لاهل الهايلوكسات

[راعي المجاهيم]

من احسن واحد يركب التانكي اللي عند الاستبنة في الرياض ابي اكب ستيل

وكم سعت التانكي

وهل لازم اغير المساعدات و الا لا

[عاشـ الهلي ـق]

انا ما اعرف احد يركب .. سعة التانكي 50 لتر والستيل تراه غالي من 600 وفيها
.مهوب لازم تغير المساعدات

[راعي العليا]

هلابك ياراعي المجاهيم

بالنسبة للتانكي ما أقدر أفيدك ... من ناحية انه يحط تحت ... ما أخبر التانكي الا بالصندوق وما أعرف الا هالطريقه

بالنسبة لمساعدات (شد بلد) حقات الهيلوكس ماتنفع أبد أبد أبد لا قدام ولا ورى
فمالك الا هالحل مع أنه غالي شوي وهو أحسن حل حتى الآن
المساعدات الأماميه: (ستيل) وهو اللي يسمونه (المرسيدس) وانتبه ترى الأحسن هو اللي لونه (أسود)..... وسعره تقريبا 160 ريال
المساعدات الخلفيه: مايصلح لها الا (جبريل) والجبريل نوعين أسود وأبيض والأفضل واللي ماله بديل هو الأبيض والبعض يمسيه (أبو طقه).... لأنه يحتوي على 3 طقات
الطقه الأولى : خفيف----> تستخدم للي مايحب المطبات بالحيل
الطقه الثانيه : وسط-----> يستخدمها الجميع وهي الأفضل رغم قوتها
الطقه الثالثه : ثقيل------> يستخدمها أصحاب الحمولات الثقيله (واللي يطاعسون)
وسعره تقريبا 80 ريال

بالنسبة لي أنا مركب المساعدات الستيل الأسود قدام
والجبريل بالخلف الأبيض بالطقه الوسطيه...........

ارجو اني افدتك ولا طولت عليك

[فئي الضحى]

راعي المجاهيم
مشكور على هذه المعلومه ، بس اريد معرفة من وين احصل على هذه المساعدات حق الهيلوكس، اتصلت ببعض اصحاب قطع الغيار وتم افادتي بان (جبريل) تستخدم حق السيارات الامريكيه فقط ، وانها تجارية وليست اصلية هذا بالنسبة للمساعدات الخلفية ، اما المساعدات الاماميه والتي سميتها ( ستيل ) محد عارف عنها شئ ، تقدر ولا عليك امر توضح اكثر واعطائي الاسم الاصلي لها - وهل هي فعل افضل من اللى جاي على الموتر من ناحية المطناج - انا موجود حاليا قطر

ويجزيك ربي كل خير

[أبو مسفر]

يا جماعة ما تشوفون ان راعي المجاهيم سئل عن التانكي

وانتم قلبتوها على المساعدات ؟

على كل ياراعي المجاهيم انا عندي هايلكس 2000 غمارتين وركبت لها تانكي تحت الصندوق بين الصدام والاستبنة ومحطوط له فتحة مربعة 10×10 سم لعصاء العفريتة ويتسع لحوالي 45 لتر وركبته من الصاج المجلفن العادي في ورش السالمية في مدخال بريدة بـ 170 ريال فقط وله بزبوزين واحد يمين والثاني يسار ولا هنا احسن منه
أما المساعدات مالها أي دخل

مع التحية