المساعد الشخصي الرقمي

مشاهدة النسخة كاملة : سير التوقيت شاص ديزل 92


كشات
11/09/2009, 01:02 AM
بسم الله الرحمن الرحيم

السلام عليكم جميعا

اخواني عندي شاص ديزل 92 على ايدي من الوكاله
وكل مية الف اغير له سير التوقيت(التايمينق بلت) لأنه سير وليس جنزير

وقفته لي شهر ماشغلته ولا استعملته وجيت ابشغله قبل اسبوع وعيا يشتغل حتى ضعفت البطاريه وسويت له اشتراك وانا ادقه سلف تغير صوت دقة السلف
مع العلم انه ثاني مره يسويه مايشتغل من 16 سنه
المره الاولى اخذه واحد ومايدري انه ديزل وعباه بنزين وطفى عليه
وهذي المره الثانيه

مالكم بالطويله
يوم شفته معيي يشتغل حطيت لي شوية بنزين(انشقه)بفتحة فلتر الهوا وعقبه اشتغل يمكن 3 ثواني بس وسمعت صوت المكينه به طقطقه واطفيه بسرعه

انا شخصت حالة انه ماشتغل وخصوصا ان صوت المكينه تغير وانا ادق سلف توقعت انه سير التوقيت(اللي يربط الكرنك بعامود البلوف)
وتغيير السير امره سهل

ولكن الخوف من ان تشغيلته الكم ثانيه هذي اثرت على البساتم والبلوف انهن ضربن ببعض
هل فيه طريقه اعرف ان كان فيه تاثير عليهن والا لا من غير مافتح المكينه
لأني بصراحه ناوي ابيعه عقب العيد ولاابي افتح مكينه واوضب وانا ببيعه

اللي عنده خبره بهالموضوع لايبخل علينا بالمعلومه الله يجزاه خير


اخوكم ابوعلي
مشعل_787
11/09/2009, 01:20 PM
السلام عليكم
سؤال جاي عرض وين موقعك لاني لي شف بالموتر
سوبر VTC
12/09/2009, 02:29 AM
و عليكم السلام و رحمة الله

اهم شي توقيت السر مضبوط
اذا ماوقت صح
تنعوج البلوف
و هذي صارت لهايلوكس ديزل م2006
قبل 5شهور
و انعوج به بلفين كلفت مع فك الراس و تغيير البلفين
500ريال عند ورشة الكبير ببريده :good:

لكن اي موتر ديزل يوقف فتره طويله همن تجي تشغل
يطلع صوت طقطه قويه جدا بسبب الديزل
طراخ طراخ طراخ :D:p
الوضع طبيعي جدا
بحكم ان والدي ميكانيكي ديزل و بنزين :good:

لا تنسى تشيك او تغير حميات المكينه
و تاكد ان الكهرب ياصلهن

موفق
كشات
12/09/2009, 04:04 AM
اشكرك اخوي سوبر فتك على ردك وتفاعلك بارك الله بك

بالنسبه للتوقيت اتوقع محيوس ومخربط لأني شغلته والسير مقطوع بالتالي الكرنك يدور والبلوف ثابته

بخصوص سيارتك هي البلوف فقط هن اللي تعوجن؟ والبساتم ماجاهن شي؟وش سبب تعوج البلوف؟
كشات
12/09/2009, 04:05 AM
الاخ مشعل

مكاني بالشرقيه الخبر
وكم تتوقع يجيب الموتر اذا عندك خبره
سوبر VTC
12/09/2009, 04:50 AM
حياك يابعدي

لازم توقت السير صح
و الا تروح عليك البلوف

بلوف الهايلوكس تعوجن لان البستم لمسهن :no:
بسبب التوقيت الخاطئ للسير الجديد
و صار بهن تنسيم ما يحجبن الهواء
يوم فكينا القربه و شغلنا المكينه
تسمع صوت طر طر طر طر طر
تنسيم بلوف

موفق
كشات
12/09/2009, 05:35 PM
تسلم ياسوبر على مرورك وتعليقك وتفاعلك
بارك الله بك

ولكن انت تتكلم عن موضوع في حال تم تركيب السير خطء
وانا مشكلتي ان السير انقطع وانا احاول اشغل السياره وشممته(بنزين)واشتغلت ثواني بسيطه بس وطلع صوت طقطقه

هل من الممكن يكون البستم حب خشم البلف والا يمكن تخاممو والا ماقربو لبعض ابد؟؟؟؟
مشعل_787
13/09/2009, 02:50 PM
اذا كان المكينه ما فكة من قبل والبدي زين
اسومه على حالته الحين 12 الف وشكرا
ولا صلحه وما نختلف
بدوي جنوبي
13/09/2009, 05:00 PM
ما اعتقد ان سير التيمنق ينقطع بسبب التنشيق بالبنزين
صحبح ان البنزين قوى على مكينه الديزل ويطلع صوت طقطقه لكن ما اظن ان يقطع السير

عموما اذا فعلا السر مقطوع ،، وبتركب سير جديد يوجد علامات على بكرة
التيمنق والكرنك لازم تتقابل ويكون بستم رقم 1 بداية شوط الضغط

بتأكد لك عن طريقة توقيت مكاين الديزل ،، لان ما اعرف عنها كثير

تحيتى
ابو ريتال
13/09/2009, 05:07 PM
شوف ترى عادي ان الديزل يطقطق لاشم البنزين

اذكر مره خرقة البنشري مرت من عند القربه وهي تلثق من البنزين وقام الموتر يطقطق وارتفع صوت المكينه عاد لحظتها ماتتخيل وجهي من الروعه واخر علمي بالبنشري وهو يصرخ طايح في حفرة الزيت
يعني طفه بالديزل مع حراره مع ابمشي بعد شوي للبر

........

ماعليك وان كان انت عندك زود حرص شله بسطحه ولاقرب ميكانيكي ديزل بتشاليح بريده ماهنا كثرهم
كشات
13/09/2009, 09:25 PM
اشكركم جميعا على تفاعلكم ومساعدتكم

عقب العيد بوديه الورشه ونشوف وش سالفته
Bader-M
14/09/2009, 03:58 AM
رمز المحرك = 1Hz

ابحث في الانترنت وسوف تجد يفيدك

وهذه صوره للمحرك

http://www.4wdspares.com/images/1hz.jpg

...............

http://www.midvalleycrawlers.com/Forum/forums/thread-view.asp?tid=843&start=1&posts=11 (http://www.midvalleycrawlers.com/Forum/forums/thread-view.asp?tid=843&start=1&posts=11)

ادخل هذا الرابط يمكن يفيدك

تحياتي اليك
سوبر VTC
16/09/2009, 03:33 AM
تسلم ياسوبر على مرورك وتعليقك وتفاعلك
بارك الله بك
ولكن انت تتكلم عن موضوع في حال تم تركيب السير خطء
وانا مشكلتي ان السير انقطع وانا احاول اشغل السياره وشممته(بنزين)واشتغلت ثواني بسيطه بس وطلع صوت طقطقه
هل من الممكن يكون البستم حب خشم البلف والا يمكن تخاممو والا ماقربو لبعض ابد؟؟؟؟


جزاك الله خير
دام ان السير انقطع همن عطيته بنزين و شغلت الموتر
فالله يستر على البلوف
احتمال تعوجت و احيانا يتقطمن :no: :(
الخمخمه :D:p:D
مادري عنه لازم يفك الراس و يشاف وضعه
قبل فك الراس يركب السير و توقته
و شغل الموتر و انت وحظك :no:
اهم شي لو طلع صوت على طول طف الموتر
قبل التشغيل فك غطاء القربه و شغل المكينه و اسمع الصوت
موفق
كشات
16/09/2009, 10:09 PM
الله يجزاك خير ويكثر خيرك

افكر بطريقه يمكن تفيد قبل التشغيل وقبل فك الراس

اللي هي فك صبابات الديزل (البخاخات) واويق على السرندل ووجه البستم من فوق
تتوقع يبين كانهم متحابين والا متخاممين؟
كشات
16/09/2009, 10:15 PM
الله يجزاك خير ياطاير بالعجه

فعلا الموقع رائع وصحيح المكينه 1hzحافظه مثل اسامي عيالي
سوبر VTC
18/09/2009, 06:54 AM
الله يجزاك خير ويكثر خيرك
افكر بطريقه يمكن تفيد قبل التشغيل وقبل فك الراس
اللي هي فك صبابات الديزل (البخاخات) واويق على السرندل ووجه البستم من فوق
تتوقع يبين كانهم متحابين والا متخاممين؟


الله يجزاك خير

وين تويق ههههههههههههه :D:p
الله يهديك قل امين :)
يالله لو انت تويق بخزان او قليب :p :j

الحل الوحيد من وجهة نظري
توقت السير + فك غطاء القربه
و تدق سلف اذا كان الصوت صافي فالامور تمام
اذا طلع عندك صوت تف تف تف صوت (تنسيم)
طبعا التفتفه تسمعه من خلال القربه
فعندك بلف منعوج طبعا ترى انعواج البلف شي بسيط ما يذكر

او حل اخر
اذا انت تقول ابفك الراس و افحصه بالمخرطه
لكن افضل حل انك تشغل الموتر

موفق
efi4500_2002
19/09/2009, 12:27 AM
اذا تبي تتاكد منهن فك غطى البلوف و لف المكينه تبي تبين لك اذا فيها شي
كشات
19/09/2009, 02:56 AM
الله يجزاكم خير ياشباب

وكل عام وانتم بخير
تقبل الله منا ومنكم