((( الحر)))
27/08/2004, 03:29 PM
كلما ظهر نجم سهيل حرك شجون هواة القنص لقرب موسمه وهذا الشاعر يصف مشاعره في هذه القصيدة ...
والله إن القلب للمقناص هاوي = والصقارة غاية النفس وطربها
زين هد الطير في ذيك النزاوي =لادرجله هارب تنفض غلبها
لاستدارت واشعلت قدم الرهاوي =ما هزع من دونها وإلا تلبها
مرهي بلحوقها فرخ النداوي =يعتليها فوق لامنه ضربها
ضربته ضربة عديم ما يراوي =زين أموايه ردنها لا من عقبها
ميزته بالطول والعرض متساوي =نادر نفسه امعانقها غضبها
ومنوتي يأهل التمني والمناوي =هدة اللي لا تعلواها قصبها
صادق بالطلع قرناس خلاوي =كن ريشه شعلة النار ولهبها
وزين شب النار في ذيك المطاوي =مجذوي لا هدت نلحق حطبها
ودله فنجالها مطلوب خاوي =مده اللي دور النعم وكسبها
طيب معدنه مكسر عود جاوي =والعلوم اللي تريبه ما قربها
يوم ولد اللاش مقطوع الرجاوي =ما عرف كسب النواميس وتعبها
يحسب ان الطيب تمليس الحكاوي =حاسب له حسبة محد حسبها
مادرى ان الطيب ما هو بالهقاوي =طرقة تتعبه ويكوده طلبها
وبالله المعبود يا جزل العطاوي =تفرج لنفس طغى الغيض وكربها
الوهايب منك واليك الرجاوي =في يدك شح المقابيل وشببها
بالقناعة جعلني بالله غناوي =انت من يقوى المقادير وسببها
ثامر القطيم السبيعي
والله إن القلب للمقناص هاوي = والصقارة غاية النفس وطربها
زين هد الطير في ذيك النزاوي =لادرجله هارب تنفض غلبها
لاستدارت واشعلت قدم الرهاوي =ما هزع من دونها وإلا تلبها
مرهي بلحوقها فرخ النداوي =يعتليها فوق لامنه ضربها
ضربته ضربة عديم ما يراوي =زين أموايه ردنها لا من عقبها
ميزته بالطول والعرض متساوي =نادر نفسه امعانقها غضبها
ومنوتي يأهل التمني والمناوي =هدة اللي لا تعلواها قصبها
صادق بالطلع قرناس خلاوي =كن ريشه شعلة النار ولهبها
وزين شب النار في ذيك المطاوي =مجذوي لا هدت نلحق حطبها
ودله فنجالها مطلوب خاوي =مده اللي دور النعم وكسبها
طيب معدنه مكسر عود جاوي =والعلوم اللي تريبه ما قربها
يوم ولد اللاش مقطوع الرجاوي =ما عرف كسب النواميس وتعبها
يحسب ان الطيب تمليس الحكاوي =حاسب له حسبة محد حسبها
مادرى ان الطيب ما هو بالهقاوي =طرقة تتعبه ويكوده طلبها
وبالله المعبود يا جزل العطاوي =تفرج لنفس طغى الغيض وكربها
الوهايب منك واليك الرجاوي =في يدك شح المقابيل وشببها
بالقناعة جعلني بالله غناوي =انت من يقوى المقادير وسببها
ثامر القطيم السبيعي