إلى كل صقآر يهمة إمر آلصقآرهـ .. تصحيح معلومآت مهم جداً ....

[vs-]

السلام عليكم ورحمة الله وبركاته

إخواني صقاقير مكشات بصراحه فيه موضوع ملاحظه من مدهـ ولاكني ساكت

قلت يمكن غيري يصحح هالمعلومه ولاكن ماشوف إحد عقب إو علق على هالملاحظه هذي ..

موضوعي آلي بآلنسبه لي إنه حسآس جدا لآن هذا المنتدى مدرسه للصقارهـ
وإجزم إنه في ناس تأثر عليهم إي معلومة يصرح بها من هذا المنتدى ولاشك انهم تعلمو منه كثير من إساسيات الصقاره وانواع الصقور
ولآكن آلمشكله إنه فيه ناس تحرف بالمعلومات وإظن إنهآ جهل منهم وليس عمدا

وهذا مما يشكل خطر على مستقبل الصقارهـ والصقارين الشباب الي توهم مبتدئين ..

موضوعي هو عن بعض مسميات الصقور .. آلي بصرآحه إختلفت في وقتنا الاخير

1- الفارسي " اول مره إسمع انه فيه فارسي خضر (( مدعج )) ؟ الي نعرفه ان الفارسي طير له مواري تميزه عن الطيور الاخرى وهي :
1- راسه كاشف خآلي من ((الدعوج ))
2- يجي الفارسي مشدد وحدهـ إوإكثر
ويجي دق ريش الشليل عريض إو كبير ..

فيه الايراني وليس الفارسي يجي مدعج وإرقط ولآبد من الشدود على الاقل الموس ..

2- الشاهين الجبلي " إول مره إسمع عن الشيهانه الجبليه (( الفارسيه )) ؟

الي نعرفه ان الشاهين الفارسيه تجي مقاربه للبحريه ولاكن راسها وعاتقها فيه بياض والدعوج ماهي عريضه ..


هذا على حد علمي.. وإرجو من الاخوان الصقاقير التعليق والتعقيب على الموضوع مع الدليل القاطع

وهذا في صالحنا جميعا ..

[abo_hoor]

الله يعطيك العافيه على الموضوع واسمحلي اني مو قصار وماعرف بعلوم الطيور ولكن من محبين الصقور

وانشاء الله تلقاء الرد من الشباب

ولك الف تحيه يالغالي

[@السيف@]

بيض الله وجهك ويفيدونك اهل الصنعه تقبل مروري ومنك نستفيد

[عاهد بن علي]

الله يجزاك خير

[الزعـبي]

السلام عليكم


بالنسبه للجبليات لها مواكر واجد منها الجبليه العمانيه


والفارسيه والعراقيه والتركيه وفيه الي طرح السعوديه


وسلامتك وبالنسبه للحر يفيدونك الشباب

[ابو امنه]

الله يجزاك خير على حرصك ويفيدونك الاخوان
نوفق خير يالغالي

[ربع خالي]

السلام عليكم ورحمة الله وبركاته




فيه الايراني وليس الفارسي يجي مدعج وإرقط ولآبد من الشدود على الاقل الموس ..

..



وعليكم السلام ورحمة الله وبركاته

أخوي الغالي كل كلامك واضح وأشكرك على هذا الموضوع ,, ولكن استوقفني كلامك بموضوع التفريق بين الفارسي والايراني ,,, اذا انت عندك طير وسألتك عن طيرك وقلتلي الطير فارسي ,, طيب من اي دوله وش بيكون ردك ؟؟ وان قلتلي ايراني فالاكيد اني بعرف ان الطير ماكره ايران ,, أرجو توضيح هذي النقطه ولك كل التقدير والاحترام ,,,
تقبل مروري
تحياتي

[راعي غضبان]

وعليك السلام بالنسبه للفارسي زي ماتفضلت وازيد ان لايراني هو الفارسي وان الصافي وجه والصافي ظهر ومطلق العمد هذا فارسي وايضا فيه صافي الوجه وفيه رش من لونه كاشف وذنيباه ثريا هذا فارسي واما خضر مامر علي انه فارسي واما الجبليات اظن انها في كل ديره وتسمى على اسامي الديره الي طرحت فيها والف شكر لك والله اعلم وتقبل مرورررررري وتحياتي

[مشبر البران]

ننتظر باقي الأخوان

[دابان]

السلام عليكم ورحمة الله وبركاتة
اخواني العزاء كل عام وانتم بخير ومبروك علينا وعليكم والعشر الواخر وتقبل الله منا ومنكم صالح الاعمال
بالنسبه للموضوع
انا اتفق مع اخوي بالنسبه للحر واختلف معه بالنسبه للشيهانه
بالنسبه للحر احب اوضح النقطه هذي
الحر الفارسي
( حو حر سمي بذالك نسبه لمواري تعارف عليها منذ القدم وسمي ماكرها بالفارسي حتى لو الطير طرح السعوديه)
الطير اليراني
(هو الطير طرح ايران اين تكن مواريه وريشته)



انا بانسبه للشيهانه
ابي اوضح نقطه
فعلا هناك مناطق لا تعترف بمسمى الفارسيه
ولاكنه مسمى موجود في الكثير من المناطق وعند الكثير من الصقاقير

[vs-]

وعليكم السلام ورحمة الله وبركاته

أخوي الغالي كل كلامك واضح وأشكرك على هذا الموضوع ,, ولكن استوقفني كلامك بموضوع التفريق بين الفارسي والايراني ,,, اذا انت عندك طير وسألتك عن طيرك وقلتلي الطير فارسي ,, طيب من اي دوله وش بيكون ردك ؟؟ وان قلتلي ايراني فالاكيد اني بعرف ان الطير ماكره ايران ,, أرجو توضيح هذي النقطه ولك كل التقدير والاحترام ,,,
تقبل مروري
تحياتي


يامرحبا ومسهلا

إقطع على مواري الطير لاصار مثل ماذكرنا وتطابق عليه مواري الفارسي

لوهو جاي من اقصى العالم .. صحيح انا عرفنا الفارسي بأنه ماكرهـ إيران ولاكن مايمنع انه ينطرح في باكستان إو كازخستان .. الي بوضحه لك ان الطير لا تطابقت عليه مواري الفارسي 100% لو وين يطرح ينقاله فارسي ..

وياخوي الايراني ماينقال له فارسي لانه مايتطابق مع جنس الفارسي حتى بالمواري

لا بالجرم ولا بالريشه وتقوله إيراني لاصار مشدد ودق الشليل عريض والطير مدعج ..

** الحين لاجبت لك طير مدعج وقلت لك الطير هذا طارحينه بأيران والطير مافي من مواري الفارسي شي بتقولي فارسي ؟ ماظنيت

وعندك الطيور الي تعبر علينا لامنك طرحت لك طير بديرتك وش تجنس الطير وش تقول لاقالو وش جنس طيرك ؟ انت بتقول فارسي ولا شمالي ولا شامي .. مع انك ماتدري من وين جاي من اي بلد

هنا يبدا تجنيس الطير بالمواري لاصار الطير (( إرقط - راسه كاشف مابه دعوج )) هنا الشمالي نستبعده من التصنيف نجي للفارسي والشامي لازاد على مواريه التشديد وقلنا مشدد الموس او ثلاث إو إربع .. هنا نجزم ونقطع على الطير بأنه فارسي .. ولاصار مابه تشديد
وظهرهـ به رقاط تجزم عليه شامي ..

ولا صار الطير من فصيلة الشماليات به رقاط ومدعج ومشدد تجزم عليه إيراني ..

وذا كان الطير إرقط مدعج وبدون شدود شمالي بحت ..

ومع العلم بأن كل هالطيور تطرح في الخليج وخصوصا الكويت والسعودية وإنشد عن كلامي وإن شاء الله راح تتأكد

[سماء نجد]

انا مع اخوي vsقلبا وقالبا بعد
يارجال ربعنا احتاسوا بالصوافي عاد دون الفارسيات .
والفارسيات ليا بغيتوهن انشدو عنهن المزروعي الله يستر عليه وعلى طيوره امين
وبالتوفيق للجميع.

[ابو سلطان898]

انا مع اخوي vsقلبا وقالبا
والله ماخبر فارسي خضر مدعج بحياتي ولا مر علي وكلام سليم ان الطيور الي تجي من ايران او طرح ايران ليست كلها فارسيه فهناك ماكر اخر هو الصافي وهو في بلاد فارس ايضاً واللي اعرفه ان بلاد فارس ليست ايران فقط بل تمتد الى باكستان وافغانستان ويجي منها طيور عاديه في الريشه وليس فيها من مواري الطير الفارسي او الصافي شي قديماً وكنا نقول الطير باكستاني او افغاني وهو ليس بماكر ولاكنه كناية الى مكان الطرح لذلك يجب عدم الخلط بين مكان طرح الطير وماكره الاصلي فالمواكر المعروفه قديماً لم ولن تتغير وقد اشرت اليها في موضوع سابق
اما بالنسبه للشاهين كان يأتينا ولازال شياهين ايرانيات حمر فيهن الوفى والقطاعه ولكن ليست فارسيات

[أبو أمين]

الحر ما لي تعقيب عليه

لكن الشاهين الجبلي الفارسي او الايراني كل ابوه واحد ووصفه قاله اخوي ابو سلطان898

شاكر لك

[ربع خالي]

ومع العلم بأن كل هالطيور تطرح في الخليج وخصوصا الكويت والسعودية وإنشد عن كلامي وإن شاء الله راح تتأكد

اخوي الغالي يشهد علي الله اني مانويت احاجك في موضوعك ولكن حبيت اتزود بالمعلومه اللي طرحتها وهذا كل الموضوع ومافيه , يكفي كلامك وتأييد اخواني الاعضاء على ماطرحت, هذا يسد ويوفي ولالي حاجه في النشده , , وجزاك الله الف خير ,,,
تقبل مروري ( للمره الثانيه وإن شاءالله ماثقلت عليك)
تحياتي

[falconer-kw]

السلام عليكم جميعا وماقصروا الشباب

لكن عندي معلومه وان شاء الله يستفيد منها الجميع

بالنسبه للفارسي
الفارسي مايختلف عليه صقارين يجب ان يكون من الكواشف والدق كبير شوي ويكون مشدد السبع وهذا ماكر والطيور مواكر مثل الانسان هناك اجناس كثيره وكذلك الطيور اجناس مختلفه ممكن انها تكون من نفس الديره ويمكن مطروحين بمكان واحد لكن هذا جنس وهذا جنس اخر او ماكر اخر والشماليات او اللي فيها دعوج موجوده في كل مكان يعني ماهي مقتصره على دوله معينه لكن الطيور اللي تجي من ايران او باكستان يجي فيها ضفاره وفعل طيب والفارسي والشامي والحمر العادي والجرودي هذي كلها مواكر يعني ممكن تكون هذي الطيور جميعها مطروحه بايران لكن لا تسمى جميعها بالفارسي ولكن يسمى كل جنس الفارسي فارسي والشامي شامي والحمر حمر والشمالي شمالي ويبقى اخيرا والمهم في هوايه الصيد هو فعل الطير باسمه اعتذرعلى الاطاله وان اصبت فمن الله وان اخطات فمن نفسي والشيطان والسلام خيرالختام

[بو غازي]

السلام عليكم ورحمه الله وبركاته
كلام اخوي vs كلام سليم عسى الله يعطيه العافية يارب.