عاجل : عطوني برنامج سياحي داخلي في أيام العيد

[AL-Hadbani]

السلام عليكم ورحمة الله وبركاته ،،


بما أنني بري واحب أن تكون أعيادي بريه


الرجاء اقتراح برنامج سياحي كامل أو جزء من البرنامج أو مناطق تنصحني ازورها ...


الرجاء مراعاة الجو فقط ...
لايهم المسافه --والانطلاق من الرياض

مثال :
الرياض - الطائف -بيشه -النماص - ابها -الرياض

لاتنسون أن الطلب عاجل

رحم الله والدينا ووالديكم عن النار وجعلنا الله من المقبولين

[رسلان]

وعليكم السلام ورحمة الله وبركاته ...

مرحباً بكم أخوي
وبما إنك بري وتحب العيد البري :D

وشرايك باللي هنا وتخليها شمالية :


رحلتي إلى معالم وآثار الشمال الغربي (1) (http://www.mekshat.com/vb/showthread.php?t=227796)

[لاهي]

بتوفيق يا خوي

[الــفــيــصــــل]

با التوفيق ان شاء الله ترجع سالم غانم

[راعي بيشة]

خلك جنوووب أزين إذا كشته خلك بوادي الخيطان طيب أسفل عقبة الابناء

أو رجال ألمع وبالتحديد الشعبين

أو جهة سبت العلايا ومن عفراء بالتحديد إلى وادي سقام

ومن هناك إلى وادي المسمى ببلحارث

وآآآآآه يا بلحارث ديرة الكشتة صح

وفيه برامج أخرى بس ما ادري كيف

[عطاالله ناصر]

والله ان كان تبي شوري

انا مالي الا يومين جاي من الشمال مخاوي لي رجال شرواك وعز الله انها ديره صيده وتشرح الصدر

انصحك تسوي كذا :

الرياض>>سدير>>القصيم>>حايل>>وتعوود مع دربك <<


هذا ان كانك تبي الصيد والوناسه

وانت براحتك

[بن محفوظ]

الايام الجاية ..... يحلو فيها الشمال الغربي .... براد الليل ... وجلسة حلوة على البحر النظيف تالي النهار ...

[مهاجر161]

اسأل الله لك ان تكون رحلة موفقة .. وترجع سالماً غانماً يارب ..
انا اقترح .. والامر بعد الله لك .. العلا ومناطق تبوك .. اذا تبي النفود موجود واذا تبي الجبال موجودة ..
واذا تبي البحر موجود ..وفي تبوك منطقة اسمها (الديسة) حلوة .. سبحان الله ماء من الجبال على طول السنة .. يوم هنا ويوم في حقل ويوم في شرما ..
البر يشرح كل صدر ويقلب الضيقة سرور ........... وان الى جيته يمر الوقت ما احسب له حساب
تقبل مروري .. تحياتي للجميع .. مهاجر161

[تركى الخليفي]

جهز بندقك والساحل الغربى وستاانس

[راس المزن]

الرياض؛القصيم؛المدينة؛الرايس؛ينبع،املج؛حقل؛تبوك؛حا يل؛القصيم

[الهاشمي1]

خذ العلم وما تندم :
الرياض - جدة مباشرة علشان الوقت ثم خط الساحل نحو الجنوب الليث ثم القنفذة ثم حلي ثم البرك ثم عمق ثم الدرب ثم بيش ( من بيش من عند برج الجوال شوفه على يسارك تستطيع الذهاب لوادي لجب ) ثم صبياء ثم جيزان ثم جزر فرسان ثم سوق الخوبة ثم رد لهلك سالم وغانم .

على فكرة هذا مخطط رحلتي من جدة الى المنطقة الجنوبية ايام العيد - وتجيكم العلوم . ودمتم

سلامي لخوالي أهل الدلم - وسلام للعمام من الهواشم .

[صقرحايل]

خذ العلم وما تندم :
الرياض - جدة مباشرة علشان الوقت ثم خط الساحل نحو الجنوب الليث ثم القنفذة ثم حلي ثم البرك ثم عمق ثم الدرب ثم بيش ( من بيش من عند برج الجوال شوفه على يسارك تستطيع الذهاب لوادي لجب ) ثم صبياء ثم جيزان ثم جزر فرسان ثم سوق الخوبة ثم رد لهلك سالم وغانم .

على فكرة هذا مخطط رحلتي من جدة الى المنطقة الجنوبية ايام العيد - وتجيكم العلوم . ودمتم

سلامي لخوالي أهل الدلم - وسلام للعمام من الهواشم .

مرحبا يا الهاشمى والله انه لكم معزه فى قلبى ماهى بسيطه يشرفنى انى اسلم عليك وكذالك ما يزها الموضوع الى ما انتم فيه ولا هو قصور با الاخرين يس ويش نسوى يا الهاشمى
وشكر لك

[الوافي]

الساحل وبس أن خوك وكل عام وأنت بخير ;)

[سليمان العطوي]

لا تفوتك الاحتفالات بمناسبة العيد في وديان تبوك
هناك تقريبا اربع مخيمات مختلفه وأحتفالات وسباق هجن وقصيد ورمايه
ومقناص ودحيه .

في رحيب _ السرو _بجده

وكل عام وانتم بخير