فزعتكم يالربع أنا مليت <<<<((خلاص فيه حل او مع الوادي))

[أبوضيف الله]

السلام عليكم ورحمة الله وبركاته


حياكم الله
اخواني المشكلة معروووفة في الاندكروزر وهي (طقة القير)
وآه من طقة القير طبعا اتوماتيك
كنت اعاني من المشكلة من يوم ماطلعت السيارة من الوكالة

لاندكروزر 2006

احيانا يكتم ولا يغير على طووول ومن ثم يطق طقة والله تدمي القلب واحيانا اذا كتمت عليه تطلع صوت لطقة
قالوا لي تشحيم وشحمنا وقالو فلتر وغيرنا
مع العلم ان الصوووت كنت اعاني منه من يوم ماكان ماشي 5000 كلم ودخلته الوكاله وبعد فترة رجع الصوت ومازلنا على هذه الحال :( :( :(
حتى وصل الممشى ولله الحمد 210000كلم
والان طفح الكيل وخلاص ووجبت البيعة او التزيين
اقووول تدروون خلاص الظاهر اننا هونا على التزييين الي يعرف ورشة يرشدنا لها
وله مني دعوة في ظهر الغيب.........
والي له نظر بالموووتر ويبي يشتريه انا ببيعه
المواصفات
gx.r
6سلندر قير اتوماتيك
ثلاجة+مكيفيين+النور العالي زنون وكالة+واللون اللؤلؤي....


آسف والله على الاطاله لكن هذي معاناة اخوكم .........
دمتم بالمحبة.......

[toyota2008]

اخوي شيك على صلبان العمود وعمود الدبل ترا الطقه اغلب الاوقات منها وبالنسبه للكتمه شيك على حساسات القير

والله اعلم وباقي الاعضاء بهم خير ان شاء الله يفيدونك

[ابو امنه]

اخوي طقة القير هاذي عادية انت اذا بغيت تبدل نمره ادعس البريك مظبوط لانها تصير معي دائما وقالو عادية
والله يرزقك البيعة الطيبة
موفق خير يالغالي

[مهاجر161]

الله يرزقك البيعة الطيبة .. وبالنسبة للكتمة .. احتمال البواجي واسلاك البواجي غير اصلي .. او فيها عيب مصنعي .. ويفيدونك الاخوان اكثر .. تقبل مروري ..

[التعـ King ـديل]

هذا عيب التويوتا القير التماتيك ابو اربع نمر .. ارجع للوكاله وقلهم القصه من طقطق للسلام عليكم

[بدوي جنوبي]

لا تضيق صدرك وهذا يعتبر عيب مصنع
اجل ويش تقول علة الجموس فيها طقه في القير
اذا انتقل من سرعه لسرعه من موديلات ال90حتى وصلت الطقه لموديلات 2007 او 2008

اعتقد ان هذا الخراب لا يمنع الاحتفاظ بسيارتك
وصحيح ان الطقه تطفش وتقهر ،، وامكن انت من النوع الللى ما يحب يسمع اى صوت
بالسياره لازم يصلح ،،
ولا تنسي ان السياره دفع رباعى ومزود بدبل
وهذا يعنى ان الاعمده والفلنجات والصليبات اكثرمن السيارات الاخرى
فمن الطبيعي يحصل مثل هذا الخلل

عسى هذا الرد يغنيك عن بيع السياره
بالتوفيق عزيزي

[جيب الربع]

اخى الكريم السلام عليكم ورحمة الله وبركاته احسن حل انك تلغى الدفع الرباعى تخليه دفع خلفى وانا مجرب ذلك .

[حمد الأحمد]

اخى الكريم السلام عليكم ورحمة الله وبركاته احسن حل انك تلغى الدفع الرباعى تخليه دفع خلفى وانا مجرب ذلك .



مثل ما قال أخونا الربع

أعرف واحد قير تماتيك خليجي مثل موترك عنده الطقه وفك الشركة وراح الصوت
مع أنه فحصه عند اليرموك والعضيب يقولون عندك عكوس الأمامية فيها فظاوة وبعد ما فك الشركة راح الصوت والعكوس تمام

وكذالك واحد من الشباب GX2007 الدبل الخفيف زر وكان مشروك وبعد ما فك الشركة راح الصوت

عموما إذا كنت تبي تتأكد هو من الشركة أولا شغل الدبل الخفيف وأمش إذا راح الصوت فهو من الشركة وإذا كان موجود فهو من أمر آخرالله أعلم
بس تراك تبي تحس بالفرق بعد ما تفكه من ناحيه الرساوه

[ابوالوليد2222]

هل الصوت يكون اكثر عندما تكون السيارة ساخنة ام باردة .
وهل جربت سياقة جيب حول موديله وقا رنت الفرق بينهما .
حدد السرعة التي تحصل عندها المشكلة .

[3bdelm7sn]

وعليكم السلام ورحمة الله وبركاته
اخووي ما علييك بس عندنا vxr 2005 ماشي حول 290000 والطقة هذي فيه وقوية بالحيل
طنشها وما عليك بس اظاهر انها من كبر الصليبات توقع لا غير

[بن سليمان]

عادي الوضع عندك يا بو ضيف الله الطقه في قيور التويوتا التوماتيك عاديه حتى الجيب الجديد فيه طقه لكن الوكاله تقول الطقه بالعمود بالنسبه للجديد وهو عيب مصنعي ويصلح على الضمان عن طريق التشحيم لكن الصوت ما يروح يخف
لي زميل معه مثل موترك لكن 2005 ولو تسمع طقه القير كان ما تركب معه واشرط لك شرط ان تقول بسم الله الرحمن الرحيم وش جانا :p
وغريبه موتر قيمته 150 الف فيه الطقه الله يعوضك خير

[مشهور001]

والله يا اخوان انا بعد عندي طقه في القير تقول تفويته انا قير عادي واذا سارقت رجلي على الكلتش ما اسمعها مدري وش السبب

[waledsaleh]

السلام عليكم اذا من سكان الرياض ارسل رقمك على الايميل وابشر بسعدك waledsaleh@hotmail.com

[القناص4800]

اقول مالك الا انك تحرق به بس

[راكب جمس]

الله يعينك

[التل الصامت]

الله يرزقك بواحد صامل وجاد في السيارة والله يعينك على هذه المشكلة

[موسم النزل]

لاتشيل هم يارجال, انا معي Gx 2007 وانا اللي فاكة على يدي, وصوت الطقة يجي بعض الاحيان.
نصيحة : التشحيم من ثلاث مواقع في العمود :
1-من عند الدبل
2- من نص العمود
3-من عند الدفرنس ( الصليب) .

[ونش]

كان عندي طقه اثناء التعشيق في البدايه وبعدين تروح اذا سخن الموتر صلحته عاى الضمان قالوا من الحساسات

[راعي السبلا]

انا اتوقع والله اعلم لو تشيك على عمود الكاردن

لان واحد من الشباب حاصلة وياه وموتره لاندكروزر 2009

وشكرا

[الكونترولCONTROL]

غريبة ؟؟؟ الـ gx-r ـ 6 سليندر و الطقة المعروفة و الفراغات
تكون في الـ vx-r و الله يعينك ... مثل هذه المشاكل
يمكن عرضها على ميزان اليرموك أو العضيب
قبل العيد كان عندي فضاوات كثيرة مقلقة ... غيرت العكوس جديدة
و غيرت فلتر القير ( ماشي 300,000 ما غيرته )
و عملت تربيط و شد كامل للموتر من تحت بميزان اليرموك
خفت المشاكل بنسبة كبيرة و لله الحمد ... حتى كنت أشك
أن الدبل أو القير فيه مشكلة و لكن تبين بعد شغل الميزان ان
القيور كلها و الدفرنسات سليمة 100 %

[سوبر VTC]

و عليكم السلام و رحمة الله
اذا كان الموتر يكتم
فتاكد من حساس اللهاة
تي بي اس له دخل بنمر القير قيمته ب170ريال تقريبا
الافضل
مر على ورشة البريدي رجال فاهم
ورشته شرق معارض النسيم على شارع عبدالرحمن بن عوف

لك رسالة على الخاص

موفق

[turke2545]

كان معي vxr فيه نفس الطقه كل شي سويته صليبات
وكراسي لانه خلل فني فضاوه في الدشالي حق الدبل
واخيرا لقيت الحل الحل هو فصلت الدفع الرباعي
يعني ركبت دبل gxr موديل 2001 لازم 2001 لانه الدبل
الخفيف كهرباء وصار زي الحلاوة وخف الموتر وقلت صرفيت البنزين
ارجوا وصلت المعلومه

[الادعج]

ترا الوضع عااااادي ياخوي ..اخبر موتر الوالد في اكس ار 2006 اذا حطيت القير بالــdوالله احس ان ان واحد صدمن مع ورا ...ونفس الكلام في اكس ار 2001 حق الخال ..مير تعوذ من ابليس واخز الشيطان وخلك على موترك لكن شكلك مثلي ..منب اداني الحس بالموتر انقهر قهر لسمعت صوت غريب