ماهي اكثر رغبه عندك فالطيور؟.؟

[تمياط]

بسم الله الرحمن الرحيم

كيفكم شباب كل عام وانتم بخير

اليوم قلت خلني احط لكم موضوع يااعضاء مكشات

الموضوع يقول:

اكثر رغبه بالطيور عندك وشي؟ هل الحر الوافي او الحر الجير او
الحر المثلوث او الحر . او الشيهان الجبلي
او الشيهان البحري او جير شاهين او وكري سوداني اووكري نجدي؟؟

انا عندي (( الحر المثلوث))
والسلام عليكم ورحمة الله وبركاته

[جـرح الشمـال]

والله رغبتي بالحر الصافي الوافي القاطع يجيبه الله ان شاء الله
اما عن الجير بانواعه ماعندي اي مشكلة اجرب صقارتهن لكن ماحرص عليهن كثر الحر
اما الشياهين والوكارى والمثاليث مالي رغبة فيهن ابدا
ومشكور اخوي عاصم على طرح الموضوع

[الفياض***]

الحر الوافي الملون الصافي

[@السيف@]

اما انا افضل جير شاهين وتقبل مروري

[حمد الظبياني]

الحر الوافي الله يرزقنا به ويرزق جميع المسلمين

[@قرناص@]

اخوي/ عاصم الحربي

مشكور على الموضوع ،،

لاكن ما ادري انت تقصد الطير الي عندك والا الي ودك تقنيه ؟؟؟

على العموم اغلب الصقاقير يرغبون بالحر الوافي ،،

والجير مالي رغبه فيه لاكن اذا حصل فهاذا شيئ طيب نجرب صقارته ،،

ولآهنــــت

[صقار مبتدئ]

الجبليات شياهين و وكارى

[~ V T A C ~]

الشيهان البحري

[الغايب الحاضر]

الحر الوافي المغتر

[قلب ذيب]

هناك فرق بين الرغبه وتحقيقها !
لأن كل صقار يرغب ويتمنى نقل احسن واجود الطيور من الحرار والشياهين والجير .
وكان الاجدر بسؤالك ان يكون ( ماهو احب طير نقلته في حياتك وترغب في معاودة نقله ) اذا لم يكن موجود لديك ؟
وبالتالي فأن الصقار سيصف الطير الذي نقله واعجبه ويتمنى ويرغب الاستمرار في نقله .
اما من حيث الرقبه والامنيه فالكل يتمنى ان ينقل نادر الحرار واكير الشياهين واندر طيور الجير .
لك تقديري .

[مشبر البران]

الحر الوافي الصافي

[بو غازي]

السلام عليكم ورحمه الله وبركاته
عاصم الحربي: اول ماشوف اشوف الوسره وماانجذب يم الون طبعا اكلمك كجناي احب الطير الصغير طبعا مهوب مثلوث تام لكنه صغير ويكون ملمووم لام عمره خضر حمر اشعل ابيض اهم شي الوسرة :)

[شنقاري]

السلام عليكم

انا ارغب الحر الوحش

واللي مثايله طيبه ومايهم وافي ولا مثلوث

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / عاصم الحربي


حياك الله وانا بقولك كل الطيور اللي ذكرتها بفضل الله نقلتها
وصقرت بها وصادت معي وسوت ذكريات لاتنسى وفيه طيور انت ماذكرتها
واقول ان افضلها طير العرب الطلع . لذته مثل الماء على الظما
وشيهان البحر لا انقض فالحباري وجا لزومه . لذته مثل الشبعه عقب الجوع
وجير الحر فالكون سنتر ليا صار جاهز للتلقيف .. لذته مثل النوم عقب التعب
وجير الشياهين ليا صار (ظابط خفر ) وين ماقلت ها قال ها . لذته مثل العافيه بعد المرض
اما الوكري والمثلوث والجبلي لاصاد . مثل لذة الغالي لياجا عقب غربه
والحقيقه كلها عندي لها رغبه


*
والسلام
الفيتو
الحجاز
10/9/1430هـ

[حب الوطن]

السلام عليكم ورحمة الله وبركاته


اخوي عصام الحربي


ولايهونون الباقين يقول الشاعر علي ابن قطيم


يا عاشقين البيض انا رغبتي غيـر
انا تراي اعشق فنـون الصقـاره ..


ما والله اشفـق للبنـي الغناديـر
قلبي مع فرخن ينومـس طيـاره ..


ابيض نحر من وافيات المغاتيـر
ولا اشقرن ريشه سواة الشـراره ..


في مخلبه حد السيوف الشواطيـر
فرخن على شوفه نسوق البشـاره ..


ماهمنـي لـو يبعـدن المشاويـر
متيممن روضن يونـس خضـاره ..


روضن به اجوال الحباري مخامير
ونواف تل السبق ثم شـن غـاره ..


والخرب عقبه صار ريشه دعاثير
وسم على صدر الشمالي حمـاره ..


له عاتقن ما شفت مثله على طير
وهجرن قصير الساق سم الحباره ..


جبرن وله تفضيل عند الجماهيـر
ماهوب يحسب من حساب الوكاره ..


هذاك هو طيري غرام الصقاقيـر
واللي يعرف الصنف صدر قراره ..


اخوك حب الوطن

[تمياط]

مشكورين شباب على الردود الطيبه

[عاشق المقناص3]

أنا أفضل الحر الوافي
وفروووخ الشواهين

[تمياط]

عاشق المقناص الله يوفقك ب الحر الوافي وفروخ شياهين

[مدري111]

عاشق PEREGRlNE FALCON

[الهواوي 502]

الحر الادهم وبس

[أبو الكاسر]

كل اللى يجيبة ربنا كويس..أهم حاجة يكون طير طيب وأبن حلال

[عزيز2100]

هناك فرق بين الرغبه وتحقيقها !
لأن كل صقار يرغب ويتمنى نقل احسن واجود الطيور من الحرار والشياهين والجير .
وكان الاجدر بسؤالك ان يكون ( ماهو احب طير نقلته في حياتك وترغب في معاودة نقله ) اذا لم يكن موجود لديك ؟
وبالتالي فأن الصقار سيصف الطير الذي نقله واعجبه ويتمنى ويرغب الاستمرار في نقله .
اما من حيث الرقبه والامنيه فالكل يتمنى ان ينقل نادر الحرار واكير الشياهين واندر طيور الجير .
لك تقديري .

:good: :good: :good:

[الصقار111]

أفضل الطير السبوق الصايد
مهما كان نوعه

[أبو أمين]

الجير والجبليات الفارسيه الوافيه احب ما علي

شاكر لك

[alwammy]

الحر الادهم
شكرا لك عالموضوع

[الشقاوي22]

احب الطير الحمر الصافي الهجر عندي اهم شي
وكل مامنه طيب
وايضا المجاهيم ارغبها ايضا القاطع فيهن الهداد والوفي فوق 17

[هواي داورد]

والله أنا أمنية حياتي قرناس بحرية بكر 16,5 في 16,5 بيضاء وحــــــــــــــش

لأني ما أحب الطير اللي نقله غيري

[بيرق2010]

عليك والله بشاهين قرناس هوى ايراني ولا تهد الا بعد 5 حرار مخالا

[صقار شياهين]

مانتب عاقل ياعاصم ؟؟؟

[قرناس الوثبة]

بسم الله الرحمن الرحيم

كيفكم شباب كل عام وانتم بخير

اليوم قلت خلني احط لكم موضوع يااعضاء مكشات

الموضوع يقول:

اكثر رغبه بالطيور عندك وشي؟ هل الحر الوافي او الحر الجير او
الحر المثلوث او الحر . او الشيهان الجبلي
او الشيهان البحري او جير شاهين او وكري سوداني اووكري نجدي؟؟

انا عندي (( الحر المثلوث))
والسلام عليكم ورحمة الله وبركاته



الطيور كلها زينه بس الحين زمن السرعه والعالم كلها تبا الطير السبوق وأنا صراحه تفضل الجير على الوحوش وأفضل الاكثر تبع الجير . سبب تفضلي على الجير أكثر من الوحش؟ 1. الجير يتحمل أكثر من الوحش
2.الجير ارتفاعه اكثر من ارتفاع الوحش 3. وقت الهدد يوم تهد الجير ماتقول انك هاد طير تقول فاكلك صاروخ...ههههه :D وسلمتووو

تقبلو مرووري

[صقار شياهين]

الطيور كلها زينه بس الحين زمن السرعه والعالم كلها تبا الطير السبوق وأنا صراحه تفضل الجير على الوحوش وأفضل الاكثر تبع الجير . سبب تفضلي على الجير أكثر من الوحش؟ 1. الجير يتحمل أكثر من الوحش
2.الجير ارتفاعه اكثر من ارتفاع الوحش 3. وقت الهدد يوم تهد الجير ماتقول انك هاد طير تقول فاكلك صاروخ...ههههه :D وسلمتووو

تقبلو مرووري
مالك لوا :no2: ياخوي الجير اضعف تحمل من الوحوش في كل شي واخلط له العلف وتشوف بنفسك ثاني شي الجيرة اللي يرتفع واحد في الميه وارتفاعه مايجي الا بعد طلوع الروح مثل (جني العش) وبالنسبة للصاروخ صحيح كنه صاروخ لانه اذا ماعلق الصيدة يروح على وجهة تقول مهبووووووووووووول واذا صاد الله يعينك عليه واهديك هذه الحكمة ((الجير ان جوعته اكلك وان اشبعته طملك وان هديته فشلك))هههههههههه

[feras19]

الجبلي والوحش