المساعد الشخصي الرقمي

مشاهدة النسخة كاملة : مشكلة عندي ايسوزو ديماكس2008


hadi00
18/09/2009, 12:01 AM
يا شباب السيارة طفت علي ما تشتغل و ذهب بها الى اليمني وقال عندك طرمبة الديزل خربانه قلت ما تصلحونها قال مافيه لازم جديد وسعرها غالي كثير 9450 ....

وانا اسلكم اذا في احد يعرف وين تتصلح الطرمبة في الرياض...



والف شكر
Waleed1
18/09/2009, 01:13 AM
السلام عليكم

9450 ذا قيمة سيارة، عموماً فية وكيل ثانى باخشب وأعتقد أن فية وكيل ثالث.

طيب بالنسبة لطرمبة الديزل هذى تتصلح عند محلات تصليح طرمبات ومعايرت مكائن الديزل.
طبعاً السيارة جديدة من المفترض تكون باقى تحت الضمان ولا يمكن بأى حال من الاحوال أن تخرب بهذة السهولة من المفترض أن تعمل 3-5 سنوات قبل صيانة الطربمة.

طيب الله يعينك
لن أمل من العطاء
18/09/2009, 02:05 AM
السلام عليكم

كان فيه احد الاعضاء اشتكى قبل فتره من عطل في الطرمبه
وسعرها 17 الف ريال

انصحك بمراسلة الشركة الام

وهناك مواقع كثيره امريكية تختص بالديزل
عاشق وادي الدواسر
18/09/2009, 03:55 AM
نصيحتي بس شيك على صفاية الديزل وترجع زي الحلاوه إن شاء الله وبالنسبه لتصليحها ماتتصلح لأنها كهربائيه فلذالك ماتتصلح

وإذا انت صامل تبي تصلح خذها من التشليح حق الحاير في الرياض وإذا تبي ادور لك من عيوني الثنتين ارسل لي رساله على الخاص وانا اخدمك بعيوني لأنه كانت معي ديماكس 2005 وبعتها قبل ماتخرب الطرمبه ولله الحمد افتكيت مةنها فنصيحتي صلح وبعها تكفى لاتقعد عندك إلى بداية الدراسه
هواي الصين
19/09/2009, 05:46 AM
سلامتك يالغالي


شف اول شيء اشطب واحد اسمه اليمني من راسك تراه حرامي سرقنا وسرق غيرنا بغلاء اسعاره

عندك العيسى انا مجربهم ومرتاح لهم وولله مابيني وبينهم اي مصلحة بس كلمة حق وتعامل أفضل من اليمني

الشيء الثاني سيارتك كم ماشية ؟؟

وهل سبق وديتها صيانة للوكالة ؟؟

شكراً لك
سوبر VTC
19/09/2009, 07:33 AM
و عليكم السلام و رحمة الله

لك رساله على الخاص

موفق
هواي الصين
20/09/2009, 02:36 AM
و عليكم السلام و رحمة الله


لك رساله على الخاص


موفق





اسف على اللقافة

بس ما عنده خاص (عدد مشاركاته مايسمح )


وعيدكم مبارك
سوبر VTC
20/09/2009, 10:48 AM
اسف على اللقافة
بس ما عنده خاص (عدد مشاركاته مايسمح )
وعيدكم مبارك



حياك يابعدي :)
هو يستقبل بس ما يرسل :D:p:D
لان مشاركته دون ال50
لكن انا متاكد اني ارسلت له :)

هذا ملفه


رسالة خاصة:
إرسال رسالة خاصة إلى hadi00 (http://www.mekshat.com/vb/private.php?do=newpm&u=89908)


موفق
4800VTC
20/09/2009, 10:53 AM
اسف على اللقافة



بس ما عنده خاص (عدد مشاركاته مايسمح )




وعيدكم مبارك


ههههههههههههههه
لاتعليق
بني حسن
20/09/2009, 08:43 PM
الاخ هادي تحيه طيبه وبعد
قرأت موضوعك البارحه وسؤالك عن طرمبة الديزل وخرابها
واليوم التقيت بميكانيكي وملاك لسياره نوع ديماكس ديزل من نفس الموديل
وطرحت عليه استفسارك
واجاب ان سعر الطرمبه جديده في الاردن مع اضافة الجمارك حوالي اربعة الاف ريال
وسعرها مستعمله يابانيه من التشليح بحدود الالفين
.
.
ولكن لم تجري العاده ان يتم تغيرها بهذه السرعه وهي تحت كفاله مصنعيه خاصه بالطرمبه وهي مكفوله حتى عداد يصل للالاف ومثبت الكفاله على نفس رقم الطرمبه
.
.
والشائع والطبيعي ان يتم اصلاحها وعمل افرهول لها وتغير ما يسمى بالبلنجرات
وهذا يعطيها كفاءه شبه جديده ويكلف حوالي الف وخمسماية ريال قطع واجور تصليح
.
.
.
ارجو ان تكون معلوماتي قد اعطتك فكره عن الموضوع
واسف على التقصير او السهو في نقل المعلومه ان حصل
.
.
اخوك
عماد
سوبر VTC
21/09/2009, 02:28 AM
شارع علي بن ابي طالب عند مسجد او جامع العويضه
بالصناعيه القديمه
و هو اماكن ورش التريلات
قد تجد ورش متخصصه باصلاح الطرمبات توضيب او اصلاح كامل للطرمبه
او تجد ورش متخصصه بالسيارات اليزل

موفق
hadi00
21/09/2009, 11:25 AM
اشكر الجميع على ردودكم .....
واشكر اخوي سوبر ورسالتك وصلت والف شكر لك .....

اخوي بني حسن السيارة ماشية 145 الف
ولم يسبق لي ان وديتها الى الصيانه



والف شكررررررررر لكم على تفاعلكم ...
محمدالطائف
21/09/2009, 11:33 AM
الله يعييييينك
ابو اشليويح
21/09/2009, 12:15 PM
اخوي قلبه عيديه 3800بس مديله 2005 عند الخضير بتشليح القصيم