عديم الوصايف
13/09/2009, 12:15 PM
بسم الله الرحمن الرحيم
السلام عليكم ورحمة الله وبركاته
أســعــد الله جميـع أوقاتــكــم بكل خــيــر
الشاعر / عبدالله بن نايف بن عون الرويـس العتيبي
http://www.albdoo.info/uploaded2007/3618/01178089493.jpg (http://www.albdoo.info/uploaded2007/3618/01178089493.jpg)
قامــة شعريــة كـبـيـرة وعـلـم مـن أعــلآم الشعر في الخليـج
لا أعتقـد بأن هـنـاك من يجهل عبدالله بن نايف ....
من باب الإعـجـآب بهذا العملاق أحببت أن أضـع بين ايديكم هذا الديوان المبسط
وأعلم يقيناً بــأن ما سيُقدم _ بإذن الله _ قليل ولا يفي عبدالله بن نايف حقه
قصيـدة في سطام بن نايف بن عون _ رحمه الله _
ياهل الجيـوب الساريـة دوروا لـي
خطاً يوقف بي علـى بيـت سطـام
ماوالله استانـس اذا ضـاق جولـي
الا اليا جالـه علـى النـار همهـام
اليا قام نجره يزعج الصـوت حولـي
واحيا السمر بألحاق الابرام الابـرام
لـو هـو يذكرنـي قديـم الفعولـي
اللي غدت مثـل الهـذاري والاحـلام
فعول الرجال اللي تشيـل الحمولـي
نطّاحت الكايـد مفاريـس الاخصـام
وليا ذكرت افعـال هـاك الزحولـي
ربعاً تقافت دونهـم جـرد الاعـوام
اخـذ شـوي مغيبـن فـي ذهولـي
يعرض لي الماضي كما عرض الافلام
بأطياف ذكرى فـي خيالـي تجولـي
تطوفبـي بيـن الحقايـق والاوهـام
دنيـاً تـزول وماعليهـا يـزولـي
الباقـي الله وأفضـل الخلـق مـادام
ياحـيـف ياتفريقـهـا للشمـولـي
تنشـر بيارقهـا علـى كـل مقـدام
وتاطا كبار الجـاه وطـي النعولـي
لين القضا فيهـم غرسنابـه السـام
هـذي منازلهـم خلـيـاً تهـولـي
ترثالهـا فـي هـاك الايـام الايـام
بلاقعـاً شهـبً خلـيـاً محـولـي
تبنيبهـا هـوج الدواليـب الاسـوام
عقب الجهام وعقب هـاك النزولـي
تقـول محـدن حـل فيهـا ولاقـام
طرفي بدمعه يـوم اجيهـا همولـي
تقـرب محاظيبـي ولانـي بـمـلام
اذكر طربها قبـل عشريـن حولـي
قـدام تزلـف هـاك الايـام قــدام
ولو صرت من غارات سلمى زعولي
اللي علـي العقـل تنفيـذ الاحكـام
واعـزي الخاطـر بربعـاً بقـولـي
هم نور عيني في غطاليس الاظـلام
لـولا الاسـود معقبيـن الشبولـي
عندي تغلّق مصـدر الانـس بلحـام
لاجيتهم عقب البطـى يسّـروا لـي
توسيع بـال وضيـع الهـم الاكـرام
ومن قصائــده ايــضــاً
ياسعود كان انك تهدد علـى النـوح
تعـال انـا ويّـاك ننـعـا هنـيّـا
تعال انا ويـاك ناخـذ عـن الـروح
عطنـي وانـا بعطيـك ممـا تهيّـا
صبري وصبرك عقب فرّاج مشحـوح
ماعـاد فيهـا يـا البناخـي كنـيّـا
ون كان صوتك شح والصوت مبحبوح
خـل انهتـانـك بالخفـايـا خفـيّـا
اون واتبـع ونـة الصـدر بفحـوح
ولافرّجة مـن ضيقـت البـال شيّـا
ياطيري الليا ابـرق الريـش ذابـوح
مبعد على راس راعيه صبح وعشيّـا
تعرضّه يـوم اظلـم اليـل سامـوح
وعليـه ماسيـت الفجيعـه مسـيّـا
جيته علـى جثـة احبـاراه مذبـوح
وامسـت همومـي داهيتنـي دهيّـا
و اصبحت انا عن نقلة الطير مصفوح
ماعاد اللي في نقـل غيـره شهيّـا
ماراح جعله مايعـود علـى اللـوح
ولا عسـاه اليـا رجـع مـا يحيّـا
ليت النقيصه في الرواقي ومجـروح
وفـي كـل كابـوداً سـواة الحديّـا
وليته غدا وارجيه مع كـل طـاروح
فـي المقبلـه يمـلابـه الله يـديّـا
لو هو غدا ياسعود ماحسفّ الـروح
بـس الحسوفـه ميتتـه هاالسويّـا
وفرّاج مشروهه على كـل ممـدوح
ياخـذ قضـاه اللـي براسـه حميّـا
ومن قصائــده ايـضــاً
يا ماحـلا لا ذعذعـن الهفاهيـف
وقامت تناقرنا هبـوب الصفـاري
وهب البراد ودوّحت شوبة الصيـف
واوحيت للمقناص والطيـر طـاري
واللي يبي شمة هبوب الشفاشيـف
قـام يتنبـى للبيـان الــوزاري
يدلى على حزم الجلاميـد وطريـف
خطايطـاً فيهـا عوايـن حبـاري
بعض العرب وده ولو جاه تكليـف
يسري ويصبح يم هـاك المحـاري
الناس يقضون الاجـازات بجنيـف
ونايف يمضّي رخصته بالصحـاري
صحراء العيون اليا غدت كلها ريف
عند الشرك ولا عـلاوي جـداري
لامن عسّاسـه عطـاه التعاريـف
وامسى عن اللي في حراويه داري
نادى بقرناساً اليا حيـف ماعيـف
فيه الحم الكدري وريشـة قمـاري
وجت للملامس وفيه ماقيل ياحيـف
مافيه عيب الا من الريش عـاري
وتوابعاً مثـل الرمـاح المعاكيـف
وامواس مثل مسلـلات الشبـاري
طرح الشبك من نازحات المحاذيف
جابه حـدا العتبـان ولا المطـاري
اما ولد مطلـق ربيـع المهاجيـف
ولا السليس دحيم ذيـب الغـداري
جابـه لشيخـاً يرتكـي للتكاليـف
الله يجيره عن صـدوف الجـواري
شيخـاً تلحفنـا حسانيـه تلحيـف
ماهوب عن حق الخوي بمتـواري
شيخاً هواه لاحصل له على الكيـف
تعرض النسناس مـع كـل فـاري
ونقل الحـرار وهدهـا بالاطانيـف
امـا ضحـى ولا وروك الظهـاري
وليا كفخ حل العصيـر الطهيريـف
ربداً مطيرهـا الرفيـق المبـاري
اوقف وتبعهـن طويـل الاطاريـف
حراً على بعـد المطاليـب ضـاري
الصافي اللي حاز حلو التواصيـف
لّحـاق عـزّام الحبـاري اجبـاري
واليا انزعج ظاقتبهـن المحاريـف
وتزبنن قـوع الشجـر والمـذاري
ومن عقب ماهن للعزامة مواليـف
قاموا عليهـن يظربـون البـواري
ومضواه في بيتاً كما نايف القيـف
في صفح نزواً عايفتهـا الـذواري
اليا شيدوه اللـي لبنيـه معاسيـف
وحطوا مشب النار بيـن القـواري
ناراً حطبهـا يشتـرى بالتجازيـف
عمـال ماتلحـق عليـه اللـواري
نـاراً يصاليـهـا دلالاً مهـاديـف
صهباً وصلوا النار فيهـن مـواري
صهباً عليها الجور مامنه تخفيـف
زاماً لهـا ليلـي وزامـاً نهـاري
صفراً خنين بهارهن من ورى الليف
يطرد عماس اللي من البعد سـاري
اليا درجوهن وادرجـن العجاريـف
وكل أفلجً بفعـول طيـره يمـاري
اقفن هواجيس الظمايـر مناكيـف
والطير عن راعيه شال الطـواري
مع ظف اخو نورة بعيد الاشاويـف
شيخاً بوسع الخلق مالـه مجـاري
ولانـي بفاخـر وتفاخـر بتزييـف
الا..ولاالبس من ثيـاب العـواري
افخر بحكامن حموا نجـد بالسيـف
والشعب اشادوا مستواه الحظـاري
وافخر بقرب اللي بعيداً عن الحيـف
شيخـاً بعدلـه بيننلـه شــواري
ومدحه ماهوب خراط ولاتواهيـف
عن عرف والكاذب لعلـه نيـاري
وهــذي من قصائــده المشهورهـ
أورد لكم معها مجارات الشاعرين الكبرين
سـعـد بن جدلان الأكلبي ، ومحمد بن عـبّـاد السلولـي
في البداية هذي قصيـدة بـن عون
قصيدة عبدالله بن عون
شعتني علوم الصيف وارقلت للمسنادولاعاد يعذل واحـد طافـح شبلـه
آبي عبلة ضافي عليها كما السجـادديار يرود عدودها من يحـب ابلـه
ولاعاد لي من يوم سال الشفا مقعادعتيبي وداري فوق ونحيتـي قبلـه
مادامه وكد لي سيل وادي قليب عنادانا ويش يحرمني شفا نجد والعبلـه
ابتبع هوى وضحا تحط البيـد سنـادلها غير زين طبوعهـا خـدة قبلـه
ليا سمعت الحادي نده ندهة الميـرادتقود اول الزعجول لول وتقرب لـه
ابيها ترفع فوق عن ساخن الانفـادوتجي في فياح كل مصلاح يطرب له
انا في الديار الطامنه في تعب وجهادعلى كثر مرعاها مداخيلهـا خبلـه
عساها يساقيها المطر ديرة الاجـوادولابيها لون ثمامهـا ينقلـب ربلـه
مجاراة الشاعر سعد بن جدلان الاكلبي لقصيدة بن عون
شعتني قصيدة شاعر عـذ ّب القصـادماحد يستلذ السالفه ليـن تنسـب لـه
علومك يا بو نايف قراح ٍ على الأكبـادلكن تجرح قلوب ٍ مع الوضح منهبلـه
مواليف وضح ٍ كنها وضحى بن عبّـادلا شافها راعي الدبش طيـرت شبلـه
تواغض مع الريضان كنها خيام أسيـادلونها بعيد ٍ بـادي الرجـم تقـرب لـه
أو حمّـى مغاتيـر ٍ مقاديمهـا شـرادهريب السحاب اللـي تواليـه منسبلـه
قبلها ليـا مـن المنـاره سناهـا زادقبل الاشهب المرشوش لا فضوا اصطبله
عنقا مارق ٍ نسنوسها سدوهـا منقـادمع طـول خدتهـا خراطيمهـا سبلـه
شنـاح ٍ طفـوح شبلهـا دايـم ٍ خـدّادلونها مع ذود ابن عمـي خذيـت ابلـه
لا ضاقت براعيها الوسيعه بكـل بـلاديحوّم و كبده من هـل المـدن مندبلـه
لا منه نطحها عصر و لا هجد مهجـادليا شافته قامـت تـرازم ترحـب لـه
هذي تنطحه تبغـى تقبّلـه جـد عمـادوهذي تنهب شماغه و هذيك تلعب لـه
و الله ما يهني من حكم عاصمة بغـداداللي له مزامير الفخر تضـرب الطبلـه
مجاراة الشاعر محمد بن عبّاد لما سبـق
جذبني صدى صوت ٍ تلاحت به الأطـواديتعّب هواة الشعر بعـده و مـن قبلـه
صدى صوت عرّافٍ لشعـر الأدب روّادمنابع عيون الشعر و الكلمـه الذبلـه
تلاحوا على وضح ٍ عليها العيون حدادولوف ٍ على صوت الموده تراقـب لـه
دقاق العنـوق اللـي خراطيمهـا ورّادعلى حب راعيها شغـوف ٍ و منجبلـه
تقدم لها بن عون في وصفهـا نشّـادو شعا الأكلبي و الأكلبي تلنـي حبلـه
و انا قبل صوته ماشي ٍفي الطريق حيادعلى ما تقول الناس كل ٍ علـى هبلـه
و بعد زعزع الوضحى فلا عاد لي صدّادسلولي و قلبي طاري الوضح يرغب له
ابتعب واحاول لو لحقني عنـا و انكـادعلى منهج ًٍ ما كل قاف ٍ يناسـب لـه
و انا في هواها مغرم ٍ هايـم ٍ منقـادلو اكثر علي اللوم فـي حبهـا الابلـه
اوقع لهـا بالعشـر واشهّـد الأشهـادانه لاعب ٍ بـي حبهـا لعبـة السبلـه
قصيدة فى سموالشيخ : راشد بن مكتوم
لـى ذوق والعالـم كذالـك لهـا ذوق
وذوقى عن اللى ما يجـوز إمتناعـى
وإليا لقيـت بضاعـةٌ ترفـع السـوق
فى مشتراها أبـذل جميـع المساعـى
ولا بعد سيست لـى سـاس طـاروق
ألا علـى الجـال العـزاز الرفـاعـى
وفالاتجاة اللـى جذبنـى لـه الشـوق
ركـزت ثاقـب نظرتـى وإطـلاعـى
من عام هجسى يتجه شـرق ويتـوق
مثـل النـداوى يـوم يدعيـه داعـى
وبعد وردنى داعـى الشيـخ مسيـوق
نكسب شرف تنفيـذ الامـر المطاعـى
وأصير أنا السابق ولا نيـب مسبـوق
من نجد والمنصـى وزيـر الدفاعـى
فالديرة اللـى شانهـا شامـخٌ فـوق
فى ظـل حاكمهـا طويـل الذراعـى
الشيخ زايـد جـارة الله مـن العـوق
اللـى دقـم عنهـا سنـون الافاعـى
أسس دعايمها علـى متـن شاهـوق
وحافظ عليها عـن جيـاع السباعـى
لين أصبحت تزها فلانظـار وتشـوق
وتأخذ همـوم اللـى بعينـه يراعـى
خـلا صحاريهـا بساتيـن وعـذوق
فالصـف الاول فالمجـال الـزراعـى
وأرجع لوصف دبى عن عـد مأثـوق
يعـدلـه عــدٌ يـشـد إستمـاعـى
يقـول فيهـا رونـق العـز مرمـوق
بأمـان ومـن المفتـرق والجماعـى
مكتـوم بجهـودة تسامابهـا فــوق
بسيـرٍ حثيـثٍ مـا وراه إنقطـاعـى
والشيخ أبو راشد حضنها عن البـوق
وبين الدول وضـح صداهـا الاذاعـى
ويوم اهتمامه صار فى جيدهـا طـوق
تميـزت فـى مجتمعهـا السبـاعـى
مثل الهنوف اللى لها القـد ممشـوق
اللـى نسبهـا يشتـرا مـا يبـاعـى
درت خليـج مـا سلبهـا بمفـتـوق
لامجاد أهلها فـى سماهـا شعاعـى
وحنـا نصيناهـا بمفتـاح صـنـدوق
صدرٍ لاهلها بـه ر حـب وإتساعـي
حب الوفا لاهل الوفا ساقنـى سـوق
غير الوفـا والقـدر مالـي دواعـي
الأ عزيمه باسـم برقـا وإسـم روق
ونبـا نكررهـا نـهـار الـوداعـى
من شان تأخذ فـى هذاليـل ساحـوق
أيـام بيـن جبـال نجـد المقـاعـى
لجا على أعلا نجـد رعـاد وبـروق
والسيل ضاقت بـه بطـون التلاعـى
ومعك أشقرٍ جبر العضا مابـه دقـوق
قرناس ريشه مثـل ريـش المراعـى
مطروحٍٍ أول نزلـت الطيـر بسبـوق
يعجبـك وجهـه لا خذيـت القناعـى
اليا صفى وجهه على الطلع بصـدوق
وجه الشجـاع اللـي بحقـه يداعـي
يرهى على برقـا الجناحيـن بلحـوق
ليا شافها فاعت علـى البعـد فاعـى
وتدوج ومضّحاك فى جـال مشقـوق
ومضواك فى بيت الشعـر والشراعـى
فى خايعٍ بيت الشعـر فيـه مطقـوق
يبنونـه اللـى ينهضـون الربـاعـى
ويعرض عليك أصناف من خيرت النوق
وضـحٍ مراثمهـا عليهـا الرقاعـى
وضـحٍ لنـا فيهـا ملـذات وطـروق
معها نجوب فجـوج نجـد الوساعـى
فيها أوضحٍ من طلعت سهيل مطلـوق
أمـا علـى الاثنـاى و الا ربـاعـى
عليان من عليان فيه أصـل وعمـوق
مثل الذهب ما يلحـق أصلـه نزاعـى
وان كان جازت لك فلا عنك مفهـوق
حيث أنها مـا غيـر عبـر ومتاعـى
واللى لهم مثلـك مواجيـب وحقـوق
مـا هيـب غاديـتٍ علينـا ضياعـى
يالشاعر اللى لك بالامثـال غـدروق
طرايـفٍ مثـل الــدوا للوجـاعـى
ما حاورت بيتٍ من الكتـب مسـروق
جوعـا الهزالـه بالجزالـه شباعـى
وبينك وبين الطيـب ميثـاق وعمـوق
أمـا قرابـت جــد ولا رضـاعـي
وسلم ودم ما شعشع النـور بشـروق
ويـدوم عـزك ياحميـد المسـاعـي
ومن قصائـده المشهورهـ
يامل قلـب يسـج أوفيـه دولاجـه
من واهج بالضمائر قـام يدرجهـا
مغير أسير تقـول امضيـع حاجـه
واخذ وأسند علي روحي وأهرجهـا
وادوج لو كان ما رجلـي بدواجـه
أدلـه النفـس ليـه الله يفرجـهـا
في معزل عن كثير الخلق وازعاجه
ما سمع من الناس لو تكثر لجالجها
يالله ياللي بيدك الضيـق وافراجـه
ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيناً من العام والسهـر أمتولجهـا
نومٍ سهرها شديد ونـوج سهاجـه
ونوجٍ تكن الدموع ونـوج تزعجهـا
عليك ياللي بقلبـي كـأن وهاجـه
وهاج نار هـوا الغربـي يسارجهـا
راعي ثماناً كمـا الياقـوت لعاجـه
كن البرد يوم يضحك فـي مفالجهـا
يا روح روحي وزع القلب وانتاجـه
الطف بروح عليك الهـم ساهجهـا
وشي ينفعك من حنين القلب واخلاجه
وجروح أسبابها انـت ولا تعالجهـا
أما التفتله وتـم الوصـل بمواجـه
والا بـلا عشـرةٍ هـاذي نتائجهـا
ومن قصائـــده ايضاً
يا راعي الغـر العـذاب المباهيـش
رش الكبود اليابسه عـن عطشهـا
دنق علي وطمن الـراس بشويـش
واحي العـروق الذابلـه وانتعشهـا
حبك ينهش ثومـة القلـب تنهيـش
نهش الحنيش لعرش رجـل نهشهـا
واهل الهواء في سجن غيك دروايش
وقلوبهـم وجلانـه مـن دهشـهـا
من ذاق من خمر السوالف بخاشيش
يبطـي وروحـه معتلقهـا بلشهـا
ولا تستمع في هل الحكا والوشاويش
نـاسٍ انقيلـي النامـيـم دبشـهـا
يا خشف يم ذار واوحـي شوابيـش
بدواً طلوع الشمـس ذاره وغشهـا
والعين عين اللي جسر عقب توحيش
اميـر بيتـي الـحـرار اوحشـهـا
طرح الشبك مـا قبلـوه الطواريـش
ولا قرنسوه اهل العشش في اعششها
وحش وجاي من بعيـد المناطيـش
عوق الخريش اللي طيـاره خرشهـا
لا قام ياخذ من طرق ريشها ريـش
واليا قضـا لعبـه عليهـا لكشهـا
جابوه من عين الشمال الهماميـش
ابرك لهادي طرشـة قـد طرشهـا
جابوه لمثمـن طويـل المطاريـش
شيخ قوانين العـرب مـا دغشهـا
محمد عشير منقضـات العكاريـش
نجل العيـون اللـي مـلاح بهشهـا
ومهـدي للـي براسـه نغامـيـش
لا شوشت حيـات الارض وحنشهـا
محمـد مقابـل قاصـده بالتباهيـش
وملفي الرجال اللي جميله غطشهـا
ودايـم وبيتـه مدهـل للمداغيـش
وكم روح معسـور بجـوده نعشهـا
لا يبعد نـاس تكبـر علـى ويـش
لاشافت الناصـي تلـوت خششهـا
لو يملكون ارقـام الامـوال حتيـش
در الحمـاره دوب يكـي جحشـهـا
وروس الضبا ماذكر فيها عراميـش
لو هي على الزيله كبـار شوشهـا
ولــــه ايـــضــــاً
ياملّ عينٍ يعـلّ الجيـب ذارفهـا
اربع وعشرين ساعه تهجل اهجالي
والنوم يا دحيم عايفتـه وعايفهـا
دارت سنتها على سِهْـر وتملاّلـي
مدري على النوم عيني وش مكلّفها
للسِهْر في نونها ممسى ومقيالـي
واللي جعل نوم عيني ما يوالفهـا
واهج لهيب الغرام اللي برى حالي
واحالي اللي طهوم الشوق ناحفهـا
ماباقٍ الاّ عظـامٍ جسمهـا بالـي
عليك ياللي غلاك الـروح متلفهـا
ياللي محلّك بوسط القلـب نزّالـي
غلاك نفسي عن الخفرات صارفها
لو يجمعن لي من اولهن الى التالي
لك سيرةٍ بالمحبّه ما اقدر اخلفهـا
لو هي سبايب سهر عيني وغربالي
الاّ رجا ساعةٍ ما اقضي حسايفهـا
والاّ على السنّه السمحـا تهيّالـي
رجعت للسالفه واحييـت سالفهـا
اللي يقولونها في ماض الاجيالـي
اللي سبب موت ضيف جديع ماقفها
حيث ان ذبّاح ضيف جديع يبرى لي
وفي الـخـتـآم أتـمـنـى أن أكــون قــدمــت مايحوز على رضاكــم
لل امانه منقول
السلام عليكم ورحمة الله وبركاته
أســعــد الله جميـع أوقاتــكــم بكل خــيــر
الشاعر / عبدالله بن نايف بن عون الرويـس العتيبي
http://www.albdoo.info/uploaded2007/3618/01178089493.jpg (http://www.albdoo.info/uploaded2007/3618/01178089493.jpg)
قامــة شعريــة كـبـيـرة وعـلـم مـن أعــلآم الشعر في الخليـج
لا أعتقـد بأن هـنـاك من يجهل عبدالله بن نايف ....
من باب الإعـجـآب بهذا العملاق أحببت أن أضـع بين ايديكم هذا الديوان المبسط
وأعلم يقيناً بــأن ما سيُقدم _ بإذن الله _ قليل ولا يفي عبدالله بن نايف حقه
قصيـدة في سطام بن نايف بن عون _ رحمه الله _
ياهل الجيـوب الساريـة دوروا لـي
خطاً يوقف بي علـى بيـت سطـام
ماوالله استانـس اذا ضـاق جولـي
الا اليا جالـه علـى النـار همهـام
اليا قام نجره يزعج الصـوت حولـي
واحيا السمر بألحاق الابرام الابـرام
لـو هـو يذكرنـي قديـم الفعولـي
اللي غدت مثـل الهـذاري والاحـلام
فعول الرجال اللي تشيـل الحمولـي
نطّاحت الكايـد مفاريـس الاخصـام
وليا ذكرت افعـال هـاك الزحولـي
ربعاً تقافت دونهـم جـرد الاعـوام
اخـذ شـوي مغيبـن فـي ذهولـي
يعرض لي الماضي كما عرض الافلام
بأطياف ذكرى فـي خيالـي تجولـي
تطوفبـي بيـن الحقايـق والاوهـام
دنيـاً تـزول وماعليهـا يـزولـي
الباقـي الله وأفضـل الخلـق مـادام
ياحـيـف ياتفريقـهـا للشمـولـي
تنشـر بيارقهـا علـى كـل مقـدام
وتاطا كبار الجـاه وطـي النعولـي
لين القضا فيهـم غرسنابـه السـام
هـذي منازلهـم خلـيـاً تهـولـي
ترثالهـا فـي هـاك الايـام الايـام
بلاقعـاً شهـبً خلـيـاً محـولـي
تبنيبهـا هـوج الدواليـب الاسـوام
عقب الجهام وعقب هـاك النزولـي
تقـول محـدن حـل فيهـا ولاقـام
طرفي بدمعه يـوم اجيهـا همولـي
تقـرب محاظيبـي ولانـي بـمـلام
اذكر طربها قبـل عشريـن حولـي
قـدام تزلـف هـاك الايـام قــدام
ولو صرت من غارات سلمى زعولي
اللي علـي العقـل تنفيـذ الاحكـام
واعـزي الخاطـر بربعـاً بقـولـي
هم نور عيني في غطاليس الاظـلام
لـولا الاسـود معقبيـن الشبولـي
عندي تغلّق مصـدر الانـس بلحـام
لاجيتهم عقب البطـى يسّـروا لـي
توسيع بـال وضيـع الهـم الاكـرام
ومن قصائــده ايــضــاً
ياسعود كان انك تهدد علـى النـوح
تعـال انـا ويّـاك ننـعـا هنـيّـا
تعال انا ويـاك ناخـذ عـن الـروح
عطنـي وانـا بعطيـك ممـا تهيّـا
صبري وصبرك عقب فرّاج مشحـوح
ماعـاد فيهـا يـا البناخـي كنـيّـا
ون كان صوتك شح والصوت مبحبوح
خـل انهتـانـك بالخفـايـا خفـيّـا
اون واتبـع ونـة الصـدر بفحـوح
ولافرّجة مـن ضيقـت البـال شيّـا
ياطيري الليا ابـرق الريـش ذابـوح
مبعد على راس راعيه صبح وعشيّـا
تعرضّه يـوم اظلـم اليـل سامـوح
وعليـه ماسيـت الفجيعـه مسـيّـا
جيته علـى جثـة احبـاراه مذبـوح
وامسـت همومـي داهيتنـي دهيّـا
و اصبحت انا عن نقلة الطير مصفوح
ماعاد اللي في نقـل غيـره شهيّـا
ماراح جعله مايعـود علـى اللـوح
ولا عسـاه اليـا رجـع مـا يحيّـا
ليت النقيصه في الرواقي ومجـروح
وفـي كـل كابـوداً سـواة الحديّـا
وليته غدا وارجيه مع كـل طـاروح
فـي المقبلـه يمـلابـه الله يـديّـا
لو هو غدا ياسعود ماحسفّ الـروح
بـس الحسوفـه ميتتـه هاالسويّـا
وفرّاج مشروهه على كـل ممـدوح
ياخـذ قضـاه اللـي براسـه حميّـا
ومن قصائــده ايـضــاً
يا ماحـلا لا ذعذعـن الهفاهيـف
وقامت تناقرنا هبـوب الصفـاري
وهب البراد ودوّحت شوبة الصيـف
واوحيت للمقناص والطيـر طـاري
واللي يبي شمة هبوب الشفاشيـف
قـام يتنبـى للبيـان الــوزاري
يدلى على حزم الجلاميـد وطريـف
خطايطـاً فيهـا عوايـن حبـاري
بعض العرب وده ولو جاه تكليـف
يسري ويصبح يم هـاك المحـاري
الناس يقضون الاجـازات بجنيـف
ونايف يمضّي رخصته بالصحـاري
صحراء العيون اليا غدت كلها ريف
عند الشرك ولا عـلاوي جـداري
لامن عسّاسـه عطـاه التعاريـف
وامسى عن اللي في حراويه داري
نادى بقرناساً اليا حيـف ماعيـف
فيه الحم الكدري وريشـة قمـاري
وجت للملامس وفيه ماقيل ياحيـف
مافيه عيب الا من الريش عـاري
وتوابعاً مثـل الرمـاح المعاكيـف
وامواس مثل مسلـلات الشبـاري
طرح الشبك من نازحات المحاذيف
جابه حـدا العتبـان ولا المطـاري
اما ولد مطلـق ربيـع المهاجيـف
ولا السليس دحيم ذيـب الغـداري
جابـه لشيخـاً يرتكـي للتكاليـف
الله يجيره عن صـدوف الجـواري
شيخـاً تلحفنـا حسانيـه تلحيـف
ماهوب عن حق الخوي بمتـواري
شيخاً هواه لاحصل له على الكيـف
تعرض النسناس مـع كـل فـاري
ونقل الحـرار وهدهـا بالاطانيـف
امـا ضحـى ولا وروك الظهـاري
وليا كفخ حل العصيـر الطهيريـف
ربداً مطيرهـا الرفيـق المبـاري
اوقف وتبعهـن طويـل الاطاريـف
حراً على بعـد المطاليـب ضـاري
الصافي اللي حاز حلو التواصيـف
لّحـاق عـزّام الحبـاري اجبـاري
واليا انزعج ظاقتبهـن المحاريـف
وتزبنن قـوع الشجـر والمـذاري
ومن عقب ماهن للعزامة مواليـف
قاموا عليهـن يظربـون البـواري
ومضواه في بيتاً كما نايف القيـف
في صفح نزواً عايفتهـا الـذواري
اليا شيدوه اللـي لبنيـه معاسيـف
وحطوا مشب النار بيـن القـواري
ناراً حطبهـا يشتـرى بالتجازيـف
عمـال ماتلحـق عليـه اللـواري
نـاراً يصاليـهـا دلالاً مهـاديـف
صهباً وصلوا النار فيهـن مـواري
صهباً عليها الجور مامنه تخفيـف
زاماً لهـا ليلـي وزامـاً نهـاري
صفراً خنين بهارهن من ورى الليف
يطرد عماس اللي من البعد سـاري
اليا درجوهن وادرجـن العجاريـف
وكل أفلجً بفعـول طيـره يمـاري
اقفن هواجيس الظمايـر مناكيـف
والطير عن راعيه شال الطـواري
مع ظف اخو نورة بعيد الاشاويـف
شيخاً بوسع الخلق مالـه مجـاري
ولانـي بفاخـر وتفاخـر بتزييـف
الا..ولاالبس من ثيـاب العـواري
افخر بحكامن حموا نجـد بالسيـف
والشعب اشادوا مستواه الحظـاري
وافخر بقرب اللي بعيداً عن الحيـف
شيخـاً بعدلـه بيننلـه شــواري
ومدحه ماهوب خراط ولاتواهيـف
عن عرف والكاذب لعلـه نيـاري
وهــذي من قصائــده المشهورهـ
أورد لكم معها مجارات الشاعرين الكبرين
سـعـد بن جدلان الأكلبي ، ومحمد بن عـبّـاد السلولـي
في البداية هذي قصيـدة بـن عون
قصيدة عبدالله بن عون
شعتني علوم الصيف وارقلت للمسنادولاعاد يعذل واحـد طافـح شبلـه
آبي عبلة ضافي عليها كما السجـادديار يرود عدودها من يحـب ابلـه
ولاعاد لي من يوم سال الشفا مقعادعتيبي وداري فوق ونحيتـي قبلـه
مادامه وكد لي سيل وادي قليب عنادانا ويش يحرمني شفا نجد والعبلـه
ابتبع هوى وضحا تحط البيـد سنـادلها غير زين طبوعهـا خـدة قبلـه
ليا سمعت الحادي نده ندهة الميـرادتقود اول الزعجول لول وتقرب لـه
ابيها ترفع فوق عن ساخن الانفـادوتجي في فياح كل مصلاح يطرب له
انا في الديار الطامنه في تعب وجهادعلى كثر مرعاها مداخيلهـا خبلـه
عساها يساقيها المطر ديرة الاجـوادولابيها لون ثمامهـا ينقلـب ربلـه
مجاراة الشاعر سعد بن جدلان الاكلبي لقصيدة بن عون
شعتني قصيدة شاعر عـذ ّب القصـادماحد يستلذ السالفه ليـن تنسـب لـه
علومك يا بو نايف قراح ٍ على الأكبـادلكن تجرح قلوب ٍ مع الوضح منهبلـه
مواليف وضح ٍ كنها وضحى بن عبّـادلا شافها راعي الدبش طيـرت شبلـه
تواغض مع الريضان كنها خيام أسيـادلونها بعيد ٍ بـادي الرجـم تقـرب لـه
أو حمّـى مغاتيـر ٍ مقاديمهـا شـرادهريب السحاب اللـي تواليـه منسبلـه
قبلها ليـا مـن المنـاره سناهـا زادقبل الاشهب المرشوش لا فضوا اصطبله
عنقا مارق ٍ نسنوسها سدوهـا منقـادمع طـول خدتهـا خراطيمهـا سبلـه
شنـاح ٍ طفـوح شبلهـا دايـم ٍ خـدّادلونها مع ذود ابن عمـي خذيـت ابلـه
لا ضاقت براعيها الوسيعه بكـل بـلاديحوّم و كبده من هـل المـدن مندبلـه
لا منه نطحها عصر و لا هجد مهجـادليا شافته قامـت تـرازم ترحـب لـه
هذي تنطحه تبغـى تقبّلـه جـد عمـادوهذي تنهب شماغه و هذيك تلعب لـه
و الله ما يهني من حكم عاصمة بغـداداللي له مزامير الفخر تضـرب الطبلـه
مجاراة الشاعر محمد بن عبّاد لما سبـق
جذبني صدى صوت ٍ تلاحت به الأطـواديتعّب هواة الشعر بعـده و مـن قبلـه
صدى صوت عرّافٍ لشعـر الأدب روّادمنابع عيون الشعر و الكلمـه الذبلـه
تلاحوا على وضح ٍ عليها العيون حدادولوف ٍ على صوت الموده تراقـب لـه
دقاق العنـوق اللـي خراطيمهـا ورّادعلى حب راعيها شغـوف ٍ و منجبلـه
تقدم لها بن عون في وصفهـا نشّـادو شعا الأكلبي و الأكلبي تلنـي حبلـه
و انا قبل صوته ماشي ٍفي الطريق حيادعلى ما تقول الناس كل ٍ علـى هبلـه
و بعد زعزع الوضحى فلا عاد لي صدّادسلولي و قلبي طاري الوضح يرغب له
ابتعب واحاول لو لحقني عنـا و انكـادعلى منهج ًٍ ما كل قاف ٍ يناسـب لـه
و انا في هواها مغرم ٍ هايـم ٍ منقـادلو اكثر علي اللوم فـي حبهـا الابلـه
اوقع لهـا بالعشـر واشهّـد الأشهـادانه لاعب ٍ بـي حبهـا لعبـة السبلـه
قصيدة فى سموالشيخ : راشد بن مكتوم
لـى ذوق والعالـم كذالـك لهـا ذوق
وذوقى عن اللى ما يجـوز إمتناعـى
وإليا لقيـت بضاعـةٌ ترفـع السـوق
فى مشتراها أبـذل جميـع المساعـى
ولا بعد سيست لـى سـاس طـاروق
ألا علـى الجـال العـزاز الرفـاعـى
وفالاتجاة اللـى جذبنـى لـه الشـوق
ركـزت ثاقـب نظرتـى وإطـلاعـى
من عام هجسى يتجه شـرق ويتـوق
مثـل النـداوى يـوم يدعيـه داعـى
وبعد وردنى داعـى الشيـخ مسيـوق
نكسب شرف تنفيـذ الامـر المطاعـى
وأصير أنا السابق ولا نيـب مسبـوق
من نجد والمنصـى وزيـر الدفاعـى
فالديرة اللـى شانهـا شامـخٌ فـوق
فى ظـل حاكمهـا طويـل الذراعـى
الشيخ زايـد جـارة الله مـن العـوق
اللـى دقـم عنهـا سنـون الافاعـى
أسس دعايمها علـى متـن شاهـوق
وحافظ عليها عـن جيـاع السباعـى
لين أصبحت تزها فلانظـار وتشـوق
وتأخذ همـوم اللـى بعينـه يراعـى
خـلا صحاريهـا بساتيـن وعـذوق
فالصـف الاول فالمجـال الـزراعـى
وأرجع لوصف دبى عن عـد مأثـوق
يعـدلـه عــدٌ يـشـد إستمـاعـى
يقـول فيهـا رونـق العـز مرمـوق
بأمـان ومـن المفتـرق والجماعـى
مكتـوم بجهـودة تسامابهـا فــوق
بسيـرٍ حثيـثٍ مـا وراه إنقطـاعـى
والشيخ أبو راشد حضنها عن البـوق
وبين الدول وضـح صداهـا الاذاعـى
ويوم اهتمامه صار فى جيدهـا طـوق
تميـزت فـى مجتمعهـا السبـاعـى
مثل الهنوف اللى لها القـد ممشـوق
اللـى نسبهـا يشتـرا مـا يبـاعـى
درت خليـج مـا سلبهـا بمفـتـوق
لامجاد أهلها فـى سماهـا شعاعـى
وحنـا نصيناهـا بمفتـاح صـنـدوق
صدرٍ لاهلها بـه ر حـب وإتساعـي
حب الوفا لاهل الوفا ساقنـى سـوق
غير الوفـا والقـدر مالـي دواعـي
الأ عزيمه باسـم برقـا وإسـم روق
ونبـا نكررهـا نـهـار الـوداعـى
من شان تأخذ فـى هذاليـل ساحـوق
أيـام بيـن جبـال نجـد المقـاعـى
لجا على أعلا نجـد رعـاد وبـروق
والسيل ضاقت بـه بطـون التلاعـى
ومعك أشقرٍ جبر العضا مابـه دقـوق
قرناس ريشه مثـل ريـش المراعـى
مطروحٍٍ أول نزلـت الطيـر بسبـوق
يعجبـك وجهـه لا خذيـت القناعـى
اليا صفى وجهه على الطلع بصـدوق
وجه الشجـاع اللـي بحقـه يداعـي
يرهى على برقـا الجناحيـن بلحـوق
ليا شافها فاعت علـى البعـد فاعـى
وتدوج ومضّحاك فى جـال مشقـوق
ومضواك فى بيت الشعـر والشراعـى
فى خايعٍ بيت الشعـر فيـه مطقـوق
يبنونـه اللـى ينهضـون الربـاعـى
ويعرض عليك أصناف من خيرت النوق
وضـحٍ مراثمهـا عليهـا الرقاعـى
وضـحٍ لنـا فيهـا ملـذات وطـروق
معها نجوب فجـوج نجـد الوساعـى
فيها أوضحٍ من طلعت سهيل مطلـوق
أمـا علـى الاثنـاى و الا ربـاعـى
عليان من عليان فيه أصـل وعمـوق
مثل الذهب ما يلحـق أصلـه نزاعـى
وان كان جازت لك فلا عنك مفهـوق
حيث أنها مـا غيـر عبـر ومتاعـى
واللى لهم مثلـك مواجيـب وحقـوق
مـا هيـب غاديـتٍ علينـا ضياعـى
يالشاعر اللى لك بالامثـال غـدروق
طرايـفٍ مثـل الــدوا للوجـاعـى
ما حاورت بيتٍ من الكتـب مسـروق
جوعـا الهزالـه بالجزالـه شباعـى
وبينك وبين الطيـب ميثـاق وعمـوق
أمـا قرابـت جــد ولا رضـاعـي
وسلم ودم ما شعشع النـور بشـروق
ويـدوم عـزك ياحميـد المسـاعـي
ومن قصائـده المشهورهـ
يامل قلـب يسـج أوفيـه دولاجـه
من واهج بالضمائر قـام يدرجهـا
مغير أسير تقـول امضيـع حاجـه
واخذ وأسند علي روحي وأهرجهـا
وادوج لو كان ما رجلـي بدواجـه
أدلـه النفـس ليـه الله يفرجـهـا
في معزل عن كثير الخلق وازعاجه
ما سمع من الناس لو تكثر لجالجها
يالله ياللي بيدك الضيـق وافراجـه
ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيناً من العام والسهـر أمتولجهـا
نومٍ سهرها شديد ونـوج سهاجـه
ونوجٍ تكن الدموع ونـوج تزعجهـا
عليك ياللي بقلبـي كـأن وهاجـه
وهاج نار هـوا الغربـي يسارجهـا
راعي ثماناً كمـا الياقـوت لعاجـه
كن البرد يوم يضحك فـي مفالجهـا
يا روح روحي وزع القلب وانتاجـه
الطف بروح عليك الهـم ساهجهـا
وشي ينفعك من حنين القلب واخلاجه
وجروح أسبابها انـت ولا تعالجهـا
أما التفتله وتـم الوصـل بمواجـه
والا بـلا عشـرةٍ هـاذي نتائجهـا
ومن قصائـــده ايضاً
يا راعي الغـر العـذاب المباهيـش
رش الكبود اليابسه عـن عطشهـا
دنق علي وطمن الـراس بشويـش
واحي العـروق الذابلـه وانتعشهـا
حبك ينهش ثومـة القلـب تنهيـش
نهش الحنيش لعرش رجـل نهشهـا
واهل الهواء في سجن غيك دروايش
وقلوبهـم وجلانـه مـن دهشـهـا
من ذاق من خمر السوالف بخاشيش
يبطـي وروحـه معتلقهـا بلشهـا
ولا تستمع في هل الحكا والوشاويش
نـاسٍ انقيلـي النامـيـم دبشـهـا
يا خشف يم ذار واوحـي شوابيـش
بدواً طلوع الشمـس ذاره وغشهـا
والعين عين اللي جسر عقب توحيش
اميـر بيتـي الـحـرار اوحشـهـا
طرح الشبك مـا قبلـوه الطواريـش
ولا قرنسوه اهل العشش في اعششها
وحش وجاي من بعيـد المناطيـش
عوق الخريش اللي طيـاره خرشهـا
لا قام ياخذ من طرق ريشها ريـش
واليا قضـا لعبـه عليهـا لكشهـا
جابوه من عين الشمال الهماميـش
ابرك لهادي طرشـة قـد طرشهـا
جابوه لمثمـن طويـل المطاريـش
شيخ قوانين العـرب مـا دغشهـا
محمد عشير منقضـات العكاريـش
نجل العيـون اللـي مـلاح بهشهـا
ومهـدي للـي براسـه نغامـيـش
لا شوشت حيـات الارض وحنشهـا
محمـد مقابـل قاصـده بالتباهيـش
وملفي الرجال اللي جميله غطشهـا
ودايـم وبيتـه مدهـل للمداغيـش
وكم روح معسـور بجـوده نعشهـا
لا يبعد نـاس تكبـر علـى ويـش
لاشافت الناصـي تلـوت خششهـا
لو يملكون ارقـام الامـوال حتيـش
در الحمـاره دوب يكـي جحشـهـا
وروس الضبا ماذكر فيها عراميـش
لو هي على الزيله كبـار شوشهـا
ولــــه ايـــضــــاً
ياملّ عينٍ يعـلّ الجيـب ذارفهـا
اربع وعشرين ساعه تهجل اهجالي
والنوم يا دحيم عايفتـه وعايفهـا
دارت سنتها على سِهْـر وتملاّلـي
مدري على النوم عيني وش مكلّفها
للسِهْر في نونها ممسى ومقيالـي
واللي جعل نوم عيني ما يوالفهـا
واهج لهيب الغرام اللي برى حالي
واحالي اللي طهوم الشوق ناحفهـا
ماباقٍ الاّ عظـامٍ جسمهـا بالـي
عليك ياللي غلاك الـروح متلفهـا
ياللي محلّك بوسط القلـب نزّالـي
غلاك نفسي عن الخفرات صارفها
لو يجمعن لي من اولهن الى التالي
لك سيرةٍ بالمحبّه ما اقدر اخلفهـا
لو هي سبايب سهر عيني وغربالي
الاّ رجا ساعةٍ ما اقضي حسايفهـا
والاّ على السنّه السمحـا تهيّالـي
رجعت للسالفه واحييـت سالفهـا
اللي يقولونها في ماض الاجيالـي
اللي سبب موت ضيف جديع ماقفها
حيث ان ذبّاح ضيف جديع يبرى لي
وفي الـخـتـآم أتـمـنـى أن أكــون قــدمــت مايحوز على رضاكــم
لل امانه منقول