طرح الــليــل ..! [الأرشيف]

قناص البردويل

13/09/2009, 02:39 AM

هماش

13/09/2009, 02:47 AM

السلام عليكم

بعتقادي انه الطير سمعه قوي ويبغاله واحد يعرف بئمور الطرح
طرح اليل صعب لئنه الطير لو حب يمسي بمكان لازم المكان يكون مكشوف
يعني يكون الطير يشوف كل شيئ الارض مستويه
والي يطرح بليل اول حاجه يستخدم شبك مخصص لصيد السمك وتسما طريقة الخدج
الشبك كل بلد له اسم الي يحضرني اسم واحد الى وهي (الساليه )
وعسى اني افتك لو بشيئ القليل

أبو_خالد

13/09/2009, 03:07 AM

إضافة لما قاله الأخ هماش
هناك كشافات قوية جدا جدا تعمي نظر الطير عند تسليط الضوء عليه
وبالهدووووء يخدج الطير

الهواوي 502

13/09/2009, 03:07 AM

اخوي فالليل نور عليه بالكبس وتعال من وراه وامسكه

هاذي الطريقه الي نسويها باليل

قناص البردويل

13/09/2009, 03:09 AM

الله يعطيك العافية افدتني بمرورك

هذا اللي قريته عن طريق الخدج

لاكن وش الخدج اللي بيوصل 5 امتار

بأنتضار الباقي ولا تهون

قناص البردويل

13/09/2009, 03:13 AM

قناص البردويل

13/09/2009, 03:14 AM

يعطيكم العافية على المرور الطيب

vs-

13/09/2009, 03:28 AM

وآلله يآلآخو يفيدونك هل آلخبرهـ

لآكن عندي ملآحظه آلطير لآحطيت عليه آلنورعلى طول يطير من مكآنه لآكن سمعت إنه فيه آشخآص يصيدونه بآلخدآجه بآلغدرآء لآنهم يقولون آلطير بآلغدرآء شوفه مآيتعدى منقآرهـ

وآلله إعلم ... بس سآلفت حط آلطير على آلنور وتعآل له من ورآ هذي صعبة على طول يبآ يطير

صقر الدوحة

13/09/2009, 03:32 AM

يعطيكم العافية

صدوق المخاييل

13/09/2009, 03:52 AM

يتم طرح الطير بالخدج ليل بالنسافه 0 والنسافه عباره عن شبكه
مثل شبكة صيد السمك وفيه ناس ماهره بحذفها
والدعوه شطاره
واحسن خدج للطير اذا كان عافر==وشكرا

مشبر البران

13/09/2009, 03:55 AM

الأخوان ما قصروا

@قرناص@

13/09/2009, 04:33 AM

اانا اقول امس معه لين الصبح بعدها فك له الحمامه ،،

..@القناص@..

13/09/2009, 05:08 AM

والله صعبه يمكن طرحه بليل .. لكـن رايي
من راي @قرناص@ ...
والله يرزقك بالناَدر

عـــرادي

13/09/2009, 11:58 AM

الطريقه السليمه حسب معلوماتي المتواضعه

أولا الدوات المطلوبه
- كشاف ضوه وسط ( لأن القوي يضايق الطير و الضعيف لا يحجب الرويه )
- شبكه أو ( مخدشه ) أو ( مخدجه )
- سياره
- خوي طيب
ثانيا / طريقه الخدج أو الخدش
يجب تخفيف الملابس وتنزيل الحذاء ( اعزكم الله ) لأن الطير سمعه قوي ، خويك الطيب يسوق السياره
ويمشي بالسياره شوي شوي لين تشوفون الطير على راس النور وتنزل من السياره ويكون الكشاف في يدك اليسرى والمخدشه في يدك اليمنى
وتشغل الكشاف بتجاه الطير ويقوم خويك يتطفيه نور السياره وانت تتجه لم الطير
بمشي سريع وخفيف وتحط الكشاف قدامك ابعد ما يمكن
وخويك يزود سرعه السياره تدريجيا حتى يغطي على صوت مشيك عند الطير حتى تصل للمسافه المناسبه وتخدج الطير .
وفي حاله الشبه التي ترمى رمي على الطير
نفس الطريقه ولكن ينزل معك شخص ثالث ليمسك الكشاف وانت ترمي الشبكه وتختلف
مسافه الرمي حسب امكانيات الرامي
أرجو أنني اضفت شي جديد لكم

وتقبلوا خالص تحياتي ،،،
أخوكم / بدر العرادي

ابو امنه

13/09/2009, 01:27 PM

اسئل مجرب ولاتسئل طبيب بس اللي اعرفه الطير ليا شعلت النورمن قريب بيكفخ على طول
يفيدونك الاخوان المجربين الطريقة
موفق خير يالغالي

حريب الياس

13/09/2009, 04:43 PM

ما بعد قول العرادي قوول من غير قصور بالباقين من الاخوان

قناص البردويل

13/09/2009, 06:40 PM

بيض الله وجهك يالعرادي

واهم ماقلته انك تحط الطير على راس النور

يعطيكم العافيه جميع

ذراع الذيب

13/09/2009, 07:31 PM

السلام عليكم ورحمة الله وبركاته
مسيت بالخير يالخوي سؤالك طيب وفي محله وفي ووقته,,
اخوي عرادي ماقصر كفى ووفى الله يعطيه العافيه,,
النسافه(المخدجه),,
يكون مقاسها خمسه ذراع وخيوطها من حرير (المخدجه النايلون تكسر ريش الطير)
(الكشاف),,
ماهو اي كشاف فيه كشافات لاوجهتها في الضلام ينتشر ضوها عن خط الضوء,,
المعروف على قولهم تتطش الضوء وهذا ماينفع يخلي الطير يشوف من حواليه,,
فيه كشفات طيبه نورها طيب مثل الليزر ,,
(الخوي الطيب),,
يكون معك خوي قلبه من حجر لاشاف الزين قدامه يثبت كالمسمار مايحترك,,
لان اي حركه تربش الطير وتخليه يطير ,,
(السياره الطيبه),,
مايكون صوت القربه او الشكمان طالع وهذا الشي مهم يجهله الكثير,,
(معلومه مهمه),,
لابحثت عن الطير وحصلته على نور السياره وطار تأكد من وجهة الطير تأكيد تام,,
واطفي نور السياره مثلا اذا توجه شمال وطفيت نور السياره دور على الطير على وجهته,,
لان الطير اذا طار في الظلام مايتعدى ثلاث مائه او اربعميه متر وابحث عن الطير بالكشاف,,
لاحصلته نزل نعالك اعزكم الله انت وخويك وتكون خطواتك خفيفه مالها صوت وتعال للطير مع هبة الريح مع وجهتها لان الطير,,
يتلقى الهوى وخويك بالكشاف في عيون الطير والمخدجه يبيلها واحد متمرس قوي ذراع ,,
وعسا الله يرزقك بالطير الطيب,,

قناص البردويل

13/09/2009, 07:58 PM

الله يعطيك العافية ياذراع الذيب

وافي ماقصرت

الطااااروح

14/09/2009, 12:36 AM

السلام عليكم ورحمة الله وبركاته
مساكم الله بالخير يالوجيه الطيبه اعضاء ومشرفين في هذا المنتدى الغالي هذا الصرح الشامخ الذي احبه الجميع بفضل من الله ثم بفضل رجاجيل قروم بذلوا الغالي والنقيس ولم يبخلوا باي معلومه حتى وصل هذا المنتدى الي ماوصل اليه. واقول بيض الله وجيهكم على فعولكم الطيبه والله يجزاكم الجنه من غير حساب.

لي الشرف وكل الشرف بان اكون عضو جديد في هذا المنتدى وصحبة الوجيه الطيبه وهذى اول مشاركه لي واتمنى اني افيد واستفيد من خبرت الجميع بلا استثناء او تحديد.

بالنسبه لموضوع طرح الطيور بالليل فيجب على الطاروح ان ينتبه لبعض الامور المهمه وهي كالاتي
1- يجب ان توقف السياره مقابل الطير باتجاة الريح بمسافه كافيه ( لاتقرب كثير وبعدين تقول الطير رووح ) يعني اذا كان الريح تهب من الشمال باتجاه الجنوب توقف السياره شمال من الطير لسبب رئيسي سوف نذكره لاحقا يعني ليس من جنب الطير او من خلفه
2- تشغل النور العالي على الطير واذا يوجد معاك كشاف قوي استخدمه مع انوار السياره حتى تجهر الطير ولا تطفي مكينة السياره لان صوت ماكينة السياره سوف تخفي بعض الاصوات وتجذب انتباه الطير لمكان الصوت خلف الانوار بهذي الطريقه سوف يكون كل انتباه الطير جهة الانوار
3- لا تصدر اي اصوات او تحاول المرور من امام السياره فتخيف الطير فيطير يعني خلك ثقيل ولا تصير مطفوق. (الركاده زينه في كل شيء)
4- اهم خطوه وهي تتعلق بالخطوه رقم (1) الطير بطبيعته راح يقابل الهواء فيجب عليك ان تاتي الطير بعكس اتجاه الهواء يعني من خلف الطير لكي لا يراك او يسمع حركتك ويجب ان تكون حركتك حذره وببطىء شديد. يعني لا تجيه من الامام او مع الجنب. وعندما تصل اللي الطير ترمي عليه المخدجه (الشبك) بكل خفه وسرعه.
5- اذا طار الطير ولم تستطع الامساك به لا تلحقه لانه لن يبعد كثير وراح يكون حولك يعني جهز اكثر من حمامه وركب عليهم شبكه وثقل ووزعهم في المنطقه قبل طلوع الفجر عشان يصبحون الطير مع اول النور ويهد على الفجر ان شاء الله.
6- اذا طلع النور خلك في سيارتك ولا تحركها ودربل يمين ويسار يمكن يكون الطير قريب منك وانت ماشفته في الظلام. (الركاده زينه).
واذا تاكدت انه ماهو في المنطقه اللي انت فيها دوره حول المنطقه باتجاه طيرانه البارحه لانه ماابعد كثير.

هذي المعلومات اللي عندي بالنسبه لطرح الطيور بالليل ومن غير اقصور في الباقين اللي ادلو بدلوهم وكلن له طريقته واسلوبه في الطرح والتوفيق من رب العالمين. فإن أصبت فمن الله وان أخطأت فمني ومن الشيطان.

وتمنياتي للجميع بطرح الحر النادر اللي يثلج القلب والصدر وينومس شوافه لو بالصور.............

بـو بـدر

14/09/2009, 12:46 AM

السلام عليكم ورحمه الله

كلام الاخوان صحيح

هاذي الطريقه تصلح ايضا للقميري لي لقيته بالليل

تحـــياتـــي

صقر الشبهه

14/09/2009, 01:21 AM

السلام عليكم ورحمه الله وبركاته

عزيزي انا قبل سنتين خدجت طير حر كامل وطريقه الخدج الي استخدمناها كتالي

وقت الخدج س 8 مساء وكان الجو ممطر خفيف والهوا غربي طبعا كان احدى الشباب يبعد عن الطير2ك
وحنا كنا في المخيم جهزنا المخدجه وتريك امريكي وتم طلي زجاج التريك بطين ونظف فتحه من النص
ونطلقنا انا وزميل معي وقابلنا خوينا الي عند الطير وقلنا له انت تقوم بسياقه السياره وحنا كنا فوق راكبين
وعندما نشوف الطير اضع اتريك على الطير ونت اطفي نور السياره وكل مانقترب منه تدعس بشويش عل
صوت السياره طبعا انا معي التريك وزميلي معه المخدجه وكان يمشي بجنبي والاتفاق الي بيني وبينه لمى
يميز انه متمكن من الخدج يهمزني وتوقف علمن انا كنا نازعين ملابسنا يعني بس لابسين كلاسين ولله الحمد
تم القبض على الفرخ وكان كل ماقرب التريك له يشخص في الضوء نسيت لقولكم جيناه من الشرق
هاذا والله يرزق الجميع

قناص البردويل

14/09/2009, 01:24 AM

يعطيك العافية يالطاروح

الله من الخبره الله لايضرك

بيض الله وجيهكم

عاشق المقناص3

14/09/2009, 02:31 AM

السلام عليكم

اخواني الأعزاء .

عندي سؤال بسيط للمتمرسين في الطرح

قبل ساعتين تقريبا... شفت عقاب بالظلمة

وقلت في بالي لو انه.. طير شلون اطرحه بالليل

وهذا السؤال اوجهه لكم ...

واتمنى اللي طرحو في الليل يعلمونا بالتفصيل

لأن طرح الليل فيه صعوبه.....

وعليك السلام
أخوي:
معروف إن الطير بالليل مايطير وإن طار
طيارانة لا يتعدى العشر أمتار
وبهاذا يسهل مسكة والطريقة
&
&
&
&
هي :
1- طف السيارة حتى مايخاف الطير ويطير
2- ويكون معاك كشاف يدوي عشان تنزل بالظلام وما تضيع الطير
3- الأفضل أن يكون معاك أكثر من واحد
4-تجيب بطانية أو فروة وإثنين يمسك كل واحد منهم طرف وواحد يكشف لهم بالكشاف اليدوي ويكون ألي معة الكشاف يطفية وبعد ثواني يشغلة ويطفية والإثنين يغطونة بالفؤوة أوالبطانية ويمسكونها زين وهاذي الطريقه ((مجربها))

إرجو أن أكون أفدتك

أخوك\عاشق المقناص3

أبو_خالد

14/09/2009, 05:51 AM

إضافة لما قاله الأخ هماش
هناك كشافات قوية جدا جدا تعمي نظر الطير عند تسليط الضوء عليه
وبالهدووووء يخدج الطير

صارت معي وحطيت عليه نور السيارة والنور قوي

ونزلتله من وراه لاكن عينه علي ومن قربت له طار

الله يعطيك العافية

قناص البردويل .. ليس المطلوب أنوار السيارة لأنها تنشر النور مهما كانت قوتها!!
عليك بالكشافات اليدوية "الزينون" وأحسن ما جربت كشاف "سترونق لايت" الألماني
خذ العدسة الكبيرة .. لأنه يجمع النور في دائرة ولا ينشره مثل نور السيارة!!

طبعا فيه كشافات صينية مثل "جيباس" و "فاست ترك" وأسعارها متقاربة
وهناك كشاف "ماق لايت" الأمريكي (زينون) وسعره مبااااااااالغ فيه جدا جدا حيث يبلغ 500ريال عند محلات الرماية .. أما العادي (الهالوجين) فسعره مقارب لسعر الكشافات اللي ذكرت!

هذا السترونق لايت
http://www.mekshat.com/pix/upload03/images122/mk90718_20090821456a.jpg

طبعا هذا "3200" وفيه "3400" وكذلك "3800"
واللي أستخدمه أنا "32L"
أكبر عدسة وأقصر ذراع

قناص البردويل

14/09/2009, 11:39 AM

الله يعطيك العافية ابو خالد
وبيض الله وجهك

ابوناهض

14/09/2009, 05:42 PM

اخوي فالليل نور عليه بالكبس وتعال من وراه وامسكه

هاذي الطريقه الي نسويها باليل
صح لسانك ياذيبان هذي الطريقه بس الحذرررررررررر:j

@السيف@

15/09/2009, 05:32 PM

ما قصر الاخ عرادي عطاك العلم الصحيح لانه الاخوان في ينبع خدجوا طير واذا طار مو رزقك وتقبل مروري

قناص الهدف

16/09/2009, 04:09 AM

بالهبااااااااااااااااااااااده

راعي الدويمع

16/09/2009, 04:24 AM

حنا شفنا شي في النهار عشان نطرح في الليل

قناص البردويل

16/09/2009, 11:49 AM

ههههههههههههههههههههههههه الدويمع شكلك منبغن

توني جاي من الحماد ومنغبن اكثر منك

شكل الهجره ماوصلت تو

حنا مستعجلين

الركاده زينه والله