وين احصل كبس للاستراحه [الأرشيف]

مشاهدة النسخة كاملة : وين احصل كبس للاستراحه

ذgggق

14/09/2009, 07:06 AM

صبحهم /مسهم بالخير

شلونكم يالمكشاتين .. تقبل الله الصيام والقيام ومن العايدين قبل الزحمه :d

مافيه الا سلامتكم طالت اعماركم .. انا ابي اخيم في العيد عند الإبل وتخبرون بيجيون بزارين وخايفن عليهم من الشعيب اللي بجمبنا :d وابي ثلاث كبوس (اللي نورها ابيض زينن ) ;) لأني برفعهن فوق الوايت وابسوي فيها امانة مدينة الرياض واعلق عقود :d

احد يعرف لي مكانهم بالرياض والا عنده كبوس مستخدمه

لاهنتوا

سرهيد

14/09/2009, 07:14 AM

ذgggق

14/09/2009, 07:37 AM

السلام عليكم

اقرب محل بيع مواد كهرباء ستجدها عنده

وفيها منها ايطالي والغالب المنتشر هو صيني حاليا

وتراه يقضي اللزوم

واذا تبي مستخدم اشوف بعض محلات تاجير لوزام الرحلات يعني اللي ياجرون البسط والمراكي عندهم كشافات

اتمنى ان اكون افدتك اخي الكريم

والله يجعله عيد مسره وسرور علينا وعليك آمين

تقبل احترامي

لاهنت اخوي سرهيد.. اللي في المحلات كله مثل ماتفضلت صيني ومش حالك .. انا ابي كبس لي وللزمن

ان مالقينا والا مثل ماتفضلت يالغالي :good:

لاهنت وعسى اعيادكم خير وسعاده

سرهيد

14/09/2009, 07:44 AM

لاهنت اخوي سرهيد.. اللي في المحلات كله مثل ماتفضلت صيني ومش حالك .. انا ابي كبس لي وللزمن

ان مالقينا والا مثل ماتفضلت يالغالي :good:

لاهنت وعسى اعيادكم خير وسعاده

انا اشوف ما دام الدعوى للعيد فاخذ بالاجار

وان كان تبيه ثابت وتبي الاصلي عليك بالملز ادوات الكهرب

اللي يسمونه سابقا طريق الامير عبدالله

فيه محلات كلها ادوات كهرب وبتلقى بغيتك فيه

تقبل احترامي

ذgggق

14/09/2009, 07:54 AM

^

بيض الله وجهك ... ابروح له اجل

لاهنت سرهيد

همس الرعد

14/09/2009, 07:57 AM

اخوي مر محلات الكهرباء اللي بالملز حول الاستاد
خذ منهم الكبوس والسوق ما فيه الا صيني وخذ شمعات المانيه والكبس الواحد بيكلفك حول ال 200
اتمنى اني افدتك

T0SHiBa

14/09/2009, 05:27 PM

يارجال اخذ الصيني

صارله عندي 3 سنين والحمدالله مافيه الي العافيه

ترى استعمالي له مواسم شهر تسعه وشهر اربعه يعني استعمله شهرين بالسنه

ولعلمك يالغالي بالفتره الي اطلع فيهم طايحين وري بالجيب اقنص فيهم وفتر بالبر والحمدالله ماجاهم شي

الي مره ضربتلي مطب قوي وواحد من الكشافات انكسرت شمعته وشريت الشمعه بدينار تقريبا 13 ريال

حموله الكشاف يسحب 400 واط ويعطي 2000 واط

وسعر الكشاف الواحد تقريباً 120 ريال

لان عندنا بالكويت سعره 9 دنانير

صقرحايل

14/09/2009, 05:31 PM

الله يوفقك ويونسكم ان شاء الله لاكن وشتبيبها خلك على جو الطبيعه وخل الاطفال يتعودون
الجو هذا احسلهم انت ابخص واسف على اتدخل
وشكر

ذgggق

15/09/2009, 02:45 AM

لاهنتوا جميعا

الموقع فخور بأمثالكم طالت اعماركم

سسته

15/09/2009, 06:26 AM

رح لم شارع الكهرب بالملز ... كله لمبات وانوار انواع واشكال ... وتبي تلقى الكبس الايطالي لان واحد من الشباب شارية قبل كم يوم ايطالي من شارع الكهرب بالملز.

اذا تبيه اصفه لك

عبدالله ابو

15/09/2009, 02:47 PM

السلام عليكم

ولن اضيف عن الاخوان بشي

وافضل لك ان تروح شارع الكهرب بالبطحا في الرياض وتشتري كبس (كشاف جرم فقط بدون لمبه)

وقيمه 75 ريال ( صيني نوع راجو 2)

وبعدها تسئل عن وكيل شمعه ( اوسرام الاصلي ) في نفس الشارع واعتقد اسم الوكيل سعود الطمره اذا ماخانتني الذاكره

وقيمه الشمعه 45 ريال اصلي بضمان سنتين بشرط الفاتوره معاك

عبدالمجيد2009

15/09/2009, 03:10 PM

أخي الكريم

السلام عليكم ورحمة الله وبركاته

بالنسبة للكشافات فأنصحك إذا كنت ستضعها فوايت الماء

أن لاتشتري الكشافات القوية بسبب أنها تحتاج إرتفاع عالي

وأنت لاتملك هذا الإرتفاع

وعند وضعك للكشاف فوق الوايت سيكون تركيز الضوء على منطقة

محددة وصغيرة جداً ولن يكون هناك إنتشار كبير

وأراى أنك تقوم بتفصيل قواعد على أطراف الوايت وتكون فيها أعمدة

تستطيع التحكم بإرتفاعها على أن لايقل إرتفاعها عن 8 أمتار

فسوف تحقق الفائدة المرجوة

أتمنى لكم فرحة دائمة
وأعياداً سعيدة

محبكمــ

عبدالمجيد(أبوعبدالله)