تفصيل خيمة على كيف وتقبل اقتراحاتكم

[الفهد565]

بسم الله الرحمن الرحيم





تفصيل خيمة على كيف وتقبل اقتراحاتكم





هذا مخطط خيمة نووي أسوي وحده بس بصراحة ما دري كم تكلف علي مجرد فكره في راسي وحبية اخذ ريائكم









http://up.rabe7.com/get-9-2009-n6v7o52o.jpg (http://up.rabe7.com)






رقم 1 شراع مقاس 4×4 متر



رقم 2 شراع مقاس 4×نصف متر



رقم 3 حلقات للمسورة



رقم 4 ماسورة داخل ماسورة مقاس 1 متر ارتفاع 2 متر عدد 6



رقم 5 عمل شداد



رقم 6 خياطة مع النصف




الفائدة منها




سهل الاستخدام



تقي من البرد والحر



تستخدم في كل الأوقات



إذا عندك رواق ارتفاع متر ينفع معها بحيث تجعله يدور على الخيمة .



ومن الخيمة نزول نصف متر يبقى نصف متر لا تصريف الدخان وتغير الجو




انتظر اقتراحاتكم





لا تنسى أخيك المسلم من دعاكم

[لاتكب البيالة]

السلام عليكم

تصميم رائع هو مضلة وحط رواق يصير خيمة المشكلة اذا جاك البرد تبي تضيع
اما عن المطر فتقدر تخلي العمدان العلوية مترين واللي بالنصف 1,8 والاخيرة 1,6 كذا ما يبقى شي
لكن هي ميزته خيمة على مضلة ومساحته منتازة
وتبي تكلفك من 500 وفوق اذا القماش تنزاني

[مستبشر خير]

ماشاء الله عليك

[مستبشر خير]

متعددة الاستخدام نزل الصور بعد الانتهاء من العمل

[الفهد565]

العمل بها بعد العيد انشاء الله

1/ شر اع تنزاني
2/ العمدان (ماسورة )
3/ التكلفه (500) ريال

ما باقي اقترحات غير

انتظر اقترحاتكم

ولكم مني جزيل الشكر والتقدير

[sg'hk]

ماشاء الله عليك

[مهاجر161]

حياك الله اخوي الفهد .. الامر بعد الله لك .. ولكن انا اقترح .. ان يكون تفصيل الخيمة بدل التنزاني .. قماش تايلندي .. تراه روعة واطول عمر واضمن من جميع النواحي (مطر برد) ولكن عيبه ثقيل شوي .. يعني يمكن يزيد وزن الخمية التنزانية 2-3 كيلو .. ولكن مضمون جدا .. والتكلفة بتزيد عليك 100-200 ريال مجرد رأي .. حتى الفرشات تفصل تحتها نفس القماش وراح تذكر كلامي ايام الطلولة من تحت الارض .. الفرشة تتبلل ماء وفراش النوم يتبلل ماء .. مجرد رأي .. تحياتي للجميع .. مهاجر161

[عاشق السيل]

فكرة رائعة أخي الفهد ،، وهذي تعتبر مظلة وليست خيمة !!

وأنصحك تخليها مستطيلة أفضل للشد يعني 3*4 أو 4*5 أو 3*5 أو 4*6 ....

وعلى فكرة أنا مسوي نفس طريقتك بس المقاس 3*4 وحاط ست أعمدة اللي بالزوايا أخليها قصيرة والاثنين اللي بالنص أرفعها زيادة علشان تصير على شكل كوخ وبكذا تريحك مع المطر ومع الهواء الشديد لأن شكل الكوخ يشدها أكثر ،، وبرضو حاط بالحبال مشدات حقت الخيمة العادية علشان أشدها زي ما أبي ،،،

وبصراحة ناوي أنزلها بتقرير مستقل وإن شاء الله تشوفها بالصور ،، ومن ناحية السعر ما أظن إني تعديت الـ 400 ريال إن لم تخني الذاكرة !!!

[مطلق2002]

ماشاء الله عليك

[قاصد الصمان]

الله يوفقك و نشوف بعد العيد ابتكارك

[الفهد565]

الله يعطيكم العافية وكل عام وانتم بخير

[ابو ريان1881]

بارك الله فيك اخوي الفهد وكل عام وانت بخير

انصحك انك تفكر باسهل طريقه عندما تحتاج انك تطق الخيمه احرص على القماش الخفيف والجيد العازل للمطر وللحراراة الشمس وللمعلوميه يوجد نوعية جيدة وعملية عند السنيدي على شارع ابو عبيدة بن الجراح المتفرع من مخرج 16 بحيث انك تستطيع انك انت وواحد ممكن تركب الخيمه ترى مهم الامر هذا واقول انشاء الله نشوف مشروعك المبارك الايام القريبه وتقبل تحياتي

[راعي الصطحه]

اتوقع فيه خياااام
جااااااااااااهزه
مريح وغير مكلفه
لكن كل واحد براحته
وتقبل تحياااااااتي

[طعني وأفلح]

فكره موفقه الله يقويك
بس نبي صوره للخيمه بعد ماتفصلها
تحياتي

[الفهد565]

كل عام وانتم بخير

والمشروع تحت الدراسة ومشاركاتكم مهمه لنا

[لاتكب البيالة]

السلام عليكم

اخوي الفهد لاشك ان تصميم خيمة سهلة الطق نفس فكرتك امل الكثير
ووجدت كم موضوع يطرح تصميم بفكرة قريبة من هذي
وانا بعد البحث توصلت للخيمة المناسبة ونفس الوقت مظلة ورواق وساتر
وساحاول رسم تصميم لها وكلي امل ان اخيطها الايام المقبلة وتعجبكم
واكيد اني استفدت من بعض النقاط بموضوعك وبمواضيع سابقة
وانتظر التصميم غدا

[لاتكب البيالة]

السلام عليكم
ها انا اعود ومعي التصميم
وانا اتمنى يستفيد منه الاخوان وبالنهاية تكاليف تفصيل هذه الخيمة
طبعا هي خيمة درجة اولى
ممكن نقول مظلة
ممكن نقول رواقين
ممكن نقول ساتر يعني رواق مرتفع
سهلة النصب
قليلة التكاليف نسبيا
نجي للصور

http://photos-f.ak.fbcdn.net/hphotos-ak-snc1/hs236.snc1/8325_1257106427118_1213333130_775397_5859114_n.jpg (http://www.facebook.com/photo.php?pid=451139&id=1213333130)
http://photos-c.ak.fbcdn.net/hphotos-ak-snc1/hs236.snc1/8325_1257099146936_1213333130_775394_5380112_n.jpg (http://www.facebook.com/photo.php?pid=451139&id=1213333130)
اولا هذي صورة المظلة ارتفاعه مع المنتصف متري ومع الاطراف 1,7 عرضه 3 طوله 4 ترفع على 6 اعمدة او 4 اعمدة حواف المظلة من الزوايا يلصق بشماع لسهولة التحكم بها

قضينا من المظلة
نجي للقطعه الاخرى الا وهي الرواق

http://photos-a.ak.fbcdn.net/hphotos-ak-snc1/hs216.snc1/8325_1257099026933_1213333130_775392_1017035_n.jpg (http://www.facebook.com/photo.php?pid=451139&id=1213333130)
الرواق رواق عادي ارتفاعه متر ولكن يفصل له كالقطعة الواضحة بالصورة فوقه والتي ممكن صفطها على الرواق ولا بد من توفر رواقين وبالصورة موضح كيف هو مفلول وكيف مسفط يفضل بالرواق يكون بين الاعمدة متر وواضح القياسات على الرواق واخر متر من الرواق لا يكون به عامود لاستخدامه كباب
ممكن استخدامه كرواق عند صفط القطعة في الاعلى او كساتر مثلا بين الرجال والنساء عند فل القطعة وتثبيتها بأعمدة (اعمدة المظلة)

ولو يلاحظ ان الرواق يركب على المظلة تماما ويتم الربط بينهما بالحبال كالخيام الاوله او بشماع وممكن نركب رواق واحد وتكون الخيمة مفتوحة من جهتين او من جههة وحدة


وبعد تصفيط هذه الخيمة بتتكون من المظلة ورواقين وشنطة للاعمدة واعتقد ان حجمه لن يكون كبير

نجي للتكاليف
انا حسبته ان المظلة من شراع تنزاني 303
الرواق من شراع باكستاني 24
حديد الرواق من النوع الثقيل
ومن اراد ان يفصل مثل هالتصميم والخامات عند اي محل لن تقل باي حال عن 750 ريال وانا ارى انها مناسبة مقارنة بالخيام المتوفرة وايضا الخامات الجيدة والمميزات الفريدة ومن اراد ان ياخذ هالتصميم فحياه الله
وان شاء الله انا ابفصل مثله بالمستقبل واعرضه لكم