خزانات الوقود الامريكيه ومضخات نقل الوقود الآمنه اللتي تعمل على البطاريه

[khalaa2u]

السلام عليكم ورحمة الله وبركاته
مساكم الله بالخير جميعا وغفر الله لنا ولكم يا أخوان
انا وأعوذ بالله من كلمة انا من الله علي باجادة اللغه الانجليزيه عشان كذا احوس كثير بالنت
وانا طبعا كل سنة اخيم بالبر بمخيم ثابت لمدة لاتقل عن 3 أشهر وتصل الى اربعة اشهر
يعذبنا نقل الديزل لماطور الكهرباء كثير حيث نحتاج الديزل كثير وصراحة تعبيت الديزل غثيثه
والواحد يتوصخ ويندم على الساعه اللي طلع فيها للبر
عموما ياأخوان انا وجدت لكم خزان ديزل وعلى كلام الموقع بعد ينفع للبانزين وينفع للكيروسين يشيل 100 قالون يعني 180 لتر ومعه مضخه عالية الجوده والتحمل طبعا اوتوماتيكيه تعمل على بطارية السياره وآمنه باذن الله
يعيبه السعر الغالي مع اني اشوفه رخيص لان ستاليس وشغل مرتب سعره 1040 مايعادل 4000 ريال تقريبا غير الشحن وراح انشاء الله اكمل معاكم باكثر من مشاركه وراح اخلي هالموظوع خاص لخزانات الوقود اللي القاها بالنت ومضخات نقل الوقود الامن

اليكم صورة المنتج الاول ويتبين لكم المظخه واللي اللي يبلغ طوله 12 قدم تقريبا 4 امتار

http://www.800toolbox.com/fuel_tanks/transfer%20tank-1.jpg

الصوره الثانيه توظيح المضخه

http://www.800toolbox.com/fuel_tanks/transfer%20tank-pump-1.jpg

اكثر من نوع للستاليس
http://www.800toolbox.com/fuel_tanks/transfer_tank-2.jpg

http://www.800toolbox.com/fuel_tanks/transfer_tank-3.jpg


يتبع قريبا انشاء الله

[الضاحي]

ما قصرت والتانكي شكله رهيب وينفع للماء

بس غاااااااااااالي

الله ينفعك بعلمك وينفع بك يا اخي

[راعي سمنان]

اخي المضخه هي السر الكبير وهي تعمل على 12 و 24 فولت وهي موجوده بشارع الريل بالرياض وكذلك اللي و مسدس التعبئه وما بقي عليك الا تفصيل الخزان بالحجم والشكل المطلوب على السياره سواء من الحديد او الأستل ستيل او المنيوم

اخي كل شركات النقليات والمعدات ومقاولين الحفر ينقلون الوقود وخاصه الديزل الى مواقع العمل بسياره عاده تكون دفع رباعي ولو انتبهت ستجد سيارات عباره عن ( جمس او شاص او هايلوكس ) فيها خزان بحدود 400لتر تقريباً او اكثر ويوجد فيها برميل اللتشحيم وتسمى عندهم سياره الصيانه وهي عباره عن ورشه متنقله وتزود بالوقود بالموقع .... للمعدات الكبيره التي لاتصتطيع مغادره الموقع للتزود بالوقود

اسف على الأطاله ولكن لحبي لعدم دفعك مبلغ كبير على شيء متوفر لدينا وحبي نفع اخواني وحرصي على المصلحه العامه

اذا انت من خارج الرياض ابشر باللي يسرك وانا اخوك الأسعار والجوده والكتلوجات امرهم و اجيبها لك اذا تبي

[barracuda]

مشكور على الموضوع
بس سعره مره غالي
واعتقد انه يمكن تصنيعه
لان التانكي استيل وياكثر الورش حق التوانك
والمضخه موجوده والمسدس
بس الواحد يبغاله شويت وقت وتسوي وحده على مزاجك
وبالتوفيق

[منتعش]

يعطيك العافية أخوي الغالي : khalaa2u
على هذا العرض والصور لخزان الوقود
وفكرة حلوة لوجود المضخات اليدوية بها
كأنه ألمونيوم شبيها لشنطة العزب اللي توضع بصندوق الونيتات !
عافاك الله ووفقك وحفظك ورعاك
وبإنتظار جديدك وإبدعاتك .

محبك : أبومعاذ

[khalaa2u]

جزاكم الله خير كلكم على الردور
اخي راعي سمنان جزاك الله خير على التنبيه وانا دايما اشوف سيارات الصيانه التابعه لأهل النقليات بس دايم اشوفها بمضخات يدويه او ماطور صغير بس مادامه موجوده بالرلياض تمام يبقى ماعلي الى افصل الخزان
انا من برا الرياض ياليت تفيدني بالاسعار وكيفها بالنسبه للجوده واسمحلي اذا كلفت عليك ياغالي

ياليت لو يكون فيه زي كذا وبجوده عاليه

http://images.grainger.com/B291_86/images/products/4RP94.JPG
او كذا نفس اللي تركب على الدرامات الزرق
http://galleryplus.ebayimg.com/ws/web/220473341412_1_0_1.jpg

يتبع انشاء الله بعض الخزانات الرخيصه

[الناب]

بارك الله فيك

فكرة رائعه
أن نستفيد من خبرات الغرب في هذه الأمور

ننتظر المزيد منك

على فكرة عدم وجود اللغه منعتني
من معرفة أشياء كثيره
في النت

فاللغة نعمه إستفد منها وإنفع بها

موفق خير
أخوك

بن فهد

[راعي سمنان]

جزاكم الله خير كلكم على الردور
اخي راعي سمنان جزاك الله خير على التنبيه وانا دايما اشوف سيارات الصيانه التابعه لأهل النقليات بس دايم اشوفها بمضخات يدويه او ماطور صغير بس مادامه موجوده بالرلياض تمام يبقى ماعلي الى افصل الخزان
انا من برا الرياض ياليت تفيدني بالاسعار وكيفها بالنسبه للجوده واسمحلي اذا كلفت عليك ياغالي

ياليت لو يكون فيه زي كذا وبجوده عاليه

http://images.grainger.com/B291_86/images/products/4RP94.JPG
او كذا نفس اللي تركب على الدرامات الزرق
http://galleryplus.ebayimg.com/ws/web/220473341412_1_0_1.jpg

يتبع ان شاء الله بعض الخزانات الرخيصه

اخوي ماكلفت ولا شي ...... اخوي ابشر ان شاء الله اجيب الأسعار والصناعه ولكن ابي منك وقت شوي

بالنسبه لليدوي هذا صحيح ولكن لأهل المعدات والمؤسسات الصغيره اما الشركات الكبيره مايتعاملون الا بالمضخات على الكهرب

[راعي سمنان]

اخوي khalaa2u السلام عليكم ورحمه الله

رجعت لك بعد وعدي لك بالعلم اللي تبي أن شاء الله

اخوي رحت شارع الريل و لفيت على المحلات والله أكثر من 12 محل المهم وأنا أخوك كلهم يقولون رح لمحل اسمه الفانوس منت لاقي حاجتك ألا عنده رحت للمحل وسئلت قالي المسؤل عن المحل عندنا أنواع كثيرة قلت له عطني الزبده أطيب نوع وعليه الضمان وتشتري منه الشركات الكبيرة اللي تستخدمه كثير ولا يشتكون منه
قال عندي ثلاث أنواع كلهم جيدين لكن الأول اقل و الثاني أزين منه والثالث أزين الكل وهو الأكثر مشترى يجي بعده الثاني ثم اليدوي قلت لا ما أبي ألا كهرب قالي قل بسم الله :



-1-


KOSHIN


صناعة : ياباني


1200 ريال


http://www.mekshat.com/pix/upload02/images100/mk1788_koshin.jpg


ما يجي له حامل المسدس وهذا شكلة ورقم موديلة


KOSHIN FILL Pump FD-12


12v and 24v


http://www.mekshat.com/pix/upload02/images100/mk1788_koshin fill pump fd-12.jpg



-2-


Piusi


صناعة : ايطالي


700 ريال




http://www.mekshat.com/pix/upload02/images100/mk1788_piusi.jpg



لايوجد له حامل مسدس وهذا شكلة ورقم موديلة
Piusi By-Pass 2000 kits
12v and 24v



http://www.mekshat.com/pix/upload02/images100/mk1788_piusi by-pass 2000 kits 12v and 24v.jpg



وهذا شكلة قطع قبل التجميع زي ما يجي داخل الكرتون




http://www.mekshat.com/pix/upload02/images100/mk1788_piusi by-pass 2000 kits 12v.jpg



-3-


Fill-Rite
صناعة : امريكي
1200 ريال بدون عداد


1700 ريال مع عداد


http://www.mekshat.com/pix/upload02/images100/mk1788_fill-rite.jpg
يجي له حامل مسدس و هذا شكلة و رقم موديلة


Fill-Rite FR1210C Fuel Transfer Pump
12v and 24v


http://www.mekshat.com/pix/upload02/images100/mk1788_fill-rite fr1210c fuel transfer pump.jpg




وهذا يجي له حامل مسدس مع عداد للترات و هذا شكلة و رقم موديلة
ولا يفرق عن اللي قبله الا بالعداد فقط


Fill-Rite Repackaged 12v DC 20GPM Transfer Pump With Meter


http://www.mekshat.com/pix/upload02/images100/mk1788_fill-rite repackaged 12v dc 20gpm transfer pump with meter..jpg



وهذي صورة ثانيه له


http://www.mekshat.com/pix/upload02/images100/mk1788_-fuel-pump.jpg



مع العلم ان كل الصناعات و الأنواع يجون 12 أو 24 فولت


ولكن راعي المحل يقول لازم الكهربائي الذي يشبكه يكون فنان وفاهم اي التماس لاقدر الله خطر على التانكي للبانزين فقط



اخوي بخصوص التانكي اذا بغيت المنيوم عند ورشه اليحيى بحي السلام يفصل بحدود 700 الي 1200 ريال تقريباً
او حديدعند ورشة المواهب
واقترح مربع ويكون براس الصندوق او يكون مثل هذا شكله حلو ويعطيك مجال للتحميل زيادة



http://www.mekshat.com/pix/upload02/images100/mk1788_0001.jpg





اخوي ارجو ان اكون افدتك بشيء قليل واذا تبي زود انا بالخدمه


اخوك : راعي سمنان

[راعي سمنان]

الموضوع للرفع يمكن اخوي khalaa2u يشوف وصاته

[khalaa2u]

أخوي راعي سمنان بيض الله وجهك ورحم الله والديك وغفر الله لك ولوالديك وللمسلمين اجمعين
اقسم بالله اخجلتني ياطويل العمر بالكرم واسمح لي عنيتك وكلفت عليك
فزعتك هذي لاتقدر بثمن ويعلم الله اني ما ابالغ

[ترهيم]

السلام عليكم

المضخات ممتازه .. بس تقدر تستغني عنها اذا كان قصدك للبر ..

عندي قلص فيه تانكيين واحد للماطور والثاني لتزويد السيارات طبعاً التوانك حقات جمس ولها مكان لتعبيه ومركب عليها طرمباتها حقات الجمس (( يعني التوانك بطرمباتها )) وحاط لكل طرمبه لي مستقل وفاصل تشغله وتطفيه وقت ماتبي ..

تكلفتها اقل وبنفس الوقت تفي بالغرض ..

[عطارد]

اخوي بامكانك تستعيض عن المضخه بسبب ارتفاع سعرها بفكره بسيطه جداَ وهي انك تعمل ماسوره إلى قاع الخزان تقريباَ موصوله في مخرج الخزان.
وتعمل بلف هواء في اعلى الخزان او في غطاء تعبئة الخزان وتحرص على ان يكون الغطاء مزود بحلقه سيلكون لضمان عدم تسرب الهواء من الخزان.
وتقوم بضخ الهواء في الخزان بواسطة مضخة الهواء العاديه وبهذه الطريقه تحصل على ضغط ممتاز يدفع البنزين /الديزل او الماء من الخزان إلى اي جهه ترغبها.

[راعي سمنان]

اخوي khalaa2u ووجهك ابيض خدمه الرجال مثلك شرف وكلامك يدل على معدنك الطيب .... وهذا طبع اعضاء مكشات بارك الله بالجميع

آمين يارب العالمين ووالديك وللمسلمين اجمعين .... جزاك الله خير دعوه طيبه هي كل ما اتمنى بارك الله فيك

اخوك : راعي سمنان

[rolze]

بارك الله فيك