المساعد الشخصي الرقمي

مشاهدة النسخة كاملة : الفزعه ياهل الشيصان


دخيل العتيبي
14/09/2009, 03:47 AM
الي عنده علم عن الشيصان
عندي شاص 2002 فيه كتمه بعض الاحيان اذاهدية ولا ادري وشهي منه معني جيت راعي ورشه قالي غير البواجي وغيرة البواجي ولقيت فيه بواجي راسين ورحة للوكاله قالوشد البلد راس واحد وغيرة راس واحد ولا راحة وإلا الأن مالقية السبب
الرحال 2003
14/09/2009, 04:47 AM
شد بلد يجي بواجي الشاص راسين انا مغيرهن قبل اسبوع كان به كتمه لاصرت امشي 20 ودست له وانا معشقه2 وراحت :good: ،،،،،
راعي المجهم
14/09/2009, 05:09 AM
أخوي الكريم نحن لدينا شاص بواجيه رأس واحد

وفيه بعضها رأسين بس تخرب عليك المكينة مع الوقت
دخيل العتيبي
14/09/2009, 11:10 PM
يعطيكم العافيه غيرة اليوم راسين من الوكاله النهدي لأن موتري بريمي وقالو موترك بواجيه الأ صليه راسين ولا فيه فايده ورحت لواحد ثاني وقال شف غير اسلاك بواجي وإذا مانفع شيك على الحساسات والبخاخات بس الظاهر ماعندهم سالفه بس يخملون لين يغيرون المكينه كلها والعيد وتوهقت ههههههههه
عطاالله ناصر
15/09/2009, 12:37 AM
رح للوكاله وخذ البواجي اللي مثل اللي فيه الحين بس تأكد انها محروقه ورايح عمرها عشان ماتخسر نفسك بدون فايده
واحد مبسوط
15/09/2009, 03:00 AM
كان عندي شاص 2002 بريمي
وكانت فيه نفس المشكلة
غيرت البواجي ولا زبط
وغيرت اسلاك البواجي وزبط
فشيك على اسلاك البواجي
البواجي راس واحد
الراسين تجي للفي اكس ار
والبخاخات اشتر منظف البخاخات الاصلي وحطه في التانكي وانت ماسك خط
الحساسات لا تجيها الا اذا ولعت لمبه او بعد التشييك عند محل فحص كمبيوتر
انا سبق ولعت عندي لمبة على شكل دينمو في الطبلون ورحت به للوكاله وغيروا واحد من الحساسات وطفت اللمبه
بالتوفيق اخوي
سوبر VTC
15/09/2009, 03:14 AM
تاكد من طرمبه البنزين
اخبر احد الربع موتر عزمه ضعيف
لقى المشكله من لي الدفع حق الطرمبه منشق يهرب بنفس التانكي
تاكد من افياش المكينه حقت الحساسات
اكبسهن مضبوط
اذا فلتر الهواء متلطس نظفه
غالب المشكله انه و العلم عند الله
من الحساس اللي راكب على نفس اللهاة
ان بغيت ورشة ببريده


موفق
أ ب و ع ل ي
15/09/2009, 03:24 AM
شف أخي ركب بواجي وكالة وشيك على أسلاك الواجي والطرمبة البانزين وشيك وإذا مانفع حاول تنظف توانك البانزين وحاول أن ماتنوع من البانزين يعني أخضر أو أحمر

والله يعطيك خيره ويكفيك شره
دخيل العتيبي
22/09/2009, 12:44 AM
يعطيكم العافيه اخواني ماقصرتو بس بروح اغير اسلاك بواجي وعلى الله كلها ب350 وتركيب 50 وعلى الله يصفي لأني والله شاك في الأسلاك
MMمحمدMM
31/10/2009, 01:04 AM
ياجماعه والكلام الاخير
انا عندي نفس المشكله اذا شبكت التانكي الاضافي
علمن ان البواجي الضاهر راس واحد
ولد الصمان1
31/10/2009, 09:39 AM
اخوي نظف فلتر الهواء امكن المشكله منه لنها صارت لي وذا مانفع صف البخاخ وذا مانفع غير صفايت البنزين ووزن اليلكون وبيصلح انشااالله
سوبر VTC
31/10/2009, 05:17 PM
ان كنت حول بريده
ادلك على ورشة
عموما تاكد من الحساسات اللي راكبه على اللهاة
احد الربع معه جيكسار م2002
الموتر يكتم
صارت المشكله من حساس اللهاة او المنظم (تي بي اس)
قيمته ب170ريال
طبعا هالحساس يدور و يتحرك مع دوران اللهاة
كل ما ضغطت على الدعسه
يدور الحساس و يرسل معلومه للكمبيوتر اللي بدوره
يخلي البخاخات تفتح و تبخ البنزين
عادة اذا كان الحساس خربان يعطي معلومه خاطئة للكمبيوتر

احيانا
تكون المشكله من منظم الهواء

تاكد من الافياش اللي راكبه على حساسات اللهاة
اذا كان الفيش سنونه متوسعه
ضيقه بمفك مدبب
و اكبسهن مره اخرى

تاكد من ضغط الطرمبه + الفلتر

موفق
سوبر VTC
31/10/2009, 05:23 PM
يعطيكم العافيه اخواني ماقصرتو بس بروح اغير اسلاك بواجي وعلى الله كلها ب350 وتركيب 50 وعلى الله يصفي لأني والله شاك في الأسلاك


تاكد من حساسات اللهاة
قبل تغيير الاسلاك و البواجي
الافضل
تغير الاسلاك من موتر اخر
و بعدين
عندي لك حل
خل الموتر يشتغل
ثم
افصل اسلاك البواجي بالتسلسل
افصل و اشبك بالدور
اذا طفى البستم و اهتزت المكينه فالامور تمام :good:
اذا ماهتزت المكينه
فهناك خلل و خراب بالبوجي الشمعه خربانه او حرقانه
او
تهريب بسلك البوجي
نقطه اخرى
لو كانت الاسلاك تهرب
ستلاحظ تهريب الكهرب بالظلام :good: (مكان اظلم)

ايضا
افصل افياش البخاخات بالتسلسل
نفس الطريقة السابقة افصل و اشبك
اذا حصل اهتزاز فالامور تمام
اذا ما هتزت المكينه
فهناك انسداد بالبخاخ الخربان


موفق
ابوغزاي
31/10/2009, 05:58 PM
ياجماعه والكلام الاخير
انا عندي نفس المشكله اذا شبكت التانكي الاضافي
علمن ان البواجي الضاهر راس واحد
اخوي محمد غير صفاية البنزين اللي بوسط التانكي اللي يكتم معك 00صارت معي وغيرتها واصبحت السيارة:good:
ابوغزاي
31/10/2009, 06:02 PM
اخوي محمد غير صفاية البنزين اللي بوسط التانكي اللي يكتم معك 00صارت معي وغيرتها واصبحت السيارة:good:
ملاحظة ناس يسمونها صفاية وناس يسمونها طرمبة والاخير هوالصحيح