المساعد الشخصي الرقمي

مشاهدة النسخة كاملة : فزعتكم قبل العيد في الـvx-r


ABO-AZIZ
17/09/2009, 09:50 AM
السلام عليكم ورحمة الله وبركاته

تكفون ياجماعة الخير الفزعه قي
vx-r 2002

فجاة اشتغل عندي لمبات بطبلون ما ادري وش سافتها

اول مره يصير معي كذا مع ان الموتر ولله الحمد ماشي معي تمام من عام 2002 مطلعه وكاله

واحد : علامة البطاريه
اثنين : لمبت تغير الجنزير
ثلاثه at-oil
الرايع صور كانه هوء داخل وسط شي

وبدوري صورت الطبلون قلت اوضح للربع
ابوملفي
17/09/2009, 10:27 AM
مشكور على الموضوع
عآشق الحره
17/09/2009, 12:06 PM
هذي مبرمجه على حسب مشي السياره ولازم توديه الوكاله يغيرون ويكشفون تحياتي
ABO-AZIZ
17/09/2009, 05:56 PM
هذي صورة الطبلون




http://flbsoa.bay.livefilestore.com/y1pYzO6W1Qwqx1lwpEJJdimkHjLlN4clLYHEG4EElbYr8LA__7 2JsZNHETjKutpgNzu1KfCLPgxkQyEm2v_74kWP1dXmHPGYetQ/222.jpg
waledsaleh
18/09/2009, 04:55 AM
السلام عليكم بقولك شي وجربه وعلمني وانشاء الله نساعدك حط القير بالريوس وشف اللمبات شغالة او لا (لمبات الريوس) اذا شغاله تمام افصل البطارية عشر دقايق ورجعها واذا طافية رح لاي مكان فيه حفرة زيت وافصل حساس الريوس وغير الفيوز المقطوعه وبس
VXR.2007
19/09/2009, 05:54 AM
واحد : علامة البطاريه


انا اشوف الامبير حق البطاريه نازل يعني المفروض يكون الخط اللي فوقه يعني احتمال عندك البطاريه فاضيه او يبلك تنظيف الاصابع البطاريه علشان فيها كربون والكربون مع الزمان يصير عازل الكهرباء او ماء البطاريه ناقصه

___________________________________

ثلاثه at-oil


اما هذي اللمبه اللي في امبير ضغط المكينه
الجينزير ((سير التايمر)) لازم تغيره هذا يطلع سير بلاستيك احتمال ينقطع
اما GXR يجي جنزير حديد وهذا مايغير بس يطفي المبه

___________________________________
الرابع صور كانه هوء داخل وسط شي


هذا فلتر الهوا يبله تغير علشان اللي عندك متسكر من الاتربه واحيانا يكتم وانت تدعس بنزين حتى اذا دعست تشتغل وتطفي قد صار لي
يابيلك فلتر هواء جديد

____________________________________


اما اللمبة الحمرا اللي بنص احتمال من البطاريه علشانه ضعيفه والداينو يقول الكهرباء ناقصه يعني ضعيفه واشتغلة المبه للتنبيه
او عندك الهدروليك خربان هذي ما ادري عنها مني متاكد بس لو تفتح الكتالوج السياره بتحصلها كل هذي اللمبات اللي اشتغلت

ومع الف سلامه
سوبر VTC
19/09/2009, 07:04 AM
و عليكم السلام و رحمة الله

الاخوان ماقصروا
الدينمو احتمال يحتاج فحمة دينمو
شف هالفحمه لكامري منتهيه
اذا كانت الفحمه مخلصه يطيح الانبير له عمر افتراضي و تخلص

http://badermotors.googlepages.com/charging-5s-6.jpg


بالنسبة للمبه البلت اللي تحت الكمبريشن (T - BELT) فهي حقت الجنزير تغير السير كل 150الف كيلو
'طبعا ال6سلندر يجي جنزير مهب سير و الجيب الديزل الصالون و الحوض يجي سير مثل الفكسار و ايضا الهايلوكس الديزل
احذر من المراكز الكبيرة حقت الصيانه :mad::mad:
احد الربع دخل عندهم فكسار 2002 اخذوا عليه شغل يد 1150ريال :mad:
سير التيمن ب180ريال + بواجي اعتقد 170ريال
الدعوى نهابه :mad:
عندنا ببريده ابو خالد الخضير راعي ورشة يغير سير التيمن من 200 الى 250 ريال :good:
للعلم موتره فكسار م99
وش لون تطفى اللمبة ؟؟
اولا تضغط زر الكيلو الاسود وفي نفس اللحظة المفتاح على نقطه ما قبل التشغيل مرحله ما قبل التشغيل
تضغط الزر لمدة نص دقيقة فاكثر
همن تفتح السويتش راح يظهر عندك رقم 1 بمكان ممشى الموتر (الشاشة)
1 ==> يعني 10الاف كيلو
تضغط الزر الاسود مره ثانيه يظهر لك رقم 2 و هكذا...
تضغطه حتى تصل الى رقم 15 ==> 150الف كيلو
ثم تضغط الزر ضغطه طويله حتى ترجع الشاشة الى ممشى الموتر
و تطلع المفتاح و تفتح السويتش مره ثانيه و تشتغل الموتر
و باذن الله تطفى اللمبه :good:
سبق اني طفيت اللمبة لفكسار
سهلة جدا


موفق
رااعي الابل
20/11/2010, 09:16 PM
يالربع صار عندي نفس المشكلة وش الحل
رااعي الابل
21/11/2010, 07:16 PM
يا ابو عزوز اذا أنحلة المشكلة عندك عطنا خبر الله لا يهينك
و وش سوية في السيارة
رااعي الابل
22/11/2010, 08:02 PM
أبشركم أنحلة المشكلة بعد تصليح الدينمو
وهذا لفايدة تم التوضيح
واتمنى من الشباب الي تصادفهم مشاكل في سياراتهم يبلغونا بسبب الأعطال بعد الاصلاح