسخة كاملة : استفسار عن...؟


عشقي البحر...
29/08/2009, 08:49 PM
ياشباب اول شي مبارك عليكم الشهر الكريم

تاني شي الوالد كان معترض على الغوص وجا واحد من جماعتنا واتفاهم معاه ووافق الحمدلله
ابغا استفسر عن
س1 - البدلة كم ملم اخد ؟وفي مقاسات كبيرة؟
س2 - البي سي دي في مقاس كبير ويكون بسعر طيب؟
س3- كم سعر المنظم او كم يبدا سعره؟
اش رايكم بعد الدورة على طول اشتري المعدات ؟

ارجو الافادة .....ولكم جزيل الشكر
jeddahauto
29/08/2009, 10:43 PM
اذا ما كنت غلطان انتا اخونا الصغير ... نفسو يغوص صح ؟؟؟ :)

ج1: على حد علمي اظن 2 ملم مناسبه لمناخنا فما تكون خفيفه وتحس بالبرد علطول ولا تكون سميكه فتنفعك في ايام البرد و تضايقك معظم ايام السنه
والمقاسات زي اي ملابس من s الى xxxl

ج2 : البي سي دي برضو تلاقي منو نفس المقاسات زي الملابس و لكن لا تاخد بي سي دي الا وانتا مجربه اول وتلبسه وتشوف اذا يلائم جسمك ولا لأ .. لان الاهم انك تاخذ راحتك فيه و ما يكون واسع او ضيق ... وانواعه كثير و تختلف اسعاره بحسب جودته و مواصفاته سواء كان جديد او مستعمل

ج3 : راجع ردي في موضوع سابق لأحد الاخوان و راح تجد كل الاجابات اللي تتعلق بمعدات الغوص :)
الرابط :
http://www.mekshat.com/vb/showthread.php?t=222736

و رأي لا تشتري معدات الا لما تكون متأكد ان رياضه الغوص راح تمارسها بشكل دائم و ما تكون مجرد نزوه او انك تفكر تغوص في السنه حسنه فأكيد الافضل انك تستأجر ... و لكن انا عن نفسي اشتريت معدات لأني جربت معدات الايجار و لقيت انها تعبانه و غير موثوقه و مالها داعي في الحياه و انت عارف ان معدات الغوص مافيها لعب لان تحت البحر الموضوع يصير حياه او موت

ان شاء الله اكون افدتك ولو بالقليل واكيد باقي الاخوان راح يفيدونك بشكل اكبر
abuufahad
30/08/2009, 12:16 AM
ماقصر اخوي جده اوتو كفى ووفى

والله يوفقك وان شاء الله نشوفك غواص أد الدنيا
A B D U L L A H
30/08/2009, 01:31 AM
بالتوفيق لك اخوي ( عشقي البحر )

ودعواتنا لك بالتوفيق والسداد

//

وماقصر آوتو جدة ... آعطاك ماعنده من معلومات

//

عقبالنا إن شاء الله تعالى ... بعد الشهر الكريم ... :)
عشقي البحر...
30/08/2009, 04:33 AM
اشكركم على المعلومات الاكثر من مفيدة والله يجعلها في موازيين حسناتكم
طيب يعني اهم شي المنظم و البي سي دي
؟؟؟؟
jeddahauto
30/08/2009, 04:51 AM
اكيد يا عاشق البحر بان المنظم هو اهم شي .... البي سي دي لو خرب فما راح ياثر غير انه يخرب الغوصه عليك وراح تضر انك ترجع تطلع تاني للبر .... لكن المنظم الرئيسي لو خرب فعندك الاحتياطي ولو خربو الاثنين فعندك البدي ( زميلك في الغوص ) تتنفس معاه من الاحتياطي تبعو الين تطلعو

و لو اشتريت جديد او مستعمل نظيييف فلو اهتميت فيه و خليته بالشمس او يحتك بالارض وانتا طالع او نازل للبحر و تغسله بعد كل غوصه بالماء بعد نقعه فان شاء الله راح يخدمك سنوات كتيييييييييييييييييييييييير :)
عشقي البحر...
30/08/2009, 06:13 AM
قصدك كيف يخرب المنظم الاول
وفي سوال تاني وهو انا رجلي عريضة واشتريت جزمة مقاسها 46 >>قولو ماشاالله
اقدر الاقي زعانف كبيييير ياريييت تتكادلي من الموضوع دا
abuufahad
30/08/2009, 04:05 PM
قصدك كيف يخرب المنظم الاول
وفي سوال تاني وهو انا رجلي عريضة واشتريت جزمة مقاسها 46 >>قولو ماشاالله
اقدر الاقي زعانف كبيييير ياريييت تتكادلي من الموضوع دا


بالنسبه للسؤال الثاني


ماشاء الله تبارك الله دام ان هذا مقاسك فما تحتاج الى زعانف لان زعانفك منك وفيك


ههههههههههههههههههه

امزح معك يا غالي

ان شاء الله تحصل المقاس اللي تبي لان معدات الغوص ماشاء الله بلا حدود وتحصل اللي تبي بدون تعب

وبالتوفيق