الكنعد يا أهل الخبرة [الأرشيف]

كنعد

11/09/2009, 04:46 PM

السلام عليكم ورحمة الله وبركاته

الي اعرفة يا اخوان ان ( الكنعد ) يقرب من السيف اذا برد الجو

طيب في احد يعلمنا متى يقرب في هذي الايام يليت تفيدونا وجزاكم الله خير

شاهين2007

11/09/2009, 05:15 PM

اخوي الكنعد من الاسماك المهاجره يعني بنهاية شهر ثلاثه او اربعه تطلع من الخليج وتبدا ترجع له شهر 10وبعد شهر او شهر ونص يبدا موسم الخباط اللي يكون على شكل روس تكون قريبه من سطح البحر وفي هالفتره وكل ماتزيد برودة الماي تجيك كميات اكبر من الكنعد اللي يكون باحجام راهيه ويقرب من الاسياف لوضع البيض وتكون له مفارخ على سواحل الخليج هذا مايعني ان بالصيف مافي كنعد ولكن يقل
وانشاء الله كلها شهر ونص ويمديك تصيده على السيف في كرنيش الدمام عند الفن تايم

أبو إبراهيم !!

11/09/2009, 05:37 PM

ماشاء الله تبارك الله
يعني بعد شهر ونصف
الله يعافيك،،،

كنعد

11/09/2009, 05:39 PM

يعني الي افهمة منك باقي شهر تقريبا او شهر ونص

صح

شاهين2007

11/09/2009, 06:35 PM

اذا عندك طراد يمديك تصيده من شهر عشره
ومن السيف من شهر 11 وطالع

كنعد

11/09/2009, 06:39 PM

يعطيك العافية اخوي شاهين كفيت ووفيت

بس ودي يكون موضوع في تفاعل علشان نعرف مزاج الكنعد بضبط

لاني ودي اصيده ومتحمس

shaheen70

11/09/2009, 08:30 PM

اخوي الكنعد من الاسماك المهاجره يعني بنهاية شهر ثلاثه او اربعه تطلع من الخليج وتبدا ترجع له شهر 10وبعد شهر او شهر ونص يبدا موسم الخباط اللي يكون على شكل روس تكون قريبه من سطح البحر وفي هالفتره وكل ماتزيد برودة الماي تجيك كميات اكبر من الكنعد اللي يكون باحجام راهيه ويقرب من الاسياف لوضع البيض وتكون له مفارخ على سواحل الخليج هذا مايعني ان بالصيف مافي كنعد ولكن يقل
وانشاء الله كلها شهر ونص ويمديك تصيده على السيف في كرنيش الدمام عند الفن تايم
ماشاء الله عليك أخي العزيز
شاهين 2007كفيت ووفيت
أخوك shaheen70

A B D U L L A H

11/09/2009, 09:45 PM

اخوي شاهين 2007 ياليت تتآكد من معلوماتك ( هل هي صحيحه ) ؟؟

لآن آعرف اثنين طلعوآ ( كـنـعد ) آو خباط صغير ... وهذا الكلام قبل 3 آسابيع

ومن السيف ... ( اعتقد هذا هو وقت عودتها مره آخرى ولكن بشكل قليل واحجام صغيره )

وفعلآ تكثر الآحجام الكبيرة اوقات الشتاء ... ( عندنا الشتاء يعتبر منطقة دافئه بالنسبه لها )

لآنها تأتي وتهاجر من مناطق آبرد من هذه

//

اخوي روح الجبيل الصناعيه بشكل مستمر ... ( امام مجمع الفناتير + امام مطعم كودود )

هذه افضل اماكن صيد الكنعد من السيف لآنها تعتبر شبه غزيره بالنسبه لغيرها

وياليت تعطينا التفاصيل وايش صار معاك ... :)

وإذا تبي منطقه مليانه سبيطيات ومزيزيات يحبها قلبك ( خاصه اليومين هذي )

اخوياي هناك يقولون يطلعون كثير ... بالجبيل ايضآ

رآسلني خاص وآبشر

شاهين2007

12/09/2009, 12:16 AM

هلا بك اخوي عبدالله
موسم الخباط عندنا يبدا من شهر 11 وطالع ويكون صغير في هذا الوقت واذا عندك طراد وتنزل بحر راح تلاحظ كثرة روس الخباط ويدور عليها الطير من هالفتره وطالع
وهذا يدلك على ان الكنعده الولاده توها داخله الخليج يعني من شهر او شهرين
ومثل ماتفضلت ان اخوياك صادو كنعد من اسبوعين او ثلاثه يعني تقريبا في شهر 8 وانا وغيري صاد كنعد في شهر 6 و7 فالكنعد موجود على مدار السنه ولكن كثرته تكون من شهر 11 وطالع
وعلى فكره المنطقه من راس تنوره الى مينا الدمام وانت داخل باتجاه دارين منطقة تفريخ معروفه...

والله اعلم

كنعد

12/09/2009, 01:05 AM

ماشالله عليكم يا اخوان

كفيتو ووفيتو الله يجعلكم من العتقاء من النار

عاشق تويوتا

12/09/2009, 01:15 AM

معلومات مفيده :)

بيرق تميم

12/09/2009, 01:22 AM

جداً مفيده

شكرا لكم

مهمش

12/09/2009, 02:19 AM

سلام
ضرب على السيف (http://www.youtube.com/watch?v=dVw3wLis7Y8&feature=fvw)1:54
الصورة ابلغ من الف كلمة اخونا كنعد .. لايهمك العنوان بقدر ماتنظر بشكل عام قوة الموج والسمك الصغير وسرعة الكنعد ووو الخ هالمنظر خلاني اغير قناعاتي في مسكة القصبة مستقبلا واحذر من تعديل وجه الكنعد لو ضرب بيوم معي ...

بوغيث 6363

12/09/2009, 02:49 AM

شوف اذا تبي كنعد في عز البرد رح ( مصبات الجبيل البلد ) تكون المويه حاره عشان المصانع ,, بس أنتبه لا يصيدونك حرس الحدود ههههه بيسوون لك مشكله .. تحياتي وبتوفيق

عاشق الموج

12/09/2009, 04:26 AM

موضوع جدا ممتاز عن الكنعد بصراحه معلومات قيمه

ياليت التفاعل اكثر عشان نستفيد

dbdob

12/09/2009, 06:50 AM

اخوي سؤالك افادناكثيرا بمعلومات جداقيمه
ان شاءالله بنحول للشرقيه شهر11
بس ياليت تفيدونا بافضل طريقه لصيده والطعم اللي يفضله الكنعد
لان سمك الكنعدهو المفضل عندنااهل الرياض عشان مافيه شوك ويستمتعون به الاطفال

هوا بحري

12/09/2009, 07:29 AM

ما شاء الله ... الشباب ما قصروا ومعلوماتهم أستفدنا منها جميع
للمعلومية الكنعد الكبير (احجام اكس لارج) من 30 كيلو وأنت طالع
تبدا تقرب للسيف (الشاطىء) من منتصف الشتاء إلى حدود نهايته
طبعاً في غزر وبخصوص طريقة صيده عدة انواع ... اللفاح
(درايات - عظمة - لماعة) والحداق بالسردين وهو طعمه المفضل
واذا تبي تعرف مكان تواجده في البحر لاحظ الطير اذا شفته متجمع
ويصيد الساردين من على سطح البحر اعرف ان تحته سرب كنعد
فيفضل اللفاح قريب منه وكذلك يفضل اللفاح حول العوامات(البويات)
وانصح الشباب الي ينزلون من الجبيل البلد لا يفوتون اللفاح عند الميناء
التجاري حول العوامات وخصوصاً منتصف الشتاء ترى فيها خير كثير
والرزق من الله

تحياتي للجميع

A B D U L L A H

12/09/2009, 07:36 AM

`الله يجزاك خير اخوي شاهين 2007 على التوضيح

وكلامك عين العقل ... وفهمت المقصد

||

آخوي دبدوب ... تفضل هذا الرابط راح يفيدك بطعوم الكنعد وافضلها على الإطلاق :

http://www.mekshat.com/vb/showthread.php?t=223367 (http://www.mekshat.com/vb/showthread.php?t=223367)

وهنا إقتباسات للفائده :

( طريقة صيد السلس )

( آفضل طعم للكنعد - السلس ) وما ادراك ما السلس ههههههـ :D

//

شوف اخوي ... العده المطلوبه :

* قصبه ( صغيره )
* خيطها يكون نحيف جدآ وشفاف
* طفاحه آو ( عوامه ) - يجي لونها آحمر ومخروقه من النص
* ثقل من النوع الطويل ... ( ماهو ثقل الدمعه ولا الثقل الدائري المتحرك ) يجي نحيف ومخروق من نالص
* ميدار ... آصغر مقاس آو الآكبر منه على طول
* وآهم شئ [ عجينه متماسكه وقاسية + كيس خبز ( عيش ) آو - صامولي
//

الطريقه :

* جيب الطفاحه ودخل الثقل بداخلها بحيث تكون غير متحركه ( بإمكانك إدخال الخيط فيها )
وممكن تستعمل مدور بمقاس فتحة ( الطفاحه ) بالضبط بحيث مايتحرك عند الرمي

* آربط طرف الخيط الموصول بالسنارة في ( آحد آطراف المدور بالطفاحه )

* آقطع خيط نحيف جدآ ... ( من نص متر إلى متر ) على حسب العمق لديك
وآربط بآحد آطرافه ( الميدآر ) الصغير ... ثم آربط الطرف الآخر بالطرف الآخر من الطفاحة

بحيث يجي الشكل هكذآ :

.......( الخيط الموصول بالسنارة )............(||||)...........( خيط الميدار )...........,

^^^

اللي في النص يكون [ الطفآحه ]

* خذ كم حبه من الخبز آو الصامولي ... ولف عليها خيط آكثر من مره وآعقدها بحيث ماتنفك بالمويه
ثم خذ خيط طويل ( على طول العمق لديك ) وآربطه بالخبز ...
و الطرف الآخر المعاكس للخبز آربط فيه ( حجر ) بحيث لاتتحرك من الآمواج وتكون ثآبته وقت آطول
وآرميها قدامك بالبحر ( مكان تواجد السلس ) علشان يتجمع ويصير قريب من الشآطئ

وإنتبه من ( المجوه ) ترآه بيخرب عليك :D

* والطعم يكون العجين ... ( وآنصحك تستخدم للعجين - الطحين الكويتي ) مادري عندكم آو لآ
لآنه يجي قوي ومتماسك ...

وإذا عندك حبآر ... قطعه قطع صغآآآآر جدآ على مقاس الميدار ... ينفع معاك بعد ( علشان ريحته تجذب )

//

وآرمي وتوكل على الله قبل كل شي ...

وخل عينك عـ الطفاحه ... على طول ... إذا آهتزت بقوه ... آو غطس نصفها

( تــل ) إسحب - السنارة بسرعه ... علشان يعلق الميدار بفم السلس

وهكذآ ...

ايضآ للطعم الميت :

الطعم الميت ... سواء سلس آو ميد آو غيره

آهم شي تعرف انه طازج السلس وحق صيد اليوم ... :good:

لآنه إذا قديم ... راح يتقطع مع الرمي ... لآن السلس معروف انه خفيف ... فما بالك إذا قديم

//

وطريقة الإيهام بآنه ( حي ) ... مو شرط ... :)

في عندك طريقتين ...

الطريقة الآولى :

إذا عندك طفاحه كبيرة شوي بحجم كف اليد ... حطها بالخيط ... وخلي الطعم والميدار بعيد عن الطفاحه
بمسافه كافية ... من متر إلى مترين ... زي ماتحب وتحس إنك رآح ترميها آبعد

والسبب ( الكنعد ) دائما يجي آسرآب مهاجره وتمر من الخليج مرور الكرام ...
وهو دائما ... يكون قريب من سطح الماء ... وإن شاء الله تضبط الطريقه معاك :good:
بس حاول ترميها إذا انت بالشاطئ آبعد مكان ...

شرح الرموز بالآسفل :

[ اللون الآحمر ( خيط السنارة ) - اللون الوردي ( الطفاحه ) - اللون الرصاصي ( السيم - الواير الحديد ) ]

-------------(|||||)---------------,

الطريقة الثانية :

نفس طريقة الصيد بال( وآير الحديد - المصفر )
بس بدال ماتحط من المدور إلى الميدار ( كله واير حديد ) ... لا

بس تضيف ( ركه )

خذلك خيط مقاس آكبر 70 آو آكبر بقليل ... طوله متر آو نص متر

خذلك ( سيم - وآير حديد ) يكفي الطعم وآطول من حجم السلس ... يعني 15 آو 20 سم

وصل الخيط بالسيم ... والسيم يكون فيه الميدار طبعآ ...

بحيث يكون كـ الشكل التالي :

[ اللون الآحمر ( الخيط الموصول بالمدور ) - اللون الرصاصي ( السيم والميدار بالطعم )

----------------------------------,

وسبب وصل السيم بالخيط الطويل ( الركه )

علشان يكون الطعم متحرك مع الموج

لآن إذا كان كله سيم ... رآح يكون ثقيل وماراح يتحرك

//

وآتصحك ... تستخدم الميدار الثلاثي ... علشان مايفلت الكنعد ويحط رجله :D

وخذلك آبره ( مشك ) ... وشك السلس من تحت الرآس من آحد الجوانب

وطلعه من الذيل ... وحاول تكون الآبره بنص السلس بالضبط علشان لايتقطع

وحط الميدار الثلاثي ... آسفل الخياشيم بشوي ... دخل ( ميدار من الثلاثه ) وآترك إثنين بالخآرج

ايضآ بإستخدام ( الطعم الكذاب آو اللفاحات ) :

وجرب ... اللفاحات ... تراها طيبه للكنعد ( تجيبه على خشمه ) :D

خصوصا الملونه و الفسفورية ... والثقيله منها ( علشان تروح آبعد مكان مع الرمي )

A B D U L L A H

12/09/2009, 07:41 AM

ما شاء الله ... الشباب ما قصروا ومعلوماتهم أستفدنا منها جميع

للمعلومية الكنعد الكبير (احجام اكس لارج) من 30 كيلو وأنت طالع
تبدا تقرب للسيف (الشاطىء) من منتصف الشتاء إلى حدود نهايته
طبعاً في غزر وبخصوص طريقة صيده عدة انواع ... اللفاح
(درايات - عظمة - لماعة) والحداق بالسردين وهو طعمه المفضل
واذا تبي تعرف مكان تواجده في البحر لاحظ الطير اذا شفته متجمع
ويصيد الساردين من على سطح البحر اعرف ان تحته سرب كنعد
فيفضل اللفاح قريب منه وكذلك يفضل اللفاح حول العوامات(البويات)
وانصح الشباب الي ينزلون من الجبيل البلد لا يفوتون اللفاح عند الميناء
التجاري حول العوامات وخصوصاً منتصف الشتاء ترى فيها خير كثير
والرزق من الله

تحياتي للجميع

صدقت اخونا هوا بحري ... الله على الجبيل

جربت هذيك المنطقه الشتاء الماضي ... وكان عز موسم الكنعد الكبييييييير بالقرب من السيف

المنطقه : آخر كورنيش البلد قبل ( شركة مرافق - عند المصبات )

واللي يعرف واسطه يدخل المصبات آشهد بالله بيعين خيييييييييير كثيييير

بس ترمي اللفاحه يضرب معك ياكنعد ياجد ياكنعد ياجد :D

عبي سطولك وآمشي :D

ولكن للآسف لم آكمل الشتاء هناك ( صدت يومين فقط )

وسافرت لجده ... وانا في قمه القهر والغضب ( لضروف خاصه )

وكنت اتصل على الزملاء هناك من نفس المكان ... ويقولون لي آخبار تقطع القلب

اللي مطلع 3 كناعد واللي مطلع قرش كبير ... :(

كنعد

13/09/2009, 04:45 PM

ماقصرتو شباب

انا اقول الي عنده سؤال عن الكنعد يحطة علشان الاخوان يفيدونة

hail200s

13/09/2009, 05:53 PM

جزاكم الله الف خير على المعلومات القيمة

متى يبدأ موسم الكنعد بالبحر الاحمر ولا ماله موسم اي متواجد طوال السنه ؟

قناص بر

19/09/2009, 10:27 PM

يفيدونك الرحاله

هوا بحري

01/10/2009, 11:51 AM

السلام عليكم ورحمة الله وبركاته
للمعلومية ترى الخباط (صغار الكنعد) وصل والربع صادو منه
باللفاح الي طلع سبع والي طلع اربع يوم الثلاثاء والأربعاء
10-11 / 10 / 1430 هـ الموافق 29-30 / 9/ 2009م
واليوم الخميس الصباح أثنين الفحوا كل واحد بقاربه طلعوا على وحده مع دويلمات
وضلع وبياض ... وكلهم الفحوا جهة الميناء التجاري بالجبيل
والكنعد الكبير يبيله حول الشهر او أقل

والله الموفق

A B D U L L A H

01/10/2009, 11:54 PM

السلام عليكم ورحمة الله وبركاته

للمعلومية ترى الخباط (صغار الكنعد) وصل والربع صادو منه
باللفاح الي طلع سبع والي طلع اربع يوم الثلاثاء والأربعاء
10-11 / 10 / 1430 هـ الموافق 29-30 / 9/ 2009م
واليوم الخميس الصباح أثنين الفحوا كل واحد بقاربه طلعوا على وحده مع دويلمات
وضلع وبياض ... وكلهم الفحوا جهة الميناء التجاري بالجبيل
والكنعد الكبير يبيله حول الشهر او أقل

والله الموفق

ماشاء الله تبارك الرحمن

الله يهنيهم ... يالبيه يالكنعد :(

من زمان عنه

د.مسافر

02/10/2009, 12:45 AM

ما شاء الله عليكم .. معلومات مفيدة