بحريه مقاس 17 *17 معقول [الأرشيف]

صقار الأسياح

30/08/2009, 03:20 AM

االسلام عليكم ياشباب انا ما عندي اي خبره بالشياهين ولا اعرف عنها شي واجهت واحد يقول عندي شيهانه بحرية للبيع مقاسها 17 في 17 هل تاصل البحرية للمقاس هذا هي وحش وشكرا

جـرح الشمـال

30/08/2009, 03:21 AM

مافي شي مستحيل بس نادرا تاصل المقاس ذا

صقار الأسياح

30/08/2009, 03:23 AM

مافي شي مستحيل بس نادرا تاصل المقاس ذا
مشكور ونشوف باقي الأراء

شنقاري

30/08/2009, 03:26 AM

اللي اعرفه

اكبر الشياهين 16,5

هماش

30/08/2009, 03:26 AM

السلام عليكم
البحريه تيجي 16 وشوي وبعد تكون نادره

لكن مقاس 17 ماشفت ولا سمعت
الزمن هذا كل شيئ فيه غريب

راعي الفلوجه

30/08/2009, 03:37 AM

البحريات قليل منهم اللي يجي 16*16 .........

حامد الحنيني

30/08/2009, 03:41 AM

مع راي الاخوان اللي اخبره 16 ويمكن تزود شوي بس مافيه شئ مستحيل..

راع الطيب

30/08/2009, 03:43 AM

اخوي حسب علمي ماتجي هالمقاس ابد
حسب ماقال اخوي هماش لاشفنا ولاسمعنا

واذا وصلت قياس 16 وشوي تعتبر نادره واسعارها خياليه الفروخ

ابوحمددددد

30/08/2009, 03:44 AM

مشاء الله هاذي نادددره
والله يرزقك ان شاء الله

فارس 74

30/08/2009, 03:56 AM

سمعت انها تجي بس تكون خارجيات من روسيا وشمال اوربا والله واعلم

ابو سلطان898

30/08/2009, 04:02 AM

اخوي العزيز صقار الاسياح :
بعد اذن الأخوان والله ماهو معقول ولا قد سمعنا ولا شفنا
البحريه وصلت هالمقاس وانا اخوك لكن الناس تغيرت
هالسنين التاليه ويمكن طيورهم تغيرت معهم اجل الجبليه صارت تاصل ست طعش ونص والبحريه سبع طعش
والله ماقول الا خير لكن من جاء هالتفريخ علينا وحنا رايحين حوسه (اخوك صقار قديم بس ماني شايب )

مطامر

30/08/2009, 04:12 AM

صقار الاسياح يمكن صيغة مبالغه وانت تعرف ابن ادم مخلوق من طمع
ويمكن خويك غشيم وهذا عرفه
المهم هذا الكلام غير صحيح باستثناء شياهين التفريخ
اكبر شيهانه طبيعيه وحش تاصل 16ونص وهي نادره جدا جدا

أسعا ف

30/08/2009, 04:21 AM

خاف خويك مقاسها عدل .

صقار الأسياح

30/08/2009, 04:28 AM

بيض الله وجيهكم وانا ما ادري عنه هو غشيم اولا وانا ما اعرف الشياهين اما الحرار خذ ولد

عاشق المقناص3

30/08/2009, 04:29 AM

السلام عليكم ورحمه الله
أخوي هاذي الشهانة من النوادر
أخوك:
عاشق المقناص3

لعّاب المنايا

30/08/2009, 04:32 AM

عادي وانا أخوك تجي ليش لأ يمكنها شاهين بيلز
وقد تكون شاهين بيلز هجين خلا ,,

أبو أمين

30/08/2009, 04:34 AM

مستحيل الا التفريخ وما مدري هل هو يوصلها ولا لا

هذا كلام واحد خبرررررررررررره ولا يهونون البقيه

جملا2008/

30/08/2009, 04:43 AM

يمكن الرجال مقاسة غير عنا \الي اخبره شياهينا العادية وسلامتك طول في عرض

فارس البيد

30/08/2009, 04:44 AM

الله اعلم

انا ما سمعت عن هذا الحجم ابدا

الشامخ 111

30/08/2009, 04:50 AM

ارى انه من النوادر جدا جدا ان تتعدى الشياهين البحربه 16,5 لكن يمكن قصد الرجال جير والجير يجي لو تبي 19 شكر ا لكم

شنوان

30/08/2009, 05:10 AM

يمكن معطينها هرمونات جير

راعي مسكت

30/08/2009, 05:26 AM

مرحبا ياصقار الاسياح
البيلز مثل ماقال اخونا لعاب المنايا تجي بهالمقاس
والبيلز هو نوع من انواع الشواهين ويوجد في امريكا وكندا وروسيا ويتميز بقصر جناحه
ويوجد وحش ويوجد تفريخ ويوصل زي السلام عليكم 17 في 17
وهذا وفيه ناس صقروها ومعانا في المنتدى وبيدلون بدلوهم ولا علمنا عليهم :)
وسلامتك وسلامه القارين

نواف نجد

30/08/2009, 06:34 AM

ممكن مافيه شي مستحييل بس غريبه

بو غازي

30/08/2009, 06:37 AM

السلام عليكم ورحمه الله وبركاته
صقار الاسياح: لايوجد 17 ابدا طبعا اتكلم عن الشاهين البحري الاصيل
اذا جاتك 16 نادرة وتباع بمبلغ وقدره هذا والعلم عند الله .

..@القناص@..

30/08/2009, 07:47 AM

انا لاقي شيهانه بحريه بسوق الطيور الي بالديره
16*16ونص واتوقع والله العالم انها فرخ ومسيومه 55,000 ريال
وماسيمت هالقيمه الا عشانهااَ نادره بس مادري يالغالي اذ1 فيه 17*17

المري

30/08/2009, 09:55 AM

مقاس 17 في 17 مايجي ابدا في الشاهين

حتى البيلز مايجي 17 في 17 ولا سمعنا عن ذلك لاوحش ولا في مزارع

يمكن جير شاهين بيلز ياصل 17 في 17 بالراحة ..

شاكرين لك ياصاحب الموضوع

اخوك - المري

عاهد بن علي

30/08/2009, 10:24 AM

عادل الجابر

30/08/2009, 10:33 AM

محمد الفهيد

30/08/2009, 12:04 PM

قبل سنتين انعرض شاهين في مكشات وحاطين عليه قياسه واصل 17
هل القياس مغشوش الله أعلم

ومن 4 سنوات انطرح شاهين في العراق وقالوا قياسه 17 العرض و 16.5 الطول
وانباع على اهل الكويت بــ 25 الف دولار

نسمع بس ماشفناها

الفياض***

30/08/2009, 12:45 PM

تاصل لكن نادر جدا جدا

( ما على الله مستحيل )

كابوس الخرب

30/08/2009, 01:05 PM

سبحان الله وما في شي مستحيل في ذا الوقت لا احد يكذبه وشش دراكم يمكن الرجال صادق انا امس شايف شبوط مقاسه 10000*100000
هههههههههههههههههههههه
لا امزح والله يكمن انه صادق موهب الا اعلا شي 16*16يمكن
الانسان ماكان طويل حيل من زمان ولا تقريبا الحين يمكن الشيهانه نفسه

رأعي الخرشه

30/08/2009, 01:23 PM

السلام عليكم ورحمة الله وبركاته
مبروك علينا وعليكم الشهر وتقبل الله منااا ومنكم ان شاء الله
والله اتوقع انا الشاهين هذي تفريخ اكبر شاهين وحش شفته 16 ونص ,,,,,,
وتقبا مرروري

حمد الظبياني

30/08/2009, 01:59 PM

الله واعلم

الجراح11

30/08/2009, 02:21 PM

العلم عند الله سبحانه لاكن ما مر ولا سمعت ان فيه شيهانه بهالمقاس الا ... الهجين

راعي مطروح

30/08/2009, 02:35 PM

افادوك الاخوان وماقصروا الله يعطيهم العافيه

الغايب الحاضر

30/08/2009, 03:01 PM

الله اعلم بس اللي اعرفة 16.5 اكبر قياس للبحرية لكن فيه ناس اذا بغت تقيس الطير تحط الاصبع بين الطير وبين المتر

صقار الأسياح

30/08/2009, 03:07 PM

للجميع بيض الله وجيهكم على الردود والرجال والله مدري عن صقارته وخبرته ما قابلته الا مرات قليله

صقار الأسياح

30/08/2009, 03:10 PM

السلام عليكم ورحمة الله

شيهانه 17 في 17 قويه :j

ولا بالأحلام:no2:

ومن بيقنيهاااا مستحيل والله أن يكووون خبرهاااااا في كل حته:no:

أذا جير شاهين ممكن

لكن شاهين فارسي ولا بالعذابين

صقار الأسياح

خلال متابعتي للمنتدى أجزم أنك صقار كفو ولا يهونون الربع

أترك عنك الخزعبلات اللي قااالك ذا كلامه ما هووو صحيح ما ني قايل كذاب

يمكنه جديد بالصقاره أو ما يعرف يقيس الطيور

كثر كلامي من عشقي للشاهين وحبي لها وأحب أصقرها دوووم

شاهين 17 في 17 وأصيل

نووو .. نهي .. لا:p

تحياتي لك

هلابك اخوي انا زي ما قلت مالي بالشياهين لو القاها بالسوق يمين رحت يساااار معطيني الله بغضها ههههههههههه ولا صقرتها الا مره وحده واشغلتني احطها على التكيه مبرقعه القاها على كتفي ويعلم الله اني جاد ما اعرف عنهن شي وشكرا

@قرناص@

30/08/2009, 03:13 PM

الشيهانه كانها اصيله ولاهجنت او فرخت فا اكيد انها ماتتعدى 16ونص

وان كان خويك يقول انها 17 مانقدر نحكم ...!!

لأآكن اكيد انها تفريخ والا تهجين ،،

والعلم عند الله

الرّمااااي

30/08/2009, 04:18 PM

هذا المقاس من النوادر جدآجدآجدآ

نعم ممكن لكن من النوادر

انا جبت شاهين من مجيرمه منذ عدة سنين مقاس 17 وفي ذلك الوقت كان استعمال المقاس في بداياته

وجبت شاهين من ايران بنفس المقاس لكن هذا المقاس من النوادر

((((((( والله على ما اقول شهيد )))))))

السلام عليكم ومن غير قصور بالباقين اخوي عاهد رجال خبره واكد القياس ولو انه نادر جدا جدا والله يعطيه العافيه
مع ملاحظه ان السعر راح يكون غالي جدا وشكرا

البانلي

30/08/2009, 04:28 PM

سبحان الله له

رضوان

30/08/2009, 04:46 PM

السلام عليكم
أنا مرة شفت صورة شاهين فرخ حسب ما اتذكر انه 17عرض وزود وطوله 16.5طرح العراق ان ما ني غلطان والصور واخذها من المنتدي
http://www.mekshat.com/pix/upload03/images122/mk23322_hg.jpg
http://www.mekshat.com/pix/upload03/images122/mk23322_lkl.jpg
http://www.mekshat.com/pix/upload03/images122/mk23322_zx.jpg

راعي غضبان

30/08/2009, 05:58 PM

اخوي ماتجي ابد 17 الا ان كانها تفريخ ماعرف انها تفريخ لونه قريب وتلخبط فيها و الا بعض الناس مايعرف للمقاس يرخي على المتر ويخليه يزود في العرض والطول وبعضهم يشد عليها شد قوي وينقص فيها شوي والف شكر اخوي لك

مشبر البران

30/08/2009, 06:11 PM

ما عندي علم

راعى شاهين

30/08/2009, 07:18 PM

انا شفت بحريات معروضات عند ابن منيس 16ونص ب16 ونص قديم هالكلام تقريبا لها اربع سنين

__ابوهلا__

30/08/2009, 11:42 PM

سلام عليكم
انا لقد جبت ثنتين وحده
انا شريت بحريه وحش 17في17 من اسيا
وثانيه
من العراق 17في17
ولله صادق
بدور صوره وبنزله
وشكرن تقبلو مروري
وذاللبيع اناشراي

المزروعي

31/08/2009, 12:51 AM

سمعت انها تجي بس تكون خارجيات من روسيا وشمال اوربا والله واعلم

صدقت , و اذكر واحد من الربع باع شاهين بهذا المقاس طرح روسيا على الامير السامر 120,000 ألف درهم

~ V T A C ~

31/08/2009, 01:45 AM

عز الله انها دواء الصقار

يازينها ويازين صياحها

ويازين مكافخها بعد

والصراحه انا ماتوقع انها تجي من الخارج

او تفريخ

راعي مسكت

31/08/2009, 05:17 AM

صقار الاسياح عفست الشباب بهالسؤال ههههههههههههههه
والمشكله ان الي مايعرف يقول ماتجي (مايقول مايعرف )
ماهو عيب يااخوان انقول مانعرف (ماحد يولد عالم )
ومره ثانيه شكرا لك ياصقار الاسياح صحيح مواضيعك مبين فيها احترامك للاخرين حتى لو منت مصدقهم
فالي عرفناه انه عيب نكذب العالم واحنا جاهلين (فخلي عندك مرونه في تلقي المعلومات وتأكد منها وبعدين سو الي بتسويه ):)

فارس طيء

31/08/2009, 09:17 AM

السلام عليكم

الشواهين فصايلها واجد والي تجي عابره للخليج والي تسمى الفارسيه هي حدا ثنتين اما شاهين الكاليدس (Calidus) او البيريقراينوس (Peregrinus) وهذي احجامها ما تتعدى ال 16,5

وبالنسبه للشاهين الي ياصل ال 17 فهو يسمى البيلز (Peale's) وهو غير مهاجر ويقطن شمال امريكا وشرق سيبيريا وهذا النوع من الطيور موجود بالمزارع وبالوحش ويعتبر اشرس الشواهين وانزرها والي مقتنع بصقارته ياخذ منه ههههههههه وعدم عبوره للخليج هو سبب اختلاف الشباب وكأن الكره الارضيه محدوده بالخليج فقط هههههه امزح معكم

شعيب الابييض

31/08/2009, 10:02 AM

السلام عليكم

سنة 1996جاب واحد من الربع شاهين طرح مصر مقاسه17*16ونص والمقاس صحيح لكن سعره 90000الف جنيه لما كان الجنيه يعادل درهم وثلاثين فلس وجاب معه شياهين واجد وفيه 16ونص لكن هوكفه اكبر من كف الشاهين الجير وفي الوقت ذاك كانت الجيرات متوفره في الامارات .

ومره مريت على رجال مذكوره عنده شياهين للبيع ولما دخلت عليه ان ذاك الشاهين القرناس البيتي اللي حسبته جير حاطه في المجلس بعد ما تقهويت قمت على الطير اقلبه ولانه شاهين وكبير في السن و من كبره تقل عقاب وقلتله تسمحلي اقيس الطير قال اذكر الله وخذ راحتك وقسته وطلع 17*16 للي يعرف المقاس يعني تقل ماله ذنب لا ويوم سالته عن سن الطير قال قرناس 8 سنين وكلن يعرف ان اي طير كل ما قرنس يصغر حجمه في اغلب الاحيان.
هذا للعلم وشكرا

شعيب الابييض

31/08/2009, 10:08 AM

ما دام ما معكم ولا فرخ شاهين*******مافيه داعي راعي الحر يشقا
ما يلحق اللي تصفق يسار ويمين*******كود اسود يزرق لها القاع زرقا

هههههههههه مع احترامي لنقالة الحر والجير

@السيف@

31/08/2009, 01:31 PM

ما استغرب اي شي وليس لدي فكره توني اخطي بمعرفة الصقور

__ابوهلا__

31/08/2009, 08:24 PM

سلام عليكم
انا لقد جبت ثنتين وحده
انا شريت بحريه وحش 17في17 من اسيا
وثانيه
من العراق 17في17 يعني 17 الاشخطه اوشخطتين كله
ولله صادق
بدور صوره وبنزله
وشكرن تقبلو مروري

برق عتيبه

31/08/2009, 08:39 PM

معقول ان ينوجد مثل هذا المقاس
فى سنه من السنين كانت موجودة عند صاحب السمو الملكي الامير عبدالرحمن العبدالله الفيصل وهي فرخ شاهين بحرية المقاس 17 * 17
وهي من النوادر

ربع خالي

01/09/2009, 12:12 AM

السلام عليكم ورحمة الله وبركاته

الموضوع ومافيه بإنه صار جدال حول مقاس الشاهين الوحش والمقاس المذكور كان 17 وصارت فيه مناقشات بالنسبه للمقاس ,, ومن تابع الموضوع الذي طرح من قبل احد الاعضاء رح يعلم ماهي المناقشات التي حصلت ,, عموما مع تصفحي للمنتدا وجدت هذه الصوره ولا رح اعلق عليها لأني حتى انا مستغرب من هذا المقاس الغير طبيعي ولكنه موجود,,,,,,

http://www.mekshat.com/pix/upload03/images123/mk87956_aas.gif

تحياااتي

جـرح الشمـال

01/09/2009, 12:16 AM

الله يعطيك العافية
فعلا كان الموضوع لصقار الاسياح
ولاتستغرب شي كل شي توقعه لو يقولون لك شيهانة مقاسها 18×18 صدق ههههههههههه
الله يرزقك ويرزقنا بالنادر

روزفلت

01/09/2009, 12:17 AM

الصوره ماتدل وحش او تفريخ

ربع خالي

01/09/2009, 12:36 AM

البرفسور:: حياك ياخوي ونعم الموضوع كان لأخوي صقار الاسياح وبيض الله وجهه ووجهك,,,
روزفلت :: نعم ياخوي الصوره ماتدل وانت ادرى ,, ولكن بالنسبه لي اعطيه شاهين وحش وثاني شي الشاهين المهجن مايحتاج يصورون مقاسه والسبب بأنه الهجين يجي احيانا اكثر من المقاس اللي بالصوره,, ولأنه وحش صوروا قياسه لأنه من النادر جدا يجي بهذا المقاس,,,,
تحياتي

عزيز2100

01/09/2009, 12:41 AM

ما اقول الا الله يرزق الجميع

الطيب النادر .

ربع خالي يعطيك العافية

راعي غضبان

01/09/2009, 01:07 AM

والله ياخوك ياربع خالي انا ماشفت شاهين اكثر من 16 ونص وبالنسبه للمتر احس ان فيه ناس يمسون على الطير بالمتر ويجي ادون مقاسه الحقيقي والا يرخون على المتر شوي ويزود الطول والعرض والف شكر لك وتقبل مرورررررررررررررري

ربع خالي

01/09/2009, 01:19 AM

عزيز2100:: اللهم امين , وعسى الله يعافيلي حالك ومالك يالغالي,,,
راعي غضبان:: مرحبا ومسهلا, والله ياخوي اليوم كل شي جايز وانا مثلك مامر علي شاهين بهذا القياس ولكن انا مشيت على النيه الطيبه مع قياس اللي بالصوره ,, واخبر شريتلي شاهين قبل المنع عندنا بالامارات وكان قياسه 16,30 *15 طول وكان عرضه غير طبيعي , والله ما اذكر إني هديته على صيده من حباري وكراوين واخطاها من اول نوشه , من يوصل علق , ومن اهده كن صيدته واقفه تنتظر بالجو من سرعته ومن قرنس اصبح يهد الصيده لجيت تعزل منه ويشبك فيك , وبعدها اخليت سبيله بسبب طبعه الشين ,,,
تحياتي

أبو رداد

01/09/2009, 02:42 AM

السلام عليكم ورحمة الله وبركاته
مبارك عليكم الشهر جميعاً
بخصوص السؤال نعم معقول ههههههههه
الكثير من شواهين البيلز الوحوش تصل قياساتها للــ 17
ونادر جداً هذا القياس في الشواهين الي تهاجر على المناطق العربيه
وهذا الشي معلوم عند تجار الطيور والناس الي تدفع الدراهم على الطير النادر
هذه الشاهين وصل عرضه 17 مثل ماتشوفون ووزنه على ماأذكر 1280 !!
بعته قبل ثلاث سنوات بــ 200 الف
وطرحت الموضوع في مكشات
عسى الله يرزقنا بأخوه هالسنه ههههههه مابيعه تحت الــ 300
وسلامتكم
http://www.mekshat.com/vb/showthread.php?t=3740

http://www.mekshat.com/pix/upload03/images122/mk23322_hg.jpg
,,,,

http://www.mekshat.com/pix/upload03/images122/mk23322_lkl.jpg
,,,

http://www.mekshat.com/pix/upload03/images122/mk23322_zx.jpg

صقار الأسياح

01/09/2009, 02:49 AM

اشكر العموم على الردود الطيبه واستفدنا منهم

ربع خالي

01/09/2009, 02:50 AM

السلام عليكم ورحمة الله وبركاته

مبارك عليكم الشهر جميعاً
بخصوص السؤال نعم معقول ههههههههه
الكثير من شواهين البيلز الوحوش تصل قياساتها للــ 17
ونادر جداً هذا القياس في الشواهين الي تهاجر على المناطق العربيه
وهذا الشي معلوم عند تجار الطيور والناس الي تدفع الدراهم على الطير النادر
هذه الشاهين وصل عرضه 17 مثل ماتشوفون ووزنه على ماأذكر 1280 !!
بعته قبل ثلاث سنوات بــ 200 الف
وطرحت الموضوع في مكشات
عسى الله يرزقنا بأخوه هالسنه ههههههه مابيعه تحت الــ 300
وسلامتكم
http://www.mekshat.com/vb/showthread.php?t=3740

http://www.mekshat.com/pix/upload03/images122/mk23322_hg.jpg
,,,,

http://www.mekshat.com/pix/upload03/images122/mk23322_lkl.jpg
,,,

http://www.mekshat.com/pix/upload03/images122/mk23322_zx.jpg

جزاااك الله الف خير يابو رداد , والحمدلله يوم طلع الطير ملكك , حتى نبتعد عن التشكيك في مقاسات الطيور,,
عموما عسى الله يوفقك في اخوانه واخواته ههههههه ولاكن للمكشاتيه يكون الخصم لايقل عن ال 40 بالميه,,,
حياك يامشرفنا ,,,

أبتسم دائما

01/09/2009, 02:54 AM

السلام عليكم ورحمة الله وبركاته

مبارك عليكم الشهر جميعاً
بخصوص السؤال نعم معقول ههههههههه
الكثير من شواهين البيلز الوحوش تصل قياساتها للــ 17
ونادر جداً هذا القياس في الشواهين الي تهاجر على المناطق العربيه
وهذا الشي معلوم عند تجار الطيور والناس الي تدفع الدراهم على الطير النادر
هذه الشاهين وصل عرضه 17 مثل ماتشوفون ووزنه على ماأذكر 1280 !!
بعته قبل ثلاث سنوات بــ 200 الف
وطرحت الموضوع في مكشات
عسى الله يرزقنا بأخوه هالسنه ههههههه مابيعه تحت الــ 300
وسلامتكم
http://www.mekshat.com/vb/showthread.php?t=3740

http://www.mekshat.com/pix/upload03/images122/mk23322_hg.jpg
,,,,

http://www.mekshat.com/pix/upload03/images122/mk23322_lkl.jpg
,,,

http://www.mekshat.com/pix/upload03/images122/mk23322_zx.jpg

اشهد انه وافي ماشاالله

تسلم بو رداد

صياد الرمله

01/09/2009, 03:03 AM

الله يوفق الجميع بس شواهيننا البحرية المعروفة التي تطرح باالحماد والساحل الغربي ماتاصال المقاس هذا النادرة 16.50 في 16 والله اعلم واذا كان بة بليز وماابليزانا مااعرف اتكلم عن الفارسيات وغيره