المساعد الشخصي الرقمي

مشاهدة النسخة كاملة : عندي مشكليتن في جمس2006 سوبر... ممكن مساعدة لاحرمتم الأجر.


المحب للخير
15/09/2009, 01:10 PM
السلام عليكم ورحمة الله وبركاته...


أشكر كل من تفاعل في موضوعي الأول ودلوني على حل المشكلة.


أقول أيها الأخوة الكرام عندي مشكلتين في سيارتي.


جمس سوبر2006 .


الأولى: عندي القفل حق الباب الخلفي للسيارة ( الشنطة) في الجمس تعطل يعني إذا قفلت السيارة بالريموت يبقى مفتوح ، وإذا تم فتحه والسيارة مقفل يشتغل الإنذار حق السيارة.


فهل يحتاج القفل الخلفي تغيير أو تصليح وأين تكرما لأني في مدينة الرياض.



الثانية: عند سفري لأي منطقة صوت الهواء من جهة الراكب يفقع مرارتي بقوته ، فهل من حل لهذه المشكلة. بارك الله فيكم.
saad.saud
15/09/2009, 07:38 PM
السلام عليكم
بالنسبة للقفل الخلفي الخلفي (لاتغيره ) تراه غالي تقريبا 800 ريال , ولكن رح لورشة (دوحة السيارات ) بصناعية النسيم ووصفها ( تجي مع شارع المية مشرق وتفرق يمين مع شارع قطع الغيار ووجهك يم مسلخ الغنم بعد 500 م يجيك مسجد على اليسار الورشة مقابلة ) عندهم كهربائي يفك الباب الخلفي ويصلح القفل بـ 85 ريال
بالنسبة للصوت فهو غريب ويمكن الشباب يفيدونك
المحب للخير
15/09/2009, 09:11 PM
جزاك الله خي وبارك الله فيك سأذهب إليه إن شاء الله..

لكن ياليت توصف لي من عندي الدائري أو من مخرج15 حتى أعرف زين.
هاوي غماره
15/09/2009, 09:27 PM
ودي افيدك لكن مااعرف بالامور ذي :d
Magellan
15/09/2009, 09:43 PM
جزاك الله خي وبارك الله فيك سأذهب إليه إن شاء الله..

لكن ياليت توصف لي من عندي الدائري أو من مخرج15 حتى أعرف زين.

بس حبيت أفيدك بأن شارع 100 هو نفسه شارع مخرج 15
وهو تتوجه شرق مع الدائري الشرقي بإتجاه النسيم وتتعدى 5 إشارات وتمسك الخدمة الين يجيك الشارع اللي يودي سوق الغنم والمسلخ قبل خشم العان بكيلوين
تخش معه يمين وجهك جنوب مثل ماوصفلك الرجال اللي فوق
المحب للخير
16/09/2009, 01:25 AM
جزاك الله خير ماقصرتوا.. وشكرا للأخ ماجلان.. الوصف الآن واضح .
سوبر VTC
16/09/2009, 02:30 PM
و عليكم السلام و رحمة الله

حتى الجمس اليوكون و غيره م2007 به صوت على سرعه 130 او 140
يوجد بالزينات سفنج خفيف لفة دائريه ب15 او 10ريال
تحطه على البدي اللي مقابل لربل الباب
وان شاء الله يروح الصوت
طبعا يوجد بالسوق سفنج ثقيل عضل يابس
هذا لا تقربه :no2:
السفنج الخفيف حطيته لشفر غمارة و نص
و خف الصوت :good:
طبعا تقدر تحط اسفنج فوق اسفنج
موفق