الدربيل للسكتون هل هو عملي ام انه لايستحق ؟

[الطبيعة فضيعة]

السلام عليكم

عنوان الموضوع واضح

ناوي اشتري دربيل للسكتون بس انا ابيه يكون عملي ماهو بس زود تشخيص :D

ياليت من الشباب اللي لهم خبره في هذا الموضوع يفتونا قبل لا اشتري الدربيل

وماهو افضل نوع ان امكن:good:

ةشكرا

[mazenk15]

انا ودي فيه مو تشخيص إلا قل شوف
وتقبل مروري
ولي عودة بإذن الله

[عاشق الفتك 20]

الدربيل ما يصلح وخذ نصيحه لا تاخذه

[comp2236]

والله انا مركب لي دربيل على الباتريوت ومتشكر منه لاخر درجة
انا انصحك تركب لك دربيل وتوزنه مضبوط وانسى النيشان بعدين
بس اهم شي يكون مداه وماركته ممتازة والوزنية اوكيه وخلاص

[قناص502]

اخوي الدربيل ماينفع للساكتون الا في حاله وحده تكون 27 او اقل بعد

لان كل ماكبر المقاس كل ماختلف مع كل رميه اذا كانت قويه راح يختلف عليك

يايرجع يايتقدم وبيحوسك اذا كانت صغيره 27 او 25 حلو عليها ماتحركه ويضبط معك

انا جربتها على 35 وجربتها على 80 والله مع الرمي يختلف شديته ركبت عليه

قفيز (حاجه زي الحديد عشان يمسكه) والاكثر من كذا حطيت عليه صمغ اللي تخلطهن

مع بعض ونفس الحكايه انا قلت لك من تجربه مانفع لكن الصغار زي ماقلت لك بيضبط فقط لاغير

[حمدالدوسري]

انا اقواك اخوي النصى العادي احسلك واذا تبي دربيل ممتاز القناص امدحو ناس واجد

[الطبيعة فضيعة]

الله يعطيكم العافيه على النصائح
واللي عنده زود لايبخل علينا

وكل عام وانتم بخير

[باثفندر]

انا كان عندي اوميغا 90 والحين عندي 36 نقلت الدربيل عليها ،، ماتتغير الوزنة ابد إذا غيرت القواعد الى قواعد اصلية من الرماية غالية شوي بس ممتازة ولاتختلف عليك حتى لو ترمي البندق بالارض ،

القواعد تلقاها ارفع من العادية اريح للعين واذا ربطتها تعجز تحلها قيمتها 120 ريال.

[نـجم الـشمال]

انا اقول مهو عملي لان الساكتون كل اشوي افهق ولاتفهق بعدين تبلش بالوزن كل اشوي وهذا رايي واتمنى يفيدونا الاخوان

[rolex_911]

ياراعي الدربيل
اذ كانت سكتونك من ال80 وفوق اللي ارتدادها قوي حاول تجيب قواعد اصليه اللي تجيك طويله هذه انا مركبها على سكتون اسباني 91 شريت القاعدة من الرماية ب 145 .
وانسى والله اني مااحب اصيد الى من بعيد( القريب اغسل ايدك تصيده الى بوزنة ثانية).
والدربيل الصيني ينخض مخة ويختل
خلاصة الكلام
1- اللي فوق الشجر القريب له وزن
2-اللي فوق الشجر البعيد له وزن
3-اللي بالارض البعيد لة وزن
4- اللي بالارض القريب لة وزن
اضافة الى ذلك فيه قواعد فيها فتحات من تحت ممكن تستخدم الدربيل وممكن تستخم نيشان السكتون
هذه تريحك اوزن نيشان السكتون الاصلي على القريب
واوزن الدربيل على البعيد
وبكذ تكون مرتاح لاتفك دربيل ولا تركب

[المميز99]

الدربيل ممتاز وتضمن انك ما تخسر رصاص كثير

بس تراه حساس كثير بما يخص الوزنيه

[راع الولع]

ركب وانا اخوك لة سنين مركبة
زي الحلاوة توزنة من فتر الفترة

[صلهام sby3]

ركب من النوع الطيب ولايهمكـ

[ابونواف11]

خذدربيل اصلي وقواعداصليه ولا لاتركب دربيل انا ارمي بالدربيل اكثر من عشرين سنه """واذاالبندق فيهاارتدادقوي مايصلح لها

[الطبيعة فضيعة]

الله يعطيكم الف عافيه يااخون الصراحه ماقصرتوا ولاهي غريبه على رجال مكشات

طيب هل فيه نوعيه كويسه من الدرابيل عند الرمايه ؟

ياليت احد يذكرلي الماركه

طبعا انا ابيها لسكتون 27 عشان الدخل

وشكرا

[M Fox]

طيب اخوي الدربيل ليش ؟ مهب لتشوف فيه الشي البعيد ؟

الـ 27 ما تقدر تجيب الا على حدود شوفك المعقول ...

جرب ترمي بالدربيل بـ أم صتمه وعلى شجرة وشف الفرق ...

[الطبيعة فضيعة]

طيب اخوي الدربيل ليش ؟ مهب لتشوف فيه الشي البعيد ؟

الـ 27 ما تقدر تجيب الا على حدود شوفك المعقول ...

جرب ترمي بالدربيل بـ أم صتمه وعلى شجرة وشف الفرق ...

الشجر عاوز كده :j

في بعض الشجر تحتاج الى دربيل بغض النضر عن المسافه :cool:

[بارود برنو]

السلام عليكم ورحمة الله وبركاته

كلام اخوي .. قناص 502 صحيح من ناحيه المقاس الصغير ينفع له دربيل والكبير ما ينفع له بسبب الاهتزاز


لكن الهوائيه المقاس الكبير يختلف عيار النيشان (بدون دربيل) واخص الذكر على بندقى فايروخ 70

ركبت عليها دربيل وارتحت له اكثر من النيشان .... صحيح يختلف الدربيل بعد كم رميه تصل 40 رميه على وزنه ممتازه وبعدين يختلف ... لكن اقل من اختلاف وزن النيشان

انا افضل الدربيل والافضل اختيار قواعد قويه ( والسر كله في القواعد ) اذا ثبتت ثبت الدربيل

بالتوفيق