تضيع الطير وتجي الموسم الجاي وتطرحه نفسه ..! [الأرشيف]

مشاهدة النسخة كاملة : تضيع الطير وتجي الموسم الجاي وتطرحه نفسه ..!

قناص البردويل

11/09/2009, 02:31 AM

هذي قصة يقول راعيها

طلب مني بعض الاخوان ذكر هذه القصه ففعلت
وهي كتالي :

عند تجمعنا انا وربعي للمقناص في جنوب الساحل وكان اوقت ظهر والغدي كان علي واحد من الربع في ذيك المنطقه
بالخلا اتغدينا وعينا خير وشربنا الشاهي وكل واحد يسئل خويه عن طيور وهل هي جاهزه لمقناص الكراوين
المهم ما اطول عليكم السالفه
جاء ذكر الشاهينه هذي انهم العام قنصور بها وكانت مشاء الله عليها سبوقه وفي احد الايام اتفكت من مربطها وضاعت
ولم يلا حظ راعيها متي هربت طبعا هذا الكلام كله العام الماضي في المقناص اخذ راعيها يدور وينشد عليها ويهد حمام في ذيك المنطقه وكله املا انه بيلاقيها قعد حول 3 ايام حتي انه فقد الامل فيها
وجاء شبك الطيور في السنه اللي بعدها واخذ خوينا حمام وسمان لزوم طرح الطيور وكان هو طاروح للطيور والهمه الله
ان يذهب لنفس المكان اللي هربت عليه الشاهين وليس لكي يلاقيها بل تعمشا انه بيلاقي احد الطيور هناك
و1ذا بشاهينه قرناسه
فرح خوينا
والله الرجال يحضر شبكه وحمامه وثقاله ويحذفها ويدعوا الله انها تكون من نصيبه
الطيره ماكذبت خبر
هدت علي الحمامه وعلقت ولكن من الصفره اللي كانت بذنيباها وليست بمخلبها ويقرب منها واذا هي شيهانته بعد عام مضي في نفس المكان حتي سبوق الطيره قد اهترئت علي ساقيها
ووالله لوكنت اعرف انه شخص غير صدوق لما صدقته
هذه كانت قصتها فحبيت ان اذكرها لكم
وهذه صورتهاhttp://www.alganasah.com/vb/uploaded/1280_P1000041.jpg

اللي حصلتله مثل هالقصة يعلمنا وهل صحيح تصير مثل الأمور ؟؟

الغامدي 200

11/09/2009, 02:47 AM

كل شيء جايز وانا اخوك

ذراع الذيب

11/09/2009, 02:55 AM

السلام عليكم ورحمة الله وبركاته

صباح الخير يالخوي والله يعطيك العافيه على القصه الطيبه,,

يااازينها من قرنسه ماشالله تبارك الله قطعت ديار وبلدان ثم رجعت لراعيها,,

سبحان الله على الذنيبه ماحذفتها ولا انكسرت يوم انها علقت ,,

تحياتي لك,,

هماش

11/09/2009, 02:57 AM

السلام عليكم
ليه مايصير صحيح
انا سمعت بطير طرح السنه الي فاتتح قرناسه بحريه سنه ياثنو يثالث ناسي بضبط ايش سن الطير
وبعد ماطرحوا الطير تخالفو الراي فيه انه الطير اصله قرناس بيت
المراد اخذوا الطير للدكتور الطيور ويكشفون عليه ويلقون بطير شريحه بئسم رجال
دقوا على راعي الطير وسئلوه عن الطير قال نعم الطير هاده فرخ بسبب ان الطير مريض
والطير ان طرح قريب مكان هدده لكن سنه ياثنو يثالث
والطير انطرح بشهر 2 ميلادي هاد عليهم بلمدعى
تقبل مروري

501

11/09/2009, 03:09 AM

حصلت لنا قصه واقعيه في اوقات مقناص الكراويـــــــــــــن وبالضبط في مناطق الساحل لشرقي
حول الجبيل
ان حناء هدينا على كروان وقت حومه حدود الساعه 10.30 الى 11 والطير طبعا فرخ شاهين
طرح الساحل اول الوقت والطيروافي
وجلسنا ندوره حوالي اسبوع او اكثر وقام راعي الطير قال خلني ارجع محل ما طرحت الطير كود اني اعينه هناك فسبحان الله
الا وهو على العمد الى انطرح منها
وان شاء الله صاحب الطير بيقراء القصه وراح يرد
501

راعي غضبان

11/09/2009, 03:12 AM

الي فيه نصيب يعقله الله والله يرزقه بفرخ بحريه وافيه سوداء اللهم امين والف شكر على هذه القصه الحلوه

@قرناص@

11/09/2009, 03:38 AM

ماشاء الله على الشهانه ،،

لاهنت على القصه والحقيقه كل شيئ جائز بئرادة الله ،،

مشبر البران

11/09/2009, 04:25 AM

مشكور وما قصرت
وكل شي جائز

نجم ينبع

11/09/2009, 04:31 AM

صحيح هذا الكلام
لانه انا صار معي نفس هالشي
السنه الماضيه هديت لي قرناس في الصباح لكن قدر الله وغرزت السياره ولا ادري وين غدى الطير
لكن والله العظيم لقيت الطير بعد اسبوع في الصباح وبنفس المكان"""سبحان الله

فتكاوي 2009

11/09/2009, 05:48 AM

جزاك الله الخير علي القصه وهاذي عبره حق اخواننا الي يفقدون طيوره عشان ما يفقدون الأمل

احمدالصالح

11/09/2009, 08:16 AM

فعلا تحصل فيه واحد من الربع غدت عليه ولقاها بعد ماقيضت صافة ريشها كله

قناص بالفطره

11/09/2009, 09:43 AM

كل شى جايز سبحان الله ويا ريت اخونا 501 يعلمنا بمكان العمد اللى حول الجبيل

يمكن الله يرزقنا بطير حوله

ابو امنه

11/09/2009, 02:08 PM

مشكور وما قصرت وكل شي جائز
موفق خير يالغالي

المري

11/09/2009, 07:07 PM

هذا عبدالمحسن الودايع من الناس اللي كانو يجيبون اطيور من باكستان وايران

يقول: جبت لي عدة اطيور وكان فيها ذاك القرناس الوحش , يوم جاء للسعودية

شراه منه الصقار المعروف سعيد بن جابر الودايع المري من اهل الخفجي ربب الطير وقنص بالطير ويوم

انه جاء اخر الوقت حااام الطير وقت القايله , وضاع الطير ولا عاد جاله علم, ويوم راح عبدالمحسن الودايع

لباكستان في السنة الثانية ومر على ربعه الباكستانين الطواريح حصل الطير عند الباكستاني اللي طارحه العام

ويوم شافه الباكستاني قال: ياعبدالمحسن هذا القرناس اللي شريت العام من عندي حصلناه هالسنة في محله

سبحان الله ..

وسلاااااااامتكم

اخوكم - المري

قناص البردويل

11/09/2009, 07:54 PM

سبحان الله

الله يعطيكم العافية على المرور

الهواوي 502

12/09/2009, 01:53 AM

سبحان الله

اخوي الطيره طيبه الله يطعمك من صيدها,,

هي للبيع الله لايهينك

القطاوي 2008

12/09/2009, 03:12 PM

جزاك الله الخير علي القصه

رأعي الخرشه

12/09/2009, 10:22 PM

السلام عليكم ورحمة الله وبركاته
موضوع مميز يفتح باب الذكريات ,,,,,
انا من الناس اللي ضاع عندي فرخ شاهين من طرح نفس الديره اللي انا فيهاا الطير مشبوك في منطقه تبعد عني 60 كيلو تفريباً بعد شهر ونص يجيني اتصال يوم الجمعه ويوم ارد ايقول انت ضايع عليك شاهين قلت نعم قال تجيني قلت الحين وين قال اسم نفس المنطقه اللي شبك فيه الطير حناااا ندور جنوب والطير شمال راح مكان منطرح الطير .... سبحان الله الطيور فيهاا طيور ذكيه بشكل غير طبيعي
تقبل مروري

قناص البردويل

13/09/2009, 01:40 AM

يعطيكم العافيه الجميع

هين اذا على الذكاء

بديهي مافي اذكا من الطيور

عزيز2100

13/09/2009, 02:27 AM

ماشاء الله

رزق مكتوووووووووووووب

ماقصرت يالغالي على الموضووع

بن محفوظ

13/09/2009, 02:38 AM

سبحان الله ....

الرجال دعا ربه ..... والحمد لله .. صبر ولقاها السنة الثانية