عنز تفرس ذيب بالجوف .. بدون فزعات!!!

[حفرلوجيا]

سلام يامكشاتيين
( أبو شداد ) صديق من شلة الكشتات يحب يُوصَف بأنه ( راعي فزعة ) .. فمثلا .. لو بعز المربعانية طلبت منه - بسبب إني ماحصلت خوي – يرافقني للشلة مخيمين حول سكاكا الجوف - .. كان مايتردد - لو هو لابس ثوب ( تترو ) خفيف - يقول : مشينا اللحين !.:(

طيب , يابو شداد ماودك تمر بيتك تجود حالك بالملابس وتعلم عيالك ؟! .. يرد : أفا , ماهو ابو شداد اللي مايلبي طلب خويه إلا بشور أم العيال , ( نشوة الفزعة مسيطرة عليه .. وفاهم غلط ) :).

وعلى هالحالة تضطر تجامله ولو قلت له : بعدي والله , أشهد إنك ( فزاع ) .. كان تخدر من هالكلمة وترنح ولا يصحى إلا إذا صفقه برد الشمال :p,, وعرف وقتها إن ( مرور البيت ) كان أفضل .. لكنها ( الفزعات !) .

في رحلة الشمال هذي كنا حول ( أهل حلال ) , وفي أول ليلة مر علينا ( واحد منهم ) يسفزع , يسألنا إذا كنا شفنا (عنز ضايعة ) .. :mad:
وهذي حركة معتادة يجيك من يقول ( ماعينتوا عنز والد ) وأذنه وخشمة وعينة على تشتشة روايح صفيرة ( القدر الكاتم ).:p
ماشفنا شي لكن تفضل , وبعد عشاك يمكن تلقى العنز بمراحها .;)

جلس , , وفي حركة مكشوفة كان القصد منها تصريفنا للانتقال بمخيمنا من هذا المكان إلى آخر , ذكر ( مضيع العنز ) أن المنطقة هذي فيها ذيابة . وقال سالفة ( ذيب البارح ) ! :mad:

لكن أبو شداد كان له موقف يعجبك من راعي الذيب أو ( راعي العنز ) وسالفته.:D:good:

---------------------------------- يتبع

[ابو سلمان]

وعليكم السلام يا خوي راعي فزعة وتسلم .......


شوقتنا ............. الباقي وينه او في الحلقة الثانية ................

[line]

http://www.mekshat.com/pix/upload/sign/images/mk9589.gif

[حفرلوجيا]

هلا بك اخوي ابو سلمان ,, خذ الجزء الثاني والأخير
-----------------
يقول ( راعي العنز ) : ليلة امس اللي مادونها إلا اليوم , في مكانكم هذا , كنت نايم وجاني ( ذيبٍ أزرق ) ودار حولي وأنا مامعي سلاح , وهذا اللي خلاني أستمر نايم , تعرفون الذيب مايفرس النايم , لكن الله يجيركم قرب الذيب كنه يبي يبرك عليّ , وحط نيبانه عند حلقي , وكل شوي يبول - الله يكرمكم – على شان يصحيني .. و ويني و وين السكين , ماهي حولي . قلت – والكلام مازال لراعي العنز – خلني أشبط الذيب بايدي , ياروح مابعدك روح , وأنا أعوم بالذيب ويعوم بي , وشوي يوم إني فرسته ومسكت حلقه وأغوله , وأغوله , ومات الذيب( أخس ياطرزان :p).

سأل واحد من الشلة : غريبة ! ياضيفنا , اللحين تشابطت البارح أنت والذيب سرحان !.. ولا نشوف حتى مخش صغير في يدك أو وجهك . وش لون تجي ذي ؟!:eek:

رد أبو شداد قبل ( راعي العنز ) : ماخبرت ذيب الكذب يمخش !!:good:

(هاه) .. قالها راعي العنز وتنهض يبي يقوم , قلنا : وراك عجل!

(هاه) .. قالها مرة ثانية وأردف : ودي أقوم أشوف العنز وين راحت !

قال أبو شداد : يارجال طول بالك , تلقاها ( تفرس ) لها ذيب حولنا ! .. أنت اللي تقول الأرض فيها ذيابة , ولك علينا لو شفنا ذيابة , هدينا عليهن ( الهرافي اللي معنا ) , خبرك الكشاتة اللي يبي يقعدون لمدة اسبوع يكون معهم ذبايح تكفيهم .;):good:

لكن راعي الذيب أو ( العنز :p) عرف أن اللي معهم مثل أبو شداد ماحولهم ( فزعة) .

رجعنا من المكشات , وطول ماحنا ماسكين خط الشمال كثرنا الوقفات .. مرة نشتري بنادول لأبو شداد , ومرة عند مستوصف ندور له إبرة تصحيه من حمى البرد , ومرة نوقف نلف على رجله واير القلص (ملتوية من طمرته البارح من فوق سلة الجيب ) , ومرة نطببه بحبحر هندي بمحطة (نعالج المغص اللي يشتكي منه بسبب أكل بقايا الكبسة البايتة يوم مطوعنا يقول بآخر الرحلة : تكفون لاتحلتون النعمة لايعاقبنا الله ).

وصلنا بيت ( أبو شداد ) والرجال يترنح ما قدر ينزل من السيارة إلا يوم قلنا له : الدور علينا ( نفزع ) نعضد لك .:(:(

وتلقى خير يابوشداد .. مع السلامة.
وسلامة الجميع

[أبو تركي القطامي]

السلام عليكم ورحمة الله وبركاته
هلا وغلا بالعزيز حفرلوجيا :
والله شوقتنا لسكاكا وهاك الديار
وتسلم على السرد الراقي وأتحافك لنا بأعلوم أبو شداد والفزعات
(قال أبو شداد : يارجال طول بالك , تلقاها ( تفرس ) لها ذيب حولنا) حلوه
فكل الشكر ياأستاذنا المبدع
جزاك الله خير ورحم والديك ووالدينا
وجميع المسلمين

[ابورشيد]

الحمدلله علي السلامه
من طول الغيبات جاب الغنايم
والله يااخي ليك وحشه
عودا حميدا وتهنئه لنا وللمنتدي بعودتك

[الجنوبي]

عودا حميداً
كاتبنا المبدع
حفرلوجيا
ولاتحرمنا اخبارك
..............................الجنوبي

[أيام العبور]

السلام عليكم ورحمة الله وبركاته




اخوي العزيز


(( حـــــفرلــــوجــا))



سالفه جميله وسرد اجمل



مع تمنياتي لك بالتوفيق





سلم لي علا ابو شداد طير شلوى



عساك سالم

[تواق]

هلا ومرحبا اخوي حفرلوجيا

حل الربيع بمنتدانا قبل حله والبركه في موضوعك الرائع وسردك الراقي مع احتفاظك بمفردتنا

والله لك وحشه ياخوي


اخوك / تواق

[الكشاح]

حفرلوجيا...ما شاء الله عليك...اسلوبك جميل لجذب القارى..وسرد مميز

والسالفة كانت جميلة..خاصة عندما>>>>>قال أبو شداد : يارجال طول بالك , تلقاها ( تفرس ) لها ذيب حولنا ! .. أنت اللي تقول الأرض فيها ذيابة , ولك علينا لو شفنا ذيابة , هدينا عليهن ( الهرافي اللي معنا ) , خبرك الكشاتة اللي يبي يقعدون لمدة اسبوع يكون معهم ذبايح تكفيهم .

وتقبل أجمل تحيه من اخيك الكشاح

[صقر]

السلام عليكم

حفرلوجيا صاحب الكلمة الراقية...

عودة قوية بهذا الموضوع الرائع....

وكأني فهمت من هذا الطرح أكثر من فكرة ... فبارك الله بألغازك وتلميحاتك اللي افتقدناها فترة...

مشكور على هذا الموضوع وبارك الله فيك.

[أبو فالح]

السلام عليكم ورحمة الله وبركاته


حفرلوجيا :


يا كثرهم أشباه أبو شداد ،،، ويا كثرهم أشباه راعي العنز ،،، ويا قلهم أشباه حفر لوجيا .



فائدة :


أفضل طريقة كي تكتشف المدربلين ثم المتعانزين .... عفوآ المتعانزين لو كشفتهم ما راح تستفيد


،، أجل ما يحتاج تعرفون شئ .

[السمح]

الله حسيبكم أنتم يالرمزيين
إي والله من أبوفالح إلى حفر لوجيا
لعنبو بليسكم ما أمدانا نفيق من صفق الحلبي الصادر من بندق أبو فالح إلا
ولقينا قدامنا غنم وهرافى تفرس ذيابه
أقول يالربع على هوينكم ترى ما كلنا نعرف نغوص للعميق وأنتم ما شاء الله أبطال أولوميباد بالغوص على المعاني والترميز وخلافه
ترى بعضنا إذا شاف الغويط هوّن لا يسبح ويكتفي بالتفرج والتشجيع :D

إلا من صدق دائماً "تصير على راس راعي الفزعة" .. المسكين يجهد ويركض ولا أحد ينتبه له ، وفي النهاية يعضدون له ربعه يدخل بيته .

مشكور أبوسليمان ومتميز كعادتك بارك الله فيك

أحلى تحية

[مراكي الذيب]

السلام عليكم ورحمة الله وبركاته


الله يعطيك العافيه ابوسليمان , من طول الغيبات جاب الغنايم.

الله يهادي ابوشداد كان مر البيت وشاور روحه وغير الثوب التترو ولبس الثري بيسس:D حشى ماهي الجوف هذي الصمان........ قصدي لبنان.

وبعدين هذي صارت معي مره تشابطت انا وذيب بس الذيب هذا معاه حزام اسود وانا معي سلاح ابيض!!!!!! الله يستر ,,, يوم اشتدت المعركه واطلع مقص الأ ظافر واقص الحزام الاسود اللي على الذيب !!!! والذيب يطيح على الارض ويسوي حركات انا قلت هذا ذيب ياباني ,, , المهم شوي والذيب متحول لعنز :confused: قلت هذي فرصه ماجبنا معنا ذبيحه !!!! . واعلق الذيب (العنز)بالحزام الاسود وادخل يدي ببطنه واقلبه واخلي الخياطه برا !!! قصدي اللحم برا وهات ياشوي لين رجعنا الديره:confused: :D



الرجال يبي العشاء ماهمته العنز

الصدق منجاه .

[حد السيف]

السلام عليكم ورحمة الله وبركاته
ابوسليمان ..... اسعد الله ايامك بالعافية
وهذي من سوالف الشتاء ما طلعت الا الحين اكيد تشافى رفيقك من برد الجوف وبعدين تمليح السوالف لابد منة بعض الاحيان
وعلى قولة الريس ممدانا نفيق من الصدمات الكهربائية لابوفالح
الا انت طالعلنا بهذي ارفقوعلينا شوي وسالفتك لو قلتة لواحد من الشياب قال اية هين
سباحين سعالوا وقام يسرد الماضي هاك السنة وماتبعد عن سوالف راعي العنز:( :( :confused:

محبك اخيك حد السيف

[ميراج]

الأصل كُتب بواسطة السمح
الله حسيبكم أنتم يالرمزيين
إي والله من أبوفالح إلى حفر لوجيا
لعنبو بليسكم ما أمدانا نفيق من صفق الحلبي الصادر من بندق أبو فالح إلا
ولقينا قدامنا غنم وهرافى تفرس ذيابه
أقول يالربع على هوينكم ترى ما كلنا نعرف نغوص للعميق وأنتم ما شاء الله أبطال أولوميباد بالغوص على المعاني والترميز وخلافه
ترى بعضنا إذا شاف الغويط هوّن لا يسبح ويكتفي بالتفرج والتشجيع :D

إلا من صدق دائماً "تصير على راس راعي الفزعة" .. المسكين يجهد ويركض ولا أحد ينتبه له ، وفي النهاية يعضدون له ربعه يدخل بيته .

مشكور أبوسليمان ومتميز كعادتك بارك الله فيك

أحلى تحية

[ابو عايد]

الأصل كُتب بواسطة السمح
الله حسيبكم أنتم يالرمزيين
إي والله من أبوفالح إلى حفر لوجيا
لعنبو بليسكم ما أمدانا نفيق من صفق الحلبي الصادر من بندق أبو فالح إلا
ولقينا قدامنا غنم وهرافى تفرس ذيابه
أقول يالربع على هوينكم ترى ما كلنا نعرف نغوص للعميق وأنتم ما شاء الله أبطال أولوميباد بالغوص على المعاني والترميز وخلافه
ترى بعضنا إذا شاف الغويط هوّن لا يسبح ويكتفي بالتفرج والتشجيع :D

إلا من صدق دائماً "تصير على راس راعي الفزعة" .. المسكين يجهد ويركض ولا أحد ينتبه له ، وفي النهاية يعضدون له ربعه يدخل بيته .

مشكور أبوسليمان ومتميز كعادتك بارك الله فيك

أحلى تحية

[المترو]

مرحبتين وسهلا وهلا يا ابو سليمان والحمد لله على السلامه وطليت علينا وكأنك الوسمي وطلت علينا بعلومك اللي تقدر تقول ادبيات وةتقدر تقول المعنى ببطن راعي السالفه وتقدرتقول اشيا كثيره لكن هذي سوالف جلسات السمريات بطرف النويره ومع بيالة حليب بعز المربعانيه
وبصراحه انا من النوع اللي احفظ هالسولف عشان اذا جلست بمجلس طافي من السواليف انوع السولفه والبركه بمثلك وشرواك هذا طبعا اذا حقوق السالفه ماهي محفوظه للمؤلف فقط وبعدين نتبالش تطالبني عند اهل حماية الحقوق الفكريه اللي هي افكارك يا ابو سليمان

اتحفتنا بهذه القصه الجميله وزادها جمال سردك لها والتأليف بين شخصياتها راعي العنز وعنزه الذيبيه ورفيقك ابو شداد الضعيف ابو بفزعات اللي هالايام رايحين وطي اهل الفزعات واخرتها يقال لهم ملاقيف !!!!!!!

وسلامتك
الرحال2003

http://www.mekshat.com/pix/upload/sign/images/mk3016.gif

[المترو]

ترى الصوره اللي فيها الابل (البعارين ) خطمت بالخطاء على الموضع كانت توقيع ومسحتها بس ضغطت زر الا وهي لازقة بالموضوع

[((( الحر)))]

ومرة نوقف نلف على رجله واير القلص (ملتوية من طمرته البارح من فوق سلة الجيب
الرموز مالي فيها ولاكن صراحه عقب سلة الجيب الرجال مطفوق بالحيل وشكله مهوب يليق ابد كل وقته مطامر ويدور الفزعه لو تبي قلع شجر وتجميع حصى:D :D :D


زانت علومك يابوسليمان... ولاتبطي ...واسلم ... والسلام...!!!

اخوك....................((( الحر)))...!!!

[راعي المدّى]

الغالي ابو سليمان
سالفه كله ملح ومن واحد كله ذوق في اختيار وطرح الموضوع المناسب .... والله صحيح اذا نشنشت كبيسة الدخل ما تدري الا والأخ واقف عليك ... والله يالربع نشبت الفشقة وماقدرت اطلعه ... وتربع ... وعليك الباقي
رائع يابو سليمان ... وش أخبار الرجال خضوه والآ بعد

اخوك :
راعي المدّى
ابو ابراهيم
sishaye@hotmail.com

[الثعلب]

:(

[حفرلوجيا]

الأخوة الأعزاء : ابو سلمان , أبوهناالقطامي , ابورشيد , الجنوبي , ابو ليالي , تواق , صقر , أبو فالح : أشكركم على طيب ردودكم ومشاعركم والله إنها وسام أعتز به.

أخي الكشاح مما يسعدني ويسعد كل المكشاتيين هنا ان يجد عزيز من الإمارات العزيزة على نفوسنا مايسره , وردك على الموضوع كبره في عيني, سلمت أخي.

الريس الكبير السمح ( ومن تبعه من المقتبسين ) الأخوه حد السيف ,وابو طارق , وابو عايد :): أي رموز اللي تتحدثون عنها , لم افهم إلا أنكم اتفقتم على رد أبو تركي ,, تحيا الديمقراطية:mad:

اخي مراكي الذيب : :D :D :good:

اخي الرحال 2003 : شكرا , الله يجيب الربيع , ونشوف غير بيتين الشعر اللي فاضت بها قريحتك الشعرية الربيع الماضي , وتكون إن شاء الله بما يسرك ويكون غرضها التعبير عنما يمر عليك من لحظات واحداث مفرحة , الله يرحم شيبان عقبونا وعقبوك.

أخوي ابو محمد : أشوى يوم قلت الرموز مالي فيها , وعلى خلفية إنك عضو مجلس مكشات , طمنتنا أن المجلس لاينساق في الرأي الأحادي مثل بعض الناس.:cool:

هلا والله بابو ابراهيم , أنت اللي ازين والله , والرجال ابشرك بوسط الصميل اللحين , والله يعديها على خير وتشوف الزبد , بمشيئة المولى يشرفني أجيبه لك بنفسي على شان تكون من أول اللي يذوقونه , بس عساه يجمل الحال امامك , والصميل يوم بدوا ينفضونه تقل يبي يجيني نفاضة. :p

أخي الثعلب , لم أفهم إلا أنني سأسعد بمن أتى من أرض نكن لأهلها كل الود , مرحبا ليبيا وأهلها الغالين.

[راعي الطويلة]

لحظة من فضلك ..

والله كانت بتروح علي ولا أتشرف بالرد على الأستاذ ....

هلا ومليون غلا يا معلم ..

أدعي الله أن يكثر من هالذيابه بس لأجل تكتب وحنا نقرا ونستمتع ..

دوم مواضيعك أمتاع وكلها فايدة ..

بخصوص الذيب لا تلومونه وراعي العنز بعد............ ليش ؟؟؟

يمكن يكون الذيب قاص أظافره ؟؟

؟
؟

تسلم والله يأبو سليمان على السرد الجميل والممتع ...

أخوك

راعي الطويلة

[حفرلوجيا]

هلا براعي جده ام الرخا والشدة
اشكرك أخي على حسن ظنك بأخوك.
أما الأظافر :D:good:

وبعدين وش آخر اخبار أماكن الكشتات اللي حول جده , عسى لقيت لك محل .. أو مثل الربيع الماضي :(

[راع الكحيلة]

وبعدين يا خوك وش صار؟؟

وش صار عقب ما فرست العنز الذيب؟؟

هي كلته والا دفنته تتعشاه القابلة ؟؟







قصة مرعبة صراحة....







العــنــز الـقـاتـلـــة




أظنها هي المذكورة في المناطق الجبلية الآن وتعيش في الغيران




ولا شافت قطيع ذيابة أخذت تثغي أقصد تعوي وتخلي القطيع يهرّ في محله قبل أن يفرّ




وقد تم التقاط هذه الصورة النادرة لها قبل ثواني من إلتهامها للمصور







http://www.mekshat.com/pix/upload/images5/mk5247_goat11.gif





أضحك الله سنك يا بو سليمان:D :D


والله أظن أن الفزعة جات منكم ماهوب منه :)
صرتم ماغير تنوقلونه من صيدلية لمستوصف
هذا والله الخوي اللي ودك تفتك من فزعته لأن فزعته مفزعه :)

[الثعلب]

بسم الله الرحمن الرحيم
السلام عليكم ورحمة الله وبركاته
والحمدلله والصلاة والسلام على رسول الله وعلى آله وصحبه أجمعين
اما بعد،،،
فأقول إذا لم تكن ذئبا أكلتك الذئاب
:mad:

[حفرلوجيا]

الريس راع الكحيلة : تبارك الله فنان تشكيلي ومحترف فوتوشوب ... , وش خليت , لك لمسات فنية أسعد بان تكون في مشاركاتي المتواضعة يابو طلال.

هلا بالثعلب : نعم معم
وإن لم تكن ذئبا ابرقا كثير الأذى بالت عليك الثعالب
طبعا الثعالب الحقيقية , وليس العزيزين أمثالك , سعدت بردك.

[العابر 2000]

السلام عليكم ورحمة الله وبركاته

مشاء الله عليك ياحفر لوجيا
قصه حلوه من راع الفزعات وابو شداد محليها اكثر
وقله يتجود بالشداد مره ثانيه

وممكن يخاوينا ابوشداد للحماد الاسبوع الجاي!!!!!!!!!!!!!؟
نتواعد عند مطق الارنبيه
طيب العنز للبيع


والله يعطيك العافيه

[حفرلوجيا]

مرحبا بالزميل الجديد عابر 2000 , الله يحييك . وأشكرك .

ولا عاد شفنا ابو شداد ولا العنز ولا راعيها .