هل انت كييف قهوه ؟؟؟ اقلط الله يحييك.!!!

[بركان]

الكيف الذي اعنيه هو كيف( القهوه )
ما هو نوع قهوتك المفضله؟؟؟
وهل تفضل حمسها( تحميصها بالشامي) خفيف او متوسط او داكن قريب للسواد. وما ذا تضيف عليها !!!؟؟

انا شخصيا افضلها قهوة خولانية مطرية يعني ترتوي شجرتها من المطر وافضلها لون بني داكن خالي من السواد او الاحتراق. اضيف اليها قليلا من الهيل المدقوق وليس المطحون وقدرا مناسبا من العويدي ( المسمار).

انتم ايها الرجال ما ذا تفضلونها؟؟؟
فمنكم نستفيد !!!!
دعونا نتحاور وكل في يده فنجال .!!!

[al-nashmi]

الأصل كُتب بواسطة بركان
الكيف الذي اعنيه هو كيف( القهوه )
ما هو نوع قهوتك المفضله؟؟؟
وهل تفضل حمسها( تحميصها بالشامي) خفيف او متوسط او داكن قريب للسواد. وما ذا تضيف عليها !!!؟؟

انا شخصيا افضلها قهوة خولانية مطرية يعني ترتوي شجرتها من المطر وافضلها لون بني داكن خالي من السواد او الاحتراق. اضيف اليها قليلا من الهيل المدقوق وليس المطحون وقدرا مناسبا من العويدي ( المسمار).

انتم ايها الرجال ما ذا تفضلونها؟؟؟
فمنكم نستفيد !!!!
دعونا نتحاور وكل في يده فنجال .!!!


اخونا بركان كيف الله مزاجك على طوووووووول....

قهوتك هي قهوتي ... بالضبط .... بس كثر الهيل وما جاك عندي ( الهيل المدقوق وليس المطحون ):good: :good: وخلك على هالوزنه ولا تسمع كلام الناس.....

والله انك هيضتني لفنجال قهوه شكلي ابا ابطلع من الدوام وروح د. كيف او دنكن دونات اخذلي كوب مقاس كبيييييرر


شكرا يابركان القهاوي:D

[بركان]

هلا والله باخوي الغالي النشمي

اعن له عنت هل الكيف للهيل....
بالنسبة للهيل فكثرته تسبب لي حرقان في المعده.
لذلك فانا لا اكثر منه.
اما بعض الناس ماشاء الله معدهم مصفحه يسفونه سف.!!
تحياتي لك.

[العنكبوت]

السلام عليكم

على قوله اخوي النشمي قهوتي مثل قهوتك بس انا احرص انها تطحن خشنه

او تدق بالنجر لاجل يجي لونه بالفنجال رايق موب معجعج ,, والا فاحت ابعدته

عن الضو لجل تغلي خفيف واطول عليها ,, والقرنفل احط حبه حبتين بالكثير

والهيل على قولك يدق

تحياتي

[الروضة]

السلام عليكم ورحمة الله وبركاته
أنا صراحة كرهت القهوة بسبب ( الحرقان ) في المعدة وتركت الهيل بأعتقاد انه هو السبب ولافيه فايدة
ولكن اتضح أن السبب للحرقان هو تمر السكري يوم تركته صرت أتفنن في القهوة وأعوض الهيل اللي ضاع علي بصراحة القهوة بدون هيل ماتنعنش
نصيحة السكري يسبب الحرقان
يمكن ماتصدقون أن السكري يسبب الحرقان لبعض الأشخاص لإن ربعي يضحكون علي إذا قلت ماابي سكري لأنه يسبب الحرقان !
أما طريقة القهوة
يفضل تحمسها ثم بالنجر ثم اتركها على جال النار تغلي وكل ماطال الغلي يكون افضل ثم بهرها بالهيل فقط بهذه الطريقة تحصل النكهة . هذا إذا كنت في البر
وكثير من الناس يحمس القهوة ويتركها في الثلاجة ويطحن منها على قدر حاجته وهذا يفقدها النكهة الطبيعية
والسلام

[الدندون]

حي هل الكيف والدله 00 :)


القهوة زينه دايم 00 بس فيه وقتين لامنك سويتها وشربتها مالها ثمن 00 :)


الاوله اذا انت عمسان ولا صاكك راسك امّـا جاي من طرقه ولا مضحـّي 00

والثانيه وقت العصير اذا تليّم السحاب وشميت ريح المطر 00


ونا افضّل الخولانيه حمستها خفيفه ( شعلا ) والهيل مجروش ومعها عويدي موزون :)


وكل ما كانت الدله ( طبعا مافي مثل رسلان الاصليه بالنسبه لي ) صغيرة والطبخه قليله انحكرت القهوة وزاد كيفها ولا تضربك الا في اقصاء راسك :) :)


طبعاً قدوعها تمر خلاص الحساء ومصبوب عليه شوي سمن بري ;)



في المقناص دايم اذا لقمّت القهوة في الغوري احط قيس ملعقه صغيرة شوي زنجبيل تطبخ مع القهوة يجي لها كيف ثاني :good:


هيضتنا ياهاب الريح 00 :cool:

[أبو فراس]

السلام عليكم ورحمة الله وبركاته

كلامكم كله صحيح ولكن اللي يبي تصير قهوته ثقيله وصحية (يعني تشيل اخطار البن ) يستعمل مع الدلة مقدار ملعقة اكل من كوفي ميت ( coffee mate ) يعني مبيض القهوة الامريكية وراح تصير قهوتكم غليضة وعلى الراس على طول وبدون اخطار قلبية او باطنية او حرقان

[خشم الحصان]

الاخ الحبيب
بركان
السلام عليكم
مشكور ياخيي علي هالموضوع الله يغفرلك ويرفع من قدرك امين ودي اني ازد علي كلامك اذا سمحت
القهوه اليمنيه متعدده ومن اشهرها المطري و السقياء
ماهي المطري وكيف تعرفها ومتا تشتريها
وماهي السقيا وكيف تعرفها
1-المطري هي مانبت علي المطر ولم يتم سقيها بالماء و لم يوضع عليها كيماوي ولكن يوضع عليها (السماد)كرمكم الله
وهي حبتها صغيره و متكسره ولونها يميل الي الاخضر التفاحي وليس بها لمعه وسبب تكسرها عند اخراج الحب من القشر يتم تكسيره باليد لهذا نجد ان اكثر القهوه المطريه متكسره وهذا ليس عيب فيها
ومن اشهر الامكن التي يجلب منها القهوه جبال رازح جبال باني ضبيآ جبال ال ام شيخ
متي نشتري القهوه عند شراء القهوه يجب الا تشتريها بعد القطف بمده وذالك لئن حبة القهوه تكون رويانه
من الماء فتزيد من الوزن اي انك اذا شريت خمس كيلو اليوم بعد 3 اشهر تجده اصبح خمس كيلو الا شوي وذالك بسب
تبخر الماء من القهوه
اذا كيف تعرف انها جديده او قديمه انضر الي القهوه جيدآ ستجد ان القديمه قد تمزق الغلاف الشفافا او به تشقق الذي يوجد علي حبة القهوه فهذا يدل علي ان القهوه قديمه وشتر منها
اما اذا رايت انها خضراء ولونها قوي فهي جديده
ولا تحتلج الي حمس قوي او نار قويه لئنها سوف تحترق علي طول وذالك لقلت الماء اساسآ فيها حيث انها زرعة علي المطر
2-السقيا
وهو مازرع علي السقي بالماء ويستعملون الكيماوي عليه لسرعة نضوجه لكي يجلب الي السوق
وحبته كبيره خضراء مره ويقل فيها المكسر وذالك لئنه يتم تقشيرها في المصنع وتاتي في المرتبه الثانيه
وهذي اذا شريت منها كميه سوف تجد ان الوزن نقص الكثير منها السبه الماء وذالك في فتره قصيره جدآ
وتحتاج الي حمس جيد
3-القشر
وهو غلاف حبة القهوه وهومثل القهوه في النكهه تقريبآ بس يكيف الراس بل الحيل
قشر الحبه المطري يجي صغير وقاسي اما السقيا يجي سبير وهش سنه قشر سيسبان
عموم مشكور ياخوي راعي الكيف ((بركان)) والله يغفرلك ويجزاك عنا كل خير
والله اعلم
در القهوه ياعطيه
اخوك
خشم الحصان

[ابو درع]

بسم الله الرحمن الرحميم

حياك الله اخوي.. بركان

وما قصرت .. ياخشم الحصان.. على شرحك المفصل الدقيق ، لكن انا احذرك من اليمنيين الي يبعون
القهوه عند المساجد وعلى الطرقات سيارات يمانيه ................ ليش
انا عندي محمصه في الرياض واعرف القهوه زين من خبرتي في السوق ، تجار القهوه اصحاب الجمله
تضرارو منهم يقولون ليماني يبع البظاعه الزينه علينا ولا نسلم احياناً من الغش هذا بعد الفحص الدقيق
يبيع مثلا 9000 الف يمني ويشتري 2000 ريال- برزيلي ، صيني ، وغيره من الرخيص ويقوم ويخلطه
ويحط معه شوي قشر وشوي حصى تمويه للزبون الشغله كلهاغش يطلع الكيلو تقرباً 5 ريال الى 6ريال
والزبون لا منه جاء يشتري قال اليماني ارخص اتكلمه تشرحله يروح ويخليك .
دليلك شوف اسعارهم عند المساجد احيانا يبيعلك الكيلو 10 ريال معقوله من اليمن يطلع عليه بالجمله
تقرباً 13الي 15 الاخولاني درجه اولا .
واغلب المحلات الي ماسكينه اجانب مع الأسف يشترون من هلمغشوش علشان يربح اكثر .. او يغش
مره جاني يماني قال عندك اكياس اقهوه فاضيه قلت موجود كم تبي قال ابي ابو 10 كيلو 150 كيس بشرط
اكياس باشنفر قلت ليش قل بس ابغاها .... قلت والله مادمر السوق الا انت وشكلك تبيني اساعدك على الغش
روح ماعني شي . لكن اذا مابعتله انا راح لغيري .

فيه قهوه زينه ورخيصه علشان ماطاحووبه الناس هنديه ام احبال الي تجيك مربطه بحبال كيس مربع جربها
ولك مني تحميص مع المستكه وطحن مجاناً ..... :

[أبو فراس]

السلام عليكم ورحمة الله وبركاته

شكرا على الموضوع مرة اخرى

اخي الكريم ابو درع

قلت لنا
==============
ولك مني تحميص مع المستكه وطحن مجاناً
==============

ما فائدة المستكة مع القهوة ارجو تنويرنا جزاك الله كل خير

[ابو درع]

حياك الله

المستكه الله يسلمك بعد ماتحمص القهوه وتجي بتبردها حط شوي مستكه

خليها تذوب على القهوه قبل الطحن ..... المستكه مكمله للقهوه مثل الزعفران وغيره ونا احبها كثير

المستكه لها نكه وطعم طيب وتبقا رائحتها وطعمها في الفم... تقعد لك ساعه تطعم باخر فنجان

صحتين على قلبك .. حياك الله عزيز وغالي

[أبو فراس]

السلام عليكم ورحمة الله وبركاته

اخزوي ابو درع

اذا ما فيه كلافة تحط المستكة على القهوة في موضوع منفرد وتشرح فيه جميع ما يتعلق بها لاني اول مرة اعرف ان المستكه تكون مع القهوة ويمكن الكثير من الاخوان مثلي

اقول اذا لم يكون عليك كلافة وتعب

[ابو درع]

اخوي اذا انت من الرياض شرفنا ارسلك لليماني الي عندي يظبطلك الدعوى

ولك مني عنايه خاصه ....... تستاهل

[بــرق الشمال]

شكرا لك اخوي عالى طرح هذا السؤال..
اما بالنسبه لي فأفضل القهوه نوعها(هرري)ويكون طحنها خشن شوي
وبالنسبه للحمس فأفضلها بني داكن..وافضل ايضا ان كل كشته او كشتتين اطحنها
لكي تبقى متمسكه بنكهتها وافضل ايضا وضعها في علبه قزاز...

[عبد العزيز العجاجي]

الأصل كُتب بواسطة بركان
هلا والله باخوي الغالي النشمي

اعن له عنت هل الكيف للهيل....
بالنسبة للهيل فكثرته تسبب لي حرقان في المعده.
لذلك فانا لا اكثر منه.
اما بعض الناس ماشاء الله معدهم مصفحه يسفونه سف.!!
تحياتي لك.

[الطبيب]

واحبها كذا

http://www.mekshat.com/vb/showthread.php?s=&threadid=16241

هذا والله اعلم

والسلام ختام

[عروان]

أنا أسوي قهوتي مثل الطبيب


لانها أكيد صحية على المعدة والسبب أنها شغل الطبيب :)



أطيب تحية