المساعد الشخصي الرقمي

مشاهدة النسخة كاملة : ممكن توصفون لي اماكن بيع الطرادات بالشرقيه


ابراهيم_999
10/09/2009, 03:01 AM
السلام عليكم

ابحث عند طراد جديد بالدمام او الخبر ياليت تدلوني على الشركات واحسن انواع طرادات وارخصها

اتمنا المشوره والله يعطيكم العافيه ابي شي مايعدي ال 22 قدم مكاين 75 او 80جديده ثنتين

ابي الحسبه كامله من الخبراء
ابراهيم_999
10/09/2009, 04:10 AM
ولا رد شدعوه خدمه انسانيه كتابه بس وتكسب دعاء صادق بأذن الله
فهد BH
10/09/2009, 01:06 PM
مرحبا اخوي ابراهيم
انه ودي اخدمك بس انا في البحرين
لو حاب تعرف اسعارنه بالبحرين
افضل الطراريد عندنا بالبحرين اهم الظاعن و الدرازي و النورس بس عن نفسي افضل الظاعن( استخدامي )
الطراد 24+ المكائن85 (( جديد × جديد )) في حدود ال55000 الى 60000 الف ريال
اما المستخدم ما اقدر اعطيك اي سعر لان يعتمد على نظافه المكائن و القرف + الاستهلاك
ولكن لو وجدت شيئ يبيض الوجهه مستخدم راح تحصله بالكامل على 33000 الف ريال

الكلام كله اقوله لك عن طراد طولة 24 قدم
تحياتي
بو ابراهيم
شاهين2007
10/09/2009, 07:10 PM
وعليكم السلام
مازيد على اخوي بوابراهيم للاسف اكثر طراريد اهل المنطقه الشرقيه طراريد خليجيه يعني من الامارات والبحرين والكويت
لان وبصراحه الصناعه السعوديه ماوصلت مستوى باقي دول الخليج في صناعة القوارب
افضل شي ممكن يكون عندنا بالشرقيه هو مصنع الدانه ولكن اسعارهم غاليه
وعندك عالم القوارب عندهم طراريد جيده وكذلك الفردان
ولكن اذا بنتكلم عن افضل الطراريد بالخليج فعندك الغني عن التعريف القولف كرافت ودبي مارين والختال والبركودا والعماني والروضان والشعالي مارين والضاعن والدرازي
اذا تبي طراد بالمواصفات اللي قلت عليها انصحك بالعماني الجديد روعه وفيه مواصفات ماتحصلها بغيره وعلى فكره الخريف يجيبه لك الى الدمام من غير اي زياده على قيمته بالكويت
شوف مواصفات العماني http://www.omanipolyart.com/boat%20kat/20SF%20Boat%20Catg.pdf

والضاعن 20 جيد ويعيبه الدق والمراضخ.
وسلامتك
DIVER5_55
10/09/2009, 09:50 PM
السلام عليكم ورحمة الله وبركاته
اخوي يوجد مصنعين في الشرقيه مصنع الفردان ومصنع في سيهات ناسي اسمه طبعا انا ما ازود على اخوي الشاهين بس انت وش الغرض من الطراد يختلف اذا كان لصيد او النزهه الو الغوص كل قرف يختلف عن الثاني
بنسبه اخوي الشاهين للعماني افضل شي من 28 و فوق إذا كان اقل يلعب فيه الموج .
شاهين2007
11/09/2009, 01:51 PM
اخوي دايفرز في طراريد 36 قدم وتلعب بالموج
اللي يحدد هل الطراد يلعب والا لا هو قصة القرف
واغلب ال 20 قدم يكون على شكل V
DIVER5_55
12/09/2009, 04:02 PM
اخوي دايفرز في طراريد 36 قدم وتلعب بالموج
اللي يحدد هل الطراد يلعب والا لا هو قصة القرف
واغلب ال 20 قدم يكون على شكل V

هلابك اخوي الشاهين والله يعطيك عافيه على هذا الايضاح مع الشكر الجزيل
ابراهيم_999
13/09/2009, 05:29 AM
الله يعطيكم العافية ويجزاكم خير انا بشوف كل اللي ذكرتوه والله يسهل بالنسبه للقرف احسن نوع اللي مايلعب فيه الموج وبنفس الوقت مايميل اذا قعدت تصيد بجهه وحده اقصد اقل ميلان الله يعطيكم العافية
مهمش
15/09/2009, 05:51 AM
مصنع يعقوب الدوسري بالتشليح طريق العزيزية اسأل عنه هناك اذا باقي على خبري غيره يجيك غالي ويخوف :no: ماانصحك فيه
النورس8778
02/11/2009, 12:14 PM
بالتوفيق للجميع ...........