تسجيل الدخول

مشاهدة النسخة كاملة : مشيت للشاهد وناصيه من كير 0000000 ومليسا والمدمومه اقصى يساري


يوسف الخليفة1
10/09/2009, 10:30 PM
مشيت للشاهد وناصيه من كير=ومليسا والمدمومه اقصى يساري
ولا لقيت الا اليمام وخواضير=ورميت بام سنون جوز الخضاري
وثمان دخل مع ثلاثة قوارير=ورضيت بالمقسوم ما كنت زاري
ولا رميت اللي ورد فيه تحذير=هداهد وصيد العبث والصباري
جيت المكان وفيه الاشجار ما دير=لكن جناح الصيد ما له مواري
يوم استطال الظل في تالي عصير=نصيت لي بطحا عليها مذاري
ما توحي فيها سارحات المغاتير=ولا تعاوت في خلاها الضواري
ما غير لام غرير بالدعب تصفير=والقوبعه بين الشجاير تماري
وعلى غصون الدوح شفت الشحارير=سمع الحساس بجيتي واستذاري
فكيت عفشي دون قز ودوافير=ما لي هوا بالغاز باقصى البراري
والملقمه ماها قراحن من البير=وشبيت باقشاش المراميث ناري
وسويت كيف الراس عقب المشاوير=هذاك ريف البال بن الهراري
زليتها برسلان من دون تنثير=وخليتها تركد عليها البهاري
وثلاث اباريقن سفاعن مخادير=على خفيف النار دون الصفاري
الساده وحالي لاجون المسايير=وبعد العشا الثالث بليلن غداري
مشيت للهضبه عسى روحتي خير=وعبيت من قلته بجيك وغواري
لقيت ماها باردن كنها الزير=سبحان موجدها بذيك الصحاري
تسايلت فيها المزون المزابير=اللي مطرها فوق الابطاح جاري
وقضيت ليلي ما على البال تعكير=ومضيت راجع في طريقي لداري





يوسف الخليفة ( أبو عبد الله )
أبو إبراهيم !!
11/09/2009, 12:14 AM
الله أكبر قصيدهـ جدا رائعة
الف شكر لك يا بو عبدالله
فهد الهلالي
11/09/2009, 02:50 AM
صح السانك يابوعبدالله قصيده جزله الله يعطيك العافيه
تحياتي لشخصك
ذراع الذيب
11/09/2009, 03:00 AM
السلام عليكم ورحمة الله وبركاته

صباح الخير يابوعبدالله ومن طول الغيبات جاب الغنايم,,

والله يعطيك العافيه ويبارك فيك كفيت ووفيت ,,

صح لسانك,,
مجاهد111
11/09/2009, 03:02 AM
صح السانك يابوعبدالله قصيدهـ جدا رائعة

وعسى الله يرجع ايام اول

اخوك نجم الفين<------- ايام الكنود
رجم النايف
11/09/2009, 05:12 AM
صــــــح لسانك يا بو عبدالله
قصيده رائعه ومشكـــــــــور على الاختيار دخلت جو القصيده اتقول معك
رشيدالهديرس
11/09/2009, 05:59 AM
صح السانك ولي عوده يابو عبدالله
خالدالنفيسه
11/09/2009, 06:37 AM
صح السانك يابوعبدالله
قصيده رائعه والله يعطيك العافيه
كتكوت مكشات
11/09/2009, 02:00 PM
يوم استطال الظل في تالـي عصيـر

نصيت لي بطحـا عليهـا مـذاري

ما توحي فيها سارحـات المغاتيـر

ولا تعاوت فـي خلاهـا الضـواري

ما غير لام غرير بالدعـب تصفيـر

والقوبعـه بيـن الشجايـر تمـاري
كلامك درر وصح لسانك
يوم استطال الظل تعيش بهدوء الصحراء وتحس بالراحة
وقولوا امين ان الله يجمعنا وياكم والدينا والديكم والمسلمين اجمعين في دار جنانه والا هذه دار فناء يارب تجمعنا والمسلمين اجمعين في دار جنانك وامتنا على حسن الخاتمة
مقدور
12/09/2009, 01:13 AM
ابو عبدالله صح لسانك يالغالي

ودائما ماتمتعنا بهاالابيات الجزله

وفالك القميري عقب العيد باذن الله
يوسف الخليفة1
12/09/2009, 01:56 PM
الله أكبر قصيدهـ جدا رائعة
الف شكر لك يا بو عبدالله

حياك الله أخي الفاضل بسام التميمي وبارك الله فيك
يوسف الخليفة1
12/09/2009, 01:57 PM
صح السانك يابوعبدالله قصيده جزله الله يعطيك العافيه


تحياتي لشخصك


حياك الله أخي العزيز الشيخ مسكين وصح بدنك وتقديري والشكر الجزيل
يوسف الخليفة1
12/09/2009, 01:58 PM
السلام عليكم ورحمة الله وبركاته



صباح الخير يابوعبدالله ومن طول الغيبات جاب الغنايم,,


والله يعطيك العافيه ويبارك فيك كفيت ووفيت ,,



صح لسانك,,


وعليكم السلام ورحمة الله وبركاته وأنت بخير ونعمة أخي الفاضل ذراع الذيب وصح بدنك والشكر الجزيل
يوسف الخليفة1
12/09/2009, 02:02 PM
صح السانك يابوعبدالله قصيدهـ جدا رائعة

وعسى الله يرجع ايام اول

اخوك نجم الفين<------- ايام الكنود

مرحبا بأخي الغالي مجاهد وأين أيامك يا رجل أنار الله محياك وبارك فيك وصح بدنك وتقديري واحترامي
يوسف الخليفة1
12/09/2009, 02:03 PM
صــــــح لسانك يا بو عبدالله
قصيده رائعه ومشكـــــــــور على الاختيار دخلت جو القصيده اتقول معك

صح بدنك أخي العزيز رجم النايف وبارك الله فيك وحياك ربي
يوسف الخليفة1
12/09/2009, 02:04 PM
صح السانك ولي عوده يابو عبدالله

حياك الله أخي العزيز رشيد الهديرس وصح بدنك والشكر الجزيل
يوسف الخليفة1
12/09/2009, 02:05 PM
صح السانك يابوعبدالله
قصيده رائعه والله يعطيك العافيه

صح بدنك أخي العزيز خالد النفيسه وبارك الله فيك وحياك ربي
قناص طلحة
12/09/2009, 02:05 PM
مشاء الله قصيدة رائعه وفالك الصيد وين ماوجهت انشاء الله
يوسف الخليفة1
12/09/2009, 02:05 PM
يوم استطال الظل في تالـي عصيـر


نصيت لي بطحـا عليهـا مـذاري

ما توحي فيها سارحـات المغاتيـر

ولا تعاوت فـي خلاهـا الضـواري

ما غير لام غرير بالدعـب تصفيـر

والقوبعـه بيـن الشجايـر تمـاري
كلامك درر وصح لسانك
يوم استطال الظل تعيش بهدوء الصحراء وتحس بالراحة
وقولوا امين ان الله يجمعنا وياكم والدينا والديكم والمسلمين اجمعين في دار جنانه والا هذه دار فناء يارب تجمعنا والمسلمين اجمعين في دار جنانك وامتنا على حسن الخاتمة

حياك الله أخي الفاضل كتكوت مكشات وصح بدنك وتقديري والشكر الجزيل
يوسف الخليفة1
12/09/2009, 02:06 PM
ابو عبدالله صح لسانك يالغالي

ودائما ماتمتعنا بهاالابيات الجزله

وفالك القميري عقب العيد باذن الله

مرحبا بأخي الغالي مقدور وصح بدنك ومتعك ربي بالصحة والعافية والشكر الجزيل
العريني1
12/09/2009, 02:37 PM
صح لسانك ياابوعبد الله...
يوسف الخليفة1
13/09/2009, 04:05 AM
مشاء الله قصيدة رائعه وفالك الصيد وين ماوجهت انشاء الله

حياك الله أخي العزيز قناص طلحة وحفظك الله وبارك فيك والشكر الجزيل
يوسف الخليفة1
13/09/2009, 04:06 AM
صح لسانك ياابوعبد الله...

صح بدنك أخي العزيز العريني وحياك ربي
عديم الوصايف
13/09/2009, 09:59 PM
اخــــي العــزبــز الغــالي قصيده فـــي قمـــة الروعـــه :good:
وسم 29
13/09/2009, 10:11 PM
مشيت للشاهد وناصيـه مـن كيـر

ومليسا والمدمومه اقصى يسـاري

أماكن لي معها ذكريات جميلة منذ الصغر
صح لسانك يا أبو عبد الله
ومن إبداع إلى إبداع
شكرا لك
جمران
13/09/2009, 10:30 PM
صح لسانك يبو عبدالله
الله لايحرمك الاجر ادخلت البهجة والسرور على النفس
ويجعلنا واياك وممن قرأ ورد من عتقائه من النار
ابو عبدالله شكر لك
عبدالله العلاج
13/09/2009, 10:55 PM
صح لسانك يامشرفنا الغالي

وعساك دوم سالم
قصيده رائعه ابدعت في انتقاء معانيها وصياغتها
عاد اعتقد الارض تساعدك والمنطقه مانلام في محبتها لا انا ولا انت واعتقد تعرف الاسباب

والله والله يادعوب دون كير انها تسوى عندي شي واجد
عاافك الله على القصيده الرائعه مشرفنا القدير
يوسف الخليفة1
14/09/2009, 03:00 PM
اخــــي العــزبــز الغــالي قصيده فـــي قمـــة الروعـــه :good:

بارك الله فيك أخي الفاضل عديم الوصايف والشكر الجزيل
يوسف الخليفة1
14/09/2009, 03:02 PM
مشيت للشاهد وناصيـه مـن كيـر


ومليسا والمدمومه اقصى يسـاري

أماكن لي معها ذكريات جميلة منذ الصغر
صح لسانك يا أبو عبد الله
ومن إبداع إلى إبداع
شكرا لك

مرحبا بأخي الغالي وسم29 وصح بدنك وبارك الله فيك والشكر الجزيل
يوسف الخليفة1
14/09/2009, 03:04 PM
صح لسانك يبو عبدالله
الله لايحرمك الاجر ادخلت البهجة والسرور على النفس
ويجعلنا واياك وممن قرأ ورد من عتقائه من النار
ابو عبدالله شكر لك

مرحبا بأخي العزيز جمراين وصح بدنك وأسعدك الله في الدارين وتقديري والشكر الجزيل
يوسف الخليفة1
14/09/2009, 03:06 PM
صح لسانك يامشرفنا الغالي

وعساك دوم سالم
قصيده رائعه ابدعت في انتقاء معانيها وصياغتها
عاد اعتقد الارض تساعدك والمنطقه مانلام في محبتها لا انا ولا انت واعتقد تعرف الاسباب

والله والله يادعوب دون كير انها تسوى عندي شي واجد
عاافك الله على القصيده الرائعه مشرفنا القدير

حياك الله أخي العزيز عبد الله الحربي وصح بدنك وأنار الله محياك وبارك فيك وتقديري والشكر الجزيل