المساعد الشخصي الرقمي

مشاهدة النسخة كاملة : ايش رأيكم في فك بلف حرارة الفووورد


ولد الجنوب
14/09/2009, 02:12 PM
اعاني من ارتفاع في درجة حرارة فورد موديل 96 عداد الكتروني عند تشغيل المكيف وعند السير لمسافة طويله تزيد عن النصف وممكن لو ماانزل السرعه او اتوقف تزداد الحراره مع العلم ان الرديتر مسيخ ومنظف المنيوم وكاله
علما ان البلف مركب على السياره انا اشيله والا ........ مااشيله

والا ممكن اركب بلف ددسن وهل بتقل الحراره ولا يحصل هنالك تأثير على المكينه

وشكراً لكم
واحد مبسوط
14/09/2009, 02:29 PM
الحرارة لها عدة اسباب خذها حبه حبه
الاديتر لا زم يتغير اصلي من الحاج حسين او التوكيلات التسييخ ما ينفع
البلف اياك تفكه واذا فكيته حط اصلي
الثلاجه شيك عليها
التماتيك حق المروحة
دبات الرصاص اللي في الشكمان
اذا شيكت على كل هذه الامور ولا زالت الحرارة موجودة مابقى عندك الا توديها لميكانيكي ممتاز يشيك على الراس حق المكينة وتقبل مروري
escape_man
14/09/2009, 02:33 PM
اذا كان وضع موترك طبيعي وماينقص ماء فلاتشيل البلف

لان شيلته تاثر على راس المكينة

دور رديتر المنيوم ممكن يركب على موترك وانس الحرارة

ان لقيت اردني فتراه جيد ورخيص
ر1زي
14/09/2009, 09:01 PM
السلام عليكم

اخوي بنسبه للحراره اذا كان الاديتر مافيه شي ومراوح التبريد تمام

ابيك تشيك على شغله لانها صارت معي هي الخرطوش الي يطلع من الاديتر الى المكينة

اذا كان الموتر حار احتمال الخرطوش ينضغط من الحراره وحلها يا اما انك تغير خرطوش اصلي

او انت تجيب سبرنق (ياي) على حجم الخرطوش وتحطه داخل الخرطوش وهطريقه انا سويتها

واختفت الحراره مع العلم ان الموتر الي كان معي امريكي يعني الي رديتره صغير والبلف ما فكيته وضبط الحال

واتنمى انه يكون هذا الحل وتفتك من الشراء
دخيل العتيبي
14/09/2009, 11:22 PM
عندي فورد ماركيز امريكي 98من اول ماشريت فاك البلف وربي ساتر بس إذاجاء الشتاء وانا ماسك خط اطق الحراره صفر وهذا خطر بعدين صرت في الشتاء احط قصدير اذاسافرت على الشبك بس في الصيف اوكيه
عطاالله ناصر
15/09/2009, 12:35 AM
اذا الموتر طبيعي ماترتفع حرارته ومع البلف او بدونه بتصير نصف مهما كانت الظروف

لكن الموتر فيه مشكله هي اللي تخليه يرتفع حرارته ويمكن انها الثلاجه لانها كثيره المشاكل بالفورد

ونصيحه لاتشيل البلف ترا هم ماحطوه الا عشان يحمي السياره ولو تلاحظ كل السيارات تجي ببلف من الوكاله واذا شلته يطيح الضمان على طول معناتها نهم مهم..



والله يعينك
سوبر VTC
15/09/2009, 03:22 AM
البلف مهم جدا يضبط حرارة المكينه
يمنع دخول الماء الحار على البارد
و في نفس الوقت المروحه تبرد الاديتر :good:
اخبر الجمس م94 على وقته وكاله على طول يركبون له بلف كابرس60
تكون الحرارة على الثلث :good:
لان ترى احتمال ان موترك يصرف بنزين على اعتبار ان حرارة المحرك 85
و بالتالي البخاخات تكب بنزين حتى يحتمي الموتر على حرارة 100
و بالتالي يقل بخ البنزين و تقل الصرفيه
جرب

هذا رابط لجمس م94 يحتمي
حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟ (http://www.mekshat.com/vb/showthread.php?t=161939) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=161939) 2 (http://www.mekshat.com/vb/showthread.php?t=161939&page=2) 3 (http://www.mekshat.com/vb/showthread.php?t=161939&page=3) 4 (http://www.mekshat.com/vb/showthread.php?t=161939&page=4))

هذا رابط لجميع الاعطال


هل تعاني من ارتفاع حرارة سيارتك،، هنا تجد الحل بإذن الله.. فني الشروكيات. (http://www.mekshat.com/vb/showthread.php?t=146840) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=146840) 2 (http://www.mekshat.com/vb/showthread.php?t=146840&page=2) 3 (http://www.mekshat.com/vb/showthread.php?t=146840&page=3) 4 (http://www.mekshat.com/vb/showthread.php?t=146840&page=4))
جرب هذه الطريقة
شغل المكيف و الموتر واقف
اذا احتمى الموتر دس بنزين على اعتبار ان موترك مروحه سير
خل البنص او الكمبريشن على 1.5 لمده دقيقة
اذا نزلت الحرارة فالمشكله من البلف خربان فتحه ثقيل و لا يدور الماء بالسرعه الكافيه او من طرمبه الماء مبوشه
اخبر موتر قام راعيه و سيخ الاديتر و غير الغطاء و غير انبير الحرارة :no:
و صارت المشكله من بلف الحرارة ب20 ريال

فائده
موتر يحتمي و الحرارة توصل النص باثفندر
لقى المشكله ان احد مرواح الكهرب تدفع عكس المروحه الثانيه
بمعنى واحده تسحب و الاخر تدفع
قام و قلب الفيش
و زانت الحرارة




موفق
ولد الجنوب
15/09/2009, 10:34 AM
الله يبيض وجيكم ويرحم والديكم على هالمعلومات وانا بأبدا فيها وحده وحده حتى نشوف اخرتها وشكراً لكم