طريقة التقليل من استهلاك البنزين [الأرشيف]

مشاهدة النسخة كاملة : طريقة التقليل من استهلاك البنزين

ولد الجنوب

04/09/2009, 03:43 PM

اخي الفاضل عندي سيارة جيب موديل 84 تايوتا يستهلك بنزين رحت الى مهندسين قالوا اغير ابر الكربريتر واخرين قالوا يقلل عزمة افيدونا عن الموضوع اوهناك طريقة اخري

ahmad995

04/09/2009, 03:55 PM

ركب مراوح كهرب
ونظف الكلبريتر وركب بواجي جديدة

راعي الاكورد

04/09/2009, 07:09 PM

ركب مراوح كهرب
ونظف الكلبريتر وركب بواجي جديدة

هل البواجي لها اثر في صرفية البانزين؟؟

سوبر VTC

04/09/2009, 07:43 PM

و عليكم السلام و رحمة الله

اخبر قبل اكثر من 15سنه كان عندنا جيب م85 صالون تماتيك

اذا ولعت المكيف يلهم بنزين :D:p

يمشي بالتانكي تقريبا 280 و يصفر التانكي
علما ان فيه موتر ثاني قير عادي
يمشي بالتانكي حول 400كيلو

الحل تغيير ابر الكبليتر

اخبر واحد معه جيب ربع على وقته فاكه وكاله كبليتر م97
حط له ابر اصغير
يمشي بالتانكي تقريبا550كيلو :good:
بس اذا جا النفود يشبك الثقيل
لان الخفيف مابه عزم نهائيا :no2:

موفق

عابر سبيل933

05/09/2009, 09:14 AM

الله اعلم يالحبيب 84مافيه حيله على قولتهم مابه طب ماينجح

كساب الطيب

05/09/2009, 09:21 AM

انصحك لا تغير فيه شئ
احذر تغير الابره لانها ما تنقص العزم
الا تقتل العزم قتل
يصير لا ينفعك بر ولا خط وداخل الديره تقل يمشي على كبدك من الثقل

BLIZER 88

05/09/2009, 09:26 AM

اخوي غير البواجي يقوى عزم الموتر وتقل صرفية البنزين

ابوفروحه

05/09/2009, 05:02 PM

ربنايعيناوإياك

aoh200

06/09/2009, 01:32 PM

فيه اشياء كثيره ممكن تقلل من استهلاك البنزين

مثلا فلتر هواء جديد كل فتره.
والبواجي نفس الحاجه.
هم بعد ممكن تشيل اي شي يثقل وزن بالسياره خاصة اذا انت تحط اغراض ماتحتاجها بالشنطه..
وانت تدعس على البنزين لا تدعس بقوه امش على الراحه..
وحاول انك تمشي على السرعه القانونيه..عادة كل مازدت السرعه كل مازاد الاستهلاك و استخدم مثبت السرعه..
اخير فيه معلومه مغلوطه عندنا وهي انك تحمي السياره واكتشف الامريكان والامان انه تحمية السياره لمدة تزيد عن دقيقه ونص كـ حد اقصى تقلل عمر السياره وتستهلك بنزين بدون فايده..

والله ييسر لك الخير والصالح..

سوبر VTC

06/09/2009, 05:26 PM

حجم الكفرات يسبب صرفيه
نقص هواء الكفر يسبب صرفيه
وضع فرارت لعمود الدبل يقلل الصرفيه

ابودعسان

08/09/2009, 08:00 AM

هل مكينته موضبه

كرفان

09/09/2009, 12:20 AM

اخي الفاضل عندي سيارة جيب موديل 84 تايوتا يستهلك بنزين رحت الى مهندسين قالوا اغير ابر الكربريتر واخرين قالوا يقلل عزمة افيدونا عن الموضوع اوهناك طريقة اخري
حدد الصرفية هل هي على الطرق السريعة أو داخل المدينه .

.أبوعبدالرحمن

09/09/2009, 12:35 AM

غير على البواجي واسلاكها هذي بسيطة لان سعرها ما راح تأخذ اكثر من 50 ريال

وركب فرارات على حسب الفرار اللي تبي تركبه

وايضا شيك على صفاية البنزين ايضا تقريبا الاصلي 25 ريال

ايضا اذا حجم الكفرات كبير غيرها الى حجم مناسب للسيارة

وان شاء الله تنحل مشكلتك بدون تغير ابر كلبليتر ولا تقرب الكلبليتر

KASHTAT

10/09/2009, 05:00 AM

الزميل الصفيان أسأل الله أن يتغمد جدك بواسع رحمته ويجزل لكم الأجر والمثوبة

talal2002l

13/09/2009, 12:02 PM

شوري عليك تبيعه

escape_man

13/09/2009, 01:12 PM

كان الموتر يسوى ويعز عليك فسو الي اقولك :

مراوح كهرب + فرارات + جنوط المنيوم (لانها خفيفة) + كفرات شاهين

تصفية عامة للموتر

وبيغدي مهبول .. كان معي ربع تويوتا 83 وخويي باترول 83 نفس الموديل ومايخلي مرقى مايطلعه معي من الخف

عيون مكشات

07/10/2009, 10:56 AM

اخي الفاضل عندي سيارة جيب موديل 84 تايوتا يستهلك بنزين رحت الى مهندسين قالوا اغير ابر الكربريتر واخرين قالوا يقلل عزمة افيدونا عن الموضوع اوهناك طريقة اخري

اخوي .. عندي لك معلومه من بعض المعلومات..
وجربها قبل كل شي وتساعدك انشاء الله وتدعيلي بعد..
حاول تخلي البانزين دايم فل وتقولي ليه؟
بقولك عشان ضغط الهواء داخل التانكي
وجرب

اخوي .. عندي لك معلومه من بعض المعلومات..
وجربها قبل كل شي وتساعدك انشاء الله وتدعيلي بعد..
حاول تخلي البانزين دايم فل وتقولي ليه؟
بقولك عشان ضغط الهواء داخل التانكي
وجرب

عيون مكشات

07/10/2009, 10:58 AM

اخوي .. عندي لك معلومه من بعض المعلومات..
وجربها قبل كل شي وتساعدك انشاء الله وتدعيلي بعد..
حاول تخلي البانزين دايم فل وتقولي ليه؟
بقولك عشان ضغط الهواء داخل التانكي
وجرب

زين الفعايل

07/10/2009, 11:17 AM