الطير النداوى ,,,,,,,, الطير الجرودى

[أبو يزيد 11]

السلام عليكم ورحمة الله وبركااااااااتة


















أتمنى من الاخوة الصقاقير حسب رأى ومعرفة كل شخص الاجابة أو تعريف متى يتم وصف الطير بالمسميات الاتية:


1-الطير النداوي:
2-الطير الجرودى:

أرجو من الجميع المشاركة لتعم الفائدة الجميع وشاكر لكم سعة صدركم تقبلو تحياااااتى.

[@السيف@]

وعليكم السلام ورحمة الله وبركاته يجيك العلم مثل الهلل ما يقصرون اهل الخبر ولا يهونون الربع

[مشبر البران]

الأخوان ما يقصرون

[أبو يزيد 11]

السيف99
شرفتنا بمرورك ونستنى مشاركة باقى الاعضاء وحيااااااااك الله

مشبر البران
أن شاء الله مأحد مقصر وشاكر مرورك تحيااااااتى لك

[بو غازي]

السلام عليكم ورحمه الله وبركاته
الله يعطيك العافية يارب اخي الكريم ابو يزيد11 صحيح الطير النداوي دائما مانسمعها لكن مانعرف وشهي هل هو ماكر هل هو وصف لشكل طير معين هل هو هل هو وانا اعتقد والعلم عند الله انها فصيلة معينة وشبه انها اندثرت .
حتى اهل ليبيا عندهم الطير النداوي له ذكر بعد.

اما الطير الجرودي هو الي يجيك دقه بالعرض على كامل الظهر .
ودقه متناسق .
وانشاءالله ان الاخوان يفيدونا اكثر بخصوص النداوي.
تقبل مرووري.
:)

[@قرناص@]

اخوي بوغاازي مـآقصر ،،

واعتقد ان الطير النداوي الي قطوعه طيبه ويكون ادهم

واآهل الخبره يفيدونـا ،،

ولآهــنــت

[أبو يزيد 11]

السلام عليكم ورحمه الله وبركاته

الله يعطيك العافية يارب اخي الكريم ابو يزيد11 صحيح الطير النداوي دائما مانسمعها لكن مانعرف وشهي هل هو ماكر هل هو وصف لشكل طير معين هل هو هل هو وانا اعتقد والعلم عند الله انها فصيلة معينة وشبه انها اندثرت .
حتى اهل ليبيا عندهم الطير النداوي له ذكر بعد.


اما الطير الجرودي هو الي يجيك دقه بالعرض على كامل الظهر .
ودقه متناسق .
وانشاءالله ان الاخوان يفيدونا اكثر بخصوص النداوي.
تقبل مرووري.
:)



حياك الله بو غازى
وشرفنا مرورك وتعقيبك الكريم
والعلم اللى عندى عن الجرودى و النداوى مثل علمك ومثل ماقلت وأهل ليبيا يستخدمون تسمية نداوى( يسمون الطير العابر المهاجر نداوى والمستوطن حصاوى )

بس على مأعتقد أن فية صقاقير لهم أراء ثانية بالنسبة للموضوع وودنا نسمع أرائهم.

[أبو يزيد 11]

قرناص
تشرفت بمرورك وأضافتك على الموضوع وشااااكر لك
ونستنى رأى باقى الآعضاء

ولاهنت يأخوى

[جزاء الشمري]

الوكاد كلمة النداوي تطلق على الطير الطيب والرجال الطيب شرووواكم

[أبو يزيد 11]

شرواااااااااااك الطيب
ومثل ماقلت تستخدم كلمة النداوى لتسمية ووصف الرجال الطيبين أمثالك
حياك الله وشكرا للآضافة

[المنصوري 2020]

اسلام عليكم ورحمة الله وبركااته
مساكم الله بلخير
لاهنت ياابو يزيد11 الله يعطيك العافيه علا طرح الموضوع وانشالله انفيدك..
حسب معرفتي القصير وليست بلي يسمى صقار درجة اول لاكني اتتبع الامور اللي تخص مواكر الطيرو وخاصت(ن) ..الحرار الجرودى يتميز بالدق على الظهر دقا واضح كما غرز الابر وليس بالدق المخطط وقلة الدعوج بالوجه او مثل شيئا بسيط لايذكر ويرجع موكر الطير الجرودي الي بلاد فارس وهي ايران والجزائر بكثره .هاذا حسب معلومتي أما عن النداوي ايفيدونك النشاما عسا ماطولت في الكلام وانشالله افيدك ف النداوي ليت ماتجمعون اشيبان ناقلين الحرارتقبل مروري..

[حمدان502]

مرحبا اخو ابو يزيد ، بالنسبة للحر النداوي وحسب ماعرفته من الصقاقير الشيبان الله يطول بعمارهم ، انه هو الطير اللي يجيك ريش ظهره كانه مبلول بماي ( مندّي ، او عليه مثل الندى ) ، والاخوان يمكن يفيدونا اكثر ، وبالنسبة للجرودي فأخوي بوغازي عطاك العلم وكفى ووفى .

وتقبل تحياتي

اخوك / حمدان502

[ربع خالي]

بسم الله وعلى بركة الله نبتدي ,,,,
1- النداوي :: الحر الاشقر او الاشعل ويجيك خفيف الريش وطوله اكثر من عرضه وله عاتق يلفت النظر من طوله وراسه مثل راس القرموشه ووجهه وراسه كاشف اقرب للبياض من اي لون ,, ويجيك ارضه صغير اكبر من ارض القرموشه بشوي ولكن تجيك ارضه غليضه وحرشاء, المهم يتصف بالنعومه والتناسق في الجسم وعينه عين داب ,,,
2-الجرودي:: اللي يجيك ظهره فيه رش من الدق ,,, وبكميه محترمه ,,,,,
عموما كل اللي قلته من وجهت نظر خاصه وفيها من الخطاء والصواب ,, ورحم الله والديه من يدلنا على الصواب,,,
تقبل مروري
تحياتي

[أبو يزيد 11]

اسلام عليكم ورحمة الله وبركااته



مساكم الله بلخير
لاهنت ياابو يزيد11 الله يعطيك العافيه علا طرح الموضوع وانشالله انفيدك..


حسب معرفتي القصير وليست بلي يسمى صقار درجة اول لاكني اتتبع الامور اللي تخص مواكر الطيرو وخاصت(ن) ..الحرار الجرودى يتميز بالدق على الظهر دقا واضح كما غرز الابر وليس بالدق المخطط وقلة الدعوج بالوجه او مثل شيئا بسيط لايذكر ويرجع موكر الطير الجرودي الي بلاد فارس وهي ايران والجزائر بكثره .هاذا حسب معلومتي أما عن النداوي ايفيدونك النشاما عسا ماطولت في الكلام وانشالله افيدك ف النداوي ليت ماتجمعون اشيبان ناقلين الحرارتقبل مروري..

الله يعطيك العافية وشاكر مرورك وأضافتك ونستنى رأى بقية الصقاقير


مرحبا اخو ابو يزيد ، بالنسبة للحر النداوي وحسب ماعرفته من الصقاقير الشيبان الله يطول بعمارهم ، انه هو الطير اللي يجيك ريش ظهره كانه مبلول بماي ( مندّي ، او عليه مثل الندى ) ، والاخوان يمكن يفيدونا اكثر ، وبالنسبة للجرودي فأخوي بوغازي عطاك العلم وكفى ووفى .

وتقبل تحياتي

اخوك / حمدان502

حياك الله أخوى ومعلومة وأضافة جديدة بالنسبة للنداوى وهذا المقصد من الموضوع كلن يذكر ويوضح مفهومة للطير النداوى والجرودى


بسم الله وعلى بركة الله نبتدي ,,,,
1- النداوي :: الحر الاشقر او الاشعل ويجيك خفيف الريش وطوله اكثر من عرضه وله عاتق يلفت النظر من طوله وراسه مثل راس القرموشه ووجهه وراسه كاشف اقرب للبياض من اي لون ,, ويجيك ارضه صغير اكبر من ارض القرموشه بشوي ولكن تجيك ارضه غليضه وحرشاء, المهم يتصف بالنعومه والتناسق في الجسم وعينه عين داب ,,,
2-الجرودي:: اللي يجيك ظهره فيه رش من الدق ,,, وبكميه محترمه ,,,,,
عموما كل اللي قلته من وجهت نظر خاصه وفيها من الخطاء والصواب ,, ورحم الله والديه من يدلنا على الصواب,,,
تقبل مروري
تحياتي

يامرحبا وحياك الله وصف مفصل للنداوى كأنى أشوفة قدامى بالنسبة للجرودى أغلب الطيوراللى ماهو صافى يجى فية دق ورش ليتك وضحت لى أكثر بالنسبة لموضوع الجرودى مثل ماوضحت النداوى وكثرت عليك وشكرا لك

[أبو_خالد]

هذا الجرودي مع التحية
وهي صورة من موضوع الأخ "قلب شاهين"

http://www.alsayadah.com/up/uploads/9c27d7277a.jpg

:)

[أبو يزيد 11]

الله يعطيك العافية على الصورة يأبو خالد


وهذى بعد صورة للجرودى


الصورة منقولة
http://www.mekshat.com/pix/upload03/images123/mk118731_groode.jpg

[ابو امنه]

- النداوي :: الحر الاشقر او الاشعل ويجيك خفيف الريش وطوله اكثر من عرضه وله عاتق يلفت النظر من طوله وراسه مثل راس القرموشه ووجهه وراسه كاشف اقرب للبياض من اي لون ,, ويجيك ارضه صغير اكبر من ارض القرموشه بشوي ولكن تجيك ارضه غليضه وحرشاء, المهم يتصف بالنعومه والتناسق في الجسم وعينه عين داب
ويكون المنسر قصير حيل ومانزيد على الاخوان ماقصروا وشاكرلك على الموضوع
موفق خير يالغالي

[عاشق المقناص3]

أفادوووووووك الأخوان

[سلطان 1]

الجرودي ما قصرو الربع وبيض الله وجيهم 0
اما النداوي فهي كلمه تقال للطير الطيب في كل شي في فعله وللونه مثل الرجل الشجيع الطيب 0لكن المعروف انه ليس ماكر معين انما يحكم في تسميه الطير بالنداااوي فعله وشكله وهيبته 0
والله اعلم

[جملا2008/]

ماقصرو الاخوان افادونا

[سبع الصحراء]

الجرودي ما قصرو الربع وبيض الله وجيهم 0
اما النداوي فهي كلمه تقال للطير الطيب في كل شي في فعله وللونه مثل الرجل الشجيع الطيب 0لكن المعروف انه ليس ماكر معين انما يحكم في تسميه الطير بالنداااوي فعله وشكله وهيبته 0
والله اعلم


انا اتفق مع اخوي سلطان بالرأي

النداوي : هو وصف لكل طير طيب

اما الجارودي ماكر طير .

[أبو محمود 70]

بسم الله الرحمن الرحيم
الطير النداوى عندنا هى تسمية تخص لون الطير فقط وهى تطلق على الوحوش الحرار ذات الريش الاسود اى ان الريش الاسود او البنى هو الغالب على لون الطير فيسمى النداوى .
اما الحصاوى وهو المائل الى البياض اكثر من السواد .
وكلمة النداوى ذكرها الشعراء واجد فى وصف الطير كأن يقول فى العيون الجميلة (عيون النداوى) وهى كناية عن تشبيه العيون بعيون الصقر

[أبو يزيد 11]

- النداوي :: الحر الاشقر او الاشعل ويجيك خفيف الريش وطوله اكثر من عرضه وله عاتق يلفت النظر من طوله وراسه مثل راس القرموشه ووجهه وراسه كاشف اقرب للبياض من اي لون ,, ويجيك ارضه صغير اكبر من ارض القرموشه بشوي ولكن تجيك ارضه غليضه وحرشاء, المهم يتصف بالنعومه والتناسق في الجسم وعينه عين داب
ويكون المنسر قصير حيل ومانزيد على الاخوان ماقصروا وشاكرلك على الموضوع
موفق خير يالغالي
الله يعطيك العافية ومشكور على تعقيبك وردك تحياتى لك


أفادوووووووك الأخوان
ماقصرت وشكرا لك ولمشاركتك


الجرودي ما قصرو الربع وبيض الله وجيهم 0
اما النداوي فهي كلمه تقال للطير الطيب في كل شي في فعله وللونه مثل الرجل الشجيع الطيب 0لكن المعروف انه ليس ماكر معين انما يحكم في تسميه الطير بالنداااوي فعله وشكله وهيبته 0
والله اعلم
وماقصرت أنت بعد ويعطيك العافية وتحياتى لك


ماقصرو الاخوان افادونا
ماقصرت يالغالى وشكرا لك




انا اتفق مع اخوي سلطان بالرأي




النداوي : هو وصف لكل طير طيب


اما الجارودي ماكر طير .

االله يعطيك العافية وشاكر مرورك





بسم الله الرحمن الرحيم


الطير النداوى عندنا هى تسمية تخص لون الطير فقط وهى تطلق على الوحوش الحرار ذات الريش الاسود اى ان الريش الاسود او البنى هو الغالب على لون الطير فيسمى النداوى .

اما الحصاوى وهو المائل الى البياض اكثر من السواد .


وكلمة النداوى ذكرها الشعراء واجد فى وصف الطير كأن يقول فى العيون الجميلة (عيون النداوى) وهى كناية عن تشبيه العيون بعيون الصقر





الله يعطيك العافية وشاكر مرورك وتوضيحك

[الصبيحي22]

بسم اله وسلام عليكم ورحمت الله نداوي هو اطيرالا اسود ونقولو نداوي وفيه نداوي فاتح وجرودي هو الي اريش ضهرا اصفر وفي وصط اريش اضهردقات بيض اصغار والله اعلا وعلم وهاذي خبرتي البصيطه وتقبلو مروري

[طير الهقاوي]

السلام عليكم ورحمة الله وبركاته
النداوي بما لاشك فيه ولا يختلف عليه اثنان فصيله من فصائل الحر المختلفه ياتي منه الوان مختلفه وهو موكر اقرب مايكون له ايران على حد جبل سنجار هذيه روايه وفي روايه الحدود الشرقيه الشماليه لدولة ايران


اما الجرود فهو موكر اخر اكثر الناس يختلط بقولت جرودي الجرودي الي عليه الكلام اول ماتنظر الى وجه اذا هو صافي وجه ودقه في الضهر ياتيك على شكل تسطير بالعرض من اسفل عاتق الطير الى مدهنته
والان اجد من يقول عن الي ظهره على ماذكرت لكم
وله مدامع قويه 0دعوج*ان هذا الطير جرود

ان قلتله مهو جرودي ضاق علي ون سكت خليت الرجال يمسكله معلومه غلط
والله الغرابيل دنيا تبذ الخفااا
الله يفرجلك يا راعي هل موضوع ولهل منتدا يخلينا نقول شين نبي نقوله
اشكرك وتقبل مروري

[سيف الهواء]

يااخوان اللي عرفه عن النداوي هو الطير اللي يجب الندا اي الطير المعلم والنداوي تطلق على هقوه يعني اني اهقا ان الطير هذا فاعل نداوي مايحتاج وتطلق على الرجال لهد مايخيب يعني مايخيب ضنك ولالنوع الطير علاقه او شكله النداوي هو الفاعل اللي مايخيب الضن هذا واللله اعلم

[الكايد 123]

افادوك بالعلم وما قصروا

[دعاس]

يا اخوان مسيتوا بالخير بالنسبه للطرح السابق/
عندنا بشمال المملكه النداوي كلمه تطلق سابقا بالوصف الجميل للطير زي القطامي كنا نسمعها من الشيبان والان نسمع الوصف الجديد وهو(الحناوي) وغيره من الاسماء اما بالنسبه للجرودي فهو الارقط المنظوم وفيه فارسي يجي دقه ببياض وفي جرودي باكستاني يجي دقه بجهام وفي دق الباشك ودق الفراشه وكان اغلب الصقاقير في الرحيبه بسوريا ينسبون فصيلة( الجرودي) الى قرية جيرود بسوريا شرق من الشام وكذلك فصيلة السنجاري الاسود الى جبل (سنجار) واحيانا يقال بان السنجاري من بلاد العراق وآسف على الاطاله,,,ابو نواف

[عاشق التوام]

يابو يزيد الإخوان ماااااشاء الله عليهم ماقصرو الجرودي جابو له صور بعض الإخوان والأغلب أجمعوا على رأي واحد في وصفه وهذا دليل على إن الطير معروف وش أصله وماهو معقد والنداوي ماحد جابله صور ولاهان الجميع واختلفت حوله التعاريف والآراء ونظهر الآن بأن كلمة النداوي هي وصف تطلق على الطير الزين وسمعت أيضاً وصف للخيل الأصيلة عند بعض العرب وذلك من قوة وقطوع ووسرة ولون ومايشترط فيه لون معين وأنا سمعت من أحد الإخوان في ليبيا إن النداوي هو وصف للحرالوحش وكلنا يعرف وش قيمة الوحش عند الصقار وبالأخص الصقار والشاعر في نفس الوقت وفي حال وصفه الغزلي يوصف العين بعين النداوي ومايمتاز به عن غيره من الطيور هذا مالدي وسامحنا على الإطاله أخوي أبو يزيد وإن قصرت مايقصرون الإخوان فيهم الخيروالبركه.

[الطبشي]

الله يعطيهم العافيه الاخوان ماقصرو

[الرااسي]

السلام عليكم ماقصرت يابو يزيد على الموضوع الطيب اما بالنسبه لموضوع الجرودي ماقصروا الاخوان هو الي بصوره هو الي وصفه يجي دقه متناسق كالمسطره ولا يعني الماكر حسب معرفتي ولكن فصيله معروفه والبعض يقولون جرودي فارس الي هو اصغر بالحجم قليل ودقه يجي خفيف وليس غليظ اما الندواي العلم عندكم وانتو ابخص مني السموحه على الاطاله

[وشــــام]

مشكور على الموضوع و على الردود لو كان الموضوع قديم لكن اللي اعرفه من احد الشيبان الصقاقير ان النداوي يرمز للطير التام اذا قيل مثلا شيهانه مثلوثه و اخراى تامه و البعض يقول عنه شيخه ايضا الوكري لكن الحر يطلق عليه نداوي يعني اذا يبي يوصف لك طير تام ماتجدع من وصفه شي تختصر وتقول نداوي وتكمل وصف اللون ....

والله اعلم

[استيعاب]

السلام عليكم ورحمة الله ، يا جماعة : الله لايبلانا نشوف ناس واجد يتكلمون بدون علم ولا تتبع ولا يرجعون للناس الكبار والمصادر المؤلفة في الموضوع ( حتى الشيبان فاقسين وغصب يفرض رايه عليك ) ، وان بغيتوا العلم تراه عندي بالادلة ، من وين جا ان القطامي يعني ان الطير منسره اقطم أو انه وكر في ديره ، ومن وين جا ان النداوي وكر برهنوا لنا بالادلة القاطعة اللي مافيها شك وريبة ومن وين جا ان النداوي يعني الطير الاسود والله لا في ليبيا ولا في اليمن سمعنا ذلك ، و حتى المسميات نفسها في اليمن وفي ليبيا ( مع السموحة للاخوان من ليبيا يمكن الاختلاف شوي لكن العلم عند الشيبان منهم اللي ما سمعنا في هالتقسيم منهم ) .

اللي يضيعون والله الصقاقير اخوانا المبتدئيين ، والله انك تشوف العجب منهم و مساكين على فالهم .

اكرر ان بغيتم العلم اجيبه لكم بدون مفخرة وشكرا .

[أبو يزيد 11]

شاكر مرور الجميع وتعليقهم بارك الله فيكم وماقصرتم كفيتو ووفيتو



*************************************************
*************************************************


السلام عليكم ورحمة الله ، يا جماعة : الله لايبلانا نشوف ناس واجد يتكلمون بدون علم ولا تتبع ولا يرجعون للناس الكبار والمصادر المؤلفة في الموضوع ( حتى الشيبان فاقسين وغصب يفرض رايه عليك ) ، وان بغيتوا العلم تراه عندي بالادلة ، من وين جا ان القطامي يعني ان الطير منسره اقطم أو انه وكر في ديره ، ومن وين جا ان النداوي وكر برهنوا لنا بالادلة القاطعة اللي مافيها شك وريبة ومن وين جا ان النداوي يعني الطير الاسود والله لا في ليبيا ولا في اليمن سمعنا ذلك ، و حتى المسميات نفسها في اليمن وفي ليبيا ( مع السموحة للاخوان من ليبيا يمكن الاختلاف شوي لكن العلم عند الشيبان منهم اللي ما سمعنا في هالتقسيم منهم ) .

اللي يضيعون والله الصقاقير اخوانا المبتدئيين ، والله انك تشوف العجب منهم و مساكين على فالهم .

اكرر ان بغيتم العلم اجيبه لكم بدون مفخرة وشكرا .

اخوى استيعاب شكرا لمداخلتك وماحطيت الموضوع الا لكى يستفيد الجميع وانا منهم فاذا عندك علم عطناة بانتضارك

[عتيج الصوف]

وانا مع ابو يزيد 11

[استيعاب]

السلام عليكم ورحمة الله مرحبا ابو يزيد وحياك الله ومساكم الله بالخير اخواني جميع ، انا والله ما اعتب إلا على الناس اللي تقول في مشاركاتها خصوصا في انواع واشكال الطيور اعتقد واعتقد واعتقد يا اخوان هالكلام ما يصلح لو نفتح المجال لاعتقادات اوردتنا المهالك الاختلاف في شي اسمه سلم تمشي عليه الصقاقير الأوائل و حنى نتبعه " والله خلقكم في بطون امهاتكم لا تعلمون شيئا " .
والكلام هذا يفتح المجال لتكذيب حتى الرجال اللي عنده علم ، يعني ما يسلم الرجال اللي عنده علم والرجال اللي ما عنده علم ( ورحم الله رجل قال لشيء لا يعلمه " لا اعلم " ) .
والمسأله ما هي استفتاء بالقدر اللي هي مسأله تحقيق وتأصيل للمسميات وعلوم نتدارسها وشي يجمعنا جميع وما يفقرنا

وشكرا