أين السلطات المختصه عن ذلك ....؟؟؟

[سلطان الدوحه]

السلام عليكم ورحمة الله وبركاته ...
شباب انا لي سنواات كثيره استخدم الاسلكي ...
وانا من اهل الشرقيه والله والله ثم والله اني كل يوم اسأل نفسي هالسؤال ...

اين هم ...؟!
سب وشتم بالناس والامهات بل والله ان اكثر من مره حسيت بالعبره تخنقني اذا سمعنا الي بالجهاز امهات واباء وسب بقمة الحماقه ...

والشي الي يحزن اذا جابوا اسامي الشيوخ او الصحابه او الاسياد ..
وطرقي للموضوع للجميع ليس هناك ميول لمذهب معين لا والله ولكن تطاولو على كل الطرفين ومن الطرفين ...السؤال الصريح وش مستفيد انا من الرخصه الي حاطها بجيبي ....؟


اتمنى المشاركه لمن هم بالشرقيه وعايشين المعاناة لعل من هناك يفيد ...

[الهجاني]

اخوي سلطان ولا حياة لمن تنادي لأنهم لا يستطيعون ان يضعون حد لهذه المهزله ولكن اتمنى من الاخوان الذين عندهم اجهزه الا يلتفتوا الي هذه المهازل وشكراا

مشكور اخوي سلطان على المشاركه

[بوغيث 6363]

والله كلامك كله 100% بس وش تسوي , لا حياه لمن تنادي !!

[هماش]

السلام عليكم

الله المستعان هذول ناس فيهم قلت دين وقل عقل

والي مايبغاهم يزيدون اذا سمعهم يطلع برع الموجه
لئنك انسان بالغ وفاهم

[سلطان الدوحه]

مشكوووورين والله على المشاركه ...


نسمع المشاراكت ....

[محمد-الرس]

يا رجال طف الكنود وخلك من الناس خلهم يسبون بعض مو ضارك شي
ولا تكلمهم خلهم إلين مايقولون بس -ياما صار عندنا سب بالعامة واطفي الجهاز وارتاح
---------------------------------------------------

[بلا قيود]

للاسف تستخدم التقنية في الجوانب السلبية

[حمود الشريف]

للأسف الرخصه مالها اي فائدة الا في شي واحد انها ما تخلي العسكري يصادر الجهاز
انا عن نفسي ما عندي رخصه بس محترم الناس اللي يسمعون ولا حياة لمن تنادي

[الحطيشي]

اقول اخي سلطان الدوحة تراني بسبك وادعي عليك اليوم ههههههههههه
اخي حمود الشريف للرخصة فايده في منع الناس الي يسبون ويلعنون على الاجهزة والموجات لكن من الشخص الشجاع .
وانا اعرف شخص من احد مناطق المملكه قام بعمل شكوى رسميه لأكثرمن 20 شخص غير مرخصين واسلوبهم غيرمهدب ومخربين في الموجات وتم سحب الجهاز منهم وتغريمهم الحد الادنى وهي من 2000 الى 5000 لصالح هيئة الاتصلات
لكن اخي سلطان الدوحة يتكلم عن ناس في المنطقه الشرقيه وهو يعرفهم والشباب المرخصين يعرفنهم عز المعرفة ولقد اختلفت الشبكة في المنطقة الشرقية بسبب كثرة المشاكل والسب والعن والتطرق للمشائخ من الجانبين لكن لا يوجد احد شجاع في المنطقة الشرقية قام بعمل شكوى رسمية لمادا؟؟؟؟؟؟؟؟؟؟؟؟؟؟
اخي سلطان انت تعرفني خارج الجاهز معرفة اخوان واكثر اترك الموجة الي فيها سب واللعن وابحث عن الموجاة التي تخلوا من السب واللعن
تحيتي للشباب ومراسلين لمنطقة الشرقية من الزملاء المحترمينمن اهل الدمام اوالظهران او القطيف وغيرها والمراسلين من اهل الكويت وعلى راسهم ابوفهد الفنطاس

[سلطان الدوحه]

كلام سن ورمح منك ياالحطيشي ...


مشكوووور للمشاركه ...

[جيبي جايزلي]

الواجب علي كل شخص يمتلك جهاز اذا سمع اي شي يخل بدين او الاخلاق يبادر بنصيحه
والدعاء لهم بالهدايه ولا ينتضر غيره باالمبادره والله يرحمنا بالرحمته والله يهديهم جميعا

[مخاوي الذئب]

اخي الغلي اشكرك على غيرتك واهتمامك وهاذي مشكلات جميع الشبكات في كل مناطق المملكة اخي الغالي انا كذلك اعاني من هذا الموضوع والمهزلة في العامه وغيرها وانا من رائي بما ان هية الاتصالات هي المسؤلة عن التصاريح وتتقاضا مبالغ غير سهلة في اصدار التصريح احملها مسئولية المهزلة التي حاصلة في البلد بسبب اشخاص للأسف لايمتون للقيم بصله كذلك لااعفي الاجهزة الامنية من المسئولية تجاه العابثين باخلاقيات ديننا وقيمنا اخي الغالي تستطيع هيئة الاتصالات من خلال اجهزتها الخاصة تتبع اشارات الاسلكي وتحديدها ومن ثم اتخاذالاجرأت الازمه ومعاقبة المسئي تقبل مروري واحترامي .

[سلطان الدوحه]

مخاوي اخوي انا هذا الي الي انادي فيه ...


انا اعترف وبكل فخر وهذا يدل على مجهودهم انا جاتني الى البيت وقالو لي نزل الانتينا والاجهزه جيبها عن طريق المباحث الجنائيه بقسم الشرطه لللمنطقه ورحت الحمد لله رخصتي موجوده ومالي اي اعتراض لموضوع او خطآ بالعمل ...


طيب اذا انا في حالي ... وتم رصد اشارتي .... سنوات عديده والي عايش بالشرقيه يعرف وشو الي يصير عندنا طيب وينهم ....؟!!!

[صقرحايل]

للاسف تستخدم التقنية في الجوانب السلبية
والله المستعان وشكرا لك

[القناص4800]

الشكوى لله

لكن اذا لقيت مثل هالاشكال حاول تدخلهم بموضوع ثاني

أتوقع هاللي يسبون ماعندهم شي يشغلهم يبون اي شي يشغلهم

[سلطان الدوحه]

هههههههه والله انا اضحك على هالناس الفاضيه الي كذا يجلس بالساعات بس يلعن ويلعن يلعن ويلعن ....

وحقين التسجيل ....هههه كل شويات منزل تسجيل جديد والله عندهم فن بالتركيب بين الاصوات تقنية ممتازه بس للأسف فالطريق الغلط .....

[kal440]

السلام عليكم الحقيقه الجهاز صنع من اجل الطوارى والاتصال بااشخاص ذومعرفه واستخدامه من قبل بعض الناس يكون خاطى (((اغلبهم يكون غيرمتعلم جاهل))) لان لايكون هناك موظوع يطرحه فيبدات بسب الناس يحاول ان يجذب الناس اليه بااسلوبه يعتقد ان هذا الاسلوب مظحك _ الله يهدى الجميع _ الابذكر الله تطمئن القلوب سبحانه _

[حمود الشريف]

فيه واحد سمعني شريط عبدالمجيد عبدالله الجديد على الراديو
والله الاغنيه زينه ههههههه بس غلط يشغل الموجات على الناس

[اسهيل]

يارجال ناس ماتستحي ولا عنده ادنا رجوله ياخي واحد السنه الماضيه كان يسب ويستم في رمضان ولله المفجر الناس تقرى قران وهو جالس يسب وراعي المكتب مادرى عنه نازل طقه هههههههه

[العجييب]

اخي العزيز سلطان:
السلام عليكم ورحمة الله وبركاته:
لوتمعن من اشرة لهم بقوله تعالىقال اللّه تعالى‏:‏ ‏{‏وما يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ‏}‏ .

وقوله تعالى:{يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ}

لما اطلقو العنان لأالسنتهم...

جزاك الله خير الجزاء

[أرسل يجيبك]

أخوي سلطان الدوحه
الله يعينكم عليهم وانا احمد الله اني ماني في الشرقيه لأني اسمعهم وقت فتحات الجو أزهق منهم وشلون عاد انتم يالي تسمعونهم بشكل يومي

والله يرزقكم باللجنه الي تشيل جهاز كل من يسب في الموجات

واذا زهقت منهم شغل ال Hf ;) وسولف مع العالم وريح بالك

وبالتوفيق

[سلطان الدوحه]

جزاكم الله خير على الردود الجميله جدآ جدآ