الطيور المزيونه فعولها طيبه غالباً .......صقار الأسياح [الأرشيف]

صقار الأسياح

15/09/2009, 05:22 PM

السلام عليكم ورحمة الله وبركاته :-
عندي موضوع غاب عن الكثير وهو ان الطير المزيزن واللي نظرته زينه ووسرته زينه يجي بالغالب فعوله زينه وش السبب البارح صار عندنا نقاش بجلسه وكثر الكلام نبي رايكم ....
اخوكم / صقار الأسياح

راعي فزاع

15/09/2009, 05:34 PM

للأسف اخوي انا اختلف معك
الا وهي ماهو كل طير مزيون والوسره حلوه يكون فاعل
الطيور كلها تفعل ولكن على حسب صقارتها
واللي ماتفعل يما مرض والا من ردى صقارها
وحط في بالك ماكر الطير وسنه
يعني فيه اسباب تجعل الطير يفعل وما يفعل
تقبل مروري وتعليقي
مع كامل احترامي وتقديري
اخوك
ابو عبدالله

صقار الأسياح

15/09/2009, 05:41 PM

للأسف اخوي انا اختلف معك

الا وهي ماهو كل طير مزيون والوسره حلوه يكون فاعل
الطيور كلها تفعل ولكن على حسب صقارتها
واللي ماتفعل يما مرض والا من ردى صقارها
وحط في بالك ماكر الطير وسنه
يعني فيه اسباب تجعل الطير يفعل وما يفعل
تقبل مروري وتعليقي
مع كامل احترامي وتقديري
اخوك

ابو عبدالله

هذا اللي انا ابي ابي اختلا فات بالراي ونشوف اراء الشباب

@قرناص@

15/09/2009, 05:50 PM

الطيب مايجيب الا الطيب ،،

واهم شيئ شكل الطير ومواصفاته الطيبه ،، والبـآقي بيد الصقار بعد الله طبعا ..

ولاهنت على الموضوع ياصقار الاسياح وننتظر الصقاقير منهم آكبر منـا ،،

alajmi110

15/09/2009, 06:16 PM

يا ما من طير ما ودك تشوفه قدامك لكن فعله يشيب الراس

00000000000000000000000000000000000000

البارح كنت اتكلم انا واحد من الربع عن طير مر علينا ( من وين ما جيته شين ) لكن اخلف الظن قاااااطع قاطع قاطع عمره ما نثنى من دون صيده.. ما مر علي طير في سبقه .. الى هدوه على الدعو من بعيد يرهب الي يدعيه
صاد الحبارى والكروان ودجاج الحبش والصلال والبط واللوهى طير البحر ابو رقبه طويله
وهو لونه اخضر وله ساق الله لا يرويك ( كنه شايب طالع من دورة المياه ورافعً ثيابه ) ههههههههههههه

وان جتمعت زين وفعل يا سلام سلم

فارس طيء

15/09/2009, 06:26 PM

لان اغلب الطيور الزينه غاليه وما يقدرها الا واحد متمكم من الهوايه ووصل لمرحله ما يهمه القرش دامه الطير الي بالخاطر او شيخ عنده صقاقير درجه اولى وللمعلوميه الطيور الملونه غالبا تجي نزره وما يقدرها الا صقار مسكت

زبدة الموضوع لو الملونات بمتناول الجميع كان شفت السوق مليان من الخايب منها والله اعلم

تحياتي

مغاليس

15/09/2009, 07:02 PM

اخوى صقار الاسياح:

الطيور المزيونه يتعبون عليها اهلها لانها غاليه بالسعر ولا يذخرون عليها شى بالرعايه والتعليم ! لين تفعل يعنى !!:

فيه طيور تصقر اهلها وطيور اهلها يصقرونها عموما انا اقول والعلم لله :

الطيور بشكل عام اذا الجناح سليم ولا فيها امراض واصيله :
75 % صقاره و35 % على الطير وان حصل مثايل سبق يا سلام سلم
والطير يصيد لنفسه مهوو للصقار ومن وجهة نظرى ان اهم شى بالصقار هو معرفة نفسية الطير اللى على كفه عشان يعرف يطلع اللى فيه وسلامتكم

والاختلاف بالراى لايفسد للود قضيه :

اخوووكم: مغاليس

أبو رداد

15/09/2009, 07:06 PM

(الطيور المزيونه فعولها طيبه غالباً)
عباره دقيقه ... سلمت ايدك يصقار الاسياح
غالباً وليس دائماً
والسر في الماكر والله أعلم

ربع خالي

15/09/2009, 07:11 PM

والله ياخوي انك عجيب تطلع بأسأله سهله ممتنعه ,,
شف وأنا أخوك سبب فعل المزيون , فهذا علمه عند الله , ولكن في اعتقادي ان الطير المكتمل في التقاطيع من عضم وثنادي وجناح , تكون عنده الجساره اكثر من الطير العادي الصغير , مع ان فيه طيور صغيره في الجرم وشينه بالشكل و فعولها طيبه ولكن قله منها ,, بعكس الطير الوافي تكون أغلبها فعولها زينه وفي السبق الطيبه,,,,
تقبل مروري
تحياتي

عاشق القرناس9

15/09/2009, 07:16 PM

سلام عليكم ورحمة الله وبركاته
الطور اجناس مثال الرجاجيل فيه اطيب والردي
وفيه الطيور ماودك الشوفته وفعل الله العلم
وفيه الطيور ماودك ماتشوفه وفعله يهوال

مشبر البران

15/09/2009, 09:00 PM

ننتظر باقي الأخوان

//لطام//

15/09/2009, 09:24 PM

الطيور مثل الريجيل بعضها كبر وزين والفعل مامن فعل وبعضها ما ودك تنقله قرموشه وفعله يهول القلب وليا بغيت تعرف شف وجيه الطيور والريجيل

ولد ادار

15/09/2009, 09:58 PM

الله يرزك إنشأالله

جـرح الشمـال

15/09/2009, 11:32 PM

والله الطير المزيون مو دليل انه فاعل بالعكس تلقى فيه طيور شكلها مثل الغراب ههههه ويفعل فعل طيب
وفيه طيور مزيونه لكن ماتفعل لكن ودك الطير الزين اللي مايفعل تحطه عندك منظر بمجلسك هههههههههه
وطبعا الصقار دائم يحاول يقني الطير الفاعل والمزيون
والله يرزق الجميع بالنادر
تحياتي

صلهام sby3

16/09/2009, 01:29 AM

الطيب من عنوانه
تقبل مروري

@السيف@

16/09/2009, 02:17 AM

ماقصرو القروم الفعل يبين والزين غالي

الجراح11

16/09/2009, 08:14 AM

السلام عليكم ورحمة الله
والله يالربع كان واحد من الربع معه طير مخرج من احد الشيوخ . زين اوسره وجرم (يهول القلب) لكن تصدقون حتى من الكروان يهاب والحمام يالله يالله جزم عليه ؟؟؟ ولاهوب حريص ........ طير كشخه بس؟
****** الطير قلب وسبق **** ما على الزين مقياس بالفعل****

صقار الأسياح

16/09/2009, 09:32 AM

يامرحبا بالجميع ودي ارد على كل واحد على حده لا كن واجد والكتابه ما من سرعه على العموم بيض الله وجيهكم وننتضر المزيد والأراء النيره

ابو امنه

16/09/2009, 12:17 PM

الله يحزاك خير على الموضوع وماقصروا التشامى كفوو ووفو
موفق خير يالغالي

عـــرادي

16/09/2009, 03:13 PM

هلااااا وغلااااا بالجميع
اتوقع اللون لا يدل على الفعل ابد
والطيور الملونه دائما تفعل لأنها طيور نادره ولا يقنيها الا الصقاقير
المتقدمين وذوي الخبربالصقاره ، يعني مهو معقوله واحد مبتدى بالصقاره
يصقر طير ملون بمبلغ ؟؟؟؟؟ الف

والصقاقير الأولين يقولون عن الطيور
الأسود يسودهن
الأحمر صيودهن
الأبيض شرودهن

والتوقع غريزه الطير هي التي لها الدور الكبير في فعله لأن فيه طيور
تصيد فصيله بدون تعليم وفيه طيور وحوش ما تصيد وتعلف إلا على الحباري
وفيه طيور وحوش ما تصيد الا الجراد.

وتقبلوا خالص تحياتي ،،،،

أخوكم / عرادي

راعي شواهين

17/09/2009, 01:45 AM

سلااااااام عليكم :
اول شي الطيور ماهي سوا
ثانيا الصقاقير ماهم سوا, كم طير تغلس من الصيد وليش ؟
وكم طير صاد وهو كان مايصيد يعني متغلس ليه ؟
اولا: اللي تغلس من صقاره الله بلاه بصقار غشيم .
ثانيا: اللي صاد وهو كان متغلس ليه جاه صقار ماهوب صقاره لول
بعدين الصقار الجيد ماهوب ماخذ طير حيالله له نظره ........
والراي للجميع والسموحه على الاطاله ..

هاوي gxr

17/09/2009, 11:34 PM

لا مو على زين الطير على قوة الجسد
تقبل مروري

aljubail

18/09/2009, 08:45 AM

والله ياخوي الصقر من صقاره
لو انه وكري من صقاره

والي يقول يعتمد على ماكر الطير

ابيه يجاوبني بالجيره التفريخ اكثرها يفعل فعل الوحش وازين ووين ماكره ماكره بالعشه.....