عليان الليل في نادي الرماية تقرير مصور

[عليان الليل]

خلال الاسبوع الماضي سافرت الى احد الدول لغرض خاص ... المهم نزلت الى بهو الفندق
وطلبت خريطة المدينة وافل الخريطة واتفرج هذي اسواق وهذي متاحف وهذا سنما وهذا مطعم
وهذا نادي رماية واناظر ثانية الا والله نادي رماية لان فيه تشابه يبن shooting و shooping
واخذ التلفون وادق عليهم استفسر وانا وياه شيل وحط بالانجليزي المهم اخذت الوصف .
واليوم الثاني انا عندهم..
دخلت النادي وش اناظر يالله من فضلك شوازل مسطرة كل وحدة ازين من الثانية ..
وادخل عند الاستقبال والقى موظف محترم جدا قلت له ابي شوط رماية لو سمحت قال أي
نوع قلت شوزل .. قال عطني الجواز واختر اللي تبي وكل شوط 25 فشقة وسعر الشوط 65 ريال !!!
ماكنت مصدق انه راح تكون بالسهولة هذي .. واخذ الشوزل واطلع للميدان والشوزل على الكتف محد قدي
ومعي واحد مدرب يشرح لي قدم رجل رجع رجل غمض فتح اكتم النفس ارفع نزل حط خدك على الكعب ..
قلت له يابو الشباب اعرف ارمي ... يكفي تعليمات..
http://www.mekshat.com/pix/upload/images5/mk408_shot-clup3.jpg

http://www.mekshat.com/pix/upload/images5/mk408_shot-clup1.jpg

http://www.mekshat.com/pix/upload/images5/mk408_shot-clup2.jpg
المهم انا اقول ردي يعني جاهز واطباق السكيت تنطلق من يمن ويسار
واستلم رمي الى ماطاح اللي براسي لكن قمة الروعة
واول مرة ارمي وانا مرتاح مافيه احد يبلشك ورخيص ..
واتخيل لو فيه مثله بالسعودية.. كل يوم مرابط عندهم
وتجربة فعلا مثيرة وخاصة اذا كانت اول مرة
وانا اسف للاطالة لكن حبيت انقل هذي التجربة لاخواني في مكشات .
النادي كان في الامارات وتحديدا في ام القيوين .
http://www.mekshat.com/pix/upload/images5/mk408_shot-clup4.jpg
واي سؤال انا حاظر .
تحياتي..

[صقر]

السلام عليكم


واخذ الشوزل واطلع للميدان والشوزل على الكتف محد قدي

إي والله مين قدك يا عليان..

مشكور على هذا الموضوع... لكن ما قلت لنا كيف كانت الاصابات ؟؟؟ وكم نسبة نجاحك ...

بارك الله فيك.

[الطبيب]

(( ايه هين )) الله يجيب الخير :(

يعني كان لازم تقهرنا يا عليان الليل

الله يسامحك

والحمد لله على السلامه

هذا والله اعلم

والسلام ختام

[ابو عايد]

الأصل كُتب بواسطة الطبيب
(( ايه هين )) الله يجيب الخير :(

يعني كان لازم تقهرنا يا عليان الليل

الله يسامحك

والحمد لله على السلامه

هذا والله اعلم

والسلام ختام

[أبو تركي القطامي]

أخوي الغالي عليان الليل :
حمدلله على السلامه
والله وناسه
ومثل ماقلت ماحد قدك يالغالي
ومشكور على الموضوع

[عليان الليل]

حي الله الجميع..
صقر.. حياك الله وانا اخوك لاتفضحنا اخوك حول شوي
استر علينا..
__
الطبيب ..ماعاش من يقهرك ..والشكوى لله.
__
ابو عايد ..حياك الله وشكرا للمرور
__
ابو الهنا القطامي.. الله يسلمك ومن ناحية الوناسة
وناسة .. ويبي لك تجرب

تحياتي..

[المتعني]

بسم الله الرحمن الرحيم

موضوع جميل عليان الليل وعسى إنشاء الله يفتحون مثل ها النوادي عندنا بالسعودية ..!!!

[بــرق الشمال]

بصراحه قمه الروعه والخيااااال.(آآآآآآآآآآخ لو عندنا بس)
...لومايجيك الى وانت جالس فاضي وطفشان
ولاتدري وش تسوي ...ماعليك الى تدق سلف وتروح للنادي
انت وعليان الليل.وخذ رمي ووناسه):D :D
الف شكر لك اخوي عليان الليل

[الخبير]

الحمد لله على عودة مبعوثنا الخاص

والله شكلك انبسطت بالحيل ، عساه بالعافية. يبي انا وإياك لقاء خاص تشرح لي فيه بالتفصيل وش صار وكيف يصير.

[هاوي مقناص]

الأصل كُتب بواسطة أبوهناالقطامي
أخوي الغالي عليان الليل :
حمدلله على السلامه
والله وناسه
ومثل ماقلت ماحد قدك يالغالي
ومشكور على الموضوع

[عليان الليل]

حياكم الله جميعا..
اتمنى من كل قلبي ان يكون عندنا
نادي بالسعودية ..نفرغ الطاقة المشحونة
فيه .. لكن مالنا الا الصبر .
اخوي الخبير ..تقوله صادق الا انهبلت والابتسامة من
الاذن الى الاذن... ومتى ما بغيت انا تحت الخدمة.
تحياتي..

[عبدالعزيز الدباسي]

الحمد لله على السلامة يالغالي .

والحقيقة انك اعجبت(ن) باختيار مثل هالاماكن للزيارة ،،، اللي فعلاً ما تنسى ،،، وتسجل فيها تجربة جديدة .

[عليان الليل]

حياك الله يالشقردي ..
شاكر لكم التعليق..

[الطلقة]

مشكور اخوي وماقصرت :)

[رعد الجنوب]

السلام عليكم ورحمة الله وبركاته

اخوي عليان الليل الله يعطيك العافية على هذا التقرير الجميل
حسب ماقرانا بالصحف قبل سنتين تقريبا انه سيفتح اندية للرمايه
ومحلات لبيع الاسلحة ولكن للاسف سكت عن الموضوع ووضعت ملفاته بالدرج
او في سلة المهملات.

واندية الرماية موجودة في دول الخليج وجميع دول العالم من سنين طويله
ولكن لدينا نحن حساسية لكثير من الامور التي لا نعرف المبررات لهذه الحساسية
الزائده .

مع ان فوائدها كثيرة اذا نظمت واستفيد من تجارب الدول التي سبقتنا
وخاصة لدينا الشباب منسيين من اماكن توفر لهم هواياتهم المفيدة
وقضاء الوقت المفيد وخاصة محبين الرماية والقنص والكثير من هواة
الرماية لو توفرت له هذه النوادي وانا منهم لخففنا من طلعات الصيد والقنص.


واعرف الكثير من الشباب من محبين الرماية والصيد يذهبون لمواقع مرور
طيور الخضاري والقوقسي لرمايتها لمجرد الرماية والتمتع بالرماية طيار..

ومن الفوائد العديده لهذه الاندية المحافظة على الطيور والحيوانات البرية
من الصيد الجائر من بعض هواة الرماية الذين يبحثون عن الرماية والمتعة فقط .

وهذه الاندية هي خير مساعد للشباب ومحبين الرماية وهم في بلادنا كثر
لتفريغ اندفاعهم وحبهم للرماية وحمل الاسلحة عندما يجدون اندية تلبي رغباتهم
باسلوب منظم وبمبالغ معقولة واعتقد انه لايوجد مبرر للخوف من وجود هذه الاندية .

سلامي للجميع

[عليان الليل]

حياكم الله جميعا..
اخوي رعد الجنوب ..كلامك في الصميم
وخاصة انه يقلل من رمي الطيور لمجرد العبث..
وارجو من الله ان يكون صوتنا مسموع...
تحياتي..

[Eagle]

من نظرتي وتجربتي في الرماية كرياضة انها لا تقتصر على كونها تسلية او مضيعه للوقت خارج وقت موسم الطيور
بل بالعكس صارت هدفي الاول حاليا واكثر من هواية وحب وتمسك شديد
والكثير من الشباب الخليجي متعلقين بالرماية وحب السلاح ومن الاكيد وجود ناس موهوبه في فنون الرماية ولو اخذو فرصتهم بالرماية في الميادين يصبحون ابطال باذن الله
شكرا عزيزي عليان الليل للتطرق لهذا الموضوع
وان شاء الله موضوعي القادم عن رماية السكيت بكل تفصيل مع الصور

[Eagle]

بالرابط التالي موضوع يتطرق لرماية الميادين
اضغط هنا (http://www.mekshat.com/vb/showthread.php?s=&threadid=22641)

[Rahhal_xp]

الحمد لله على السلامة مشرفنا الغالي، لكن ماقلت لنا وش صار مع المدرب اللي كان معك، وش سويت فيه، لا يكون هو أول هدف!!!!

[عليان الليل]

شكرا لكم جميعا
ايقل كلامك مظبوط والرماية ولع وهواية
لكن الشكوى لله.
اخوي ganderone المدرب ابلشن بالقرق
نزل ارفع بغيت ابدا به لكن ربك ستر..

تحياتي..

[كايد]

مشافيح على الرمي السلام عليكم ورحمة الله وبركاته
السوال ؟؟؟؟؟؟
النصع (((((الهدف)))))

ثابت ولا متحرك ........

واذا خلصت شوط يمديني اخذ 2 و3 .....:D
مشافيح على الرمي

[مفتش الريضان]

وأنا اقول من اللي مزعجني بامارة أم القوين أثره انت ياعليان الليل ..بس ما قلت لنا كم طبق جبت العيد به..............عموما الله يوفقك وموضوع والله يقهرالله يسامحك ياعليان كان علمتني كي أطلب منك طخطخ بالنيابة عن أخوك مفتش الريضان..............تمنياتي لك بالتوفيق وشكرا على الموضوع.

[سمير 800]

رحله موفقه اخوي عليان الليل

اهم شي طيبت خاطرك ولا تحسفت بعد الرحله على شئ ماسويته

ونتمنئ ان يكون في ناد بكل منطقه للتدريب على الرمايه

الله يعطيك العافيه

ومشكور على الموضوع

[عليان الليل]

حياكم الله جميعا..
اخوي كايد .. حياك الله الاهداف طبعا متحركة
وهي عبارة عن اطباق تطير .. وبالنسبة للاشواط
ارم كلى كيفك الى ماتقضي قروشك اهم شي تدفع.

مفتش الريضان.. متأسف للازعاج والله مادرينا
والاطباق اللي ضاعت يمكن ست .

samer800 الله يسلمك .. واتمنى ان يكون هناك
اندية رماية بكل منطقة ..
تحياتي..

[مهيلان]

اخوي عليان الليل
مشكور على الموضوع اللي يشرح الخاطر . ويرد شيء من الروح لنا .. خاصة بعد الانظمة الجديدة التي صدرت باليومين الاخيرة ,,

طلب بسيط يا ليت لو ترسل لي عنوان او تلفون الموقع .. واكون لك من الشاكرين

ودمت سالما

[عليان الليل]

اخوي مهيلان ... تم الارسال

[Eagle]

اخوي الكايد
بالنسبه لسؤالك عن الاهداف
تراهي موجوده عندنه بالكويت يبيعونها بمحلات الاسلحة وتختار الحجم واللون الي تفضله وايضا مكاين اطلاق الاطباق وفي منها الرخيص يكون يدوي متوفره بمحلات الكويت

[مداوي]

عليان مبدع مشاء الله عليك
بالتوفيق ان شاء الله

[اول القطري]

تعال قطر نادى الرمايه 80 ريال 50 طلقة ترمي تراب او دبل تراب بدون اي بطاقة او جواز

[عبادل العاصمي]

أييييييييييييييييييييه

يارب ياكريم أن أبو متعب يراعي حال الصيادين قولو آمين
وأن سواها والله مهيب غريبة عليه راعي الكرم والجود

[الرهدن]

يعطيك العافية أخوي عليان00 موضوع حيوي ورائع ويوسع الصدر00

لكن : وش غير الشوزل عندهم ؟
وهل النادي في أم القوين بس ؟

وأشوف كنه مافيه باالنادي غيرك :cool:
آه لويفتح عندنا أظن إنه بالحجز والمواعيد وكل واحد له فشقة :D

وسلامك ياعليان0

.

[TIGER]

الحمد لله على السلامه أخوي عليان
لكن ممكن سؤال >>> زيادة بلاغه.:d

تقول يوم دخلت النادي وقلت له ( ابي شوط رماية لو سمحت) قال لك أي نوع .
قلت شوزل
يعني وش فيه من البنادق غير الشوازل بالنادي

[(سوبر بانلي)]

السلام عليكم ورحمه الله وبركاته

الحمد لله على السلامه ورحله ممتعه انشاء الله
وعندي سؤال :هل في الكويت نادي رمايه؟

[مطحن]

السلام عليكم ورحمة الله وبركاته

اخوي عليان ترا فيه بدبي نفس الشي واجراءاتهم سهله جدا .... تتصل وتحجز موعد واذا جيتهم اخذوا اسمك واسم الفندق اللي انت ساكنه بسسسسسسس، بالنسبه للاسعار كانت الدسته بـ 80 درهم لغير الاعضاء والاعضاء اذا منب واهم بـ 25 درهم<<< منب متاكد ابدا من الرقم.
جيتهم انا وخويي الساعه 10 بالليل (الموعد اللي عطونا اياه) وما كنت مصدق ابد سجلت بالرسبشن ونزلنا للغرفة التجهيز وعطون سديريه مثل اللي انت لابسه وشوزن ام بطنين نفس اللي معك بالصورة ماركة بريتا، ودسته سكيت 9/32. طعطعة الى ما بردت كبدي. موقع النادي للي يبي يسال على شارع الشيخ زايد باتجاه ابوظبي نسيت والله كم رقم المخرج لكن انه بعد ما تنتهي هاك العماير الكثيره على اليمين، وحولهم فندق ضخم نسيت والله وش اسمه. على العموم اللي عطان رقمه وقته السنترال.

اخوكم عبدالرحمن

[ابرق العزاف]

ماشالله اجل بروحله

[مغيرة]

ما شاء الله زيارة موفقة اخوي عليان الليل

عز الله عرفت وين تحط وقتك ... كنت هناك فترة فوق سنة ..

لكن الصدق اني ما استغليت الوقت ...... يعني ما غير رمي بالكلاش كل فترة
والمسدسات اما الشوزن ما قد رميت فيها ..

هل كان متاح غير الشوزل في زيارتك .

[عليان الليل]

حياكم الله جميعا
الموضوع قديم هذا لكن لا يمنع اننا نفيدكم فيه
النادي مفتوح ولا يحتاج حجز ولا شي كل ما عليك هو تقدم صورة
للجواز او اي شي يثبت ..
فيه انواع من الاسلحة من الهوائية مرور بالنارية حتى المسدسات
والرشاشات ..
وخذ راحتك بالرمي ما في من ينغص عليك
والله يلحقنا خير ونشوفها عندنا في السعودية

[رحال]

مرحبا مليووووووووووووووووون عليان الليل والحمدلله على سلامتك قبل كل شي

ومشكور وماقصرت على هذا التقرير المصور (( اللي يجنن ويبط كبد الواحد )) من القهر :D
ماشاء الله عليك والظاهر كل مره تروح فيها للإمارات لابد تاخذ لك زياره للنادي .

لكن للحين لم تجاوب على الاسئله كم طبق اصبت ;)

تمنياتي لك بدوام الصحه والعافيه
اخوك بوخليفه

[عليان الليل]

حياك الله يالرحال وهذي الساعة المباركة طال عمرك
والرماية تجري في عروقي ..
وبالنسبة للاطباق ... لا تخاف اخوك بواردي
وكنا مجموعة شباب ابلشونا راعين النادي
يقولن ما تبون العضوية ... وحنا نتغلى عليهم
ما يدرون اننا ميتين من القهر..

[أقلط]

كفو يالذيب

[فكسه]

عليان عسى السعاده دوم مرافقتك اخوي فترة وبفتح نادين فى الرياض بس لاتكثر الرمي عشان مااتغيب عن الدوام والله يوافقك مع السلامه ايه نسيت اكيد يكون السعر دبلين مو واحد .

[رعد النجدي]

سافرت الى احد الدول
وليش مستحي وانا اخوك
قل الامارات العربيه المتحده
والحمد لله على السلامه

[ملفي و مقفي]

يعطيك العافيه على الصور الجميله لاكن ما كنك في الصوره طالع حلو ههههههههههههههههههههههههههههههههههههههههه
تقبل مروري

[ابو سفيان]

هههههههههههههههههههههههههههههههههه
قديييييييييييييييييييييييييييييييم الموضوع
لكن انا ملقوف لازم يرتفع

[أبوعبد المحسن]

تسلم أخوي عليان
على التقرير المختصر والرائع

انا سمعت غيرك بعد يمدح نادي أم القوين للرماية




والله يلحقنا خير ونشوفها عندنا في السعودية

وزارة الداخلية تعلن عن رغبتها في إنشاء نوادٍ للرماية
http://www.mekshat.com/vb/showthread.php?t=231383

[H5N1]

صايد و فايد !!!!!!!!!!!!!!!!!!!