عاشق القطا
30/08/2004, 12:12 PM
في العام الماضي 1424 هـ جاء الصفري ومامعي طير والله ياجماعة الخير كبرت عندي السالفه واستعجلت شوي وذكر لي طير ورحت وشفته وشارطت راعيه على الصيد والطلع والركاده وكانت قيمته نازله شوي اتكلت على الله وشريت وبعد فتره ذهبت به للمستشفى وفحصته وطلع فيه أكثر من عله فقلت ماباليد حيله وعالجته في المربط عندي حتى بدت نقلت الطيور وفحصته وطلع سليم ودهلته ودعيته ثم عاود عليه المرض ولاعاد يقدر يطير مره ثم بعت الطير ورجعت في حيرتي من جديد وبدأت ابحث عن طير ثم ذكر لي طير في المنطقة الشرقيه في 10رمضان وكنت ناوي اقنص الشرقيه بعد ثلاثة ايام مع ربعي وبعد وصولنا شفت الطير وشريته ولاكن وجدت الطير نزر جداً ويكفخ في السيارة وبالبرقع ( وانا من النوع اللي مايحب هالطبوع في الطير خاصة الأخير ولايمكن يجلس عندي يوم ) المهم فكرت ابيع الطير وفعلاً بعته ورجعت في دعواي الأوليه
أخيراً قلت مافيه الا اشري طير أعرفه وخابر علومه ماعاد فيه وقت ياجماعه
ومن حسن الحظ ان واحد من ربعنا كان متأخر عنا شوي ولالحقنا الا بعد يومين في الشرقيه ولا الرجال يوم جانا معه طيرين وبعد مقناصه معنا أول يوم ماشاء الله عليه ولاهو ينادينا ياعيال ابشروا بوحده طلع عليها الطير وذبحها ويوم جينا ولا الطير يعلف منها باركنا للرجال ثم قال الله يابارك فيكم ( وتراه للبيع ) قلت يولد هذا اللي انا ابي المهم فاوضت الرجال وشريت الطير وتباركت بالرحمن .
بعد مارجعنا من مقناص الشرقيه وفي نهاية شهر عشره هجري وفقني الله في وحده معي أخوياي فرعت بالطير وهي درج والله ياجماعه يوم شافها كنه مبشر بذباح ابوه ( ماشاء الله عليه) هد عليها وخالفته في الأرض وطارت ثم طار معها والله ياجماعة الخير كنه طيار شاهين المهم أخفيناه معها لوعورة الأرض ومالقيناه الا بالجهاز ولا هو على ظهرها وقد علف منها لين قال بس
ثم كتب الله لنا خرب في شهر 11 هجري وهدوا عليه أخوياي طير معهم وطرده مسافة ماهي بسهله وراح عليه ثم هد عليه واحد من الربع وطرد طيره شوي وطرح فقالوا لي لحق المهم واخذه واجدعه مع الدريشه ( والله ياجماعه بس كذا والا الخرب رايح ) ويسوق واحد من الربع مع الحبارى ماحولها طيور ابد وفجاءة يصيح بالجهاز ابشروبها ياعيال الطير حول فيها أي طير ياولد قال اخر طير هديتوه ويصير طيري ماشاء الله عليه هذي سالفتي مع الطيور العام الماضي وارجو المعذره على الإطاله .
أخيراً قلت مافيه الا اشري طير أعرفه وخابر علومه ماعاد فيه وقت ياجماعه
ومن حسن الحظ ان واحد من ربعنا كان متأخر عنا شوي ولالحقنا الا بعد يومين في الشرقيه ولا الرجال يوم جانا معه طيرين وبعد مقناصه معنا أول يوم ماشاء الله عليه ولاهو ينادينا ياعيال ابشروا بوحده طلع عليها الطير وذبحها ويوم جينا ولا الطير يعلف منها باركنا للرجال ثم قال الله يابارك فيكم ( وتراه للبيع ) قلت يولد هذا اللي انا ابي المهم فاوضت الرجال وشريت الطير وتباركت بالرحمن .
بعد مارجعنا من مقناص الشرقيه وفي نهاية شهر عشره هجري وفقني الله في وحده معي أخوياي فرعت بالطير وهي درج والله ياجماعه يوم شافها كنه مبشر بذباح ابوه ( ماشاء الله عليه) هد عليها وخالفته في الأرض وطارت ثم طار معها والله ياجماعة الخير كنه طيار شاهين المهم أخفيناه معها لوعورة الأرض ومالقيناه الا بالجهاز ولا هو على ظهرها وقد علف منها لين قال بس
ثم كتب الله لنا خرب في شهر 11 هجري وهدوا عليه أخوياي طير معهم وطرده مسافة ماهي بسهله وراح عليه ثم هد عليه واحد من الربع وطرد طيره شوي وطرح فقالوا لي لحق المهم واخذه واجدعه مع الدريشه ( والله ياجماعه بس كذا والا الخرب رايح ) ويسوق واحد من الربع مع الحبارى ماحولها طيور ابد وفجاءة يصيح بالجهاز ابشروبها ياعيال الطير حول فيها أي طير ياولد قال اخر طير هديتوه ويصير طيري ماشاء الله عليه هذي سالفتي مع الطيور العام الماضي وارجو المعذره على الإطاله .