المساعد الشخصي الرقمي

مشاهدة النسخة كاملة : موضوع مهم جد" لجميع الاخوان ارجو الدخول(بخصوص بيع حباري الروض)


ولد السبع
16/09/2009, 07:41 AM
السلام عليكم ورحمة الله وبركاته

شفناء في السنوات الاخيره ضاهره سيئه للغايه وهي بيع الحباري وهي توها باقي تمشي في الارض اول شي
في الدين اعتقد والله اعلم انها حرام لنك تبيع شي ماتملكه والثاني انهاء عيب ومنقود عند الرجال الحباري والله
مافيهاء الى الوناسه عليهاء ولا بعد ماتصيدها تصير دجاجة بر انا يا اخوان والله اني متضايق لدرجه كبيره وهاذي
الضاهره منتشره بشكل كبير في الشرقيه والله السيارات الي تقنص ومامعها طيور اكثر من الصقاقير الواحد يقيض ويتعب لجل يستانس على الهدد هاذي نقطه

الشي الثاني ملاحظه عند (بعض) الصقاقير عدم احترام الطرف الاخر يعني يشوفك عندك احبارى ويروح يقطع للاثر من قدامك وذا جيته تكلمه يرد عليك بسلوب ينرفزك نرجو من اخواني الصقاقير ونا اقول بعض انهم يتحلون
بروح الطيبه لنها في الاول ولاخير كومة ريش ومافيهاء الاوناستهاء

اخوك الصغير
ولد السبع
سبع الصحراء
16/09/2009, 08:05 AM
والله يا ولد السبع انا من ناس لو يقولون لي ترا الحبارا يـ 5000 ريال للي يدل عليها


صدقني وبدون اي تردد

بصوت بالجهاز








على اخوياي .......





وبهد عليها وبستانس



وخل ضعاف النفوس تولي ............. وصدقني يا اخوك

ضعيف النفس هنا اللي حاط قيمه للحبارا .... إذا هو مو كفوا قنص وشوله يقنص
alwammy
16/09/2009, 07:13 PM
هالسالفه منتشره صوبنا
فبقعتنا سيارتين يحوطو للقنص بطيورهم و20 سياره يحوطو ليبيعو
الله المستعان
هماش
16/09/2009, 10:44 PM
الله يستر يارب

المصيبه الي يقدر يشتري الحباري يقدر يركب الطياره ويسافر لديارها
ام احنا نقيض ونتعب ونصلح الموتر والله يرزقنا
راعي دهام
16/09/2009, 10:53 PM
.



وش موقفك لو تجي لك قاع الا هالكورولا والا الكامري جايتك تطامر ويكبس لك تفكره يبي فزعه

واذا وصلك قال (( عندي جرة حبارى واسترفعك من القاع )) هههههههههههههههه ..



الله المستعان يا رجال ..


شكراً لك على طرح هذا الموضوع .




.
براق 559
16/09/2009, 11:15 PM
وعليكم السلام,,
إي والله هذا هو اللي حاصل لاكن ما نقول الا الله يهديهم ويغنيهم ويغنينا بحلاله عن حرامه
وترى القنص علومن غانمه وووين الرجال اللي يعزمون اذا عينوهااا,,لا كن مانقول
الا الله يهديهم
ولد ادار
17/09/2009, 02:05 AM
مشكور على الموضوع
راعي شواهين
17/09/2009, 02:46 AM
عزالله انك صادق لاكن الله يهديهم بس
لعنبو غيرهم يبوعون شي ماملكه ولاهو بله
صايدينها هل الفلوس الواجده يرقد ولا يقوم الا على التلفون
لاااااا موب التلفون الثريا عشان مايقطع لرسال
صحيح حنا على قد حوالنا بس الله معنا انشاء الله اقنص وجتهد والرزق عند الله ماعليكم ...
أبو رداد
17/09/2009, 03:54 AM
الله يعين ... والله حاله سلبيه والقنص ماله طعم بهذه الطريقه
الله يهدي أصحاب الاموال ...... ولايستغلون الناس المحتاجه
جـرح الشمـال
17/09/2009, 04:07 AM
مشكككور اخوي وفعلا هذا االي حاصل
لكن الله يهدي الجميع
مشبر البران
17/09/2009, 04:12 AM
لاحول ولا قوة الى بالله
الله يهديهم
مكشات33
17/09/2009, 04:16 AM
مشكور على الموضوع ... وانا اتفق معاك في كل شي .. ولكن انها حرام والله مادري والله اعلم .. والصراحه اتمنى من الناس ماتشتري حتى يكون المقناص على طبيعته .
أبو يزيد 11
17/09/2009, 07:34 AM
لجانى واحد منهم يبيع حبارى بقص جرة سيارتة وأمشى على أثر موترة كان الارض ماهى وعر لين القا جرتها وبهد طيرى .
وأن كان الارض وعر وماتنقص الجرة بعطية فلوسها الشكوى لله وبهد طيرى وأستانس لان المقناص يمكن ينتهى ولا شفتها ولا هديت طيورى
المري
17/09/2009, 08:08 AM
بيض الله وجهك وكثر الله من امثالك

والله انك صادق ماعاد صار لها طراة , وياليت يالربع تشوفون لنا احد يرسل ويشوف الحكم الشرعي

في هذه الظاهرة؟؟

علشان نعلقها على كل سوق اطيور ونشوف تاليتها
رأعي الخرشه
18/09/2009, 01:48 AM
السلام عليكم ورحمة الله وبركاته
في البدايه تقبل الله مناا ومنكم الصيام والقيام والله يعيد علينا رمضان بصحه والعافيه .... ان شاء الله
انا واحد هذا الموضوع رافع ضغطي بصراحه ماباقي لا راعي غنم ولا راعي ابل ولا ملقوف مايدوج يدور الحباره الله يعين بس ( واكثر مايرفع ضغطي اللي يقنص على النور) ..
تقبل مروري

http://www.mekshat.com/pix/upload/sign/images/mk129475.gif