تسجيل الدخول

مشاهدة النسخة كاملة : نرجوا لافاده عن شوطئ الدمام


طفاحي
30/08/2004, 12:44 PM
السلام عليكم ورحمه الله وبركاته

بصراحه هذي اول مشاركه لي بالمنتدى وحبيت اسئل عن اماكن الصيد الطيب بالمناطق التاليه:-(الدمام-العزيزيه-الجبيل-راس تنوره-العقير) و(راس ابو قميص*مع الاحداثيات لان ماودنا نخور على غير فايده*) واذا كان فيه اجرائات حكوميه قبل الدخول للمكان، ويذكر لنا مكان بعد العقير على طريق صحراوي (بعد مركز الزخنونيه) هل هذا المكان يوجد به صيد جيد .

وعلى شان نكون واقعيين اكثر ملينا وحنا كل يوم بسيف ونطلع بوحده او ثنتين ولا تتقطع علينا الخيوط بسبب الحواقيل، والواحد وده يستانس يعني يطلع بسيبطي او هامور او شعري بو 4 او5 كيلو.:D :D :D

ولكم من جزيل الشكر و التقدير ولاحترام .

ونأسف على الاطاله والتثقيل عليكم .

اخوكم =======>>>> طفاحي. :p
طحنون
30/08/2004, 01:14 PM
السلام عليكم ورحمة الله وبركاته
كيف حالك اخوي طفاحي الصيد تغيرمو زي اول وين ماتقط خيط تصيد من وجه نضري

الدمام ماعندك الاموقع الكرنيش .. فان تايمز اليمين او اليسار
الخبر الكرنيش الشمالي بالقرب من مطعم مارينا والكرنيش الجنوبي عند الراس ومقابل برج العريفي
العقيرمافيهاللحداق الا موقع الي بعد القصار عند اخر الصنادق المهجوره للصيادين ونرحت لازم شبوك الصافي بكثره

الزخنونيه ماتنبغى كلها عقارب وحيات على كيفك يعني ماترتاح نفسيا ورقبتك كنها مروحه يمين ويسار
والله يعزكم الزبيري شغال طاخ طيخ ولايخلصون من كثرهم

الجبيل عندك شاطي الهيئه الملكيه حليو ماشي الحال واللي انا مجربه راس بوعلي جيد

سلوى ماتصلح الا بشبوك حداق ماتنفع

دوحه حمام ماتصلح كلها مليانه دواب وصيدها جيد جدا تعطيك مشكل

الزبنه اللي بعد قريه الخليج وقبل شاطي القريه الخاص باارامكو


بس راس بو قميص ماعليه كلام بس يبيله تجهيزات عاليه



بالتوفيق
High Tide
02/09/2004, 09:05 PM
السلام عليكم ورحمة الله وبركاته....
من وجهة نظري انا انصحك بشوطئ العزيزية اذا كنت من اهل صيد السبيطي.
AKRM1234
03/09/2004, 07:12 PM
السلام عليكم ورحمة الله
بالنسبه الى الدمام أخوي طفاحي على السيف الحداق مو شي اما بالنسبه بالطراد ( الزورق) ممتاز جدا وخاصه اذا كانت عندك خبره بالقصيص او الميافر لان فيه صبيطي وعراضي وفسكر بس اما وقت المغرب او من الفجر عند ثبر المايه اقصد الجزر اما المناطق الاخرى هاذي مو شغلتي
والله يوفق لك وتصيد صيد تنبسط منه .
طفاحي
04/09/2004, 02:10 PM
شكراً لكم يا طحنون ويا شماري ويا AKRM1234

وما قصرتوا بذا المعلومات المفيده شاكر لجهودكم وتعبتكم معاي.

يا اخوي طحنون تقدر تدبر لي احداثيات راس بو قميص وللمعلوميه <<<=== (حداق سنانير+خيوط) .

و اكون لكم من الشاكرين .

اخوكم:-
طفاحــــــــــــــــــي ؛؛؛؛؛؛؛؛
MARINE
11/09/2004, 07:43 AM
كيف حالك اخوي طفاحي
اما بالنسبه لراس بو قميص
تحتاج الى شخص خبير يعرف المنطقه حتى ماتعب نفسك
لان الحداق يختلف من منطقه لمنطقه ثانيه
وهذه الايام راس بو قميص انواع الحراره
والسمكه داجه شوي يعني مافيه صيد الا قليل
وان كنت من اهل الحداق الشتوي رح ابو قميص انا اشهد انك بتوسع صدرك
اخوك
MARINE
:heart: