هايلوكس دبل 2010

[القناص4800]

السلام عليكم ورحمة الله وبركاته


صبحكم / مساكم الله بالخير


انا ناوي اشتري هايلوكس دبل 2010


بس أبي من اللي جربو يعطوننا رايهم باسياره الله لا يهينهم


واللي ما جربو مايخالف يتفلسفون


المجال مفتوح

[ميمون111]

والله انا ماجربت بس الي اعتقدة ان 2010 حالها حال 2006
ماتغير شيئ

ومع انه مايخارجني شكل الهايلكس عامه إلا انني أؤمن ان الناس اذواق ولكل شخص رغبتة

[راع الونيت]

حياك أخوي
معي هايلوكس دبل غمارتين glx2007 وماشية 80000كلم فاكها جديدة
الصراحة السيارة فيها مميزات ولها عيوب وكل له راي
- مريحة - واسعة من الداخل- مكينتها قوية - سريعة بالخط تمسح 190 بالراحة - فيها جهاز يعمل عمل الفرارات -

ومن عيوبها
واطية من أمام - الدبل غير متناسق مع قوة المكينه -
وأنت وذوقك لكن الشاص لحاله
وكل عيد وأنت بخير

[القناص4800]

والله انا ماجربت بس الي اعتقدة ان 2010 حالها حال 2006
ماتغير شيئ

ومع انه مايخارجني شكل الهايلكس عامه إلا انني أؤمن ان الناس اذواق ولكل شخص رغبتة

اسعدني مرورك اخوي ميمون

[القناص4800]

حياك أخوي
معي هايلوكس دبل غمارتين glx2007 وماشية 80000كلم فاكها جديدة
الصراحة السيارة فيها مميزات ولها عيوب وكل له راي
- مريحة - واسعة من الداخل- مكينتها قوية - سريعة بالخط تمسح 190 بالراحة - فيها جهاز يعمل عمل الفرارات -

ومن عيوبها
واطية من أمام - الدبل غير متناسق مع قوة المكينه -
وأنت وذوقك لكن الشاص لحاله
وكل عيد وأنت بخير

اسعني مرورك اخوي راع الونيت


بس وش تقصد بأن الدبل غير متناسق مع قوة المكينه -

وكيف العزم بالنفود لازم تنسيم ولا ما يحتاج

[أبو لينا]

وكيف العزم بالنفود لازم تنسيم ولا ما يحتاج؟؟؟؟؟؟

اي سيارة دفع رباعي بحتاج انك تنسم وإذا مانسمت بعد فترة تتشوف السيارة تتفكك وانواع الخرابات سواء في المكينة او القير او الدفرنس ............

[القناص4800]

وكيف العزم بالنفود لازم تنسيم ولا ما يحتاج؟؟؟؟؟؟

اي سيارة دفع رباعي بحتاج انك تنسم وإذا مانسمت بعد فترة تتشوف السيارة تتفكك وانواع الخرابات سواء في المكينة او القير او الدفرنس ............

اسعدني مرورك اخوي ابو لينا

بس انا اقصد انه مثل الجيب ولا لا

[ابو زياد88]

اسعدالله مساك انا معى 2008 ماشيه 70 الف مال منها القرقعه واجد عزمها فى النفود ضعيف نوعا ما اما السرعه حدث ولا حرج الان بديها خفيف وانا اشور ولا الزم خذ لك سفارى 2 قير عايدى 2008 بسعرها والسفارى ان جيت خط اوبر او اى شى معك سياره كشخه وان سافرت انت وام العيال الامعك موتر

[راع الونيت]

السيارة عند البيت وللبزارين والطلعات القريبه اللي ماهي أرض وعرة أوشطبان ممتازه أما عزمها مع النفود لك عليه
وأقصد بعدم تناسق الدبل أن المكينه أقوى من القير لذلك لوتغرز بسيط وتعشق الخفيف على طول يعطب وكل له نظر أما بالنسبة لي فهي خادمتني بشكل ممتاز فماني 24بالبر وعندي سيارة عائلة غيرها للخطوط الطويلة لأنه كان معي قبلها 2005 ددسن دفرنسين فاكها جديدة جابتلي الضغط والسكر
أرجع وأضم صوتي مع برق سبيع
وتقبل تحياتي

[YZNQAZ]

عزمها في النفود ضعيف
لو انت راعي بر عليك بالجيوب او الشاص المهم 6 سلندر

[ahmad995]

بقيمته يجيب لك برادو 2006 او 2007
خط كشخه قوه رساوه

[الشبل111]

أخوي على حسب أنت وش تبي

أنا عندي وحده 2007 دبل

والله إني ما خليت مكان مارحت عليها

رحت لنفود السر وأم رقيبه وأماكن كثيره

والحمد لله راضي عنها تمام الرضى

أنا أروح للنفود بس ماني راعي تطعيس

وأنا أشوف إنها ممتازه بالحيل

يعني توصل أي مكان يوصله الجيب

وبنفس الوقت تشيل العزبه والعفش كله

يعني حمل لين تتعب والله ماشاء الله عليها

ولا هي راعية خرابات وكل شي فيها سهل مابها تعقيد

يعني أكثر الأشياء تقدر أنت تصلحها بنفسك

وإذا إنت رجال تحب المغامرات والتحدي والتطعيس

ياخي خذ لك همر وريح راسك

الله يوفقك

[هولوكس2005]

أذكر مرة طلعنا عليها لساحل 2007 بانزين مخيبه للآمال
ولا بريال القديمين

[القناص4800]

اسعدالله مساك انا معى 2008 ماشيه 70 الف مال منها القرقعه واجد عزمها فى النفود ضعيف نوعا ما اما السرعه حدث ولا حرج الان بديها خفيف وانا اشور ولا الزم خذ لك سفارى 2 قير عايدى 2008 بسعرها والسفارى ان جيت خط اوبر او اى شى معك سياره كشخه وان سافرت انت وام العيال الامعك موتر

اسعدني مرورك اخوي برق سبيع

لا انا ما ابيه سرعه ابد

والله انك صدقت السفاري اطلق بس المستعمل

مهو مثل الجديد

[القناص4800]

عزمها في النفود ضعيف
لو انت راعي بر عليك بالجيوب او الشاص المهم 6 سلندر
اسعدني مرورك الجميل

اخويYZNQAZ

[القناص4800]

بقيمته يجيب لك برادو 2006 او 2007
خط كشخه قوه رساوه
اسعدني مرورك اخوي

ahmad995

[القناص4800]

أخوي على حسب أنت وش تبي

أنا عندي وحده 2007 دبل

والله إني ما خليت مكان مارحت عليها

رحت لنفود السر وأم رقيبه وأماكن كثيره

والحمد لله راضي عنها تمام الرضى

أنا أروح للنفود بس ماني راعي تطعيس

وأنا أشوف إنها ممتازه بالحيل

يعني توصل أي مكان يوصله الجيب

وبنفس الوقت تشيل العزبه والعفش كله

يعني حمل لين تتعب والله ماشاء الله عليها

ولا هي راعية خرابات وكل شي فيها سهل مابها تعقيد

يعني أكثر الأشياء تقدر أنت تصلحها بنفسك

وإذا إنت رجال تحب المغامرات والتحدي والتطعيس

ياخي خذ لك همر وريح راسك

الله يوفقك

هذا البلى اني راعي مغامرات الله يستر من هالمغامرات

[القناص4800]

أذكر مرة طلعنا عليها لساحل 2007 بانزين مخيبه للآمال
ولا بريال القديمين

خليتوني شبه اهون

[المنيعي1]

انا ماجربته بس شكله روعه وخصوصاً الـ 2008
بس لي تحفض على مشاركت احد الاعضاء الي يقول بقيمته تاخذ سفاري رقم 2 ) موديل 2008
قيمت السياره جديده 80 الف والسفاري بحدود 110000

[قرناس شماالي]

الله يرزقك بسياره الي بالك

[الدبل الثقيل]

اشترلك جيب مستعمل نظيف ... أبرك من الهايلكس ... 80 الف على ايش ؟!

اما خذ سفاري 1 - 2007 - 2008 ... أو فورتشنر 6سلندر...

هذي وجهة نظري ... والله يرزقك فوق ماتتصور... من خزائنه الملأى ..

[حادي العيس]

تبي نصيحتي جرب الايسوزو
وان بغيتني اغسل مخك كلمني او راسلني خاص

[القناص4800]

انا ماجربته بس شكله روعه وخصوصاً الـ 2008
بس لي تحفض على مشاركت احد الاعضاء الي يقول بقيمته تاخذ سفاري رقم 2 ) موديل 2008
قيمت السياره جديده 80 الف والسفاري بحدود 110000


اسعدني مرورك الجميل اخوي المنيعي

[القناص4800]

الله يرزقك بسياره الي بالك

آمين

الله يرزقني واياك وكل مسلم

[القناص4800]

اشترلك جيب مستعمل نظيف ... أبرك من الهايلكس ... 80 الف على ايش ؟!

اما خذ سفاري 1 - 2007 - 2008 ... أو فورتشنر 6سلندر...

هذي وجهة نظري ... والله يرزقك فوق ماتتصور... من خزائنه الملأى ..

مرورك اسعدني اخوي الدبل الثقيل

بس انا اشوف ان الجديد مهو مثل المستعمل

وأنا لي رغبه بالحوض

[القناص4800]

تبي نصيحتي جرب الايسوزو
وان بغيتني اغسل مخك كلمني او راسلني خاص

اسعدني مرورك اخوي حادي العيس

((لا تغسل مخي ولا اغسل مخك))

[الادعج]

[/quote]

بس لي تحفض على مشاركت احد الاعضاء الي يقول بقيمته تاخذ سفاري رقم 2 ) موديل 2008
قيمت السياره جديده 80 الف والسفاري بحدود 110000
اصبت عين الكلام بقيمة السفاري 2008 لانة ما راح ينزل 108000 الف هذا اذا كان بعد نظفة لك علية شوي اما الكايف الكايف النظيف بحدود 119000 وخصوصا هالوقت

[خشيمان]

الموتر مع واحد من اثنين من الاخويا

المشكله الوحيدة اللي اشوفها عزمه ضعيف بالحيل خصوصا لا شغلت الدبل

تحياتي

[الاصلي]

أخوي على حسب أنت وش تبي

أنا عندي وحده 2007 دبل

والله إني ما خليت مكان مارحت عليها

رحت لنفود السر وأم رقيبه وأماكن كثيره

والحمد لله راضي عنها تمام الرضى

أنا أروح للنفود بس ماني راعي تطعيس

وأنا أشوف إنها ممتازه بالحيل

يعني توصل أي مكان يوصله الجيب

وبنفس الوقت تشيل العزبه والعفش كله

يعني حمل لين تتعب والله ماشاء الله عليها

ولا هي راعية خرابات وكل شي فيها سهل مابها تعقيد

يعني أكثر الأشياء تقدر أنت تصلحها بنفسك

وإذا إنت رجال تحب المغامرات والتحدي والتطعيس

ياخي خذ لك همر وريح راسك

الله يوفقك
هذا الكلام المضبوط

[القناص4800]

الموتر مع واحد من اثنين من الاخويا

المشكله الوحيدة اللي اشوفها عزمه ضعيف بالحيل خصوصا لا شغلت الدبل

تحياتي
اسعدني مرورك اخوي خشيمان

[القناص4800]

اسعدني مرورك اخوي الاصلي

[القناص4800]

وين النشامى

[شمالات نجد]

والله يا أنت بتدوخ وما ألومك 80 ألف ليست بالقليل

عندنا هايلكس دفرنسين 2006 ديزل مكروف ولا خلى مكان حول الرياض أو شمال أو جنوب أو شرق أو غرب ما شاء الله

عيبه خرب مره دزق الكلتش وصلحناه

والسيارة ماشية سفر بر مدينة بشكل يومي من تاريخ شرائها حتى كتابة هذا الموضوع

وعندي ملاحظة

كل السيارات زينه والمنتديات يبالغون في الشيء كثير إلا بعض السيارات الواضحة عيوبها للعلن وبعضها مقدور على إصلاح عيوبها وبعضها تتعب ما ضبطت

وعندي نصيحة

هل أنت ملزوم بالحوض

دامك متوجه للهايلكس ليش ما تاخذ فورتشنر 6 أو 4 سلندر تماتيك

وفيه تقرير عنها بمنتدى الفورتشنر واحد ماشي بها فوق 200 ألف كيلو وكاتب عيوبها

كذلك نصيحة ثانية دامك وصلت 80 ألف لا تفكر بالمستعمل إلإ إذا كنت تعرف راعيه زين وعلى يده من الوكالة

سلام

[alkongrs]

والله يا أنت بتدوخ وما ألومك 80 ألف ليست بالقليل

عندنا هايلكس دفرنسين 2006 ديزل مكروف ولا خلى مكان حول الرياض أو شمال أو جنوب أو شرق أو غرب ما شاء الله

عيبه خرب مره دزق الكلتش وصلحناه

والسيارة ماشية سفر بر مدينة بشكل يومي من تاريخ شرائها حتى كتابة هذا الموضوع

وعندي ملاحظة

كل السيارات زينه والمنتديات يبالغون في الشيء كثير إلا بعض السيارات الواضحة عيوبها للعلن وبعضها مقدور على إصلاح عيوبها وبعضها تتعب ما ضبطت

وعندي نصيحة

هل أنت ملزوم بالحوض

دامك متوجه للهايلكس ليش ما تاخذ فورتشنر 6 أو 4 سلندر تماتيك

وفيه تقرير عنها بمنتدى الفورتشنر واحد ماشي بها فوق 200 ألف كيلو وكاتب عيوبها

كذلك نصيحة ثانية دامك وصلت 80 ألف لا تفكر بالمستعمل إلإ إذا كنت تعرف راعيه زين وعلى يده من الوكالة

سلام

كفا وفااا اخوي شمالات نجد واضم صوتي معوه:good:

[ابو عبدالرحمن جدة]

الهلي تماااااااااااااااااااااااااااااااااااااام لا تهون اشتر وعلى الله وترى سيارات غرفتين وحوش تنفعك في البلد وفي البر وعلى الشواطئ

[wafian]

مقدما

الله يعطيك من خيرؤها ويكفيك شرها

" انا ما جربتها و لا انا ناوي اجربها "

[القناص4800]

والله يا أنت بتدوخ وما ألومك 80 ألف ليست بالقليل

عندنا هايلكس دفرنسين 2006 ديزل مكروف ولا خلى مكان حول الرياض أو شمال أو جنوب أو شرق أو غرب ما شاء الله

عيبه خرب مره دزق الكلتش وصلحناه

والسيارة ماشية سفر بر مدينة بشكل يومي من تاريخ شرائها حتى كتابة هذا الموضوع

وعندي ملاحظة

كل السيارات زينه والمنتديات يبالغون في الشيء كثير إلا بعض السيارات الواضحة عيوبها للعلن وبعضها مقدور على إصلاح عيوبها وبعضها تتعب ما ضبطت

وعندي نصيحة

هل أنت ملزوم بالحوض

دامك متوجه للهايلكس ليش ما تاخذ فورتشنر 6 أو 4 سلندر تماتيك

وفيه تقرير عنها بمنتدى الفورتشنر واحد ماشي بها فوق 200 ألف كيلو وكاتب عيوبها

كذلك نصيحة ثانية دامك وصلت 80 ألف لا تفكر بالمستعمل إلإ إذا كنت تعرف راعيه زين وعلى يده من الوكالة

سلام

اي والله انك صادق بعض اللي يكتبون بهالمنتديات يبدا يمدح السياره اللي عاجبته ويسب السياره اللي ما عجبته

[القناص4800]

كفا وفااا اخوي شمالات نجد واضم صوتي معوه:good:

اسعدني مرورك الجميل اخوي alkongrs

[القناص4800]

الهلي تماااااااااااااااااااااااااااااااااااااام لا تهون اشتر وعلى الله وترى سيارات غرفتين وحوش تنفعك في البلد وفي البر وعلى الشواطئ

مرورك جميل اخوي ابو عبدالرحمن

اعجبتني ((غرفتين وحوش))

[القناص4800]

مقدما

الله يعطيك من خيرؤها ويكفيك شرها

" انا ما جربتها و لا انا ناوي اجربها "

آمين

مشكور على هالمرور الجميل اخوي wafian

[فارس البيد]

والله ما جربتها وانا خوك

لكن بنصحك نصيحه

قبل لا تشتريها لازم تجربها بنفسك مع اي أحد من زملائك وهو الأفضل

وحط في بالك انها ماراح تكون بقوة الجيوب

واعتبرها هايلكس عاديه دفرنس واحد

واذا صار لك موقف مثل غراز او طلوع صعب أو ثولث الموتر >> الهايلكس دفرنس بتتوهق فيها

لكن مع هايلكس دفرنسين راح تحل لك هذه المشكله اذا توهقت وأضطريت للدبل وقتها بتكفي نفسها بدبلها ولايجي احد يسحبك


خلي النقطة هذه في بالك

ولازم تجربها قبل كل شيئ

ثاني شيئ دام معك 80.000

اشتر لك موتر اكثر كفائة اما اذا كنت ناوي على الحوض فالهايلكس اعتقد والله اعلم انها بتكفي وتوفي


وفي النهاية استخير الله بصلاة الاستخارة قبل كل شيئ

والله يوفقك

[MSAHMM]

انصحك بالمتسوبيشي 6 سلندر 3500 وانيت ومكينة يعتمد عليها وفيه موضوع لأحد المشرفين مجربها وكاتب موضوع عنها كامل

http://www.mekshat.com/vb/showthread.php?t=171202

[القناص4800]

والله ما جربتها وانا خوك

لكن بنصحك نصيحه

قبل لا تشتريها لازم تجربها بنفسك مع اي أحد من زملائك وهو الأفضل

وحط في بالك انها ماراح تكون بقوة الجيوب

واعتبرها هايلكس عاديه دفرنس واحد

واذا صار لك موقف مثل غراز او طلوع صعب أو ثولث الموتر >> الهايلكس دفرنس بتتوهق فيها

لكن مع هايلكس دفرنسين راح تحل لك هذه المشكله اذا توهقت وأضطريت للدبل وقتها بتكفي نفسها بدبلها ولايجي احد يسحبك


خلي النقطة هذه في بالك

ولازم تجربها قبل كل شيئ

ثاني شيئ دام معك 80.000

اشتر لك موتر اكثر كفائة اما اذا كنت ناوي على الحوض فالهايلكس اعتقد والله اعلم انها بتكفي وتوفي


وفي النهاية استخير الله بصلاة الاستخارة قبل كل شيئ

والله يوفقك

مرور جميل اخوي فارس

والله انا جربت العاديه واعجبتني بس ماجربت الدبل

[القناص4800]

انصحك بالمتسوبيشي 6 سلندر 3500 وانيت ومكينة يعتمد عليها وفيه موضوع لأحد المشرفين مجربها وكاتب موضوع عنها كامل

http://www.mekshat.com/vb/showthread.php?t=171202

اسعدني مرورك اخوي MSAHMM



بس والله مع احترامي لوجهة نظرك انا اشوف ان السيارات اللي عليها الكلام

هي تايوتا ونيسان اما غيرها ماني مقتنع فيها

[برق خاطف]

تلقاها في الامارات بتراب الفلوس . بالذات الدبل .. غمارتين2007 فوق الاربعين الف ريال....

[القناص4800]

تلقاها في الامارات بتراب الفلوس . بالذات الدبل .. غمارتين2007 فوق الاربعين الف ريال....
اخوي برق خاطف على حد علمي ان السيارات النقل ممنوع تدخل الا اذا كانت باسم واحد اماراتي

[هبوب الحجاز]

والله القناص موضوعك جاء على الجرح والله متردد

ننتظر باقي الأعضاء الكرام

وعلى فكره قيمته 85 الف ص

[ابوحمد1977]

اخوي توكل على الله واشتر

انا معي ددسن 2008 صح انه ثقيل لكن مع التنسيم ما يرده شي

ومرتاح معه

والهايلكس اقوى مكينه واوسع غمارة

وما ردني عنه الا ان سعره اغلى

لكن مثل ما قالوا الاخوان انه مو مثل قوة مكينة الجيوب

يعني انسى انك تتدخل الرمل من دون ما تنسم

لكن انا كان يهمني اني اشتري سيارة غمارتين وصندوق

يعني الجيب ما ينفعك خاصة اذا عندك سيارة للديرة

[ghareeb]

اخوي برق خاطف على حد علمي ان السيارات النقل ممنوع تدخل الا اذا كانت باسم واحد اماراتي
هذا الكلام جديد ؟
قبل فترة يمكن ثلاث سنوات أعرف ناس جايبين سيارات نقل ميتسوبيشي غمارتين

[a1Ruwais]

تلقا اللي يسرك

[Nasser-ahah]

انا ما جربت الهايلكس دفرنسين
ميزة الهايلكس إن الصندوق وسيع أوسع من الدي ماكس والددسن

لكن خذ لك سوزو دي ماكس 3.0 سي سي تيربو سوبر شارج ديزل 136 حصان دفرنسين جير عادي قزاز كهرب قفل مركزي كشافات ضباب إشاراتين على المرايتين جنوط 16
وكل هالموصفات 77 ألف ريال عند العيسى موديل 2010

[عاشق القمر]

حياك أخوي
معي هايلوكس دبل غمارتين glx2007 وماشية 80000كلم فاكها جديدة
الصراحة السيارة فيها مميزات ولها عيوب وكل له راي
- مريحة - واسعة من الداخل- مكينتها قوية - سريعة بالخط تمسح 190 بالراحة - فيها جهاز يعمل عمل الفرارات -

ومن عيوبها
واطية من أمام - الدبل غير متناسق مع قوة المكينه -
وأنت وذوقك لكن الشاص لحاله
وكل عيد وأنت بخيراخوي هذا الجهاز اول مره اسمعها انا عندي هايلكس 2006 ما شفت هذا الجهاز ياريت تقولي وين مكانها:)

[عاشق القمر]

هذا الكلام جديد ؟
قبل فترة يمكن ثلاث سنوات أعرف ناس جايبين سيارات نقل ميتسوبيشي غمارتينانا عندي جاري رحيمه عايش في الامارت كل ثلاثه شهور ينزل عندنا ومعاه سيارة يبيعها في السعوديه ويرجع الامارات مره يجيبها جديده مره مستعمله بس نظيفه

[صافي المشرب]

انا جربت 2008 دفرنسين و2003 دفرنس والله ما عاب الدفرنسين الا الراحة المعدومة فقط وبالنسبة للتنسيم ترى لازم تنسم في النفود وبالراحة تفرق بين الدفرنس والدفرنسين يعني لاجيت تجرب جرب الدفرنسين لكن حاول تلقى الهلي اللي مكينتها 6 سلندر تراها وحششششششششششششششششششششش

[99ابوحمد99]

خذ السياره وتوكل على الله كل سياره له اجبيت وسلبيت مثلك عارف

[تاج1426]

مع احترامي للجميع تبقى بالنهايه 4 سلندر يعني ما تستفيد منها لو تحط فيها تانكي ماء يمكن تصير 3 سلندر واذا كان مناسبك الشكل ليش ما تاخذ فورتنر قريب من شكلها كثير واسرع عند البيع و6سلندر ومجرب كثير واحرص على الخليجي لان يجي فيه دوفلوك ويكفيك انه خصوصي ماهو نقل

[ك ح ن 027]

وعليكم السلام ورحمة الله وبركاته

انا جربت 2009 دفرنسين على الخط وفي الديره ثقيل شوي وعزمه لك عليه مقارنة بالدفرنس
لكن من ناحية النفود الموتر مزبوط جربته في الطعوس ماقال شي مايردك شي بإذن الله
وسمعت من واحد ميكانيكي يقول ان 2006 2007 فيها عيب في العزم طبعا الدبل
لكن 2008......2010 عدلوا العيب وصارت ما شاء الله

ونصيحتي لك استخر وتوكل على الله ... والله يعطيك خيرها ويكفيك شرها مقدماً

[عبدالرحمن السالم]

والله كان تبي الشور خذ لك دفرنس وش حليله بالديره والنفود وخفيفه ظل او شف لك جيب ازين لك والله يكتب لك الخير

[ابوووعراده]

اقول انا عندي ددسن غمارتي 2008 واخي عنده هايلكس غماره كله دفرنسين والله اني اقوئ منه لاكن عيب الهايلكس دبله ضعيف وا ددسن عيبه مرتبته الي ورا ضيقه وعلئ فكره الهايلكس 2007 لاكن هبل بخي من الصدام الي قدام كل ماله طايح تقبل مروري

[سبع البوادي]

اتمنى انك تتوفق بالسيارة الي تملي خاطرك

ونصايحي لك اذا انت تروح للبر فالأربع سلندر والله ما يسوى بقرش ضعيف جدا مهما كانت السيارة

وبالنسبة للسواق فما يهمه دبل والا بدون دبل

والله شوف عيني انهم يرقون الطعس تقول جيوب والي معاهم هايلوكسات عادية دفرنس واحد

الحقيقة بعض الأعضاء شورهم طيب بالفورنشر او البرادو

والنظيف بتلقاه يبيلك تتعب وانت تدور في المعارض

لكن والله نصيحة اخ يبيلك الخير اذا تبي البر اول شيء تحطه في بالك السته سلندر فبل ما تفكر هل السيارة حوض والا جيب

السته بريحك واجد واريح حتى للموتر لكن الأربع بيتعبك ويمكن يأدي الغرض انه يرقى الطعس وغيره ولكن بعد ما ياصل صوت المكينة الى اعلى شيء وهذا يعدم عليك المكينة يخليها تخر زيوت ويطلعلك صوت البلوف مع الزمن وانت بكيفك

والله يوفقك ان شاء الله

[ع و ن]

السلام عليكم و رحمة الله و بركاته

أسعد الله صباحك و صباح الأعضاء

الصراحة الأعضاء ما قصروا .. كفوّا و وفواّ

لكن أنا عندي كم نقطة ودي إنك تحطها في بالك قبل لا تشتري .. علشان لا تتحسف بعد الشراء


الدبل :

حط في بالك إن ما فيه أي مقارنة بين دبل الهايلكس الدفرنسين و بين دبلات الجيوب .. دبلها ضعيف مرة مقارنة بالجيوب.. و يا الله يقوم بالموتر نفسه .


الدبل الخفيف يعتبر جيد .. و الثقيل لا بأس فيه و يقوم بالموتر . لكن بكل صراحة دبلها ما هو ذاك الزود .. و لا توقعته بالشكل هذا .. كنت أحسبه أفضل من كذا بكثير .


و من ناحية التنسيم .. فأحب أقول لك لازم تنسم الكفرات لو بتنزل على كتف الطريق .. لا تغتر بالدبل و تقول الموتر دبل و و ... إلخ ، نسم كفراتك علشان تريح راسك قبل كل شيء .. و تريحّ المكينة .. و تريح بدي الموتر من الهربدة .. و الكلام هذا على كل المواتر مو على الهلي الدبل بس .

و كلامي هذا ما قلته لك من فراغ .. أنا معي دفرنسين 2009 فاكها على يدي من عند عبدالطيف جميل بـ 90.000 ألف ريال .. لكن والله إني متحسف على كل ريال دفعته فيها ..

لو إني حاط هالتسعين ألف في فكسار مستعمل استعمال نظيف كان أبرك لي منها .. أو أي نوع من أنواع الجيوب بقيمتها .. و لا حطيت كل هالدراهم فيها .

نصايحي لك يا حبيبي :

1 / استخر الله سبحانه و تعالى قبل كل شيء .

2 / حاول إنك تجرب الموتر و تسوقه بنفسك على الزفلت و في النفود قبل لا تشتريه .. علشان لا تتحسف و تقول ليتني و لو إني >>> و تصير مثلي .

3 / بفلوسك ذي دور لك على جيب نظيف أبرك لك والله من الهلي .



حتى إني فكرت أبيعها بعد ما شفتها بالشكل ذا .. لكن بسبب ظروفي المادية بأخليها معي إلين الله يفرجها عن قريب


أتمنى إني أفدتك .. و أتمنى إنك تجرب الموتر قبل كل شيء .. يمكن نظرتك تتغير .. و كلٍ له وجهة نظره .

يمكن بعد ما تجرب الموتر تشوف كلام عكس كلامي و كلام الأخوان اللي تفضلوا قبلي .

و إذا بغيت شيء راسلني على الخاص .. و لا يردك إلا لسانك و أنا أخوك .

تقبل تحياتي

[السليطين]

انا جربت 2008 دفرنسين و2003 دفرنس والله ما عاب الدفرنسين الا الراحة المعدومة فقط وبالنسبة للتنسيم ترى لازم تنسم في النفود وبالراحة تفرق بين الدفرنس والدفرنسين يعني لاجيت تجرب جرب الدفرنسين لكن حاول تلقى الهلي اللي مكينتها 6 سلندر تراها وحششششششششششششششششششششش



ياخوي مافيه هلي مكينتها 6 سلندر عندنا بالسعوديه ولا بالخليج ..

كلها 4 سلندر