المساعد الشخصي الرقمي

مشاهدة النسخة كاملة : وين انتم ياشعار مكشات


فهد الهلالي
05/09/2009, 02:55 AM
السلام عليكم ورحمه الله وبركاته
موضوع جديد
ياشعار مكشات
نبي قصايد جديده في
طلوع سهيل
ذلك النجم المحبوب للجميع
امل منكم المشاركه
ومن يبداء فيها اولا
تحياتي للجميع
مغاليس
05/09/2009, 03:22 AM
ابشر بالقصيد بس تراها قديمه والسموحه :)


باكر طلوع سهيل يا مقرنس الطير ==== راح الكثير ولا بقا غير ساعات

راحت شهورٍ ليلها حار و قصير ==== باكر نهاية قيض وايضا بدايات

موسم عليه اشواق قلبى مصادير ===== اخذ معه عن مر الايام سجات

كل ٍ يزهب عزبته يا الصقاقير ====== وكل ٍ يضبط موتره للمسارات

حتى السوالف فى دواوينا غير ===== من عقب باكر نبتدى بالمعايات

هذا يمارى بالحرار المغاتير ===== وهذا يقول ان المجاهيم صلفات

وهذا يعاند بالشياهين والجير ===== وهذا يقول ان الدعاوى سهالات

في كل ديوان ٍ تشوف المباهير ===== وشاى وتراحيب ونفوس ٍ عزيزات

تلقا بها طلق الوجيه المناعير ====== وسوالف ٍ تشلع همومك من الذات
-------------------------------------------------------------------------------
واحسب شهر من طلعة سهيل لا غير===== كانه عصب موسه تغافله بسكات

ثم برقعه بشويش من دون تذيير ======= وفك الجرير اللى عليه الزمن فات

وبدل سبوق مسرول ٍ ساقه قصير ====== صافى ظهر ضربات كفه عطيبات

العام محلى طلعه الصبح وعصير ====== طلعه صدوق ولا تجى فيه شكات

ومحلى بعد تشخيصته تلة السير ====== ثم راح يطوى بالمناكب مسافات

وروح يلم ويرتفع كنه الزير ====== لا ارخا عنان الخيل ثم شن غارات

واهوى عليها هوية الدلو فالبير ====== ثم تلها من بعد رده وشعطات
-----------------------------------------------------------------------------------
واحسب شهر وانطر علوم المعابير ===== لامن جهز طيرك ليوم الملاقات

وكانك تبى فرخ ٍ يعوق المدابير===== اتعب على الاصلى وخل الهجينات

عليه من شعاق لون وتصاوير===== طير ٍ لبو مشهور عوق الخريشات ------------>>>> ( هالبيت تونى ضفته للقصيده وابو مشهور يستاهل ولا عليكم زود )
----------------------------------------------------------------------------------
يا رب يا والى جميع التدابير ===== اجعل ليالينا سعود و مسرات

يا رب تمم كل هالموسم بخير ===== مادام باقى لطلعة سهيل ساعات

============== وسلامتكم =====
اخوكم: مـــطلق الفــــــزران ------------------------- ( مغاليس )
فهد الهلالي
05/09/2009, 03:36 AM
صح السانك وبيض الله وجهك ياخوي مطلق
قصيده وافيه وجزله ماشاءالله عليك
اللي هذا قصيدك ياخوي مطلق نطمع بالجديد
تراء مانسمح لك الا بقصيده جديده لمكشات
نضع عليها حقوق الطبع
وابو مشهور يستاهل الله يعطيه الصحه والعافيه
وانت اقول جمل الله حالك واطال الله في عمرك
وصح السانك ملايييييييييين ولايكفون
تقبل تحيات
اخيك
الشيخ مسكين
صقار الأسياح
05/09/2009, 03:44 AM
ابشششششششررررررررررررررر وانتضر بأذن الله
فهد الهلالي
05/09/2009, 03:49 AM
هلا بك ياخوي صقار الاسياح وعساك على القوه
ونحن في انتظار جديدك مع شكري وتقديري لك
على حسن تجاوبك
حفظك الله ورعاك
تحياتي لشخصك
راعي بيشة
05/09/2009, 03:54 AM
أهل الولع تشفق على طلعة سهيل . . . وتضيق خطرهم من القيظ وتمل

.



هههههه مسرووقه
فهد الهلالي
05/09/2009, 04:02 AM
أهل الولع تشفق على طلعة سهيل . . . وتضيق خطرهم من القيظ وتمل

.



هههههه مسرووقه

هلا وغلا باراعي بيشه
ماشاء الله عليك مادام تحفظ ابيات مثل هذا البيت
فانت صاحب ولع في الرحلات والمقانيص ولازم
تعطينا قصيده من نضمك لو بيتين
اشكرك على مداخلتك وياهلالالالالالالالالالالالالالالا
بن محفوظ
05/09/2009, 05:07 AM
بارك الله فيك على الموضوع ... وشحذ الهمم

اعجبني مطلق بقصيدته ..
فهد الهلالي
05/09/2009, 06:06 PM
بارك الله فيك على الموضوع ... وشحذ الهمم

اعجبني مطلق بقصيدته ..

حياك الله يابن محفوظ والله يبارك بايامك
ومطلق شاعر جزل الله يديم عليه الصحه والعافيه
وانت شكر لحضورك
تقبل تحياتي
مغاليس
05/09/2009, 08:00 PM
صح السانك وبيض الله وجهك ياخوي مطلق

قصيده وافيه وجزله ماشاءالله عليك
اللي هذا قصيدك ياخوي مطلق نطمع بالجديد
تراء مانسمح لك الا بقصيده جديده لمكشات
نضع عليها حقوق الطبع
وابو مشهور يستاهل الله يعطيه الصحه والعافيه
وانت اقول جمل الله حالك واطال الله في عمرك
وصح السانك ملايييييييييين ولايكفون
تقبل تحيات
اخيك

الشيخ مسكين


ابشر ما طلبت شى وانا ابو محمد :

الشيخ ينهمنى على بدع طاروق
,,,,,,,,,,,,,,,,,,,,,,,, يوصف طلوع سهيل لا بان نجمه

يا مرحبا ترحيبت ٍ كلها ذوق
,,,,,,,,,,,,,,,,,,,,,,, يامن تعلا بالمتاليع رجــــــــــــمه
شروا نداوى ٍ على الصيد مطفوق
,,,,,,,,,,,,,,,,,,,,, ماداج لا لونه ولا داج حجـــــــــــمه
الله هو الخالق وانا عبد مخلوق
,,,,,,,,,,,,,,,,,,,,, وشرواك يستاهل على البدع هجمه !

اخوك : مـــــــــــــــــــــــطلق الفـــــــــــزران
مغاليس
05/09/2009, 10:34 PM
حصريا لمنتديات مكشات:
خيمة القصائد المكشاتيه:
----------------------

سهيل بان وحرر القيد للبر
,,,,,,,,,,,,, اللى عليه الشوق بالقلب محبوس
نجم ٍ يغير لا طلع سطوة الحر
,,,,,,,,,,,,, ويرتاح له من كان ضايق ومعموس
لانسنس الغربى له القلب يستر
,,,,,,,,,,,,,وكل ٍ يحاتى عصبة الطير للموس
يا شيخ ملينا متى ننقل الحر ؟
,,,,,,,,,,,, متى ندوج بين شعبان وطعوس
المجهم اللى بالهدد يشرح الصدر
,,,,,,,,,,,, لاهوب منغولى ولا هو من الروس
ليبى نماريبه على الحمر والشقر
,,,,,,,,,,,, له بالهدد خبره بلا علم ودروس
اليا شعطها بالسما جتك تفتر
,,,,,,,,,,,, وان خيشت له وضعها صار متعوس
وخوة نشاما فيهم القلب مغتر
,,,,,,,,,,,, نوماسهم وقت المواجيب ملموس
دايم على يمناك بالخير والشر
,,,,,,,,,,,, ومحدٍ يخلى خاطرك يوم محسوس
متقاسمين المرجله والصخا جهر
,,,,,,,,,,,,ولا فيهم اللى يحسب الطيب بفلوس
وسهيل حرر قيد الاشواق للبر
,,,,,,,,,,, وحرر معه طرق ٍ بالاعماق محبوس
نجم ٍ يغير سطوة القيض والحر
,,,,,,,,,,,, وكل ٍ نقل طيره بعد عصبة الموس
--------------------------------------------------------
اخوكـــــم: مــــطلق الفـــــزران
فهد الهلالي
06/09/2009, 02:17 AM
صح السانك اخوي مطلق ملايين والله يعطيك الصحة والعافيه
قصيدجزل
ماشاء الله عليك
لقد عسفت الحرف حتى تذلل تحت تصرفك فابدعت منه القافيه والجزاله

اليا شعطها بالسما جتك تفتر
,,,,,,,,,,,, وان خيشت له وضعها صار متعوس

لله درك على هذا القصيد قمة في الوصف والابداع
الله لايضرك
سجل اعجابي وتقدبري
في اطراف قصيدتك
كما احب ان اشكرك على قصيدتك الاولى وما خصيتني به
وفقك الله ياخي مطلق وخيمة القصايد المكشاتيه
تنظر منك اكثر حضور
تقبل تحياتي
ذراع الذيب
06/09/2009, 03:14 AM
السلام عليكم ورحمة الله وبركاته
صباح الخير ياشيخ مسكين والله يعطيك العافيه على الموضوع الطيب,,
واشكر شاعرنا مغاليس ومن شارك معه الله يعطيهم العافيه ماقصروا ونسونا,,
وبأنتظار خويانا الشعراء,,
ابوالجازي
06/09/2009, 03:25 AM
بيض الله وجيهكم
مشرفنا
الشيخ مسكين
والشاعر المبدع
مطلق
ونستونا الله يونسكم
عديم الوصايف
06/09/2009, 06:23 PM
السلام عليكم ورحمه الله وبركاته



موضوع جديد
ياشعار مكشات
نبي قصايد جديده في
طلوع سهيل
ذلك النجم المحبوب للجميع
امل منكم المشاركه
ومن يبداء فيها اولا


تحياتي للجميع

شكرن لطرحك مثل هاالموضوع وبشر غالي وطلب قصيده
كاشخ 24 ساعه
06/09/2009, 06:49 PM
حصريا لمنتديات مكشات:

خيمة القصائد المكشاتيه:
----------------------


سهيل بان وحرر القيد للبر
,,,,,,,,,,,,, اللى عليه الشوق بالقلب محبوس
نجم ٍ يغير لا طلع سطوة الحر
,,,,,,,,,,,,, ويرتاح له من كان ضايق ومعموس
لانسنس الغربى له القلب يستر
,,,,,,,,,,,,,وكل ٍ يحاتى عصبة الطير للموس
يا شيخ ملينا متى ننقل الحر ؟
,,,,,,,,,,,, متى ندوج بين شعبان وطعوس
المجهم اللى بالهدد يشرح الصدر
,,,,,,,,,,,, لاهوب منغولى ولا هو من الروس
ليبى نماريبه على الحمر والشقر
,,,,,,,,,,,, له بالهدد خبره بلا علم ودروس
اليا شعطها بالسما جتك تفتر
,,,,,,,,,,,, وان خيشت له وضعها صار متعوس
وخوة نشاما فيهم القلب مغتر
,,,,,,,,,,,, نوماسهم وقت المواجيب ملموس
دايم على يمناك بالخير والشر
,,,,,,,,,,,, ومحدٍ يخلى خاطرك يوم محسوس
متقاسمين المرجله والصخا جهر
,,,,,,,,,,,,ولا فيهم اللى يحسب الطيب بفلوس
وسهيل حرر قيد الاشواق للبر
,,,,,,,,,,, وحرر معه طرق ٍ بالاعماق محبوس
نجم ٍ يغير سطوة القيض والحر
,,,,,,,,,,,, وكل ٍ نقل طيره بعد عصبة الموس
--------------------------------------------------------

اخوكـــــم: مــــطلق الفـــــزران




صح لسانك

قصيده جزله واعجبتني جدا

بيض الله وجهك
مخيل الخيال
07/09/2009, 02:41 AM
اسهيل يهل البر بدا علــــــيــــــكم * وطلعت مزون الصيف والوسم قافيه
وفي مطلع اسهيل اليماني تجيكم * ابيات شعري ماتخفي مواريــــــــــه
البر لا منه طلع يـــــــــــحتريكم * يللي تحبون السمر في فيافيـــــــــــه
والحر لامنه طلع مايجـــــــــيكم * تبرد لياله ثم تبرد عصــــــــــــاريه
والصيد من دارا بعيده ياتيكـــــم * واللي يحب الصيد يطلع ويرميــــــــه
والتهنئة مني توجه اليــــــــــكم * بمناسة شهر الصيام وليــــــــــاليه
الله يغفرلي ويرضى عليــــــكم * وكل مسلم من عذابه ينجـــــــــــــــيه
فهد الهلالي
07/09/2009, 07:33 PM
اسهيل يهل البر بدا علــــــيــــــكم * وطلعت مزون الصيف والوسم قافيه
وفي مطلع اسهيل اليماني تجيكم * ابيات شعري ماتخفي مواريــــــــــه
البر لا منه طلع يـــــــــــحتريكم * يللي تحبون السمر في فيافيـــــــــــه
والحر لامنه طلع مايجـــــــــيكم * تبرد لياله ثم تبرد عصــــــــــــاريه
والصيد من دارا بعيده ياتيكـــــم * واللي يحب الصيد يطلع ويرميــــــــه
والتهنئة مني توجه اليــــــــــكم * بمناسة شهر الصيام وليــــــــــاليه
الله يغفرلي ويرضى عليــــــكم * وكل مسلم من عذابه ينجـــــــــــــــيه




صح السانك اخوي مخيل الخيال قصيد رائعه ومعبره
الصيد من دار بعيده يجيكم-------اللي يحب الصيد يطلع ويرميه
اشكرك على حضورك بهذه القصيده ونطمع بالمزيد من مالديك قديم اوجديد
نامل اتحاف خيمه القصايد في مكشات وروادها بمثل هذه القصيده لاعدمتك
تقبل تحيات
اخيك
الشيخ مسكين
@قرناص@
07/09/2009, 07:55 PM
بيض الله وجهك يالشيخ مسكين ،،

ولو اني شااعر ماقصرت معكم ،،

واخونا مطلق صح لسانه ماقصر ولايهونون الربع ،،
مخيل الخيال
08/09/2009, 03:43 AM
اخي العزيز الشيخ مسكين شرفني مرورك على موضوعي وعساك سالم
MIDDLE EAST
08/09/2009, 06:07 AM
جزاكم الله خير وشكرا
فهد الهلالي
09/09/2009, 07:39 PM
جزاكم الله خير وشكرا

بارك الله فيك ياخي العزيز MIDDLE EAST على هذه الدعوه الطيبه
والله يسعك في الدارين
تحياتي لشخصك