المساعد الشخصي الرقمي

مشاهدة النسخة كاملة : استفساار للقروم الله لايخلي منكم


كف الهدد
04/09/2009, 08:25 PM
الموضوع طوالي بدون مقدمات

عند وكريه وافيه سودانيه متاخرة بالحذف باقي عليها ثلاث من الجناح هل هو طبيعي والا فيه شي الطير سليم من الامراض مشاء الله عليه والعلف ماني مقصر عليه
الي عندة خبر لا يبخل علينا وش احسن فيتامين اذا تنصحون به

اشكركم من كل قلبي
المنصوري 2020
04/09/2009, 08:31 PM
أيفودونك الاخوان
جـرح الشمـال
04/09/2009, 08:34 PM
لا شي طبيعي فيه طيور تاخر بالحذف اهم شي مدهنة الطير سليمة
بو غازي
04/09/2009, 08:35 PM
السلام عليكم ورحمه الله وبركاته
مرحبا اخوي كف الهدد شيك على مدهنه الطير اضغطها شف يطلع منها زيت؟
وان كان مايطلع دق المدهنه
واذا انت مستعجل دقها بكورس لمدة عشر ايام وانشاءالله تحذف للعجل واذا انت منتب عجل الله يعينك تنتضر اربعين يوم لين يحذف الموس.
والكورس الي انصحك به الكورس الاخضر الحبوب الصغار الي يباع عند فارس بالدمام.
وتقبل مرووري
:)
ابو امنه
04/09/2009, 09:00 PM
يفيدونك الاخوان
موفق خير يالغالي
مشبر البران
04/09/2009, 09:14 PM
الله يوفقك
أبوالقروش
04/09/2009, 09:17 PM
يفيدونك الاخوان
موفق خير يالغالي
@قرناص@
04/09/2009, 09:44 PM
اخوي تاكد من مدهنة الطير ،،

ونزل عدة الطير وارفعها ،،

ولاتنسى تعطيه جرابيع والكورس اذا كنت عجل .. ،،

والله يتممها على خير ،، وفـالك الخرب الازرق!
قرناس الوثبة
05/09/2009, 01:43 AM
السلام عليكم جميعاً
انا انصحك يا أخوي بان تقصر على الطير الين يبين زوره وبعدها تقطع العلف في طاسه وتكون القطع على قياس نسرت الطير يعني موازنه وتكسر بيضت دجاجه على العلف وتخلطه مع بعض وتخليه خمس دقايق وتعلف الطير واتم على الحاله هاذي الين اتشوف الطير اعتد ذيك الساعه بيحذف ولا بيطول وبتتغير لون ولمعت ريشة الطير وبيكون فيه نشاط لان البيض فيه بروتينات وفائده وايده للطير واسمحولي اذا طولت بس النصائح بين الاخوان زينه وانا مجرب هالطريقه في شاهين وحش والحين ناقله من حوالي 25 يوم وهو ماشاء الله عليه تقول حمامه من لون ريشه ولمعته ونشاطه ...
..@القناص@..
05/09/2009, 02:37 AM
ان شاء الله انه طبيعي .. جرب ارفع وزن الطير ونزله
ونوع له بالعلف
احمدالصالح
05/09/2009, 03:28 AM
بدون قصور بأحد اخوي مادام الطير حاذف ماينفع تعطيه كورس لازم اذا عطيته مايكون حاذف شي ابد . وتقبل مروري وبدون قصور بالربع اللي قالوعطه كورس
ابو رامي 1401
05/09/2009, 07:13 AM
يفيدونك الاخوان
موفق خير يالغالي
صريح 01
05/09/2009, 08:19 AM
الكلام اللي قالوه الاخوان صحيح لكن
يمكن الطير هذا قرناسه اصلا متاخر
راعي غضبان
06/09/2009, 05:15 PM
لوالله ماهي طبيعيه الوكريه وبالخص السودانيه تقرنس قبل الطيور ان كان ماهي مريضه وسليمه واكلها زين وصنيع يمكن المدهنه ماهي طبيعيه دق مدهنته وانشاءالله تضبط والله يستر عليها وتحذف انشاءالله
جير وكري
06/09/2009, 07:55 PM
بالتوفيق يالغالي
ذيب العرمه5
06/09/2009, 09:26 PM
اخوي عطاك العلم (راعي غضبان)
ولاهو قصور بباقي الربع
ربع خالي
06/09/2009, 09:33 PM
اخوي كف الهدد انقل الطير وحاول تدعوه من مسافات قصيره وبيتوح ,, مجرب
تقبل مروري
تحياتي
قلب ذيب
06/09/2009, 11:52 PM
مع تقديري للجميع الطير لايعطى الكورس بعد ان يحذف الريش . الكورس يعطى الطير اول الربطه , ولابد ان يكون ريشه كامل .
- الطير مافيه شي متأخر في حذف الريش وهذا شي عادي و لاتنقض الطير ولاتحرك مدهنته !
انقل الطير او انتظر عليه --------- والله الموفق .