الدبوس
13/09/2009, 05:24 PM
بسم الله الرحمن الرحيم
السلام عليكم ورحمة الله وبركاته
أخواني
قبل شهرين وأنا رايح للدوام ضرب علي كفر أمامي مقابل جامعة الملك سعود من الغرب مقابل البوابة وأنا متجه للشمال (طبعاً الكفرات تويو له سنتين وشوي) سيارتي يوكون ، عاد قلت ما لي بالفك والغبره والسبير جديد بزرعه (وهذي مشكلة**)ومحترق لأنه مبطي ما طب الأرض . المهم قلت أبروح قدم لمحطة البنزين (نصار) حصلت بنشري قلت عندك نفس الكفر (تويو) 16/275/70 قال لا هذي المقاسات عندي كفرات (كورسا) وقام يمدحها البنقالي ويدندن على رأس في هالصبح ، ركبت كفرين أمامية الواحد بـ 390 ريال وجيته بعد أسبوعين وركبت كفرين بعد المهم إن أحس الموتر فيه رجه 100 - 120 ، قلت يمكن عمود كردان صليب والا والا ويوم فضيت رحت لورشة أسمها ورشة (وحيد) شاب فلسطيني جيد جيد في الأعمدة في الصناعية الكبيرة قال موترك مافيه مشكلة ، أفحص الكفرات أو الجنوط أو رصصه ترصيص أرضي ، رحت البارح لميزان الدرع (سلمني عليهم) رصص كفر تمام الكفر الثاني لقا فيه شروخ صغيرة يالله تشوفها ، قال مشكله ، رصص الثالث تمام رصص الرابع قال تعال شوف الكفر لين فيه عرجه . صار المشكلة من الكفرات .
ونسيت أقول إن هذه الكفرات ما لقيته إلا في محلات معدودة . رحت للبنشر اللي ركب اللي مشروخ قال أنا مافيه معلوم شركة ، والثاني ما أخذت الضمان منه نسيته .
وبعد هالتجربة لاتتعجلون وتركبون أي شيء تركدوا مع العلم أن الهنكوك كوري بـ 370 ريال والماكسس تايلندي بـ 380 ريال اما عاد البرجستون 600 وعليه ولا يهون المشلان والبرييلي
** حاول كل ستة أشهر إنزال كفر السبير والمشي عليه يومين أو ثلاثة حتى لا يتلف ـ ومن المعلوم أنه يفرغ من الهواء إذا طول وإذا جاء وقت اللزوم مانفعك .
(الدبوس)
السلام عليكم ورحمة الله وبركاته
أخواني
قبل شهرين وأنا رايح للدوام ضرب علي كفر أمامي مقابل جامعة الملك سعود من الغرب مقابل البوابة وأنا متجه للشمال (طبعاً الكفرات تويو له سنتين وشوي) سيارتي يوكون ، عاد قلت ما لي بالفك والغبره والسبير جديد بزرعه (وهذي مشكلة**)ومحترق لأنه مبطي ما طب الأرض . المهم قلت أبروح قدم لمحطة البنزين (نصار) حصلت بنشري قلت عندك نفس الكفر (تويو) 16/275/70 قال لا هذي المقاسات عندي كفرات (كورسا) وقام يمدحها البنقالي ويدندن على رأس في هالصبح ، ركبت كفرين أمامية الواحد بـ 390 ريال وجيته بعد أسبوعين وركبت كفرين بعد المهم إن أحس الموتر فيه رجه 100 - 120 ، قلت يمكن عمود كردان صليب والا والا ويوم فضيت رحت لورشة أسمها ورشة (وحيد) شاب فلسطيني جيد جيد في الأعمدة في الصناعية الكبيرة قال موترك مافيه مشكلة ، أفحص الكفرات أو الجنوط أو رصصه ترصيص أرضي ، رحت البارح لميزان الدرع (سلمني عليهم) رصص كفر تمام الكفر الثاني لقا فيه شروخ صغيرة يالله تشوفها ، قال مشكله ، رصص الثالث تمام رصص الرابع قال تعال شوف الكفر لين فيه عرجه . صار المشكلة من الكفرات .
ونسيت أقول إن هذه الكفرات ما لقيته إلا في محلات معدودة . رحت للبنشر اللي ركب اللي مشروخ قال أنا مافيه معلوم شركة ، والثاني ما أخذت الضمان منه نسيته .
وبعد هالتجربة لاتتعجلون وتركبون أي شيء تركدوا مع العلم أن الهنكوك كوري بـ 370 ريال والماكسس تايلندي بـ 380 ريال اما عاد البرجستون 600 وعليه ولا يهون المشلان والبرييلي
** حاول كل ستة أشهر إنزال كفر السبير والمشي عليه يومين أو ثلاثة حتى لا يتلف ـ ومن المعلوم أنه يفرغ من الهواء إذا طول وإذا جاء وقت اللزوم مانفعك .
(الدبوس)