المساعد الشخصي الرقمي

مشاهدة النسخة كاملة : الفرامل رجه عند الدعس على الفرامل vxr 2001


عآشق الحره
18/09/2009, 08:08 AM
شباب معي جيب جنني بالفرامل غيرت له هوبات واقمشه من كم شهر وطلع رجه قويه عند الدعس على الفرامل ورجعت للورشه وزبطها والحين احس يوم امشي فوق ال 120فيه رجه لونها خفيفه ويوم تنزل السرعه تحس ان الفرامل فيها مشكله وش السواه ؟؟؟
عآشق الحره
18/09/2009, 08:51 PM
للرفع للحين محد رد علي
vxr 1998
18/09/2009, 09:15 PM
الله لا يهينك وضح اكثر هل فرامللك الخلفي قماش ام فحمات هل قمت بخرط اي من الهوبات الامامي او الخلفي واذا مافيه احد افادك من الاعضا بعد اذن الادارة المحترمة ومشرفنا الغالي انا مستعد اكتبلك رقم جوالي لتتواصل معي لاني تقريبا انا مر معي زي هالامور وتقبل احترامي
زاير الغيم
19/09/2009, 05:03 AM
س-الهوب جديد أو مخروط يمكن خراطة خشنة ؟؟
وطبعاً المشكلة بنظام abs
س-هل غيرتهن كلهن -خلفي وأمامي-؟

لأن فيه سيارات لازم تغير طقم كامل خلفي وأمامي يمكن الـ vxr من هالنوعية
سوبر VTC
19/09/2009, 08:57 AM
و عليكم السلام و رحمة الله

العمال لاعبين على الناس
الهوبات ماتخرط نهائيا اذا خطرته تندمر عليك زود
افضل حر و مجرب
تركب فحمات اصليه و كل فترة شهر و يزين الهوب لانه تعود و اخذ على الفحمات الجديده






تنتشر عادة صنفرة الهوبات أو (خرطها) بالعامية عند كثير من ملاك السيارات في السعودية . وقلما يقوم أحدنا بتغيير فحمات الفرامل إلا ويسبقها بخرط للهوبات بتحريض من عمال الورش ! . وكنتُ إلى وقت قريب أحد ضحايا هذه العادة، التي لم أجن منها إلا مزيداً من المعاناة .
من اللافت للانتباه أن كتيبات السيارات لا يوجد فيها أي ذكر لخرط الهوبات، أو نصيحة بصنفرتها في جداول الصيانة الروتينية للسيارة .
ولا عبرة بوجود أجهزة خرط الهوبات عند (الوكالات) فمثلها مثل بقية أجهزة الإصلاح الأخرى التي تحتاجها السيارة عند تعرضها لعطب من عوامل خارجية وتتوافر عند الوكالات .. (أجهزة سحب الكمر أو السمكرة أو أدوات رش البوية.. إلخ) .
ولا يعني توفر تلك الأجهزة عند الوكالات احتياج السيارة الدائم لها في الظروف الطبيعية .
تأتي الهوبات بطبقة خارجية مصنوعة خصيصاً لتتحمل الاحتكاك المستمر مع الفحمات عند الفرامل . والتفريط بهذه الطبقة عبر (الخرط) غير المبرر، هو نوع من العبث، ويؤثر في جودة احتكاك الفحمات بالقرص (الهوب) إلى الأبد .
إن خرط الهوبات هو من الضرورات التي يلجأ إليها الفنيون عندما تتعرض لخدوش واضحة للعيان، تأتي غالباً بسبب استخدام الفرامل بإفراط بعد تآكل بطانة الفرامل واحتكاك الحديد بعدها بالهوبات .
وإذا كنت تغير الفحمات فور تآكلها، أو حتى بعد سماع صوت التحذير الذي يأتي بعد التآكل ببضع كيلومترات .. فما عليك إلا إبدالها دون أن تمس الهوبات بخرط .
وما دام (الهوب) خالياً من الشقوق المحسوسة الملموسة، فهو بحالة سليمة .
ومع استخدام الفرامل بعد تركيب الفحمات الجديدة، ما تلبث الأخيرة إلا وتخط طريقها بموازاة الهوب، مما يعني حدوث صنفرة آمنة تضمن احتكاك الفحمة بالقرص (الهوب) ولا تضر الطبقة الخارجية، بينما تحتفظ بطبقة الهوب الخارجية عالية الجودة بعيدة عن منشار أجهزة الخرط .



ادخل هذا الرابط

خرط الهوبات كلها خرط في خرط ..استغرب من الي يخرط اول مره ينزل فحمات الوكالة؟؟؟؟؟؟؟؟؟ (http://www.mekshat.com/vb/showthread.php?t=218314)

قد تكون ربما
مشكلتك من عمود الدبل او عمود الكردان الخفي

كد صارت لجيب م99 من عمود الدبل
احيانا تجي حره و يفكون عمود الدبل و يروح الصوت
علما ان قيمته جديد ب800ريال
و احيانا الحره من العمود الخلفي الكردان
يكون مطعوج او صليبات او الموتر مرفوع واجد من الخلف

اذا كان عندك رجه
اتبع الاتي

الرجه احيانا تكون من الطين تغسل الموتر و يزين :good:
عندك ترصيص الكفرات ارضي ليزر يجيب نتيجه
تبديل الكفرات الاماميه بالخلفيه يعطي نتيجه
تبديل الكفرات و الجنوط من موتر اخر يجيب نتيجه
شيك على مساعد الدركسون يمكن مهرب زيت
اذا كان ضغطته بيدك و كان رخو غيره
اذا كان عندك حره فك عمود الدبل قد صارت لاحد الربع جيب م99
و راحت الحره قيمه العمود جديد ب800
احيانا تكون المشكله من العمود الخلفي مطعوج او عندك صليبات تعبانه


اذا كانت الرجه على سرعه 70 و طالع

الرجه موجوده بالجيب الحوض و الربع و الصالون مدري عنه

بعضهم رصص الجنوط ترصيص عادي
بعضهم رصص ليزر
الجنوط سواءا شنبر ام كروم ترصصهن كله واحد ما يزين

بعضهم غير مساعد الدركسون و بعضهم دبل المساعد ماستفاد

و الحل؟؟؟؟؟؟؟؟؟

الحل طال عمرك شف عندك الذراع اللي يلف الكفر
اللي راكب على الكليبر
تلقى بنهايته مع الجنب تيله او مسمار
هاذي تفكه اذا فكيته يصير بوجهك صاموله كبيره جدا
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن

هذا الراس تقدر تشد به الصامولة

اذا خلصت تركب التيل مرة ثانية

علمن وش يصير معك

و هذه الطريقة احد الزملاء ياخذ منك 300ريال و تضبط الشغله و مع الضمان على الشغل

لان فيه اشخاص غيروا اشياء و لا استفادوا خساير
عندك عدة حلول
بدل الكفرات الاماميه مع الخلفيه و جرب
همن فك عمود الدبل و جرب
احيانا عمود الكردان الخلفي يسبب رجه على سرعه 100 و طالع
يصير به طعج
هل الصوت يطلع على سرعه 110 و طالع
افضل حل فك عمود الدبل و امش بالموتر و جرب
همن فك ركب عمود الدبل و فك العمود الخلفي و جرب
كراسي القير و المكينه تسبب مشاكل اذا كانت منشعره او مكسوره
همن تاكد من دودة الدركسون لا يكون به فضاوة
تاكد من الذراع اللي شابك بالدودة من الاعلى الذراع اللي طالع من الدركسون


هذا رابط ممتاز



رصصت كفرات الجيب وبعدها ضبط (http://www.mekshat.com/vb/showthread.php?t=40839)


رابط اخر

رجة بـ جنوط الجيب ( الفراشه ) 17" وش السوات ؟ ؟ ؟ !!! (http://www.mekshat.com/vb/showthread.php?t=123709)



موفق
خاآآآآطر
19/09/2009, 09:13 AM
يعطيك العافية سوبر
وكل عام وانت بخير
بس بغيت اسألك عن شغله تكفى بس احاول من فترة ارسلك على الخاص بس مو راضي وياليت اكلمك
سوبر VTC
19/09/2009, 08:30 PM
يعطيك العافية سوبر
وكل عام وانت بخير
بس بغيت اسألك عن شغله تكفى بس احاول من فترة ارسلك على الخاص بس مو راضي وياليت اكلمك



جزاك الله خير
لك رساله على الخاص
موفق