سيارتي جديده واسمع اصوات ..!!! الله لايعيد القنص [الأرشيف]

alhelal2010

11/09/2009, 03:24 PM

بسم الله الرحمن اليوم

ياجماعة الخير انا لي ثلاث ايام اطلع اقنص بأحد الشعبان القريبه للرياض

واليوم بعد ماركبت السياره بعد ماجيت امس سمعت صوت صرصره بالديكور

وحسيت تقل السياره تغيرت علي احس انها متفككه ..!!

علما ان السياره جديده ولامشت الا 2500

السياره تويوتا جيب فورتشنر gx ..

يعني سؤالي هل انا موسوس ولافيه شي..؟؟

ويلا ممكن يكون تأثرت السياره مع الطلعات اللي طلعتها ..؟ يعني هل من المعقول ان السياره بتأثر من ثلاث طلعات للشعيب .؟

لاني بصراحه قالولي ناس حرام عليك وشلون تطلع والسياره جديده ..!!

وش الحل ياجماعة الخير ’’!!

اسير الغضا

11/09/2009, 04:18 PM

رح للسمكري يطقطق بالسياره ويعلمك الصوت معين

satam1389

11/09/2009, 04:36 PM

يالحبيب خل القنص للي ماتهمهم السياره اذا بتسمع لأصوات السيارة لاتطلع للبر نهائياُ

@قرناص@

11/09/2009, 05:03 PM

السياره جديده وانت طلعت تقنص فيها وتحمل مايجيك ّ!!

رقاب الضرابين

11/09/2009, 05:21 PM

بسم الله الرحمن اليوم

ياجماعة الخير انا لي ثلاث ايام اطلع اقنص بأحد الشعبان القريبه للرياض

واليوم بعد ماركبت السياره بعد ماجيت امس سمعت صوت صرصره بالديكور

وحسيت تقل السياره تغيرت علي احس انها متفككه ..!!

علما ان السياره جديده ولامشت الا 2500

السياره تويوتا جيب فورتشنر gx ..

يعني سؤالي هل انا موسوس ولافيه شي..؟؟

ويلا ممكن يكون تأثرت السياره مع الطلعات اللي طلعتها ..؟ يعني هل من المعقول ان السياره بتأثر من ثلاث طلعات للشعيب .؟

لاني بصراحه قالولي ناس حرام عليك وشلون تطلع والسياره جديده ..!!

وش الحل ياجماعة الخير ’’!!

اخوي العزيز رحة ثلاث مرات وتقول طلع فيها اصوات ههههههههههههههه الله يعين عندي جيب سفاري
ما صار له سنه مقناص واحد لو تدخل حدر بطنه تنخرع الحديد ذايب وبراقي المساعدات ماتنفتح وهو جديد
الي يبي شي يعاف شي
القنص يبي الي ما يستمع لسياره واوجاعها
ومع العلم سيارتي تقل وكاله ما اسمع ماتسمع انت من اصوات والحمد لله
يخوي الواحد لاصار هاد وجاه شعيب او حجر معقوله يداري السياره ويترك طيره ؟؟
ارجو السموحه منك ودمت سالم

سالم11

11/09/2009, 05:24 PM

وسع صدرك سيارتك ما فيها إلا العافيه والاصوات طبيعي جدا واطلع واستمتع ولا تفوت هالايام المباركه وادع لنا وخل الصيد عقب العيد وتبي تعين خير ولا توسوس والله يبارك لك في سيارتك

مسفر الاكلبي

11/09/2009, 05:32 PM

غريبه فيها صرصره وهي كلها بلاستيك

يارجال ما به سيارات الحين صاحيه ولا تحزن حدها تمشي امش

ولا ترحم السياره ما راح ترحمك

وفق الله الجميع

.

سوبر VTC

12/09/2009, 02:38 AM

دام ان الارض ارض شعيب و حصى

فالافضل تنسيم الكفرات على 20 :good:
اسلم للموتر من التفكفك
من بغى الدح ما قال اح
وسع صدرك و اكشت و انبسط بس نسم الكفرات
و الحصاة الشلافيه اذا كانت الكفرات مليانه هواء
تشق الكفر فانتبه

به شيبان كبار سن
معهم جيوب وقت الصيد بالصمان يحطون بالكفرات 40 او 45 :no::no:

يغدي الموتر كسره

موفق

المميـز

12/09/2009, 03:13 AM

بما إن موترك فورتشنر

كنت أتمنى إنك تحدد الصووووت من وين بالضبط

على العموم إذا كنت تسمع صوت بالطبلون من الجهه اللي على اليمين فوق الدرج

فهذا من الآيرباق ... إذا كنت فعلا تسمع الصوت من هذا الاتجاه علمني واعطيك الحل لها

وإذا كنت تسمع اصوات غير هذا ... أتمنى منك تحديد المكان وانا ان شاء الله تعالى ماراح أقصر معك بالحلول

alhelal2010

12/09/2009, 07:31 AM

بما إن موترك فورتشنر

كنت أتمنى إنك تحدد الصووووت من وين بالضبط

على العموم إذا كنت تسمع صوت بالطبلون من الجهه اللي على اليمين فوق الدرج

فهذا من الآيرباق ... إذا كنت فعلا تسمع الصوت من هذا الاتجاه علمني واعطيك الحل لها

وإذا كنت تسمع اصوات غير هذا ... أتمنى منك تحديد المكان وانا ان شاء الله تعالى ماراح أقصر معك بالحلول

الله يجزاك على تفاعلك .

بالنسبه للصوت بصراحه احس انه حلو المسجل والمكيف او تحتهن يعني حول الطفايه ..

وقد يكون هو الأيرباق على كلامك ..

تأكد اني ماأستغني عن توجيهاتك والله .. ولاخلى ولاعدم

تقبل تحياتي @@

غربي هواوي

12/09/2009, 11:32 AM

كلها من الديكور لا تشيل هم

اي واحد يطلع البر سيارته ما تخلا من هالاصوات

المهنـدس

12/09/2009, 11:41 AM

2500 كم .. بكل بساطه رح للوكاله ويصلحونها على الضمان ولا تضيق صدرك وبلاش

زاير الغيم

12/09/2009, 12:42 PM

غسل الموتر ..

وعليه العافية..

ابو99

12/09/2009, 12:53 PM

تبادل بددسن موديل 86 مكيف وطاره هواء وزيدك مقمع وام بطنين تراك ترتاح وتمشي بالشعيب طبلونه ماتهمك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لن أمل من العطاء

12/09/2009, 12:54 PM

رح الوكالة وقلهم اش هذي الاصوات

وخلك شاب عليهم بكل احترام

وقلهم انا شاري مستعمل ولا جديد

طبعا لا تجيب طاري البر والصيد

انا عندي الهايلوكس قلت لهم ان المرايه الداخليه تهتز على سرعة 140 وغيروها لي

shaheenshah

12/09/2009, 01:00 PM

ضرب من ضروب الوسوسة :d :d
بحكم ان السيارة جديدة عادي يدخلها غبار وتقوم تصرصر

ساري 111

12/09/2009, 01:56 PM

اخوي تأكد من مخابي البيبان والدروج .. يمكن انك حاطن به قراشيع وهي اللي تطلع اصوت

موتري هدد ماشي فوق الميه وبديت اسمع اصوات خرفشه وطقطه
المهم قمت نزلت كل اللي بالموتر وماخليت فيه شي ابد الى الاوراق والأشرطه اللي بالدروج نزلته
وبعده ركبت الموتر ومشيت طلع الموتر جديد ماتسمع شي

سوبر VTC

12/09/2009, 08:02 PM

اخوي تأكد من مخابي البيبان والدروج .. يمكن انك حاطن به قراشيع وهي اللي تطلع اصوت
موتري هدد ماشي فوق الميه وبديت اسمع اصوات خرفشه وطقطه
المهم قمت نزلت كل اللي بالموتر وماخليت فيه شي ابد الى الاوراق والأشرطه اللي بالدروج نزلته
وبعده ركبت الموتر ومشيت طلع الموتر جديد ماتسمع شي

انت موترك كله عقارب و ديبان و شبث :D:p:D
حدد موقعك :p ؟ متى تجي ؟ :j

//لطام//

12/09/2009, 11:31 PM

أغسلها بستم ورشها بزيت وشف

المميـز

13/09/2009, 12:31 AM

الله يجزاك على تفاعلك .

بالنسبه للصوت بصراحه احس انه حلو المسجل والمكيف او تحتهن يعني حول الطفايه ..

وقد يكون هو الأيرباق على كلامك ..

تأكد اني ماأستغني عن توجيهاتك والله .. ولاخلى ولاعدم

تقبل تحياتي @@

أنت ركز بس وين الصوت بالضبط .... وعلى فكره اي صوت من طبلون الفورتشنر سهل حله بإذن الله تعالى

على العموم .... متى ماصرت فاضي رح لموترك وافتح الدرج وفكه من مكانه
ودخل يدك عند الآيرباق حق الراكب وحركه بيدك وأنا متأكد انه يبي يهتز معك
لأن فتحة الآيرباق اللي بالطبلون أكبر من الآيرباق اللي مركبته الشركه فلذلك
يجلس يتحرك وخااااااااااصه مع البطانيج وعيووون القطط وإذا كنت مهدي
بالثالث وبعدين دعست يطلع الصوت واااااضح
إذا كان يتحرك بالفعل عندك ..... الحل / حاول تلفز مناديل يمين ويسار
الآيرباق بطريقه فنيه وبدقه وبإذن الله يبي يضبط ... وترا الشغله سهله جدا جدا

طريقة فك الـــــدرج :
افتح الدرج وبعدين اضغط عليه بقوه من اليمين واليسار ويطله لك بكل سهوله من مكانه والتركيب اسهل

إذا ماراح الصووووووت

فك ديكور المسجل والمكيف وحرك الاشياء اللي وراه بيدك أو اطلع على السياره
والديكور مفكوك واسمـــع الصووووووت من وين بالضبط علشان تعالج المشكله

طريقة فك الديكور :
الطريقه سهله جدا وماتحتاج مفكات ولا غيره .... اسحب الديكور بيدك الثنتين
من تحت المكيف ,, تلاحظ الديكور بارز شوي عن الديكور اللي عند الولاعه
فلذلك سهل سحبه للخارج وبعدين تفك الكلبسات بالسحب ومافيه إلا اربع كلبسات بس
كلبسين عند فتحات المكيف وكلبسين فوق عند الساعه يمين ويسار

واي شي حاضرين ..... بس مثل ماقلت لك حاول تكتشف الصوت من وين بالضبط
ولو تخلي واحد يركب معك ويساعدك في إكتشاف الصوت

alhelal2010

13/09/2009, 05:10 AM

والله يالنشامى مدري وش اقول ..!!

مقدر اقول الا بيض الله وجيهكم جميعا .. وجزاكم الله خير ..

تقبلوا تحياتي ..

ald777mi

13/09/2009, 08:56 AM

مثل ماقالوا الشباب رح الوكاله

الجيب ما انحط دبل الا للبر

ابو نواف المطرفي

13/09/2009, 09:12 AM

اللي يبي الدح لايقول اح :D

aljubail

13/09/2009, 10:03 AM

بارجال وسع صدرك

انا موتري اذا مشيت فيه يغرد من كل صوب تسمع اصوااات
لاتوسوس امش ولا عليك منها الزم مالك قيرك مكينتك وبنزينك وزيتك ورديترك شيك عليهم والباقي خله يوللللييييي:)