انشدك عن اثنين اومرا----------------------------------------------اللغز حله وضح النقى [الأرشيف]

سطام F15

14/09/2009, 02:03 AM

السلام وعليكم ورحمه الله وبركاته
استلموا اللغز

أنشدك عن إثنين أومرا وبالراي إخشرا
روسهم قـــــــدام ويمشون ورا

سطام F15

14/09/2009, 02:05 AM

السلام عليكم ورحمة الله وبركاته
بالربع وين رمعاتكم بارك الله فيكم
تحياتي للجميع

فهد الهلالي

14/09/2009, 02:29 AM

وعليكم السلام ورحمه الله وبركاته
وصح السانك اخوي اف 15
رمعه
مايكون المؤشر حق الكنابه على الشاشه للكمبيوتر
عربي وانجليزي
تحياتي لشخصك

سطام F15

14/09/2009, 02:33 AM

هلابك يالشيخوألف مرحبا ومالك لوى يالغالي

فهد الهلالي

14/09/2009, 02:53 AM

يب ياخوي اف 15 المغزل والتغزاله
او عمايل البنت (الجدايل القرن)
تحياتي

0

سطام F15

14/09/2009, 02:55 AM

لاهنت أخوي رمعة طيبة من طيب بس مالك لوى

ابو اسامه 2

14/09/2009, 03:14 AM

يعني ايش

أومرا وإخشرا

وعندي رمعه

وش رايك في مجاديف القارب مع اني ما فهمت اومرا واخشرا وياريت توضح

تحياتي لك

سطام F15

14/09/2009, 03:18 AM

اومرا أخوي يعني متصرفين بالأمر واخشرا أمرهم متخاشرين فيه للتوضيح عدلت

سطام F15

14/09/2009, 03:23 AM

يابو ماجد فارس الألغاز وين رمعاتك والله إني مستغرب العاده حسك مايغيب لعله دوم باقي ومن يسمع

ابو اسامه 2

14/09/2009, 03:36 AM

وش رايك طيب في اليدين

فهم متصرفين في الامر لدى الانسان

ومختلفين في الاتجهات عند المشي

اذا اليمين قدام اليسار ورا

وهكذا

تحياتي لك

سطام F15

14/09/2009, 03:40 AM

ياخوي الشيخ برسلك والمشاركات قليلة وأنا أخوك ولايمكن أترك من دون رد أبد
انت ماقصرت أخوي وأنا والله إني نسيت ,,, رفيت زلتي الله يرفى زلتك يوم زلات الأقدام بييض الله وجهك

فهد الهلالي

14/09/2009, 03:40 AM

مايكون ياخوي اف15 القبر والدبل روسهم قدام في كبينه السواق
ويمشون فدام ويمشون وراء

سطام F15

14/09/2009, 03:42 AM

رمعتن طيبة يالبحر بس اليدين يمشن قدام وورا هذول مايمشون إلا ورا ""
مالك لوى يالأخو

سطام F15

14/09/2009, 03:44 AM

مالك لوى يالشيخ هذول وأنا أخوك قدام مايمشون أبد مابه قدام إلا روؤسهم بس والمشي ورا

فهد الهلالي

14/09/2009, 03:47 AM

حياك الله اف15
ويش رايك بالاثر للاقدام يعني(الجره)
او العكازات
تحياتي

سطام F15

14/09/2009, 03:51 AM

والله إنك منت مقصر يالشيخ ,, مالك لوى العكازات روؤسهن تحت يالربع الرؤؤس قدام والمشيء ورا بس

ابوظبي سيف

14/09/2009, 03:51 AM

الله يعطيكم العافيه

وش رايك اخوي بعقارب الساعه

فهد الهلالي

14/09/2009, 03:53 AM

مارديت ياخوي سطام على الاثر للاقدام

سطام F15

14/09/2009, 03:54 AM

هلابك يابو ظبي يالله تحيييه مالك لوى وأنا اخوك

ابو اسامه 2

14/09/2009, 03:56 AM

طيب وش رايك بمروحة الطائرة او القارب

تحياتي

سطام F15

14/09/2009, 03:57 AM

ياشيخ انا مافهمت رمعتك وضحها زين والظاهر إنك منت مجنب لين تقضي عليه عساك على القوة

سطام F15

14/09/2009, 03:58 AM

بحر أخوي مالك لوى أنتظر رمعاتك

فهد الهلالي

14/09/2009, 03:59 AM

اثر الاقدام على الارض
الرمعه الثانيه
ويش رايك بلبس الشراب (الجوارب) على القدمتحياتي

سطام F15

14/09/2009, 04:01 AM

أبد مالك لوى بالثنتين ... يالربع بتسحر و أعود لكم إنشاء الله

سطام F15

14/09/2009, 04:12 AM

صبحكم الله بالخير جميع اللهم لك الحمد تسحرنا وعينا خير ,, عساكم لقيتو الحل

ابوظبي سيف

14/09/2009, 04:14 AM

هلا والله سطام

ياخوي ماهو الشعيب او الشعبان

ابو ماجد 2

14/09/2009, 04:15 AM

صح لسانك يالغالي
واللغز سبق ان مر علي اذا ماكان هاللغز فهو شبيه فيه
والحقيقة بالنسبة لي اجد صعوبه بحل الالغاز اللي مرت علي احاول تذكرها والهو عن التفكير فيها
ولكن وش رايك بالماطورين في القارب
تحيتي لك

سطام F15

14/09/2009, 04:17 AM

المهلي مايولي ياطويل العمر مالك لوى يابو ياظبي

فهد الهلالي

14/09/2009, 04:17 AM

ممكن المساحات في السياره

سطام F15

14/09/2009, 04:19 AM

هلابك يابو ماجد ماشاء الله عليك مافيه لغز إلا ومر عليك تبارك الرحمن والرمعه مالك لوى وانتظر رمعتك الجايه

سطام F15

14/09/2009, 04:21 AM

مالك لوى يالشيخ وش بلاكم يالربع اومر اثنين لهم رؤؤس قدام ومشيهم ماغير ورا

فهد الهلالي

14/09/2009, 04:23 AM

مايكون مفتح العلب يمشي على وراء

ابوظبي سيف

14/09/2009, 04:23 AM

ماهو فيش الكهرب والسلك

ابو اسامه 2

14/09/2009, 04:24 AM

أبد مالك لوى بالثنتين ... يالربع بتسحر و أعود لكم إنشاء الله

هلا بك يا سطام

كيف الكلام ذا

بتتسحر وتتركنا

طيب واحنا نجلس نتفرج على بعض ؟

الظاهر ما قريت شروط الالغاز في رمضان

الشرط رقم 4

يمنع على كاتب اللغز السحور وحتى لو عنده ضيوف حتى يتم حل لغزه خاصة لو كان متصلين معاه اعضاء

ولو قام بالتسحر يغرّم مائة الف دولار تسلم ليد الشيخ مسكين :D

روح تسحر بالعافيه

وخذ هذي الرمعه

وش رايك ببيت الرصاص بعد الاطلاق من البندق

تحياتي

سطام F15

14/09/2009, 04:25 AM

الشيخ مالك لوى مفتاح العلب واحد وذولا اثنين ... ويابو ظبي مالك لوى ياخوك

سطام F15

14/09/2009, 04:28 AM

أخوي بحر دام فيها مائة ألف لاتسحرت ولاشيء وأنا أخوك والشرط والله ماقريته
مالك لوى يالذيب المعذرة يالربع لاتواخذوني تراي جديد

ابو اسامه 2

14/09/2009, 04:41 AM

أخوي بحر دام فيها مائة ألف لاتسحرت ولاشيء وأنا أخوك والشرط والله ماقريته
مالك لوى يالذيب المعذرة يالربع لاتواخذوني تراي جديد

الله يسعدك دنيا واخره يا سطام

امزح معاك يا اخوي

رمعه

وش رايك في جذور الشجره

تحياتي

ابو اسامه 2

14/09/2009, 04:43 AM

وش رايك في آثار كفرات السيارة في البر

تحياتي لك

سطام F15

14/09/2009, 04:44 AM

مالك لوى ياخوي بحر والله إن مافيه منكم اللي مايعرفه يامسلمين تراكم بــــــــــدو

سطام F15

14/09/2009, 04:45 AM

مالك لوى ماهي أثار الكفرات

سطام F15

14/09/2009, 04:56 AM

وش رايكم يالربع نؤجل اللغز نبي نروح نصلي وننام ورانا دوام ,, انا مدري إذا ماإنحل اللغز وش القوانين

وضح النقى

14/09/2009, 04:56 AM

صح لسانك يا سطام
وش تقول طال عمرك وحسن عملك في عودين النار
روسهم قدام والنار تاكلهم تمشي ورا
ومعروف ان النار ما تشب باقل من عودين

كفانا الله وإياكم والمسلمين شر النار دنيا وآخره

تحياتي للجميع
أبو لجين

ابو اسامه 2

14/09/2009, 04:59 AM

يا سطام يا حبيبي ما فيه قوانين ولا يحزنون

انا حبيت امزح معاك فقط لا غير

روح نام وارتاح وعين من الله خير وروح لعملك

وباذن الله ما ترجع الا واللغز محلول

تحياتي لك وسامحني

وضح النقى

14/09/2009, 05:00 AM

رمعة ثانية

طارة مكينة الماء القديمه وحذافها

سطام F15

14/09/2009, 05:07 AM

مالك لوى ياوضح النقىبالثنتين عزالله إنها رمعة طيبة وأنت أطيب لكن النار لياشبت نرمع بها من هالعيدان لين تدوخ وذولا مايزيدون عن اثنين .... بحر حسبي يالله على عدوك والله إني صدقتك يارجل بغيت انثبر هنا لين ينحل اللغز

راعي المجهم

14/09/2009, 05:10 AM

القلص الي يشبك في الموتر من ورى ويحطون فيه العفش

ابو ماجد 2

14/09/2009, 05:13 AM

السلام عليكم
لغزك يوحي انه شي قديم ولكن ماعليش استلم هالمرماع
منبه الاشاره الحمراء وجهه يمك وممشاه من ورا اي تنازلي 50 - 49 -48 .الخ
والثاني منبه الاشاره الخضراء نفس العمل والاختلاف باللون
تحيتي لك

وضح النقى

14/09/2009, 05:13 AM

عز الله ان ذا اللغز مر علي لكن عجزت اتذكره

سطام F15

14/09/2009, 05:26 AM

مالكم لوى ياراعي المجهم ويابو ماجد ,, واللغز ذا قديم وحاضر ومستقبل

سطام F15

14/09/2009, 05:30 AM

عن إذنكم يالربع بنام وراي عمل وإنشاء الظهر بدخل وأشيك على الرمعات تمسون على خير

jmran

14/09/2009, 05:36 AM

السلام عليكم
اخوي بحر بعطيك رمعتي وعلى الله
هذا مؤشر البنزين والزيت للسياره وغيرها:D :D ;)

رانجلر عنيزة

14/09/2009, 01:21 PM

حيا الله الجميع

يا عمنا عندي مرماعين

الاول

الراسين اللي بالشاكوش ما يطلعن المسمار الا على ورى

http://4photos.net/photo/www_4photos_net_1139390028.jpg

الثاني

والله العالم انه المقص

http://www.boston.com/ae/theater_arts/exhibitionist/scissors.jpg

فهد الهلالي

14/09/2009, 02:21 PM

هلابك اخوي سطام اف15
مايكون طال عمرك وعمر الحاضرين
التقويم
الهجري والميلادي
(التاريخ)
تقبل تحياتي

ذيب هرشا

14/09/2009, 04:30 PM

صح لسانك على اللغز

مارايك بالواديين النازلين من الجبل او الاوديه ومجر السيول

ابو اسامه 2

14/09/2009, 04:36 PM

وش رايك بالحراثه القديمه

.
.

http://www.mekshat.com/pix/upload03/images124/mk51394_imag0002_resize.jpg

.

.
.

سطام F15

14/09/2009, 07:37 PM

مساكم الله بالخير جميع والعذر والسموحة منكم يالربع طولت عليكم مير اعذرونا العمل له دور
وصح الله السنتكم جميع ومالكم لوى يالربع ,, انتظر الرمعات تقبلوا تحياتي

فهد الهلالي

14/09/2009, 08:44 PM

الله يمسيك بالخير
مايكون اسيور النباطه
تحياتي

سطام F15

14/09/2009, 08:47 PM

ياهلا بك يالشيخ
مالك لوا ياطويل العمر

سطام F15

15/09/2009, 01:28 AM

وين العرب الليلة مابه أحد مابه مراميع

راع الأوله 1

15/09/2009, 05:58 AM

اخوي سطام
وش رايك بالمكرتين
المكرات
سواء في شريط الكاست او غيره
او في السنما
تحياتي

سطام F15

15/09/2009, 06:07 AM

هلابك ياخوي راع الأولة ومالك لوى يالغالي

هيل

15/09/2009, 02:41 PM

اخوناالغالي الله احييك
وش رايك بالقطار

ابو ماجد 2

15/09/2009, 05:03 PM

اللغز عجزت اتذكره وعجزت افكر فيه
طيب وش رايك بالمري والبلعوم روسهم للامام والطعام يمشي فيهم للورى
تحيتي لك

راع الأوله 1

15/09/2009, 06:36 PM

اخوي سطام

فيه لغز سمعته يشبه لهذا يوم كنت صغير
بس نسيت الحل

عموما وش رايك بالمخرز او المخيط

او وش رايك بابرة المكينة سنجر اقصد الابرة والملكوك وما حوله
تحياتي

سطام F15

15/09/2009, 07:40 PM

هلا والله الله يمسيكم بالخير جميع يالإخوان هيل وأبو ماجد وراع الأولة والرمعات مالكم لوى يالذيابة بإنتظار رمعاتكم الجاية وترى ماهو بالصعب أبد ومستغرب إن محد حله للحين
تحياتي

ابو اسامه 2

15/09/2009, 08:25 PM

وش رايك يا سطام

بالشمس والقمر

او الليل والنهار

تحياتي لك

سطام F15

16/09/2009, 01:54 AM

هلا والله ببحر الجروح والله يمسيك بالخير يالغالي ومالك لوى ياسنايدي بإنتظار رمعتك القادمة

فهد الهلالي

16/09/2009, 03:09 AM

اخوي سطام مساك الله بالخير
احيان بعض التوضيح يعمي
ياخوي انت خليت تفكيرنا محدود في هذا الشي حيث قلت كلكم بدو تعرفون هذا الشي
واللي عرفته من كلامك بانه يتعلق في الصحراء فاصبحنا نفكر مايتعلق بالباديه
اذا كان هذا صحيح استمرينا او يتعلق بالبر والديره
ارجوا توجيهنا الله يحفظك
تحياتي

فهد الهلالي

16/09/2009, 03:24 AM

طيب ياخوي سطام
ويش رائك بالسهمين اللي على جهاز الكمبيوتر مكتوب عليهن للخلف باللون الاخضر
تحياتي

سطام F15

16/09/2009, 03:26 AM

يالشيخ طول الله عمرك والحاضرين أنا وضحت عشان يسهل عليكم وأنت صادق هالشيء أصلا له علاقة بالبادية من قديم وماتكتمل أصالتها إلا فيه بس إنهم هالحين أغناهم الله ولا عاد يستخدمونه إلا اللي عاشق هالشيء وهو موجود بكل العالم ومن أشهر الأشياء الموجودة بهالدنيا ,,, عاد هالحين عزالله إني ذبحته بيدي .. الشكوى لله تحياتي

فهد الهلالي

16/09/2009, 03:31 AM

طيب مايكون الرشاء والدلو تحياتي

سطام F15

16/09/2009, 03:33 AM

أبد مالك لوى يالسنافي

فهد الهلالي

16/09/2009, 03:37 AM

طيب مايكون نطي البيت الشعر السدو عند نطيه يبدون من فوق ويرجعون للخلف
تحياتي

سطام F15

16/09/2009, 03:43 AM

السدو يبدون به من فوق ويرجعون تحت ,,, أما اللغز فكر وش هالثنين اللي لهم رؤس قدام وليا بغوا يمشون رجعوا( ورا) وعشان تسهل هالثنين بدون الرؤس مالهم نفعه أبد

فهد الهلالي

16/09/2009, 03:49 AM

طيب مايكون مشدات الرواق واحد يركب بالثاني ويرجعون على ورا

سطام F15

16/09/2009, 03:55 AM

مالك لوى هذولي كلن له راس لحاله ويمشي بالريوس (ورا)

سطام F15

16/09/2009, 03:57 AM

تكفى يالشيخ تراني بجهم للديرة لــــ(طمية) عند شيباني تكفى تقضي عليه قبل أروح . تكفـــــــــــــــــون يالربع ماودي أروح وهو منحل

مصبّح

16/09/2009, 04:07 AM

صباح الخير للجميع وصح السانك اخوي سطام0واتوقع الحل هونواعير البئراوالسواني

فهد الهلالي

16/09/2009, 04:10 AM

هلا بك اخوي سطام
الا رح عند شيبانك الله يسترعليك الله يطوي سفرك وينقل خطرك
وان شاء الله تلقاهم بخير وعافيه
وان الله يوفقك في دينك ودنياك
واللغز ممدي علي حله ان مانحل اليوم ينحل باكر واللغز مجرد تسليه
الله يحفظك

مصبّح

16/09/2009, 04:12 AM

وذي رمعة جديده00 المنقاش

سطام F15

16/09/2009, 04:14 AM

صح بدنك أخوي مصبح ومالك لوى يالغالي والله يرحم والديك يالشيخ ويعطيك مثله وأزود والحاضرين بعد والله إنه غبني هاللغز ....!! اللهم هون سفرنا ياأرحم الراحمين

سطام F15

16/09/2009, 04:15 AM

مالك لوا على الرمعة الثانية ياخوي مصبح وتراهم اومرا اثنين والمنقاش فرد واحد بس,,,,؟؟ لاهنت يالسبع

أبولمااااار

16/09/2009, 04:33 AM

صبحكم الله بالخير
وصح لسانك اخوي سطام
الرمعه / ماهو الصميل او ( السعن ) اذا خضينه بين العمدان يروح قدام ويرجع

سطام F15

16/09/2009, 04:38 AM

صبحكم الله بالخير

وصح لسانك اخوي سطام

الرمعه / ماهو الصميل او ( السعن ) اذا خضينه بين العمدان يروح قدام ويرجع

صح بدنك ياخوي فرج العصيمي ومالك لوى يالنشمي (السعن) يروح قدام وورا وهو فرد واحد واللغز اثنين مايمشون إلا ورا بس ,,, لاهنت ياخوي

مصبّح

16/09/2009, 09:38 AM

اخوي سطام بصراحه لغزك هذا يحير000000 اذاماهوالسيل والوادي000000 وكل عام والجميع بخير اليوم الاربعاء والعيد الاحدانشاءالله

ابو اسامه 2

17/09/2009, 07:00 AM

طيب يا سطام

وش رايك طال عمرك بــــ

ابرتي حياكة الصوف

وهذي وحده منهم روسهم قدام ويمشون لورا

http://www.mekshat.com/pix/upload03/images126/mk51394_646169182.jpg

البحر ثالاسا

17/09/2009, 08:07 PM

السلام وعليكم ورحمه الله وبركاته

استلموا اللغز

أنشدك عن إثنين أومرا وبالراي إخشرا

روسهم قـــــــدام ويمشون ورا

وعليكم السلام ورحمة الله وبركاته

تقبلوني ضيف جديد عليكم
وبصراحة كسرت خاطري ... ودي انك تعيد عند شيبانك وانت مرتاح

اول ما قريت لغزك طرى علي (ابر الشوزن ام بطنين)
هاه؟ عساها لقحت؟

برج 1

17/09/2009, 10:48 PM

رمعتي هي
(صرار الناقه)

سطام F15

18/09/2009, 03:11 AM

طيب يا سطام

وش رايك طال عمرك بــــ

ابرتي حياكة الصوف

وهذي وحده منهم روسهم قدام ويمشون لورا

http://www.mekshat.com/pix/upload03/images126/mk51394_646169182.jpg

مساكم الله بالخير جميع ويابحرلاهنت ومالك لوى يالحبيب الإبرة مؤنث ولغزي مذكر لاهنت

سطام F15

18/09/2009, 03:13 AM

هلابك أخوي ثالاسا والله يحيك بين إخوانك وإنشاء الله إنك تفيد وتستفيد ومالك لوى بالرمعة .. تحياتي

سطام F15

18/09/2009, 03:14 AM

ياهلا ومرحبا يالبرج 1 مالك لوى يالذيب

ابو حمد سدير

18/09/2009, 07:09 PM

وعليكم السلام

واعتقد ان الجواب

القماش اذا قصيته بالمقص

اذ قصيتا القماش يمشي على ورا وروس المقص على قدام

تحياتي
ابو حمد ســـدير

فهد الهلالي

18/09/2009, 07:53 PM

اخوي سطام الله يمسيك بالخير انشاء الله وصلت شيبانك وهم بخير وعافيه
الله يحفظك ويحفظهم ويطول باعمارهم
رمعه
فيه عودين او خشبتين يدخلن في خشم الحوير حتى مايرضع اذا بغى يرضع ردن على وراء ويعورنه ولا يستطيع الرضاعه بدل الشماله
يعني شغلتهن على وراء
تقبل تحياتي

سطام F15

19/09/2009, 01:08 AM

هلابك يابو حمد ومالك لوى يالغالي

سطام F15

19/09/2009, 01:11 AM

هلابك يالشيخ وابشرك إنهم طيبين وبخير وتسلفت لي جهاز كله على شان ماقاطعكم يالذيابة والرمعة طيبة من وجه طيب لكن ماهم بالاومرا وهالاومرا لهم استخدامات كثيرة كــــ ,, التربيط وغيره

فهد الهلالي

19/09/2009, 01:14 AM

طيب مايكون المفتاح التماتيك للعدة الحبوب او ابو جلنبو
تحياتي

سطام F15

19/09/2009, 01:16 AM

مالك لوى يالشيخ وترى علاقته بالدواب اللي يعتمد عليها البدو سابقا

alkuwaity

19/09/2009, 01:27 AM

مساكم الله بالخير جميعا ....

ممكن ....... المقص او المنقاش ؟

سطام F15

19/09/2009, 01:33 AM

الله يمسيك بالخير يالكويتي ومالك لوى يالحبيب ولاتنسى انهم اومرا اثنين والمقص والمنقاش فرد

وضح النقى

19/09/2009, 03:18 AM

ممكن تكون الوايرات أو الحبال

سطام F15

19/09/2009, 03:28 AM

مالك لوى ياوضح النقى وخلوكم يالربع حول الحبال واستخداماتها ,,,؟؟؟؟؟

وضح النقى

19/09/2009, 03:34 AM

خلينا حول الحبال واستخداماتها

ومن استخداماتها ربطها وسحب الأشياء بها
وبكذا تكون روسها قدام وعملها ورا أو العكس

سطام F15

19/09/2009, 03:42 AM

فهد الهلالي

19/09/2009, 03:49 AM

طيب مايكون ربطه الحبل على العضو اللي فيه لسعه اوقرصه ويسحبونه للخلف حتى يطلع السم مع المكان المجروح
انا ماعرفها بس توقع
تحياتي

وضح النقى

19/09/2009, 03:51 AM

ياوضح النقى منت مجنب عني الليلة أنا حبيت أوضح عشان نفتك من هاللغز الاقشر لكن أنت تدري وأنا أخوك أنت تستاهل وكل الزملاء يستاهلون لكم ذي (كيف يكون للحبلين اللي هم الاومرا رؤس قدام ويمشن وراء ) عزالله ماعاد فيها توضيح ,,,والظاهر إني خالفت القوانين عشانك مير إن كان به مخالفة تراها براسك. تحياتي للكل
عز الله انك ما قصرت يالغالي
وجميع الزملاء يستاهلون
وبالنسبة للمخالفة أرقد ولا تشيل هم ( أهم شيء لا تكون مثل مخالفات المرور ) اللي تزيد :D
وبالنسبة للرمعة
أعتقد ان الحبال مربوطه بين جسمين :D مثلا سيارتين وحده تسحب وحده والسيارتين متعاكستين :D
وروس الحبال جهة السيارة المسحوبة :cool:
هاه قل تم وريح عمرك وتعيد مع شيبانك

وضح النقى

19/09/2009, 03:52 AM

لحظة ما تكون الحبال اللي يشغل بها ماطور البنزين واحد خارجي والثاني داخل البكرة

سطام F15

19/09/2009, 03:56 AM

الشيخ ووضح النقى أنا أشهد إنكم ماقصرتم وبيض الله وجيهكم ومالكم لوى وعزالله إنك يالشيخ خليته يقوم ويطيح لاتبعد عن الخيل وأنا أخوك سمعت ياوضح النقى
(كفو وضح النقى مير الشيخ هو المستلم وإنشاء الله مهو بمعطيني قسيمة ) لاهنتم يالربع

وضح النقى

19/09/2009, 03:58 AM

اللجام صح صح صح صح

فهد الهلالي

19/09/2009, 04:08 AM

اذا ماكان حل اخوي وضح النقى صح رمعه ربطه على العضو المقروص مثل القدم
ويسحبونه شخصين كل شخص مع جهه حتى لايصل السم الى الى القلب ثم يتم جرح المكان للقرصه ويتم استخراج السم مع الجرح
تحياتي

سطام F15

19/09/2009, 04:08 AM

ههههههههه كفو بيض الله وجهك ياوضح النقى صدقت الاومرا هم حبلين اللجام اللي كل راس في حلقة من حلقات اللجام والخيال إن بغى يحرك الحصان والحبل الايمن لأي إتجاه جره ورا قدام لايمكن يروح وكذلك الايسر,,,. مابغى ينحل وأنت يالشيخ ماقصرت وبيض الله وجهك والحل عند وضح النقى وجميع الزملاء اللي حاولوا.. تحياتي للجميع