فزعتكم يا اهل السواكتين

[كسير الشوزر]

السلام عليكم ورحمة الله وبركاته
مبروك عليكم الشهر الكريم جلعنا الله من صيامه وقيامه
اخواني انا بشري سكتون وما عندي خبره بهن خبرتي شوازر فيالت تفزعون وتعلمون ايش الزين
لاني مالقيت الا اسبانيه نظراا لني بحائل
وش رايكم بالاسبانيه الوكيل صاب مقاس 90 سعرها 1550
ومقاس 85 سعرها 1450

[غربي هواوي]

والله ياخوي انا شريت صاب ثنتين لاخواني وقريب لي

ما سمعتهم يشتكون منها

طبعا وحدة سعرها كان من 800 الي 900 والثانية اعتقد 1300 او 1400 ناسي مقاسهن

[ذيب البر...]

أخوي أنا ما أنصحك بالإسباني في ساكتون إنجليزيه
إسمها {أوميقا} ما تتعدا الـ(1200)ريال وعندك الفايروخ 80 و81 بس المشكله ماعندي خلفيه على أسعار الفايروخ الأخوان يفيدونك يا بعدي وترا الأوميقا تنحط على الجرح يبرا ..
تقبل مروري ..
تحيـــــــاتــــــي ..

[محمد الحمود]

السلام عليكم

اخوي ذيب البر الاوميغا سعرها عند الرماية 1750 ريال للتوضيح فقط

اخوي كسير الشوزر موجودة باتريوت 95 حجم الصتم 4,5 الصغير

وموجودة فايروخ 80 حجم الصتم 5,5 الكبير

نظاف وعلى شرط الفحص موجودات عندك بحائل.

والله يوفق الجميع يارب.

[سبع الولع]

نصيحه لوجه الله ابعد عن الأسبانية ,عيوبها كثيره منها يخف سبرنقها بعد فتره زمنيه قصيره وطبعاً هذا على حسب استعمالك ,ومن عيوبها انك لازم تركد وزنيتها قبل كل مقناص اي وزنيتها غير ثابته , وترى نيشانها مخيس جدااااااً
انصحك اول شيئ بديانا ثم فايروخ ثم باتريوت الانجليزية,وطبعاً كل وحده لهل مقاسات اختر الي يناسبك. وتحصلهن عند الرميح والرماية والهدف في الرياض على طريق التخصصي .

[سفاح القميري]

صاب ممتازه

[أبو المقانيص]

أنا مع كلام أخوي سبع الولع .. أبعد عنها من واقع تجربه

[فتى مرات]

انتبه منه انا مجربه والله ما تنفع خذلك فايروخ ولا ديانا 80 او 85
وحسب نوع صيدك تبي لطيور الصغار مثل الدخل خذ لك 27 واما اذا كنت تبي للكبار لا تدور غير الانجليزيه الباتريوت بس عيبه ثقيله وصوتها قوي اتمنى اني افدك ونصييييحه ابعد عن الاسبانيه من واقع تجربه
...

[كسير الشوزر]

بيض الله وجهيكم يارجال وانا انشاء الله بدور لي فايروخ او دينا بس ادعو الله اني احصلهن لاني ما لقيت الا الاسباني ومشكورين جميعكم علي المرور والله لايحرمنا منكم ومن خبراتكم

[قناص502]

شوف يالغالي انا امس كنت افرفر بمحلات الاسلحه لقيت شايب معه هوائيه مقاس 80

اسبانيه قديمه محفور عليها الرميح طحت عليه وسمتها منه بـ600ريال وقال لك

وشريتها هالنوعيه 100% ماشاء الله عليها حطها على الجرح يبرا صح انها مصديه شوي

بين ان الشايب حاطها بدون مايهتم فيها هههههههههههههه لكن لقت من يهتم فيها

هههههههه لكن خلك على الاسباني افضل لك ومقاس 80 للمعلوميه احسن نوع ان بغيتها

للقميري وان بغيتها للدخل يعني تبرد قلبك

[كسير الشوزر]

والله اني احترت لاكن ما قصرتو واللي يخبر فايروخ او دينا بحائل الله لايهينه يعلمنا وين نلقها

[أبوحمد 505]

غير الألماني لاتدور
ونصيحة الفايروخ 80 تراها طيبة بالحيل راكدة وثابتة
لك وللزمن يعني حقت مكدة

[روس المزون]

هلا اخوي
انصحك بالديانا والله حلوه
وبندق نوعية صاب بس اللي جربتها 28 حلوه تصيد مع واحد
بس حقتي ديانا عمرها حوالي 10 سنين وقويه ماشاءالله
يعني تصبر معك
تقبل مروري

[إًلْقَنْإًصْ]

اخوي انا شريت تقريبا من سنه سكتون اسبانيه 90 حلوه وقويه وتوصل بعيد اناانصحك به اسئل مجرب ولا تسئل طبيب.

[حر الجوف]

انا عندي قامو 95 طيبه ماشاء الله وكل شيء اصيد بها بس بها عيب الي هو ثقلها
وانت لو انك تروح لرمايه تلا قيها وتقبل مروري اخوك: حر الجوف

[كسير الشوزر]

يعطيك العافيه حر الجوف علي المرور

[ابو نايف 111]

السلام عليكم
هي على استعمالك
تبيه لطيور الصغار او الكبار
على العموم لا تعادا الاماني الله يحفضك
(( الفايروخ))

[مغرم بالصيد]

خذ الكلام إلي يجمد على الشارب

فايروخ 80 صجم 4.5 وخليك مرتاح

الألمانية قيمتها جديدة 1400 ريال

[جمرة sss]

أخوي عليك با ألألماني تراه أحسن الأنواع الفايروخ والديانا وبس .

[aljubail]

ابعد عن الاسبانيه انا عندي اسبانبه ودابله كبدي اول ماخذتها قويه وبدت تنزل قوتها
هذا عيبها الاول
عيبها الثانيه الوزنيه كل طلعه او بنص الطلعه يخترب ونيشاااانها مرووووح
ومع العلم العام شاريها والله يستر من الي جاي


اذا ناوي لك على هوائيه مالك
1- فايروخ 80-85 وسعرها 1400 مدري كانه تغير هذا سعر العام
2- ديانا 45- ماقنوم 350 هذي ماعندي خلفيه عن سعرها