المساعد الشخصي الرقمي

مشاهدة النسخة كاملة : ابي عزبة ممتازة


المغيسلية
18/09/2009, 01:35 AM
السلام عليكم ورحمة الله وبركاته....

عندي سؤال لأخواني في مندى مكشات :

الصراحة عندي عزبة قديمة جدا اغراضها متفرقات ويوم طلعتها من الملحق لقيت الأرضة

أكلته. الزبدة انا ابشتري عزبة ودي تنصحونن وشي احسن عزبة موجودة وابيها تكون

صغيرة موكبيرة يعني حقت اربع خمس اشخاص. وايهم احسن اخليها عزبة وحدة والا افصل

الشاهي والقهوة بعزبة لحالها.
وشكرررررررررا وهذي اول مشاركة لي.
و لد ملهم
18/09/2009, 04:32 AM
أفضل شي افصل الشاهي و القهوه و بالنسبه للحجم ممكن تفصل بالشكل الي انت تبيه و المقاس الي تبيه بالغرابي او تشتري جاهز من برق الحيا____
رعد الصحراء
18/09/2009, 05:38 AM
وعليكم السلام ورحمة الله وبركاته
محلات الرحلات كثيره وتجد جميع الأنواع وبأحجام مختلفه
العزبه اللي تخدم عليك بالتنزاني لك وللزمن تحصلها جاهزه ومكتوب عليها تنزاني
أتمنى اني أفدتك
’’تـقبل مروري’’
لاتكب البيالة
18/09/2009, 05:47 AM
السلام عليكم
العزبة اللي يحدده اغراضك
ويفضل وحده للطبخ وثانية للمعاميل القهوة والشاهي
ومثل ما قال الاخ رعد الصحراء لاتاخذ الا تنزاني 303 بالدرجة الاولى او باكستاني 24 بالدرجة الثانية
سوبر مكشات
18/09/2009, 06:03 AM
فيه عزبه عند برق الحيا حللللللللوة ب45 ريال الشنطه بس
وش طريقتها
طولية ومخيطين وحده مثله بظهره
وممتازة للمعاميل

ونصيحة مر وتفرج
المغيسلية
18/09/2009, 06:08 AM
الله يعطيكم العافية...


لكن ابسأل الي عند السنيدي تنزاني اصلي والالا .

ومريت عروق الشمال ببريدة والمرباع

ورحال بعنيزة عندهم عزبة جلد تايلندي على

كلامة لكن غالية شوي ايش رايكم