ارجو التثبيت (( يا ما حلا المسرا على جيب نيسان)) اعطوني ردودكم

[قناص الحفر]

السلام عليكم ورحمة الله وبركاته هذة قصيدة لشاعر
عايض بن عبيدان يقول فيها
يا ما حلا المسرا على جيب نيسان&&& يسري وهذا منوة(ن) من تمانية
سوبر وفل اوبشن ولا فية نقصان&&& كلش جديد(ن) ما نسينا بوايجة
محمل العزبة وحان الوعد حان&&& يسري وجيبات النشاما تبارية
سهيل يقدح في السما قدح صوان&&& يلعج بنورة واسعد اللة ليالية
وين انت يا للي للمقانيص شفقان&&& شفق(ن) على هد الوحش في صحارية
هذاك واللة صاحبي ذرب الايمان&&& جعل الردي يفدي سماري مواطية
ابمدح الطيب ولا نيب خجلان&&& عون الرفيق وسعد منهو يخاوية
يا صاحبي خالد ترى الروض ميدان&&&صحصاح جو(ن) مصبحات حبارية
طيري فلاح وطيرك اليوم بلوان&&& ان طعتني سمة قبل لا نسمية
واليا لقينا الخرب في حرف هشتان&&& الزم وانا بكفيك لا تبتلش فية
طيرك يصيد وصيدة العام حفان&&& سود اليالي ما كشفتلك خوافية
ما يستوي قول(ن) على غير برهان &&& وكثر الحكي واللة مانيب راعية
وحنا ترى في الدار جيران واخوان &&& والشاعر الطيب ضميرة يقدية

وسلامتكم في واحد رد على القصيدة تبون اكتب الرد

[ابو عمر اللاحم]

صح لسانك ولسان الشاعر قصيده حلوه وعذبه .. الله يعطيك العافيه وعطنا الرد الله لا يهينك ..

تحياتي ،،،،،

[قناص الحفر]

والرد ان شاء اللة كاتبة

[قناص الحفر]

رد الشاعر خالد بن مقيليب

خط(ن)لفا وسهيل للخط عنوان&&& يا مرحبا با الخط والي مسوية
يامرحبا يا صاحب(ن) شد الاذهان&&& في المرجلة تبت وشيد معانية
وفي اللازمة حدة كما حد شامان&&& اليا سطا كفة با الاحمر يحنية
ولو البحر حبري وهتان الامزان&&& والارض صفحة ماوصفنا معانية
واليا طراك طاري(ن) يا كحيلان&&&ابشر وانا بعطيك علمي وعافية
انتة تبي المسرا وموترك تعبان&&&في كل يوم(ن) والكراجات تدعية
يشهد على قولي كراجات هبدان&&&يوم(ن)جمال ازرى يضبط براغية
وان طعت شوري يا بن الجواد ربحان&&& عقة على التشليح لا عاد تقنية
وان لا ح برق الوسم قربت حمران&&& الموتر الي في الوكالة نصفية
علية شمبر والكفرات شيهان&&& واليا سرى ما يخذلك في مسارية
وخوة نشاما نشتريها باالاثمان&&&الكل منهم من علومة تحية
منزلنا روض(ن) من الوسم رويان&&&من المزون الناشية يوم تسقية
وسميت(ن) ما طبها راعي الضان&&&ولا شفتلةحروة ولا هي محارية
واليا لقيت الخرب مانيب بلشان&&&عندي حزام اللي فعولة تسمية
وتراك يا لصقارغادي وغلطان&&& بيض الليالي بينتلي موارية
ماهو شباك(ن) ولا هوب ضيعان&&&وما هو كما اللي من براصة تداوية
لا تحسبن في اصبعك خاتم سليمان&&& الرجل يسمج كان كثرت دوادية
يا الشاعر اللي ماغوى بدع الالحان&&& واللي يجيب العلم لازم يودية

وسلامتكم

[الدافور]

صح لسانهم جميع على هالرديه و تسلم على هذي القصيده يا

(( قناص الحفر ))

[قناص الحفر]

وين رحت تقطع قلبي يوم شفتك راد
ويامرحبا ترحيبة كلها ورود
ومشكور يا الغالي

[ابو عمر اللاحم]

صح لسانك ولسان الشاعر كفو والله .... الله يعطيك العافية

[عبوووود]

صح السانك

مشكووور

[قناص الحفر]

نهار وصح بدنك ومشكور على مرورك

[قناص الحفر]

وصح بدنك ومشكور على مرورك